«Վավերացնում եմ»
Հայաստանի Հանրապետության
Նախագահ Ռ. Քոչարյան
22 հունիսի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
1 հունիսի 2006 թվականի N 838-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՅՔ ՀԱՆՁՆԵԼՈՒ ՄԱՍԻՆ
Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի պահանջներով` Հայաստանի Հանրապետության կառավարությունը որոշում է.
1. «Երևանի մաթեմատիկական մեքենաների գործարան» փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել Երևան քաղաքի, Քեռու փողոցի N 29բ հասցեում գտնվող` 145000 դրամ հաշվեկշռային արժեքով անավարտ բնակելի շինությունը (այսուհետ` գույք) և այն, որպես պետական սեփականություն, հանձնել Հայաստանի Հանրապետության պաշտպանության նախարարությանը` բաժնետոմսերի ձեռքբերմամբ և մարմամբ` համապատասխան չափով նվազեցնելով ընկերության կանոնադրական կապիտալը։
2. Երևանի քաղաքապետին` սահմանված կարգով ապահովել սույն որոշման 1-ին կետում նշված գույքի զբաղեցրած և սպասարկման համար անհրաժեշտ հողատարածքի սահմանների ճշտումը և դրա` անհատույց օգտագործման իրավունքով տրամադրումը Հայաստանի Հանրապետության պաշտպանության նախարարությանը։
3. Հայաստանի Հանրապետության պաշտպանության նախարարին` Հայաստանի Հանրապետության օրենսդրությամբ սահմանված կարգով ապահովել`
ա) սույն որոշման 1-ին կետում նշված աշխատանքների կատարումը և գույքային իրավունքների պետական գրանցումը` այն իրականացնելով Հայաստանի Հանրապետության պաշտպանության նախարարության միջոցների հաշվին.
բ) գույքի առանձնացման հետևանքով առաջացող ավելացված արժեքի հարկի գումարի վճարումը` «Հայաստանի Հանրապետության 2006 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 12-րդ կետով սահմանված կարգով:
|
Ա. Մարգարյան |
2006 թ. հունիսի 20 |
![loading...](/static/img/loader.gif)