«Գրանցված է»
ՀՀ արդարադատության
նախարարության կողմից
21 դեկտեմբերի 2005 թ.
Պետական գրանցման թիվ 60305487

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՕԲՅԵԿՏՆԵՐԻ ԳՈՐԾԱՐԿՄԱՆ ԵՎ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ» ՁԵՎ ԹԻՎ 1-ԿՇ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՄԵԹՈԴԱԿԱՆ ՑՈՒՑՈՒՄՆԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Օբյեկտների գործարկման և շինարարական աշխատանքների կատարման մասին» Ձև թիվ 1-ԿՇ (ամսական) պետական վիճակագրական հաշվետվության ձևն ու լրացման մեթոդական ցուցումները՝ համաձայն հավելվածի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2003 թվականի նոյեմբերի 7-ի ««Բնակելի շենքերի, սոցիալ-մշակութային և արտադրական նշանակության օբյեկտների գործարկման և կապալային աշխատանքների կատարման մասին» ձև թիվ 1-ԿՇ (ամսական) պետական վիճակագրական հաշվետվության ձևը և լրացման մեթոդական ցուցումները հաստատելու մասին» թիվ 45-Ն որոշումը:

Մ Ե Թ Ո Դ Ա Կ Ա Ն  Ց ՈՒ Ց ՈՒ Մ Ն Ե Ր

«ՕԲՅԵԿՏՆԵՐԻ ԳՈՐԾԱՐԿՄԱՆ ԵՎ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ» ՁԵՎ ԹԻՎ 1-ԿՇ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն մեթոդական ցուցումները սահմանում են «Օբյեկտների գործարկման և շինարարական աշխատանքների կատարման մասին» ձև թիվ 1-ԿՇ պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը ներկայացնում են Հայաստանի Հանրապետության տարածքում շինարարական աշխատանքներ իրականացնող իրավաբանական անձինք, հիմնարկները և անհատ ձեռնարկատերերը, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 3 հոկտեմբերի 2003 թվականի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

3. Հաշվետվության ցուցանիշները լրացվում են աճողական կարգով (տարվա սկզբից հաշվետու և նախորդ տարվա համապատասխան ժամանակաշրջանների համար), յուրաքանչյուր ամսում կատարված աշխատանքների ծավալներին համապատասխան:

4. Հաշվետվության մեջ ներառված ցուցանիշների բացակայության դեպքում համապատասխան տողերում պարտադիր պետք է դնել գծիկներ:

5. Վիճակագրական տեղեկությունների ներկայացման հետ կապված այլ հարցերը կարգավորվում են  Հայաստանի Հանրապետության օրենսդրությամբ:

  2. ԼՐԱՑՄԱՆ ԿԱՐԳԸ

1. «Գործարկված օբյեկտների տեսակները»

2. «Շինարարական աշխատանքների տեսակները»

3. «Շինարարական աշխատանքների կառուցվածքը»

4. «Ֆինանսավորման բոլոր աղբյուրների հաշվին կատարված շինարարական աշխատանքների ծավալներն ըստ պատվիրատուների»

5. «Աշխատողների միջին ցուցակային թվաքանակը»

6. «Գործարկված օբյեկտների տեսակները» բաժնում լրացվում են գործարկված բնակելի շենքերի, սոցիալ-մշակութային և արտադրական նշանակության օբյեկտների շինարարության (ներառյալ սեփական օբյեկտների շինարարությունը) վերաբերյալ տվյալները` անկախ ֆինանսավորման աղբյուրից, իսկ 1-3 սյունակներում համապատասխանաբար` տարեսկզբից, նախորդ տարվա համապատասխան ժամանակաշրջանում, 1-ին սյունակից` գյուղական վայրերում գործարկված օբյեկտները:

7. «Շինարարական աշխատանքների տեսակները» բաժնի 20 տողում` «շինարարական աշխատանքներ», լրացվում են ֆինանսավորման բոլոր աղբյուրների հաշվին կատարված բոլոր շինարարական, ներառյալ կապալային, աշխատանքների ծավալների վերաբերյալ տվյալները (ինչպես նաև հաշվետու կազմակերպության սեփական ուժերով կատարած շինարարությունը):

Կապալային աշխատանքների ծավալը լրացվում է փաստացի գներով, որից հանվում են կապալառու կազմակերպության կողմից կատարված նախագծահետախուզական և կառույցները սարքավորումներով հագեցնելու համար կատարված աշխատանքների ծավալները:

Ավելացված արժեքի հարկը և այլ նմանատիպ (անուղղակի) հարկերը շինարարական աշխատանքների ծավալների մեջ չեն ներառվում:

8. 21 տողում լրացվում են շինարարական տարածքի նախապատրաստման աշխատանքների ծավալները` շենքերի կազմատում և քանդում, հողային աշխատանքներ, հետախուզական հորատում և գայլիկոնում:

9. 22 տողում լրացվում են շենքերի և շինությունների շինարարական աշխատանքների ծավալները` ընդհանուր շինարարական աշխատանքներ, ծածկերի տեղադրում, ճանապարհների, սպորտային և ջրային կառույցների շինարարություն, կապիտալ և ընթացիկ նորոգում և այլն:

10. 23 տողում լրացվում են շենքերի և շինությունների ճարտարագիտական սարքավորանքի տեղադրման աշխատանքների ծավալները` էլեկտրամոնտաժման, մեկուսացման, սանիտարատեխնիկական աշխատանքներ և այլ ճարտարագիտական սարքավորանքի տեղադրում:

11. 24 տողում լրացվում են հարդարման աշխատանքների ծավալները` սվաղի, ատաղձագործական աշխատանքներ, հատակների, ծածկերի տեղադրում և պատերի երեսպատում, ներկարարական և ապակեպատման աշխատանքներ և այլն:

12. 25 տողում լրացվում են շինարարական սարքավորանքի վարձակալում սպասարկող անձնակազմի հետ կապված տվյալները:

13. «Շինարարական աշխատանքների կառուցվածքը» բաժնի 30 տողի բոլոր սյունակների տվյալները հավասար են համապատասխանաբար «Շինարարական աշխատանքների տեսակները» բաժնի 20 տողի սյունակների տվյալներին:

14. 31 տողում լրացվում են կապալային աշխատանքների ծավալները, դրանցից` 32 տողում բնակչության պատվերով կատարված աշխատանքների ծավալները:

15. 31 տողից` 33 տողում առանձնացվում են սեփական ուժերով և 34 տողում ներգրավված բոլոր կազմակերպությունների կողմից կատարված կապալային աշխատանքների ծավալները:

16. 30 տողից` 35 տողում առանձնացվում են կապիտալ նորոգման և 36 տողում ընթացիկ նորոգման աշխատանքները:

Կապիտալ նորոգմանը վերաբերում են` շենքերի (շինությունների), կառույցների, կամ դրանց առանձին հատվածների ուժեղացման, վերականգնման, վերակառուցման, ինչպես նաև ֆիզիկական մաշվածության հետ կապված ինժեներատեխնիկական սարքավորումների փոխարինման և (կամ) վերականգնման աշխատանքները:

Ընթացիկ նորոգմանը վերաբերում են` շենքերի (շինությունների), կառույցների, ինժեներատեխնիկական սարքավորումների, ինչպես նաև դրանց առանձին հատվածների (մասերի) պահպանման, վնասվածքների վերացման և այլ պրոֆիլակտիկ աշխատանքներ:

17. «Ֆինանսավորման բոլոր աղբյուրների հաշվին կատարված շինարարական աշխատանքների ծավալներն ըստ պատվիրատուների» բաժնի 40-47 տողերում լրացվում են ֆինանսավորման բոլոր աղբյուրների հաշվին կատարված շինարարական աշխատանքների ծավալների վերաբերյալ տվյալներն ըստ պատվիրատուների:

18. 5-րդ բաժնի «Աշխատողների միջին ցուցակային թվաքանակը» տարեսկզբից հաշվարկվում է` հաշվետու տարվա ամիսների աշխատողների միջին ցուցակային թվաքանակների գումարը ամիսների թվի վրա բաժանելով:

19. 4-րդ և 5-րդ բաժինների ցուցանիշները լրացվում են եռամսյակային պարբերականությամբ:

Պետական ռեգիստրում գրանցված համարը  I   I   I   I   I   I   I   I   I   I   I   I

Նույնականացման (իդենտիֆիկացիոն) ծածկագիրը   I   I   I   I   I   I   I   I   I

Հարկ վճարողի հաշվառման համարը                       I   I   I   I   I   I   I   I   I

ՕԲՅԵԿՏՆԵՐԻ ԳՈՐԾԱՐԿՄԱՆ ԵՎ ՇԻՆԱՐԱՐԱԿԱՆ ԱՇԽԱՏԱՆՔՆԵՐԻ ԿԱՏԱՐՄԱՆ ՄԱՍԻՆ

200__թ. հունվար-________-ին

1. Գործարկված օբյեկտների տեսակները

2. Շինարարական աշխատանքների տեսակները

(փաստացի գներով` հազար դրամ)

3. Շինարարական աշխատանքների կառուցվածքը

(փաստացի գներով` հազար դրամ)

4. Ֆինանսավորման բոլոր աղբյուրների հաշվին կատարված շինարարական աշխատանքների ծավալներն ըստ պատվիրատուների

(փաստացի գներով` հազար դրամ)

5. Աշխատողների միջին ցուցակային թվաքանակը, տարեսկզբից ________________ մարդ