«Վավերացնում եմ»
Հայաստանի Հանրապետության
Նախագահ Ռ. Քոչարյան
29 մայիսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 ապրիլի 2003 թվականի N 572-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՇՈՒԿԱՅԻ ՎԵՐԼՈՒԾՈՒԹՅԱՆ ՆՊԱՏԱԿՈՎ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Ի կատարումն Հայաստանի Հանրապետության կառավարության 2002 թվականի դեկտեմբերի 5-ի N 1932-Ն որոշման՝ Հայաստանի Հանրապետության կառավարությունը որոշում է.

1. Հաստատել՝

ա) Հայաստանի Հանրապետության աշխատանքի շուկայի վերլուծության նպատակով միասնական տեղեկատվական համակարգի ստեղծման ծրագիրը՝ համաձայն N 1 հավելվածի.

բ) Հայաստանի Հանրապետության աշխատանքի շուկայի վերլուծության համար անհրաժեշտ հաշվետվությունների ձևերը՝ համաձայն NN 2 և 3 հավելվածների:

գ) Հայաստանի Հանրապետության աշխատանքի և սոցիալական հարցերի նախարարության կողմից ընտրանքային կարգով ընտրված կազմակերպությունների կողմից ներկայացվող վիճակագրական հաշվետվության լրացման կարգը` համաձայն N 4 հավելվածի:

(1-ին կետը լրաց. 27.03.08 N 298-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ՇՈՒԿԱՅԻ ՎԵՐԼՈՒԾՈՒԹՅԱՆ ՆՊԱՏԱԿՈՎ ՄԻԱՍՆԱԿԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՍՏԵՂԾՄԱՆ

I. ԾՐԱԳՐԻ ՆՊԱՏԱԿՆԵՐԸ

Ծրագրի նպատակներն են՝

ա) քաղաքացիական ծառայողների բազային աշխատավարձի մեծության և վարձատրության համակարգի վերաբերյալ զեկույցի նախապատրաստումը,

բ) քաղաքացիական ծառայողների վարձատրության համակարգի կատարելագործման վերաբերյալ առաջարկություններ ներկայացնելը,

գ) քաղաքացիական ծառայողների վարձատրության համակարգը կարգավորող օրենսդրության վերլուծությունը,

դ) քաղաքացիական ծառայությանը վերաբերող աշխատանքի շուկայի վերլուծությունը,

ե) քաղաքացիական ծառայողների աշխատանքի խթանումը և արդյունավետության բարձրացումը:

II. ԾՐԱԳՐԻ ԻՐԱԿԱՆԱՑՄԱՆ ՓՈՒԼԵՐԸ

Ծրագրի իրականացման փուլերն են՝

ա) քաղաքացիական ծառայողների աշխատավարձի մասին վերաբերյալ տվյալների հավաքագրման միասնական հաշվետվությունների մշակումը.

(«ա» ենթակետը լրաց. 27.03.08 N 298-Ն) 

բ) պետական կառավարման համապատասխան մարմիններից պետական ծառայողների վարձատրության համակարգի մասին տվյալների հավաքագրումը.

(«բ» ենթակետը փոփ. 27.03.08 N 298-Ն)

բ¹) քաղաքացիական ծառայության համակարգում աշխատողների շարժի ու հոսունության մասին տվյալների ստացում և վերլուծություն.

(«բ¹» ենթակետը լրաց. 27.03.08 N 298-Ն)

գ) քաղաքացիական ծառայողների վարձատրության համակարգը կարգավորող օրենսդրության վերլուծությունը.

դ) կենսաապահովման նվազագույն բյուջեի և տարբեր պաշտոնական մակարդակների քաղաքացիական ծառայողների միջին աշխատավարձերի չափերի միջև տարբերության վերլուծությունը.

(«դ» ենթակետը փոփ. 27.03.08 N 298-Ն)

ե) քաղաքացիական ծառայողների վարձատրության համակարգի վերաբերյալ առաջարկություններ ներկայացնելը.

