«Վավերացնում եմ»
Հայաստանի Հանրապետության
Նախագահ Ռ. Քոչարյան
17 մարտի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 փետրվարի 2007 թվականի N 261-Ն

ԳՅՈՒՂԱՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ՍՈՒԲՍԻԴԱՎՈՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարության 2006 թվականի դեկտեմբերի 21-ի «Հայաստանի Հանրապետության 2007 թվականի պետական բյուջեի կատարումն ապահովող միջոցառումների մասին» N 1851-Ն որոշման 14.2-րդ կետին համապատասխան և Հայաստանի Հանրապետության Արագածոտնի մարզի Արագածի և Գեղարքունիքի մարզի Ճամբարակի նախկին վարչական տարածաշրջանների գյուղատնտեսությամբ զբաղվող տնտեսավարող սուբյեկտներին սուբսիդիաների հատկացման գործընթացը կանոնակարգելու նպատակով Հայաստանի Հանրապետության կառավարությունը որոշում է.

1. Հաստատել գյուղատնտեսական գործունեություն իրականացնող տնտեսավարող սուբյեկտների սուբսիդավորման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

ԳՅՈՒՂԱՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ՍՈՒԲՍԻԴԱՎՈՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են Հայաստանի Հանրապետության կառավարության 2005 թվականի հոկտեմբերի 27-ի N 2310-Ն որոշմամբ հաստատված` գյուղատնտեսության սուբսիդավորման ուղղությունների և մեխանիզմների հայեցակարգով սահմանված սուբսիդավորման հիմնական ձևերին համապատասխան Հայաստանի Հանրապետության պետական բյուջեի միջոցների հաշվին Հայաստանի Հանրապետության Արագածոտնի մարզի Արագածի և Գեղարքունիքի մարզի Ճամբարակի նախկին վարչական տարածաշրջաններում (այսուհետ` տարածաշրջաններ) գյուղատնտեսությամբ զբաղվող տնտեսավարողներին սուբսիդիաներ հատկացնելու գործընթացի հետ կապված հիմնական հարաբերությունները:

2. Տարածաշրջաններում գյուղատնտեսական գործունեություն իրականացնող տնտեսավարողներին սուբսիդիա տրամադրվում է սույն կարգի համաձայն կնքված քաղաքացիաիրավական պայմանագրերի հիման վրա:

3. Սույն կարգի իմաստով սուբսիդիան` Հայաստանի Հանրապետության պետական բյուջեից տարածաշրջաններում գյուղատնտեսությամբ զբաղվող սուբյեկտներին որպես սեփականություն և վարձակալված մշակվող հողատարածությունների վրա կատարվող ցանքերի միավոր տարածքի համար Հայաստանի Հանրապետության պետական բյուջեից տնտեսավարող սուբյեկտներին տրամադրվող անհատույց ու անվերադարձ դրամական հատկացումն է:

4. Տարածաշրջաններում սուբսիդավորման օբյեկտ չեն համարվում տնամերձ հողատարածքները, ինչպես նաև 7 հեկտարից ավելի` որպես սեփականություն տնօրինվող և վարձակալված մշակովի հողատարածքները:

5. Մեկ հեկտար մշակովի հողատարածքի հաշվով սուբսիդավորման գումարը կազմում է 35000 դրամ, բացառությամբ բազմամյա կերային մշակաբույսերի, որոնց առաջին տարվա ցանքի համար սուբսիդավորման գումարը հատկացվելու է 100 տոկոսով, իսկ նախորդ տարիների համար` 50 տոկոսի չափով:

II. ՍՈՒԲՍԻԴԻԱՅԻ ՀԱՏԿԱՑՄԱՆ ԿԱՐԳԸ

6. Տարածաշրջաններում գյուղատնտեսությամբ զբաղվող տնտեսավարող սուբյեկտներին  սուբսիդիա հատկացվում է գյուղատնտեսության ոլորտը կարգավորող պետական լիազորված մարմնի, տեղական ինքնակառավարման մարմինների և գյուղատնտեսությամբ զբաղվող տնտեսավարող սուբյեկտների միջև կնքված սուբսիդիայի տրամադրման մասին քաղաքացիաիրավական պայմանագրերի հիման վրա:

7. Սուբսիդիայի տրամադրման մասին պայմանագրում նշվում են`

1) բյուջետային ծախսերի գործառական դասակարգման այն ծրագրի անվանումը և համառոտ բովանդակությունը, որի շրջանակներում հատկացվում է սուբսիդիան.

