«Վավերացնում եմ»
Հայաստանի Հանրապետության
Նախագահ Ռ. Քոչարյան
 19 հունվարի 2007 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 դեկտեմբերի 2006 թվականի N 1903-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹԱՆԿԱՐԺԵՔ ՄԵՏԱՂՆԵՐԻ ԶՏԱՐԿՄԱՆ, ԲԱՆԿԱՅԻՆ ՈՍԿՈՒ ԵՎ ՍՏԱՆԴԱՐՏԱՑՎԱԾ ՁՈՒԼԱԿՏՈՐՆԵՐԻ ԱՐՏԱԴՐՈՒԹՅԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՆՁԱՆՑ ԵՎ ԹԱՆԿԱՐԺԵՔ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ ՀԱՐԳՈՐՈՇՄԱՆ ԵՎ ՀԱՐԳԱԴՐՈՇՄՄԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԼԻԱԶՈՐ ՄԱՐՄԻՆ ԻՐԵՆՑ ԳՈՐԾՈՒՆԵՈՒԹՅԱՆ ՄԱՍԻՆ ՏԵՂԵԿՈՒԹՅՈՒՆՆԵՐԻ (ՀԱՇՎԵՏՎՈՒԹՅՈՒՆՆԵՐԻ) ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Թանկարժեք մետաղների մասին» Հայաստանի Հանրապետության օրենքի 10-րդ հոդվածի 5-րդ և 11-րդ հոդվածի 4-րդ մասերի պահանջները` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետությունում թանկարժեք մետաղների զտարկման, բանկային ոսկու և ստանդարտացված ձուլակտորների արտադրության գործունեություն իրականացնող անձանց և թանկարժեք մետաղներից պատրաստված իրերի հարգորոշման և հարգադրոշմման գործունեություն իրականացնող անձանց կողմից Հայաստանի Հանրապետության կառավարության լիազոր մարմին իրենց գործունեության մասին տեղեկությունների (հաշվետվությունների) ներկայացման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԹԱՆԿԱՐԺԵՔ ՄԵՏԱՂՆԵՐԻ ԶՏԱՐԿՄԱՆ, ԲԱՆԿԱՅԻՆ ՈՍԿՈՒ ԵՎ ՍՏԱՆԴԱՐՏԱՑՎԱԾ ՁՈՒԼԱԿՏՈՐՆԵՐԻ ԱՐՏԱԴՐՈՒԹՅԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՆՁԱՆՑ ԵՎ ԹԱՆԿԱՐԺԵՔ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ ՀԱՐԳՈՐՈՇՄԱՆ ԵՎ ՀԱՐԳԱԴՐՈՇՄՄԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԼԻԱԶՈՐ ՄԱՐՄԻՆ ԻՐԵՆՑ ԳՈՐԾՈՒՆԵՈՒԹՅԱՆ ՄԱՍԻՆ ՏԵՂԵԿՈՒԹՅՈՒՆՆԵՐԻ (ՀԱՇՎԵՏՎՈՒԹՅՈՒՆՆԵՐԻ) ՆԵՐԿԱՅԱՑՄԱՆ

1. Հայաստանի Հանրապետությունում թանկարժեք մետաղներից պատրաստված իրերի հարգորոշման և հարգադրոշմման գործունեություն իրականացնող անձինք Հայաստանի Հանրապետության կառավարության լիազոր մարմին (այսուհետ` լիազոր մարմին) են ներկայացնում թանկարժեք մետաղներից պատրաստված իրերի հարգորոշման, հարգադրոշմման, հարգի, քանակի և քաշի մասին ամսական հաշվետվություն (N 1 ձև):

2. Հայաստանի Հանրապետությունում թանկարժեք մետաղների զտարկում, բանկային ոսկու և ստանդարտացված ձուլակտորների արտադրություն իրականացնող անձինք լիազոր մարմին են ներկայացնում թանկարժեք մետաղների ստանդարտացված ձուլակտորների և բանկային ոսկու հարգի, քանակի, քաշի և սերիական համարի մասին կիսամյակային աճողական հաշվետվություն (N 2 ձև):

3. Հայաստանի Հանրապետությունում թանկարժեք մետաղների զտարկում, բանկային ոսկու և ստանդարտացված ձուլակտորների արտադրություն իրականացնող անձինք լիազոր մարմին են ներկայացնում թանկարժեք մետաղների զտարկման հումքի տեսակի, հումքի մեջ թանկարժեք մետաղի պարունակության, քաշի և ստացված արդյունքների մասին կիսամյակային աճողական հաշվետվություն (N 3 ձև):

4. Հայաստանի Հանրապետությունում թանկարժեք մետաղներից պատրաստված իրերի հարգորոշման և հարգադրոշմման գործունեություն իրականացնող անձինք լիազոր մարմին են ներկայացնում թանկարժեք մետաղների և թանկարժեք մետաղներից պատրաստված իրերի հարգորոշման, հարգադրոշմման, քանակի և քաշի մասին, ըստ պատվիրատուների, ամսական հաշվետվություն (N 4 ձև):

5. Սույն կարգի 1-4-րդ կետերով սահմանված հաշվետվությունները լիազոր մարմին են ներկայացվում ուղեկցող նամակով` մինչև հաշվետու ժամանակաշրջանին հաջորդող ամսվա 25-ը:

6. Հաշվետվությունը լիազոր մարմին ներկայացված է համարվում սույն կարգի 4-րդ կետով նախատեսված հաշվետվությունը լիազոր մարմնում ստացված թղթակցության ընդունման և գրանցման համար պատասխանատու ստորաբաժանման կողմից մուտքագրման օրվանից, իսկ այդ հաշվետվությունը լիազոր մարմին փոստով ուղարկվելու դեպքում` փոստային համապատասխան ծառայության կողմից մուտքագրման օրը:

7. Սույն կարգի 1-ին կետով նախատեսված հաշվետվության մեջ թվարկված թանկարժեք մետաղներից պատրաստված իրերը բաժանվում են հետևյալ խմբերի`

ա) անձնական զարդարանքի առարկաներ` մատանիներ, ականջօղեր, կրծքազարդեր, վզնոցներ, ապարանջաններ, ուլունքներ, շղթաներ, մեդալիոններ, գնդասեղներ և այլն.

բ) այլ ոսկերչական իրեր` հարդարանքի առարկաներ (դիմափոշու ամաններ, հայելիներ, սրվակներ, գլխարկի գնդասեղներ, թևքաճարմանդներ, փողկապի սեղմիչներ և այլն), ծխելու հարմարանքներ (ծխախոտատուփեր, մոխրամաններ, մուշտուկներ, ծխամորճեր և այլն), սեղանի սպասքավորման հարմարանքներ (գդալներ, պատառաքաղներ, դանակներ, աղամաններ, բաժակներ, բաժակակալներ, թխվածքի բահիկներ, շաքարամաններ, պնակներ և այլն), գրասեղանի հարմարանքներ (գրասեղանի սարքեր, թղթի դանակներ, մատիտների բաժակներ, գրիչներ, գրչածայրեր և այլն), ժամացույցներ ու դրանց հարմարանքները (ժամացույցի պատյաններ, ձեռքի ժամացույցի ապարանջաններ, գրպանի ժամացույցի կողքի շղթաներ և այլն), շենքի ներսի զարդարման հարմարանքներ (արձանիկներ, զարդատուփեր, մոմակալներ, ծաղկամաններ և այլն) և հուշանվերներ (շքանշաններ, մեդալներ, հուշանվերներ, կրծքանշաններ, կախազարդեր, խորհրդանշաններ և այլն):

Ձև N 1

Հ Ա Շ Վ Ե Տ Վ ՈՒ Թ Յ ՈՒ Ն (ամսական)

ԹԱՆԿԱՐԺԵՔ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ ՀԱՐԳՈՐՈՇՄԱՆ, ՀԱՐԳԱԴՐՈՇՄՄԱՆ, ՀԱՐԳԻ, ՔԱՆԱԿԻ ԵՎ ՔԱՇԻ ՄԱՍԻՆ

    Կ.Տ.

Ձև N 2

Հ Ա Շ Վ Ե Տ Վ ՈՒ Թ Յ ՈՒ Ն (կիսամյակային)

ԲԱՆԿԱՅԻՆ ՈՍԿՈՒ ԵՎ ՍՏԱՆԴԱՐՏԱՑՎԱԾ ՁՈՒԼԱԿՏՈՐՆԵՐԻ ՀԱՐԳԻ, ՔԱՆԱԿԻ, ՔԱՇԻ ԵՎ ՍԵՐԻԱԿԱՆ ՀԱՄԱՐԻ ՄԱՍԻՆ

Կ.Տ.

Ձև N 3

Հ Ա Շ Վ Ե Տ Վ ՈՒ Թ Յ ՈՒ Ն (կիսամյակային աճողական)

ԹԱՆԿԱՐԺԵՔ ՄԵՏԱՂՆԵՐԻ ԶՏԱՐԿՄԱՆ ՀՈՒՄՔԻ ՏԵՍԱԿԻ, ՀՈՒՄՔԻ ՄԵՋ ԹԱՆԿԱՐԺԵՔ ՄԵՏԱՂԻ ՊԱՐՈՒՆԱԿՈՒԹՅԱՆ, ՔԱՇԻ ԵՎ ՍՏԱՑՎԱԾ ԱՐԴՅՈՒՆՔՆԵՐԻ ՄԱՍԻՆ

Կ.Տ.

Ձև N 4

Հ Ա Շ Վ Ե Տ Վ ՈՒ Թ Յ ՈՒ Ն

ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՄԵՏԱՂՆԵՐԻՑ ՊԱՏՐԱՍՏՎԱԾ ԻՐԵՐԻ ՀԱՐԳՈՐՈՇՄԱՆ, ՀԱՐԳԱԴՐՈՇՄՄԱՆ, ՔԱՆԱԿԻ ԵՎ ՔԱՇԻ ՄԱՍԻՆ` ԸՍՏ ՊԱՏՎԻՐԱՏՈՒՆԵՐԻ

Կ.Տ.