զ) քաղաքացիական ծառայողների բազային պաշտոնային դրույքաչափի վերլուծության համար անհրաժեշտ տեխնիկական աջակցության պահանջներ ներկայացնելը.

է) ստացված տվյալների վերլուծությամբ՝ ներկայացվող հետևյալ ցուցանիշների հաշվարկումը՝

միջին աշխատավարձը քաղաքացիական ծառայության ոլորտում,

միջին աշխատավարձն ըստ պետական կառավարման մարմինների,

միջին աշխատավարձն ըստ վարչատարածքային միավորների,

քաղաքացիական ծառայության ոլորտում գերակշռող մասնագիտությունների ցանկը և միջին աշխատավարձն ըստ մասնագիտությունների,

նվազագույն և առավելագույն աշխատավարձը պետական կառավարման համակարգում,

միջին աշխատավարձն ըստ քաղաքացիական ծառայության համապատասխան պաշտոնների,

այլ անհրաժեշտ տեղեկատվություն.

ը) ըստ քաղաքացիական ծառայության ոլորտում գերակշռող մասնագիտությունների` Հայաստանի Հանրապետության աշխատանքի և սոցիալական հարցերի նախարարության կողմից ընտրանքային կարգով ընտրված ոչ պետական հատվածի կազմակերպությունների մոտավորապես 2000 աշխատողի (յուրաքանչյուր մարզից` միջինը 100 աշխատող, և Երևանից` 1000 աշխատող) մասին տեղեկատվություն ստանալը` Հայաստանի Հանրապետության կառավարության 2003 թվականի ապրիլի 23-ի N 572-Ն որոշման N 3 հավելվածին համապատասխան, ինչպես նաև` հարցման միջոցով.

(«ը» ենթակետը խմբ. 27.03.08 N 298-Ն)

թ) աշխատավարձի վերաբերյալ հավաքագրված տվյալների հիման վրա վարչական վիճակագրական ռեգիստրների ներդրումը և վարումը.

ժ) քաղաքացիական ծառայողների բազային աշխատավարձի մեծության և վարձատրության համակարգի վերաբերյալ զեկույցի պատրաստումը, որը բաղկացած կլինի հետևյալ բաժիններից՝

պետական ծառայության, այդ թվում՝ քաղաքացիական ծառայության, և ոչ պետական հատվածի վարձատրության համակարգերի առկա վիճակը,

քաղաքացիական ծառայողների վարձատրության համակարգի, ինչպես նաև վարձատրության համակարգը կարգավորող օրենսդրության մեջ փոփոխություններ և լրացումներ կատարելու անհրաժեշտության առկայության կամ բացակայության մասին եզրակացությունը,

ոչ պետական հատվածի կազմակերպությունների աշխատողների աշխատավարձի չափի վերլուծությունը, քաղաքացիական ծառայողների բազային աշխատավարձի մեծության և վարձատրության համակարգի վերաբերյալ առաջարկություններ ներկայացնելը,

կենսաապահովման նվազագույն բյուջեի և տարբեր պաշտոնական մակարդակների քաղաքացիական ծառայողների վարձատրության միջև տարբերությունը ներկայացնելը և վերլուծությունը,

զարգացման միջնաժամկետ միտումները (ամենաշատը՝ 3 տարվա կտրվածքով),

զեկույցի ֆինանսական գնահատումը և հիմնավորումը,

աղյուսակներ, գրաֆիկներ,

այլ տեղեկատվություն:

(«ժ» ենթակետը լրաց. 27.03.08 N 298-Ն)

Հ Ա Շ Վ Ե Տ Վ ՈՒ Թ Յ ՈՒ Ն

ՊԵՏԱԿԱՆ ԾԱՌԱՅՈՂՆԵՐԻ ԱՇԽԱՏԱՎԱՐՁԻ ՄԱՍԻՆ

Ձև N 2

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻԱԿԱՆ ԾԱՌԱՅՈՒԹՅԱՆ ԽՈՐՀՐԴԻ ԿՈՂՄԻՑ ՏՐԱՄԱԴՐՎՈՂ ՏԵՂԵԿԱՏՎՈՒԹՅՈՒՆԸ ՔԱՂԱՔԱՑԻԱԿԱՆ ԾԱՌԱՅՈՂՆԵՐԻ ՇԱՐԺԻ ԵՎ ՀՈՍՈՒՆՈՒԹՅԱՆ ՄԱՍԻՆ

