«Գրանցված է»
ՀՀ արդարադատության
նախարարության կողմից
30 դեկտեմբերի 2005 թ.
Պետական գրանցման թիվ 60305501

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅՈՒՆՈՒՄ ՀԵՏԱՔՆՆՈՒԹՅԱՄԲ ԸՆԹԱՑՔ ՏՐՎԱԾ ՆՅՈՒԹԵՐԻ ՄԱՍԻՆ» ՁԵՎ ԹԻՎ 1-ՀԵՏԱՔՆՆՈՒԹՅՈՒՆ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՕԳՈՍՏՈՍԻ 12-Ի ԹԻՎ 166-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի հոդված 10-ի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Հարկային պետական ծառայությունում հետաքննությամբ ընթացք տրված նյութերի մասին» ձև թիվ 1-հետաքննություն (եռամսյակային) պետական վիճակագրական ամփոփ հաշվետվության ձևը և լրացման հրահանգը՝ համաձայն հավելվածի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 12-ի ««Հարկային պետական ծառայությունում հետաքննությունների գործերի մասին» ձև թիվ 1-հետաքննություն (եռամսյակային) ամփոփ պետական վիճակագրական հաշվետվության ձևը և լրացման հրահանգը հաստատելու մասին» թիվ 166-Ն որոշումը:

Հ Ր Ա Հ Ա Ն Գ

«ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅՈՒՆՈՒՄ ՀԵՏԱՔՆՆՈՒԹՅԱՄԲ ԸՆԹԱՑՔ ՏՐՎԱԾ ՆՅՈՒԹԵՐԻ ՄԱՍԻՆ» ՁԵՎ ԹԻՎ 1-ՀԵՏԱՔՆՆՈՒԹՅՈՒՆ (ԵՌԱՄՍՅԱԿԱՅԻՆ) ՊԵՏԱԿԱՆ ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Հարկային պետական ծառայությունում հետաքննությամբ ընթացք տրված նյութերի մասին» ձև թիվ 1-հետաքննություն (եռամսյակային) պետական վիճակագրական ամփոփ հաշվետվետվության (այսուհետ` հաշվետվություն) լրացման կարգը:

2. Հաշվետվությունը կազմում է Հայաստանի Հանրապետության կառավարությանն առընթեր հարկային պետական ծառայությունը, որն այդ մասին իրազեկվում է Հայաստանի Հանրապետության վիճակագրության պետական խորհրդի 2003 թվականի հոկտեմբերի 3-ի «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

3. Հաշվետվությունը կազմվում է Հայաստանի Հանրապետության քրեական օրենսգրքի «Տնտեսական գործունեության դեմ ուղղված հանցագործությունները» գլխի և այլ առնչվող հոդվածներով սահմանված հանցագործության հատկանիշերով նախապատրաստած նյութերի արդյունքների հիման վրա:

4. Հաշվետվությունը ներկայացվում է Հայաստանի Հանրապետության ազգային վիճակագրական ծառայություն մինչև հաշվետու ժամանակաշրջանին հաջորդող ամսվա 10-ը:

5. Վիճակագրական տեղեկությունների ներկայացման հետ կապված այլ հարցերը կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

6. Սյունակ 1-ում արտացոլվում է հաշվետու տարվա հունվարի 1-ի դրությամբ նախորդ հաշվետու տարում հետաքննական նախապատրաստական գործողությունները չավարտված նյութերի քանակը:

7. Սյունակ 2-ում արտացոլվում է տարեսկզբից հետաքննության իրականացման նպատակով ստացված նյութերի քանակը:

8. Սյունակ 3-ում արտացոլվում է սյունակներ 1-ի և 2-ի հանրագումարը:

9. Սյունակ 4-ում արտացոլվում է հետաքննության կողմից հարուցված քրեական գործերի քանակը:

10. Սյունակ 5-ում արտացոլվում է հանցակազմի բացակայության պատճառաբանությամբ հետաքննության կողմից քրեական գործի հարուցումը մերժված նյութերի քանակը:

11. Սյունակ 6-ում արտացոլվում է հետաքննության կողմից նախաքննության իրականացման նպատակով Հայաստանի Հանրապետության գլխավոր դատախազություն և այլ նախաքննական մարմիններ ուղարկված նյութերի քանակը:

12. Սյունակ 7-ում արտացոլվում է լրացուցիչ ուսումնասիրման կամ ստուգման ենթակա, վարչական վարույթի իրականացման նպատակով, հանցագործության հատկանիշեր չպարունակող և հետաքննությանը ոչ ընդատյա և նմանատիպ օրենսդրությամբ նախատեսված այլ պատճառաբանություններով ըստ ենթակայության վերադարձված նյութերի քանակը:

13. Սյունակ 8-ում արտացոլվում է հաշվետու ժամանակաշրջանի վերջում հետաքննական գործողությունները չավարտված նյութերի քանակը:

14. Սյունակ 9-ում արտացոլվում է հետաքննության ուղարկված նյութերով անցնող անձանց թվաքանակը:

15. Սյունակ 10-ում արտացոլվում է տարեսկզբից նախապատրաստված նյութերի հիման վրա պետությանը պատճառված վնասի վերականգնված գումարի չափը (առանց տույժերի և տուգանքների):

Պետական ռեգիստրում գրանցման համարը  I   I   I   I   I   I   I   I   I   I   I   I

Նույնականացման (իդենտիֆիկացիոն) ծածկագիրը   I   I   I   I   I   I   I   I   I

Հարկ վճարողի հաշվառման համարը                       I   I   I   I   I   I   I   I   I

ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅՈՒՆՈՒՄ ՀԵՏԱՔՆՆՈՒԹՅԱՄԲ ԸՆԹԱՑՔ ՏՐՎԱԾ ՆՅՈՒԹԵՐԻ ՄԱՍԻՆ
200_ թ.  հունվար _____________________
(տարվա սկզբից աճողական կարգով)