ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

Ո Ր Ո Շ ՈՒ Մ

15 մարտի 2005 թվականի N 24-Ա

ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ 2004 ԹՎԱԿԱՆԻ ՍԵՊՏԵՄԲԵՐԻ 16-Ի N 114-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի 1-ին մասի զ) կետը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հայաստանի Հանրապետության հանրային ծառայությունները կարգավորող հանձնաժողովի 2004 թվականի սեպտեմբերի 16-ի «Որոտանի ՀԷԿՀ» փակ բաժնետիրական ընկերության կողմից էլեկտրաէներգիայի փոխհոսքերի իրականացման մասին» N 114 Ա որոշման 3-րդ կետը շարադրել հետևյալ խմբագրությամբ.

«3. Յուրաքանչյուր հաշվարկային ժամանակահատվածի համար «Որոտանի ՀԷԿՀ» փակ բաժնետիրական ընկերության կողմից էլեկտրաէներգիայի ներքին շուկա առաքված և «Հայաստանի էլեկտրական ցանցեր» փակ բաժնետիրական ընկերության կողմից վճարման ենթակա էլեկտրաէներգիան որոշվում է համաձայն Հայաստանի Հանրապետության հանրային ծառայությունները կարգավորող հանձնաժողովի 2004 թվականի սեպտեմբերի 16-ի «Էլեկտրաէներգիայի (հզորության) հաշվառման կարգը հաստատելու մասին» N 110 Ն որոշմամբ հաստատված կարգի:

Որևէ հաշվարկային ժամանակահատվածում Իրանի Իսլամական Հանրապետության էլեկտրաէներգիայի արտահոսքը «Որոտանի ՀԷԿՀ» փակ բաժնետիրական ընկերության կողմից առաքվածը գերազանցելու դեպքում տարբերությունը համարվում է «Որոտանի ՀԷԿՀ» փակ բաժնետիրական ընկերության կողմից «Հայաստանի էլեկտրական ցանցեր» փակ բաժնետիրական ընկերությունից գնված: Այդ էլեկտրաէներգիայի համար «Հայաստանի էլեկտրական ցանցեր» փակ բաժնետիրական ընկերությանը վճարվում է «Որոտանի ՀԷԿՀ» փակ բաժնետիրական ընկերության համար հաստատված էլեկտրաէներգիայի (կՎտժ) սակագնային դրույքով:»:

4. Սույն որոշումն ուժի մեջ է մտնում ստորագրման պահից: