«Վավերացնում եմ»
Հայաստանի Հանրապետության
Նախագահ Ռ. Քոչարյան
20 հունիսի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 հունիսի 2003 թվականի N 720-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԳՈՒՅՔԸ ՄԱՍՆԱՎՈՐԵՑՆԵԼՈՒ ՄԱՍԻՆ

Համաձայն «Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 18-րդ հոդվածի` Հայաստանի Հանրապետության կառավարությունը որոշում է.

1.1. «Հայթունել» բաց բաժնետիրական ընկերության` հաշվեկշռային մեթոդով 22746 հազ. դրամ գնահատված արժեք ունեցող վարչական շենքը և կոմպրեսորային կայանը (քաղաք Երևան, Պռոշյան 1-ին փակուղի, 20), հաշվեկշռային մեթոդով 6871 հազ. դրամ գնահատված արժեք ունեցող պահեստ-հանրակացարանը (քաղաք Երևան, Աճառյան 20), հաշվեկշռային մեթոդով 15784 հազ. դրամ գնահատված արժեք ունեցող բնակելի շենքի անավարտ շինարարությունը (քաղաք Երևան, 16-րդ թաղամաս) և հաշվեկշռային մեթոդով 2313 հազ. դրամ գնահատված արժեք ունեցող բետոնի հանգույցը (քաղաք Երևան, Աղի հանք, 40) անհատույց օտարել Հայաստանի Հանրապետությանը` ի դեմս Հայաստանի Հանրապետության կառավարությանն առընթեր պետական գույքի կառավարման վարչության` Հայաստանի Հանրապետության օրենքով սահմանված կարգով, անհրաժեշտության դեպքում` համապատասխան չափով նվազեցնելով ընկերության կանոնադրական կապիտալը:

1.2. Հաշվեկշռային մեթոդով 312936 հազ. դրամ գնահատված ակտիվներ ունեցող «Հայթունել» բաց բաժնետիրական ընկերության պետական սեփականություն հանդիսացող բաժնետոմսերն ուղղակի վաճառքի ձևով մասնավորեցնել իր աշխատավորական կոլեկտիվին (այսուհետ` գնորդ) (ներդրումային մասնավորեցման արդյունքում պետական բաժնեմասը կազմել է 63,15 տոկոս):

1.3. Սահմանել «Հայթունել» բաց բաժնետիրական ընկերության բաժնետոմսերի գնահատված արժեքը` 92316 հազ. դրամ:

1.4. Սահմանել «Հայթունել» բաց բաժնետիրական ընկերության մասնավորեցման ենթակա բաժնետոմսերի գնահատված արժեքը` 58298 հազ. դրամ:

1.5. Սահմանել ուղղակի վաճառքի ձևով մասնավորեցման ենթակա բաժնետոմսերի գինը` 11501 հազ. դրամ:

1.6. «Հայթունել» բաց բաժնետիրական ընկերության պարտավորությունները 2003 թվականի ապրիլի 1-ի դրությամբ կազմել են 220620 հազ. դրամ, այդ թվում`

Հայաստանի Հանրապետության պետական բյուջեի նկատմամբ կարճաժամկետ կրեդիտորական պարտքի գծով` 169523 հազ. դրամ,

անձնակազմին աշխատանքի վարձատրության գծով` 22999 հազ. դրամ,

առևտրական կրեդիտորական պարտքի գծով` 20994 հազ. դրամ,

ստացված ընթացիկ կանխավճարների գծով` 169523 հազ. դրամ,

սոցիալական ապահովագրության գծով` 3916 հազ. դրամ,

այլ ընթացիկ պարտավորությունների գծով` 1676 հազ. դրամ:

1.7. «Հայթունել» բաց բաժնետիրական ընկերությունը 1988-2001 թվականների տնտեսական գործունեության արդյունքներով վճարման ենթակա շահութաբաժինների գծով պարտավորություններ չունի:

1.8. Հայաստանի Հանրապետության կառավարությանն առընթեր պետական գույքի կառավարման վարչության պետին` մասնավորեցման պայմանագրում նախատեսել, որ`

ա) գնորդը պարտավոր է` առաջիկա 3 տարվա ընթացքում կատարել 20,0 մլն դրամի ներդրումներ, այդ թվում`

1-ին տարում` 5,0 մլն դրամ,

2-րդ տարում` 6,0 մլն դրամ,

3-րդ տարում` 9,0 մլն դրամ.

բ) գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը վճարվում են գնորդի հաշվին` Հայաստանի Հանրապետության օրենքով սահմանված կարգով:

1.9. Վճարումները կատարել եռամսյա ժամկետում` Հայաստանի Հանրապետության արժույթով:

2.1. Հայաստանի Հանրապետության կառավարության 1994 թվականի փետրվարի 25-ի N 92 որոշմամբ հաստատված` օտարվող պետական գույքի գնահատման կարգով 67151 հազ. դրամ գնահատված արժեք ունեցող «Հայթունել» բաց բաժնետիրական ընկերությունից օտարված վարչական շենքն ու կոմպրեսորային կայանը (քաղաք Երևան, Պռոշյան 1-ին փակուղի, 20) և 0,798 հեկտար հողատարածքը` կադաստրային արժեքով, ուղղակի վաճառքի ձևով մասնավորեցնել նախօրոք հայտնի գնորդ «ԼՈԿԱԼ ԴԻՎԵԼՈՓԸՐԶ» սահմանափակ պատասխանատվությամբ ընկերությանը:

2.2. Սահմանել ուղղակի վաճառքի ձևով մասնավորեցման ենթակա գույքի գինը` 16000 հազ. դրամ:

2.3. Հայաստանի Հանրապետության կառավարությանն առընթեր պետական գույքի կառավարման վարչության պետին` մասնավորեցման պայմանագրում նախատեսել, որ`

ա) գնորդը պարտավոր է մինչև 2009 թվականի հուլիսի 1-ը կատարել 125235 հազ. դրամի չափովներդրումներ.

(ա ենթակետը փոփ. 28.12.06 N 1879-Ա)

բ) գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը վճարվում են գնորդի հաշվին` Հայաստանի Հանրապետության օրենքով սահմանված կարգով:

2.4. Վճարումները կատարել եռամսյա ժամկետում` Հայաստանի Հանրապետության արժույթով:

3.1. Հաշվեկշռային մեթոդով 2313 հազ. դրամ գնահատված արժեք ունեցող «Հայթունել» բաց բաժնետիրական ընկերության բետոնի հանգույցը (քաղաք Երևան, Աղի հանք, 40) ուղղակի վաճառքի ձևով մասնավորեցնել նախօրոք հայտնի գնորդ «ՍԻԱՄՍ» սահմանափակ պատասխանատվությամբ ընկերությանը:

3.2. Սահմանել ուղղակի վաճառքի ձևով մասնավորեցման ենթակա գույքի գինը` 2313 հազ. դրամ:

3.3. Հայաստանի Հանրապետության կառավարությանն առընթեր պետական գույքի կառավարման վարչության պետին` մասնավորեցման պայմանագրում նախատեսել, որ`

ա) գնորդը պարտավոր է մասնավորեցման պայմանագիրը կնքելուց հետո երեք տարվա ընթացքում կատարել 15000 հազ. ԱՄՆ դոլարին համարժեք դրամի չափով ներդրում` յուրաքանչյուր տարի 5000 հազ. դրամի չափով.

բ) գույքային իրավունքների պետական գրանցման և գույքի արժեքի որոշման հետ կապված վճարներն ու տուրքերը վճարվում են գնորդի հաշվին` Հայաստանի Հանրապետության օրենքով սահմանված կարգով:

3.4. Վճարումները կատարել եռամսյա ժամկետում` Հայաստանի Հանրապետության արժույթով: