«Վավերացնում եմ»
Հայաստանի Հանրապետության
Նախագահ Ռ. Քոչարյան
23 սեպտեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 սեպտեմբերի 2000 թվականի N 588
քաղ. Երևան

ՊԵՏԱԿԱՆ ՊԱՏՎԵՐԻ ՏԵՂԱԴՐՄԱՆ ՄՐՑՈՒՅԹՆԵՐԻ ԱՐԴՅՈՒՆՔՈՒՄ ՏՆՏԵՍՎԱԾ ՄԻՋՈՑՆԵՐԸ ՎԵՐԱԲԱՇԽԵԼՈՒ ՄԱՍԻՆ

«Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի (Հայաստանի Հանրապետության 2000 թվականի հունիսի 9-ի Հայաստանի Հանրապետության օրենքի խմբագրությամբ) 12 հոդվածի «ա» կետին համապատասխան և ելնելով պետական ձեռնարկությունների ու անավարտ շինարարության օբյեկտների սեփականաշնորհումից առաջացած միջոցների հաշվին 2000 թվականին ֆինանսավորման ենթակա ծախսերի ցանկում ընդգրկված օբյեկտների պատվերի տեղադրման մրցույթների արդյունքում առաջացած խնայողությունների բաշխման անհրաժեշտությունից` Հայաստանի Հանրապետության կառավարությունը որոշում է.

1. Կատարել վերաբաշխում «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի N 5 հավելվածի և N 5 հավելվածի N 1 աղյուսակում` ըստ նույն օրենքի 7 հոդվածով հաստատված բյուջետային ծախսերի գործառնական դասակարգման, համաձայն սույն որոշման հավելվածի և հավելվածին կից աղյուսակի:

2. Հայաստանի Հանրապետության կառավարության 2000 թվականի օգոստոսի 29-ի «Հայաստանի Հանրապետության կառավարության 2000 թվականի օգոստոսի 10-ի «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքով պետական ձեռնարկությունների և անավարտ շինարարության օբյեկտների սեփականաշնորհումից ստացված միջոցների հաշվին հանրակրթական դպրոցների շենքերի հիմնանորոգման համար նախատեսված գումարները բաշխելու մասին» N 460 որոշման մեջ փոփոխություններ և լրացումներ կատարելու մասին» N 524 որոշման 3-րդ կետը «տնտեսված միջոցներն օգտագործել» բառերից հետո լրացնել «նույն կամ այլ դպրոցներում լրացուցիչ ծավալների հիմնանորոգման աշխատանքներ իրականացնելու, կամ» բառերով:

3. Հայաստանի Հանրապետության ֆինանսների և էկոնոմիկայի նախարարությանը` սույն որոշման հավելվածին կից աղյուսակում ընդգրկված օբյեկտների ֆինանսավորումն իրականացնել պատվիրատուների կողմից` սահմանված կարգով կնքված պայմանագրերի, նախահաշվային փաստաթղթերի և կատարողական ակտերի հիման վրա:

Փոփոխված ծավալների ֆինանսավորումն իրականացնել Շիրակի մարզպետարանի կողմից հաշվարկները և հիմնավորումները ներկայացվելուց հետո:

(3-րդ կետը լրաց. 01.11.00 N 699)

4. Թույլատրել Հայաստանի Հանրապետության Լոռու մարզպետին հանրակրթական դպրոցների հիմնանորոգման նպատակով լրացուցիչ հատկացված 10,0 մլն դրամն օգտագործել դպրոցական գույքի ձեռքբերման համար:

5. Հաշվի առնելով շինարարական աշխատանքների սեղմ ժամկետները` սույն որոշման հավելվածին կից աղյուսակում ընդգրկված նոր օբյեկտների կապալառուների ընտրությունը, ինչպես նաև լրացուցիչ ծավալների հիմնանորոգման աշխատանքների իրականացման համար նույն կապալառուների հետ պայմանագրերը կնքել «Գնումների մասին» Հայաստանի Հանրապետության օրենքի 18 հոդվածի 3-րդ կետին, 23 հոդվածի 2-րդ կետին և 44 հոդվածին համապատասխան:

6. Թույլատրել պատվիրատուներին սույն որոշման հավելվածին կից աղյուսակում ընդգրկված օբյեկտների նախագծման, վերանախագծման, նախահաշիվների կազմման հետ կապված ծախսերը վճարել նույն օբյեկտների համար նախատեսված սահմանաքանակների հաշվին:

7. Սույն որոշումն ուժի մեջ է մտնում 2000 թ. սեպտեմբերի 23-ից:

Հայաստանի Հանրապետության վարչապետ

Ա. Մարգարյան

Հավելված N 1 ՀՀ կառավարության 2000 թվականի սեպտեմբերի 23-ի N 588 որոշման

Ց Ա Ն Կ

պետական ձեռնարկությունների ԵՎ անավարտ շինարարության օբյեկտների սեփականաշնորհումից առաջացած միջոցների հաշվին 2000 թվականին ֆինանսավորման ենթակա ծախսերի

Բյուջետային ծախսերի գործառ- նական դասա- կարգման		Բյուջետային ծախսերի գործառնական դասակարգման խմբերի, ենթախմբերի, ինչպես նաև իրականացվող ծրագրերի ու դրանց կատարողների անվանումները	Հին ծրագիրը (հազար դրամ)	Նոր ծրագիրը (հազար դրամ)	Փոփոխութ. (հազար դրամ)
Խում- բը	Ենթա- խումբը
1	2	3	4	5	6
		ԸՆԴԱՄԵՆԸ այդ թվում`
		ԿՐԹՈՒԹՅՈՒՆ ԵՎ ԳԻՏՈՒԹՅՈՒՆ
		այդ թվում
		1. Կրթական օբյեկտների շինարարություն	1,519,380.00	1,438,610.00	80,770.00
04	03	Շիրակի մարզպետարան	622350.00	612657.40	9692.60
		Լոռու մարզպետարան	816,260.00	816,260.00	0.00
08	02	ԲՆԱԿԱՐԱՆԱՅԻՆ-ԿՈՄՈՒՆԱԼ ՏՆՏԵՍՈՒԹՅՈՒՆ այդ թվում`
		1. Բնակարանային շինարարություն	4,492,600.00	4,513,400.00	20,800.00
		Երևանի քաղաքապետարան	558,000.00	558,000.00	0.00
		Արագածոտնի մարզպետարան	140,000.00	140,000.00	0.00
		Շիրակի մարզպետարան	2,440,860.00	2,450,668.30	9,808.30
		Լոռու մարզպետարան	1,299,540.00	1,299,540.00	0.00
		Տավուշի մարզպետարան	75,000.00	75,000.00	0.00
		2. Բնակարանների գնում	130,000.00	130,000.00	0.00
		Շիրակի մարզպետարան	40,000.00	40,000.00	0.00
		Լոռու մարզպետարան	90,000.00	90,000.00	0.00
		3. Բյուջետային վարկերի տրամադրում անհատական բնակարանային շինարարության համար	319,000.00	319,000.00	0.00
		Լոռու մարզպետարան	134,000.00	134,000.00	0.00
		Շիրակի մարզպետարան	185,000.00	185,000.00	0.00
		4. Վթարային շենքերի քանդում և վնասազերծում	79,500.00	99,500.00	20,000.00
		Շիրակի մարզպետարան	99,500.00	99,384.30	115.70
		5. Նախագծային աշխատանքներ	55,000.00	94,970.00	39,970.00
		Շիրակի մարզպետարան	20,000.00	59,970.00	39,970.00
		Լոռու մարզպետարան	35,000.00	35,000.00	0.00

(Հավելվածը խմբ., փոփ. 01.11.00 N 699)

Հայաստանի Հանրապետության կառավարության աշխատակազմի ղեկավար-նախարար

Ա. Մանուկյան

Աղյուսակ

Պետական ձեռնարկությունների ԵՎ անավարտ շինարարության օբյեկտների սեփականաշնորհումից առաջացած միջոցների հաշվին 2000 թվականին ֆինանսավորման ենթակա ծախսերը (ըստ իրականացվող ծրագրերի, ծախսատեսակների ԵՎ դրանց կատարողների)