ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

Ո Ր Ո Շ ՈՒ Մ

10 հունիսի 1998 թվականի N 107

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ 1996 Թ. ՕԳՈՍՏՈՍԻ 2-Ի «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԺՈՒՅԹԻ ՊԱՀՈՒՍՏՆԵՐԻ ԿԱՌԱՎԱՐՄԱՆ ԵՎ ԿԱՆԽԻԿ ԷՄԻՍԻՈՆ ԳՈՐԾԱՌՆՈՒԹՅՈՒՆՆԵՐԻ ԿԱՆՈՆԱԿԱՐԳԻ ՄԱՍԻՆ» N 129 ՈՐՈՇՄԱՄԲ ՀԱՍՏԱՏՎԱԾ N 5 ՀՐԱՀԱՆԳՈՒՄ ՓՈՓՈԽՈՒԹՅՈՒՆ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 45-րդ հոդվածը` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի վարչության 1996 թվականի օգոստոսի 2-ի N 129 որոշմամբ հաստատված «Հայաստանի Հանրապետության դրամի վճարունակության հատկանիշների մասին» N 5 հրահանգում կատարել հետևյալ լրացումը և փոփոխությունը`

ա) 1.4 կետից հետո ավելացնել նոր 1.5 կետ` հետևյալ բովանդակությամբ (այդ կապակցությամբ 1.5 կետը համարել 1.6 կետ).

«1.5. Սույն հրահանգի 1.1, 1.2 և 1.4 կետերով սահմանված թղթադրամները համարվում են հնամաշ, եթե նրանց մաշվածության կամ վնասվածության աստիճանից ելնելով թղթադրամը համարվում է շրջանառության համար ոչ պիտանի.

- բացակայում է թղթադրամի մակերեսի նկատելի մասը,

- պատռվածքի երկարությունը գերազանցում է 5 մմ-ը,

- պատռված և սոսնձված են,

- քիմիական ազդեցության հետևանքով գունաթափված են,

- կեղտոտվածության և մաշվածության հետևանքով պահպանված չեն թղթադրամի պատկերների և գույների հստակությունը,

- թղթադրամի թղթի գերմաշվածությունն ակնհայտ է,

- առկա են այրվածքներ,

- առկա են ծակոտիներ,

- հանված է թղթադրամի պաշտպանական ներգիծը»:

բ) 1.5 կետը վերաշարադրել հետևյալ խմբագրությամբ`

«1.6. Հայաստանի Հանրապետության տարածքում գործող բանկերը պարտավոր են շրջանառության համար պիտանի դրամանիշերից առանձնացնել սույն հրահանգի 1.5 կետում նշված հնամաշ թղթադրամներն ու 1.4 և 1.2 «գ» կետերում նշված մետաղադրամները, տեսակավորել, շրջանառության մեջ չթողնել և սահմանված կարգով հանձնել Հայաստանի Հանրապետության կենտրոնական բանկին»:

2. Սույն որոշումն ուժի մեջ է մտնում ընդունման պահից: