ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 հոկտեմբերի 2008 թվականի N 1246-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2008 ԹՎԱԿԱՆԻ ՀՈՒՆԻՍԻ 12-Ի N 641-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասի պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2008 թվականի հունիսի 12-ի «1988 թվականի դեկտեմբերի 7-ին Հայաստանում տեղի ունեցած երկրաշարժի 20-ամյա տարելիցին նվիրված միջոցառումների ծրագիրը հաստատելու մասին» N 641-Ն որոշման հավելվածի 6-րդ կետում կատարել հետևյալ փոփոխություններն ու լրացումը`

1) 2-րդ սյունակում «ժողովածուի» բառը փոխարինել «ժողովածուների» բառով.

2) 4-րդ սյունակում «ՀՀ արտաքին գործերի նախարարություն» բառերը փոխարինել «ՀՀ տարածքային կառավարման նախարարություն» բառերով.

3) 5-րդ սյունակը «դրամ» բառից հետո լրացնել «, «Աղետի գոտին երեկ և այսօր» փաստավավերագրական նյութերի ժողովածուի հրատարակման համար՝ 10.134.8 հազ. դրամ» բառերով։

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։