2) պայմանագրի շրջանակներում կատարվող աշխատանքների նկարագիրը.

3) կատարվող աշխատանքների մեկ միավորի համար սահմանված սուբսիդիայի գումարը.

4) պայմանագրի շրջանակներում կատարման ենթակա աշխատանքների առավելագույն քանակը և դրա փոփոխման պայմանները.

5) պայմանագրի շրջանակներում կատարված աշխատանքների վերաբերյալ հաշվետվության ներկայացման ժամկետը և ձևը.

6) պայմանագրով սահմանված պայմանների չկատարման համար կողմերի պատասխանատվությունը.

7) այլ դրույթներ, որոնք պայմանագրերի կողմերը կգտնեն նպատակահարմար:

8. Սուբսիդավորում ակնկալող գյուղատնտեսական գործունեություն իրականացնող տնտեսավարող սուբյեկտները տեղական ինքնակառավարման մարմիններին ներկայացնում են հետևյալ փաստաթղթերը`

1) գյուղատնտեսությամբ զբաղվող տնտեսավարող սուբյեկտների համար հողի սեփականության իրավունքի վկայականը` տրված Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից (ներկայացվում է լուսապատճենի հետ): Փաստաթղթերը ներկայացվում են սույն որոշումն ուժի մեջ մտնելուց հետո 10-օրյա ժամկետում.

2) գյուղատնտեսությամբ զբաղվող տնտեսավարող սուբյեկտների կողմից վարձակալված հողատարածքի համար վարձակալության իրավունքի վկայականը` տրված Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի կողմից (ներկայացվում է լուսապատճենի հետ): Փաստաթղթերը ներկայացվում են սույն որոշումն ուժի մեջ մտնելուց հետո 10-օրյա ժամկետում.

3) սուբսիդավորման ենթակա տարում գյուղատնտեսական գործունեություն իրականացնող տնտեսավարող սուբյեկտների կողմից որպես սեփականություն տնօրինվող և վարձակալությամբ օգտագործվող հողատարածքների վրա (բացառությամբ տնամերձի) գյուղատնտեսական մշակաբույսերի նախատեսվող ցանքատարածքները` ըստ մշակաբույսերի տեսակների, և բազմամյա տնկարկների տարածքները (բացառությամբ տնամերձի)՝ համաձայն N 1 հավելվածի:

Տեղեկատվությունը ներկայացվում է սույն որոշումն ուժի մեջ մտնելուց հետո 10-օրյա ժամկետում.

4) սուբսիդավորման ենթակա տարում գյուղատնտեսական գործունեություն իրականացնող տնտեսավարող սուբյեկտների կողմից որպես սեփականություն տնօրինվող և վարձակալությամբ օգտագործվող հողատարածքների վրա (բացառությամբ տնամերձի) գյուղատնտեսական մշակաբույսերի փաստացի ցանքատարածքները` ըստ մշակաբույսերի տեսակների, և բազմամյա տնկարկների տարածքները (բացառությամբ տնամերձի)՝ համաձայն N 2 հավելվածի: Տեղեկատվությունը ներկայացվում է մինչև 2007 թվականի հունիսի 15-ը.

5) սուբսիդավորման ենթակա տարում նախատեսված և փաստացի մշակովի  հողատարածքների (ցանքատարածություններ և բազմամյա տնկարկներ) տարբերությունը և նախատեսված սուբսիդիայի ու փաստացի մշակովի հողատարածքի հիման վրա հաշվարկված գումարի շեղումը` համաձայն N 3 հավելվածի: Տեղեկատվությունը ներկայացվում է մինչև 2007 թվականի հունիսի 15-ը:

9. Սուբսիդավորման ենթակա տարին ընդունել 2007 թվականը:

10. Սուբսիդավորման կազմակերպման գործընթացում պետք է ընդգրկվեն գյուղատնտեսական գործունեություն իրականացնող տնտեսավարող սուբյեկտները, տեղական ինքնակառավարման մարմինները, Հայաստանի Հանրապետության գյուղատնտեսության նախարարությունը, Հայաստանի Հանրապետության ֆինանսների և էկոնոմիկայի նախարարությունը:

11. Սուբսիդավորման գործընթացն իրականացվելու է հետևյալ փուլերով՝

1) գյուղատնտեսական գործունեություն իրականացնող տնտեսավարող սուբյեկտներին սուբսիդավորման գործընթացի և դրա պայմանների մասին իրազեկում` Հայաստանի Հանրապետության գյուղատնտեսության նախարարության, գյուղատնտեսության աջակցության մարզային կենտրոնների` պետական մասնակցությամբ փակ բաժնետիրական ընկերությունների, տեղական ինքնակառավարման մարմինների կողմից.

2) գյուղատնտեսական գործունեություն իրականացնող տնտեսավարող սուբյեկտների կողմից սուբսիդավորման հայտերի նախապատրաստում և դրանք տեղական ինքնակառավարման մարմիններ ներկայացնելը.

3) տեղական ինքնակառավարման մարմինների կողմից դրանց ճշգրտում և ամփոփում.

4) տեղական ինքնակառավարման մարմինների կողմից վերանայված և ամփոփված սուբսիդավորման ելակետային փաստաթղթերը Հայաստանի Հանրապետության գյուղատնտեսության նախարարություն ներկայացնելը.

5) սուբսիդավորման գործընթացը Հայաստանի Հանրապետության գյուղատնտեսության նախարարության կողմից իրականացվում է գյուղատնտեսական գործունեություն իրականացնող տնտեսավորող սուբյեկտների կողմից կատարված փաստացի ցանքերի և բազմամյա տնկարկների զբաղեցրած տարածքների հիման վրա.

6) սուբսիդավորման ենթակա փաստացի մշակովի հողատարածքների (ցանքատարածություններ և բազմամյա տնկարկներ) ամփոփ տվյալները վավերացվում են համապատասխան համայնքի ավագանու կողմից:

12. Սուբսիդավորման կազմակերպական սխեման ներկայացված է սույն կարգի N 4 հավելվածում:

13. Սուբսիդավորման գումարները փոխանցելուց հետո, մինչև 2007 թվականի նոյեմբերի 15-ը, իրականացվելու է կատարված աշխատանքների մոնիթորինգ սուբսիդիայի տրամադրման մասին պայմանագրի պարտավորությունների կատարման, սուբսիդավորման ծրագրի արդյունքների և արդյունավետության գնահատման համար:

ՍՈՒԲՍԻԴԱՎՈՐՄԱՆ ԵՆԹԱԿԱ ՏԱՐՈՒՄ (2007 ԹՎԱԿԱՆ) ԳՅՈՒՂԱՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԿՈՂՄԻՑ ՈՐՊԵՍ ՍԵՓԱԿԱՆՈՒԹՅՈՒՆ ՏՆՕՐԻՆՎՈՂ ԵՎ ՎԱՐՁԱԿԱԼՈՒԹՅԱՄԲ ՕԳՏԱԳՈՐԾՎՈՂ ՀՈՂԱՏԱՐԱԾՔՆԵՐԻ ՎՐԱ (ԲԱՑԱՌՈՒԹՅԱՄԲ ՏՆԱՄԵՐՁԻ) ԳՅՈՒՂԱՏՆՏԵՍԱԿԱՆ ՄՇԱԿԱԲՈՒՅՍԵՐԻ ՆԱԽԱՏԵՍՎՈՂ ՑԱՆՔԱՏԱՐԱԾՔՆԵՐԸ` ԸՍՏ ՄՇԱԿԱԲՈՒՅՍԵՐԻ ՏԵՍԱԿՆԵՐԻ, ԵՎ ԲԱԶՄԱՄՅԱ ՏՆԿԱՐԿՆԵՐԻ ՏԱՐԱԾՔՆԵՐԸ (ԲԱՑԱՌՈՒԹՅԱՄԲ ՏՆԱՄԵՐՁԻ)

Ներկայացվում է սույն որոշումն ուժի մեջ մտնելուց հետո 10-օրյա ժամկետում

(հեկտար)

Կ.Տ.

_____   __________________   200   թ.

ՍՈՒԲՍԻԴԱՎՈՐՄԱՆ ԵՆԹԱԿԱ ՏԱՐՈՒՄ (2007 ԹՎԱԿԱՆ) ԳՅՈՒՂԱՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՏՆՏԵՍԱՎԱՐՈՂ ՍՈՒԲՅԵԿՏՆԵՐԻ ԿՈՂՄԻՑ ՈՐՊԵՍ ՍԵՓԱԿԱՆՈՒԹՅՈՒՆ ՏՆՕՐԻՆՎՈՂ ԵՎ ՎԱՐՁԱԿԱԼՈՒԹՅԱՄԲ ՕԳՏԱԳՈՐԾՎՈՂ ՀՈՂԱՏԱՐԱԾՔԻ ՎՐԱ (ԲԱՑԱՌՈՒԹՅԱՄԲ ՏՆԱՄԵՐՁԻ) ԳՅՈՒՂԱՏՆՏԵՍԱԿԱՆ ՄՇԱԿԱԲՈՒՅՍԵՐԻ ՓԱՍՏԱՑԻ ՑԱՆՔԱՏԱՐԱԾՔՆԵՐԸ` ԸՍՏ ՄՇԱԿԱԲՈՒՅՍԵՐԻ ՏԵՍԱԿՆԵՐԻ, ԵՎ ԲԱԶՄԱՄՅԱ ՏՆԿԱՐԿՆԵՐԻ ՏԱՐԱԾՔՆԵՐԸ (ԲԱՑԱՌՈՒԹՅԱՄԲ ՏՆԱՄԵՐՁԻ)

(հեկտար)

Կ.Տ.

_____   __________________    200   թ.

ՍՈՒԲՍԻԴԱՎՈՐՄԱՆ ԵՆԹԱԿԱ ՏԱՐՈՒՄ (2007 ԹՎԱԿԱՆ) ՆԱԽԱՏԵՍՎԱԾ ԵՎ ՓԱՍՏԱՑԻ ՄՇԱԿՈՎԻ ՀՈՂԱՏԱՐԱԾՔՆԵՐԻ (ՑԱՆՔԱՏԱՐԱԾՈՒԹՅՈՒՆՆԵՐ ԵՎ ԲԱԶՄԱՄՅԱ ՏՆԿԱՐԿՆԵՐ) ՏԱՐԲԵՐՈՒԹՅՈՒՆԸ ԵՎ ՆԱԽԱՏԵՍՎԱԾ ՍՈՒԲՍԻԴԻԱՅԻ ՈՒ ՓԱՍՏԱՑԻ ՄՇԱԿՈՎԻ ՀՈՂԱՏԱՐԱԾՔԻ ՀԻՄԱՆ ՎՐԱ ՀԱՇՎԱՐԿՎԱԾ ԳՈՒՄԱՐԻ ՇԵՂՈՒՄԸ

Կ.Տ.

_____ __________________    200   թ.

ԳՅՈՒՂԱՏՆՏԵՍՈՒԹՅԱՆ ՍՈՒԲՍԻԴԱՎՈՐՄԱՆ ՓՈՐՁՆԱԿԱՆ ԾՐԱԳՐԻ ԿԱԶՄԱԿԵՐՊԱԿԱՆ ՍԽԵՄԱՆ