(Հավելվածը խմբ. 27.03.08 N 298-Ն)

Ձև N 1

Վ Ի Ճ Ա Կ Ա Գ Ր Ա Կ Ա Ն  Հ Ա Շ Վ Ե Տ Վ ՈՒ Թ Յ ՈՒ Ն

Ձև N 2

Հ Ա Շ Վ Ե Տ Վ ՈՒ Թ Յ ՈՒ Ն

ՈՉ ՊԵՏԱԿԱՆ ՀԱՏՎԱԾԻ ԱՇԽԱՏՈՂՆԵՐԻ ԱՇԽԱՏԱՎԱՐՁԻ ՄԱՍԻՆ

Ձև N 3

ԱՇԽԱՏՈՂՆԵՐԻ ՇԱՐԺԸ ԵՎ ՀՈՍՈՒՆՈՒԹՅՈՒՆԸ

______________________________

(հեռախոսահամարը (հեռախոսահամարները)           

(Հավելվածը խմբ. 27.03.08 N 298-Ն)

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԿՈՂՄԻՑ ԸՆՏՐԱՆՔԱՅԻՆ ԿԱՐԳՈՎ ԸՆՏՐՎԱԾ ԿԱԶՄԱԿԵՐՊՈՒԹՅՈՒՆՆԵՐԻ ԿՈՂՄԻՑ ՆԵՐԿԱՅԱՑՎՈՂ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. Սույն կարգով սահմանվում է ընտրանքային կարգով ընտրված կազմակերպությունների կողմից Հայաստանի Հանրապետության աշխատանքի և սոցիալական հարցերի նախարարություն ներկայացվող վիճակագրական հաշվետվությունը (այսուհետ` վիճակագրական հաշվետվություն) լրացնելու կարգը:

2. Վիճակագրական հաշվետվությունը լրացնում և ներկայացնում է այն կազմակերպությունը, որը դրա մասին իրազեկվում է Հայաստանի Հանրապետության աշխատանքի և սոցիալական հարցերի նախարարության կողմից:

3. Կազմակերպությունը վիճակագրական հաշվետվության մեջ նշում է Հայաստանի Հանրապետության իրավաբանական անձանց պետական ռեգիստրում գրանցման համարը, նույնականացման (իդենտիֆիկացիոն) ծածկագիրը, գտնվելու վայրը, մարզը, կազմակերպության կազմակերպական-իրավական ձևը, կազմակերպության փաստացի գործունեության հիմնական տեսակը, աշխատողների միջին տարեկան թիվը, էլեկտրոնային փոստի հասցեն, ընդ որում`

1) «Կազմակերպության փաստացի գործունեության հիմնական տեսակը» և «Աշխատողների միջին տարեկան թվաքանակը» տողերը լրացվում են` համաձայն Հայաստանի Հանրապետության վիճակագրության պետական խորհրդի 2005 թվականի դեկտեմբերի 28-ի «Աշխատանքի վիճակագրության վերաբերյալ մեթոդական ցուցումներ հաստատելու մասին» N 43-Ն որոշմամբ հաստատված հավելվածի.

2) «Աշխատաժամանակը» սյունակը լրացվում է` հիմք ընդունելով աշխատաժամանակի հաշվարկի տեղեկագրի տվյալները.

3) «Հավելավճար» սյունակում լրացվում է գիտական աստիճանի կամ այլ կոչման համար գործատուի կողմից աշխատողին վճարվող լրացուցիչ վարձատրության չափը:

(Հավելվածը լրաց. 27.03.08 N 298-Ն)