ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 հուլիսի 2008 թվականի N 803-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՄԱՐՏԻ 15-Ի N 452-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Իրավական ակտերի մասին» Հայաստանի Հանրապետության օրենքի 70-րդ հոդվածի 5-րդ մասով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2007 թվականի մարտի 15-ի «Հայաստանի Հանրապետության Գեղարքունիքի մարզի Սևանի քաղաքային համայնքին գույք նվիրաբերելու մասին» N 452-Ա որոշման մեջ կատարել հետևյալ փոփոխությունները`

1) որոշման վերնագրում և 1-ին կետում «նվիրաբերելու» և «նվիրաբերել» բառերը համապատասխանաբար փոխարինել «նվիրելու» և «նվիրել» բառերով.

2) որոշման նախաբանում «605-րդ» բառը փոխարինել «594-րդ» բառով.

3) որոշման 1-ին կետից հանել «առանց օտարման իրավունքի» և «` մշակութային կրթօջախներ ստեղծելու պայմանով» բառերը.

4) որոշման 2-րդ կետում «նվիրաբերության» բառը փոխարինել «նվիրատվության» բառով: