ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
6 սեպտեմբերի 2007 թվականի N 1010-Ն
ԳՈՒՅՔ ՕՏԱՐԵԼՈՒ ՄԱՍԻՆ
«Պետական գույքի մասնավորեցման (սեփականաշնորհման) մասին» ու «Պետական ոչ առևտրային կազմակերպությունների մասին» Հայաստանի Հանրապետության օրենքներին և Հայաստանի Հանրապետության կառավարության 2003 թվականի հունիսի 13-ի N 882-Ն որոշմանը համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարությանն առընթեր պետական գույքի կառավարման վարչության տնօրինության «Տեխնիկական մոդելավորման հանրապետական կենտրոն» պետական ոչ առևտրային կազմակերպությանը (այսուհետ` կազմակերպություն) ամրացված գույքից հետ վերցնել Երևան քաղաքի Սևանի 114 հասցեում գտնվող անշարժ գույքը` 1008,4 քառ. մետր ընդհանուր մակերեսով շենք-շինությունները (բացառությամբ 2 ուսանողական մասնաշենքերի) (այսուհետ` գույք) և ուղղակի վաճառքի ձևով օտարել քաղաքացի Հրաչյա Շահազիզյանին (այսուհետ` գնորդ) (անձնագիր` AG 0538987, տրված` 25.10.2005 թ., 011-ի կողմից):
1) Սահմանել`
ա. Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2007 թվականի հունիսի 18-ին գնահատված գույքի արժեքը` 27468 հազ. դրամ,
բ. գույքի վաճառքի գինը` 27468 հազ. դրամ,
գ. որ գնորդին է օտարվում նաև գույքի զբաղեցրած 2212 քառ. մետր մակերեսով հողատարածքը` կադաստրային արժեքով:
2) Հայաստանի Հանրապետության կառավարությանն առընթեր պետական գույքի կառավարման վարչության պետին` գնորդի կողմից վաճառքի գնի և հողամասի կադաստրային արժեքի վճարումից հետո մեկամսյա ժամկետում գնորդի հետ կնքել առուվաճառքի պայմանագիր՝ դրանում նախատեսելով, որ գնորդը պարտավորվում է`
ա. շենք-շինությունների բարեկարգման, մասնագիտական գույքի, հաստոցների և սարքավորումների ձեռքբերման նպատակով երեք տարվա ընթացքում ներդնել 7 մլն դրամ` հետևյալ համամասնությամբ` առաջին տարում` 2 մլն դրամ, երկրորդ տարում` 2 մլն դրամ, երրորդ տարում` 3 մլն դրամ,
բ. իր միջոցների հաշվին վճարել գույքի արժեքի որոշման հետ կապված 540000 դրամ վճարը (ներառյալ ավելացված արժեքի հարկը), ինչպես նաև գույքային իրավունքների պետական գրանցման հետ կապված վճարներն ու տուրքերը` օրենքով սահմանված կարգով:
3) Վճարումները կատարել եռամսյա ժամկետում, Հայաստանի Հանրապետության արժույթով` գույքի վաճառքի գնի 70 տոկոսն ուղղելով Հայաստանի Հանրապետության պետական բյուջե, 30 տոկոսը` Երևանի քաղաքապետարանի` այդ նպատակով բացված հատուկ հաշվին, իսկ հողի վաճառքի գումարը՝ «Պետական սեփականություն համարվող հողի վաճառքից մուտքեր» գանձապետական հաշվին:
2. «Լեռնավանի միջնակարգ դպրոց» պետական ոչ առևտրային կազմակերպությանը (այսուհետ` կազմակերպություն) ամրացված գույքից հետ վերցնել Հայաստանի Հանրապետության Լոռու մարզի Լեռնավան գյուղում գտնվող` 326.6 քառ. մետր ընդհանուր մակերեսով շենքը (այսուհետ՝ գույք) և Հայաստանի Հանրապետության օրենսդրությամբ սահմանված կարգով հանձնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկի տնօրինությանը:
1) Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանը իր տնօրինության գույքն օտարել աճուրդով:
2) Սահմանել`
ա. Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով 2007 թվականի հունիսի 14-ին գնահատված գույքի արժեքը` 1431 հազ. դրամ,
բ. գույքի վաճառքի մեկնարկային գինը՝ 1431 հազ. դրամ,
գ. որ գնորդին է օտարվում նաև գույքի զբաղեցրած 567 քառ. մետր մակերեսով հողատարածքը` կադաստրային արժեքով:
3) Հայաստանի Հանրապետության կառավարությանն առընթեր պետական գույքի կառավարման վարչության պետին`
ա. սահմանված կարգով մամուլում կամ զանգվածային լրատվության մյուս միջոցներով հրապարակել ընդհանուր տեղեկություններ գույքի, աճուրդի անցկացման պայմանների, ժամկետների, գույքի արժեքի որոշման հետ կապված վճարների մասին,
բ. աճուրդի հաղթողի կողմից առաջարկված գնի և հողամասի կադաստրային արժեքի վճարումից հետո մեկամսյա ժամկետում գնորդի հետ կնքել առուվաճառքի պայմանագիր` դրանում նախատեսելով, որ գնորդը պարտավորվում է իր միջոցների հաշվին վճարել գույքի արժեքի որոշման հետ կապված 546804 դրամ վճարը` (ներառյալ ավելացված արժեքի հարկը), ինչպես նաև գույքային իրավունքների պետական գրանցման հետ կապված վճարներն ու տուրքերը՝ օրենքով սահմանված կարգով:
4) Վճարումները կատարել Հայաստանի Հանրապետության օրենսդրությամբ սահմանված կարգով, Հայաստանի Հանրապետության արժույթով` գույքի վաճառքի գնի 70 տոկոսն ուղղելով Հայաստանի Հանրապետության պետական բյուջե, 30 տոկոսը` համապատասխան համայնքի ֆոնդային բյուջե` ըստ գույքի գտնվելու վայրի, իսկ հողի վաճառքի գումարը՝ «Պետական սեփականություն համարվող հողի վաճառքից մուտքեր» գանձապետական հաշվին:
3. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանը Հայաստանի Հանրապետության պետական պահպանության ծառայության տնօրինության 11 միավոր տրանսպորտային միջոցները (այսուհետ` գույք) օտարել դասական աճուրդով` որպես գույքի առանձին տարրեր՝ համաձայն հավելվածի:
1) Սահմանել գույքի` Հայաստանի Հանրապետության կառավարության 1998 թվականի մարտի 27-ի N 209 որոշմամբ սահմանված կարգով հաստատված` պետական գույքի հաշվեկշռային և շուկայական մեթոդով 2007 թվականի մայիսի 11-ի դրությամբ գնահատված արժեքն ու մեկնարկային գինը` համաձայն հավելվածի:
2) Հայաստանի Հանրապետության կառավարությանն առընթեր պետական գույքի կառավարման վարչության պետին՝ սահմանված կարգով մամուլում կամ զանգվածային լրատվության մյուս միջոցներով հրապարակել ընդհանուր տեղեկություններ գույքի, աճուրդի անցկացման պայմանների, ժամկետների, գույքի արժեքի որոշման հետ կապված վճարների մասին:
3) Հայաստանի Հանրապետության պետական պահպանության ծառայության պետին` աճուրդի հաղթողի կողմից առաջարկված գնի վճարումից հետո աճուրդի հաղթողի հետ մեկամսյա ժամկետում կնքել առուվաճառքի պայմանագիր` դրանում նախատեսելով, որ գնորդը պարտավորվում է իր միջոցների հաշվին վճարել գույքի արժեքի որոշման հետ կապված վճարը (ներառյալ ավելացված արժեքի հարկը), ինչպես նաև գույքային իրավունքների պետական գրանցման հետ կապված` Հայաստանի Հանրապետության օրենսդրությամբ սահմանված վճարներն ու տուրքերը:
4) Սահմանել, որ առաջին աճուրդի ժամանակ չվաճառված գույքի վաճառքի նպատակով կազմակերպվում են աճուրդներ, ընդ որում, յուրաքանչյուր հերթական աճուրդի ժամանակ գույքի վաճառքի մեկնարկային գինը նվազեցվում է վերջին աճուրդի մեկնարկային գնի 20 տոկոսի չափով:
5) Վճարումները կատարել Հայաստանի Հանրապետության օրենսդրությամբ սահմանված կարգով, Հայաստանի Հանրապետության արժույթով` գույքի վաճառքի գինն ուղղելով «Պետական սեփականություն համարվող հիմնական միջոցների (ֆոնդերի) օտարումից մուտքեր» գանձապետական հաշվին:
4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության |
Ս. Սարգսյան |
|
Հավելված |
Ց Ա Ն Կ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՊԱՀՊԱՆՈՒԹՅԱՆ ԾԱՌԱՅՈՒԹՅԱՆ ՏՆՕՐԻՆՈՒԹՅԱՆ` ՕՏԱՐՄԱՆ ԵՆԹԱԿԱ 11 ՄԻԱՎՈՐ ՏՐԱՆՍՊՈՐՏԱՅԻՆ ՄԻՋՈՑՆԵՐԻ
NN ը/կ | Տրանսպորտային միջոցի անվանումը | Ձեռքբերման և թողարկման տարեթիվը | Գույքի գնահատված արժեքը (հազ. դրամ) | Գույքի մեկնարկային գինը (հազ. դրամ) | Գույքի արժեքի որոշման հետ կապված վճարը (ներառյալ ավելացված արժեքի հարկը) (դրամ) | Պետհամարանիշը |
70 տոկոս և ավելի մաշվածք ունեցող | ||||||
1. | Ավտոմեքենա «ԲՄՎ 325» | 1986 թ. | 570 | 570 | 18000 | 133 UU 01 |
2. | Ավտոմեքենա «ԲՄՎ 520» | 1988 թ. | 1151 | 1151 | 18000 | 135 UU 01 |
3. | Ավտոմեքենա «ԲՄՎ 735» | 1987 թ. | 1114 | 1114 | 18000 | 101 UU 01 |
4. | Ավտոմեքենա «ՎԱԶ 2121» | 1993 թ. | 923 | 923 | 18000 | 160 UU 01 |
5. | Ավտոմեքենա «ԿՌԱԶ-260 ԱՑ» | 1992 թ. | 2840 | 2840 | 18000 | 147 ՍՍ 01 |
6. | Ավտոմեքենա «ՎԱԶ-21043» | 1992 թ. | 155 | 155 | 18000 | 157 ՍՍ 01 |
7. | Ավտոմեքենա «ՈՒԱԶ-3152» | 1991 թ. | 204 | 204 | 18000 | 150 ՍՍ 01 |
8. | Ավտոմեքենա «ԶԻԼ ՄՄԶ» | 1988 թ. | 508 | 508 | 18000 | 149 ՍՍ 01 |
9. | Ավտոմեքենա «ՎԱԶ-2106» | 1996 թ. | 1035 | 1035 | 18000 | 181 ՍՍ 01 |
10. | Ավտոմեքենա «ՎԱԶ-2106» | 1996 թ. | 1185 | 1185 | 18000 | 114 ՍՍ 01 |
մինչև 70 տոկոս մաշվածք ունեցող | ||||||
11. | Ավտոմեքենա «ՎԱԶ-2106» | 2001 թ. | 935 | 935 | 18000 | 166 ՍՍ 01 |
Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |
![loading...](/static/img/loader.gif)