«Գրանցված է»
ՀՀ արդարադատության
նախարարության կողմից
19 մայիսի 2004 թ.
Պետական գրանցման թիվ 05004120
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
|
13 ապրիլի 2004 թ. |
N 90-Ն |
Ո Ր Ո Շ ՈՒ Մ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2002 ԹՎԱԿԱՆԻ ՓԵՏՐՎԱՐԻ 19-Ի ԹԻՎ 49 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետը, «Իրավական ակտերի մասին» Հայաստանի Հանրապետության օրենքի 16-րդ հոդվածը՝ Հայաստանի Հանրապետության կենտրոնական բանկի խորհուրդը որոշում է.
1. Հայաստանի Հանրապետության կենտրոնական բանկի խորհրդի 2002 թվականի փետրվարի 19-ի ««Բանկերի և օտարերկրյա բանկերի մասնաճյուղերի գրանցումն ու լիցենզավորումը, մասնաճյուղերի և ներկայացուցչությունների գրանցումը» կանոնակարգ 1-ը (նոր խմբագրությամբ) հաստատելու մասին» թիվ 49 որոշմամբ հաստատված ««Բանկերի և օտարերկրյա բանկերի մասնաճյուղերի գրանցումն ու լիցենզավորումը, մասնաճյուղերի և ներկայացուցչությունների գրանցումը» կանոնակարգ 1-ը» հավելված 1-ում (այսուհետև՝ հավելված) կատարել հետևյալ փոփոխությունները՝
1.1. հավելվածի կանոն 10-ում՝
ա) 1-ին կետում «խորհրդի որոշմամբ» բառերը փոխարինել «նախագահի անհատական որոշմամբ» բառերով,
բ) 2-րդ կետում «խորհուրդը» բառը փոխարինել «նախագահը» բառով,
գ) 3-րդ կետում «խորհուրդը» բառը փոխարինել «նախագահը» բառով,
1.2. կանոն 14-ի 2-րդ կետում «խորհրդի» բառը փոխարինել «նախագահի» բառով,
1.3. կանոն 16-ում՝
ա) 1-ին կետում «խորհրդի որոշմամբ» բառերը փոխարինել «նախագահի անհատական որոշմամբ» բառերով,
բ) 2-րդ կետում «խորհուրդը» բառը փոխարինել «նախագահը» բառով,
գ) 3-րդ կետում «խորհուրդը» բառը փոխարինել «նախագահը» բառով,
դ) 3-րդ կետի «զ» ենթակետում «խորհրդի» բառը փոխարինել «նախագահի» բառով:
2. Սույն որոշումն ուժի մեջ է մտնում հրապարակմանը հաջորդող տասներորդ օրվանից:
|
ՀՀ կենտրոնական |
Տ. Սարգսյան |
|
|