ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

6 նոյեմբերի 2008 թվականի N 1280-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՄԱՐՏԻ 27-Ի N 209 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածով սահմանված դրույթներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի մարտի 27-ի «Մասնավորեցվող պետական գույքի հաշվեկշռային և շուկայական մեթոդով գնահատման կարգի մասին» N 209 որոշման մեջ կատարել հետևյալ փոփոխություններն ու լրացումները`

1) ուժը կորցրած ճանաչել որոշման 2-րդ կետը.

2) որոշմամբ հաստատված կարգում`

ա. 3-րդ կետում «Մասնավորեցվող պետական գույքի» բառերը փոխարինել «Պետական մասնակցությամբ առևտրային կազմակերպությունների բաժնետոմսերի (բաժնեմասի)» բառերով,

բ. 4-րդ կետը շարադրել հետևյալ խմբագրությամբ.

«4. Հիմնական միջոցները ենթակա են գնահատման գործունեություն իրականացնող անձանց կողմից, ընդ որում, հիմնական միջոցի գնահատման և մասնավորեցման կամ օտարման ներկայացնելու միջև ժամկետը մեկ տարին գերազանցելու դեպքում հիմնական միջոցը ենթակա է կրկին գնահատման` սույն կետով սահմանված կարգով»,

գ. ուժը կորցրած ճանաչել 5-13-րդ կետերը,

դ. 20-րդ կետում «Իրավաբանական անձի մասնավորեցվող պետական գույքի» բառերը փոխարինել «Պետական մասնակցությամբ առևտրային կազմակերպությունների բաժնետոմսերի (բաժնեմասի)» բառերով,

ե. 20-րդ կետից հանել «իրավաբանական անձանց» բառերը,

զ. 21-րդ կետում «4-16-րդ կետերով» բառերը փոխարինել «II գլխով» բառերով,

է. 22-րդ կետը «գնահատման արդյունքները» բառերից հետո լրացնել «գնահատման մասին հաշվետվության հիման վրա» բառերով,

ը. 23-րդ կետը «տնօրենը» բառից հետո լրացնել «(պետական կառավարչական հիմնարկների դեպքում` աշխատակազմի ղեկավարը)», իսկ «գլխավոր հաշվապահը» բառերից հետո` «(պետական կառավարչական հիմնարկների դեպքում` ֆինանսական և հաշվապահական հաշվառում իրականացնող ստորաբաժանման ղեկավարը)» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: