«Վավերացնում եմ»
Հայաստանի Հանրապետության
Նախագահ Ռ. Քոչարյան
12 մայիսի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ 

29 ապրիլի 2004 թվականի N 638-Ա 

ԵՐԵՎԱՆ ՔԱՂԱՔԻ ՓՐԿԱՐԱՐԱԿԱՆ ԵՎ ՎԹԱՐԱՎԵՐԱԿԱՆԳՆՈՂԱԿԱՆ ՄԻՋՀԱՄԱՅՆՔԱՅԻՆ ՄԻՈՒԹՅԱՆԸ ԳՈՒՅՔ ԱՆՀԱՏՈՒՅՑ ՕԳՏԱԳՈՐԾՄԱՆ ՀԱՆՁՆԵԼՈՒ ՄԱՍԻՆ 

Ղեկավարվելով «Բաժնետիրական ընկերությունների մասին» Հայաստանի Հանրապետության օրենքի 68-րդ հոդվածի 7-րդ կետով` Հայաստանի Հանրապետության կառավարությունը որոշում է.

1. Երևանի քաղաքապետարանի «Մեխանիզատոր» պետական փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել 226276 դրամ հաշվեկշռային (մնացորդային) արժեք ունեցող գույքը (այսուհետ` գույք)` համաձայն հավելվածի, և այն հանձնել «Երևանի քաղաքապետարանի աշխատակազմ» պետական կառավարչական հիմնարկին` անհրաժեշտության դեպքում համապատասխան չափով նվազեցնելով «Մեխանիզատոր» պետական փակ բաժնետիրական ընկերության կանոնադրական կապիտալը:

2. Սահմանել, որ սույն որոշման 1-ին կետում նշված գույքի առանձնացման ժամանակ հաշվարկվող ավելացված արժեքի հարկը վճարվում է «Հայաստանի Հանրապետության 2004 թվականի պետական բյուջեի մասին» Հայաստանի Հանրապետության օրենքի 9-րդ հոդվածով սահմանված կարգով:

3. Երևանի քաղաքապետին`

ա) սույն որոշման 1-ին կետում նշված գույքն անհատույց օգտագործման հանձնել Երևան քաղաքի փրկարարական և վթարավերականգնողական միջհամայնքային միությանը` կանոնադրական խնդիրների իրականացման համար.

բ) մեկամսյա ժամկետում Երևան քաղաքի փրկարարական և վթարավերականգնողական միջհամայնքային միության հետ համատեղ ապահովել սույն որոշման 1-ին կետում նշված գույքի սահմանված կարգով հանձնման-ընդունման աշխատանքների կատարումը: 

Ց Ա Ն Կ

«ՄԵԽԱՆԻԶԱՏՈՐ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԳՈՒՅՔԻ ԿԱԶՄԻՑ ԱՌԱՆՁՆԱՑՎՈՂ ԳՈՒՅՔԻ