«Գրանցված է»
ՀՀ արդարադատության
նախարարության կողմից
8 նոյեմբերի 2002 թ.
Պետական գրանցման թիվ 60302274

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ԱՄՓՈՓ ՀԱՇՎԵՏՎՈՒԹՅՈՒՆ ՀԱՏԱՏԵՂԵՐՈՒՄ ՓԱՅՏԱՆՅՈՒԹԻ ՄՆԱՑՈՐԴԻ ԵՎ ՀԱՏՎԱԾ ՏԱՐԱԾՔԻ ՄԱՍԻՆ» ՁԵՎ ԹԻՎ 4-ԱՏ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Ամփոփ հաշվետվություն հատատեղերում փայտանյութի մնացորդի և հատված տարածքի մասին» Ձև թիվ 4-ատ պետական վիճակագրական հաշվետվության ձևը և լրացման հրահանգը` համաձայն հավելված 1-ի:

Հ Ր Ա Հ Ա Ն Գ

«ՀԱՏԱՏԵՂԵՐՈՒՄ ՓԱՅՏԱՆՅՈՒԹԻ ՄՆԱՑՈՐԴԻ ԵՎ ՀԱՏՎԱԾ ՏԱՐԱԾՔԻ ՄԱՍԻՆ» ՁԵՎ N 4-ԱՏ (ՏԱՐԵԿԱՆ) ԱՄՓՈՓ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում «Հատատեղերում փայտանյութի մնացորդի և հատված տարածքի մասին» ձև N 4-ատ (տարեկան) ամփոփ պետական վիճակագրական հաշվետվությունների լրացման կարգը:

2. Հաշվետվությունը կազմում է Հայաստանի Հանրապետության բնապահպանության նախարարությունը, որն այդ մասին նախապես տեղեկացվում է:

3. Հաշվետվությունը ներկայացվում է Հայաստանի Հանրապետության Ազգային վիճակագրական ծառայություն` մինչև օգոստոսի 20-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

5. Սյունակ Բ-ում առանձին տողերով բերվում են փայտամթերողների անվանումները:

6. Սյունակ 1-ում բերվում է չարտահանված այն փայտանյութի մնացորդը (հաշվի առած բոլոր տեսակի հատումները), որի համար սահմանված է արտահանման ժամկետների հետաձգում:

7. Սյունակ 2-ում բերվում է անտառվերականգնման հատատեղերում իրացման ենթակա չարտահանված փայտանյութը:

8. Ըստ հատատեղերի տեղազննման նյութերի` փայտանյութի բաց թողնման կանոնների խախտումների մասին տվյալները բերվում են սյունակներ 4-6-ում:

9. Սյունակ 4-ում բերվում է բոլոր տեսակի փաստացի չհատված փայտանյութի ծավալն ըստ տեղազննման վկայագրման օրվա: Չավարտված հատատեղերը, որոնց համար սահմանված է փայտանյութի մթերման ժամկետների երկարաձգում և հատատեղերը, որտեղ չեն սկսվել հատումները, չեն համարվում չհատված:

10. Սյունակ 5-ում բերվում է չարտահանված այն փայտանյութի ծավալը, որը սահմանված ժամկետներին չի իրացվել:

11. Սյունակ 6-ում բերվում է տվյալներ պահպանության ենթակա տնկիների (մատղաշ) և դեռևս չհասունացած (դեռահաս) ծառատեսակներով անտառների ոչնչացված տարածքի մասին:

12. Սյունակ 7-ում բերվում է օրացուցային տարում նախատեսված հատմամբ ընդգրկված, ինչպես նաև նախորդ տարիներից չմաքրված հատատեղերի ընդհանուր մակերեսը, որից առանձնացվում է տարածքների այն մասը, որտեղ կատարվել են համալիր հատումներ տարբեր կազմակերպությունների կողմից (սյունակ 8):

13. Սյունակ 9-ում բերվում է հաշվետու տարվա հունիսի 1-ի դրությամբ չմաքրված հատատեղերի ընդհանուր մակերեսը, որից առանձնացվում է տարածքների այն մասը, որտեղ կատարվել է համալիր հատումներ տարբեր կազմակերպությունների կողմից (սյունակ 10):

14. Սյունակ 11-ում բերվում է բոլոր անտառօգտագործողների կողմից փայտանյութի բաց թողնման սահմանված նորմերի և կանոնների խախտման համար տույժերի և տուգանքների ընդհանուր գումարը, որից առանձնացվում է գումարի այն մասը, որը հաշվարկվել է հատատեղերում փայտանյութի թողնելու դիմաց (սյունակ 12):

Ա Մ Փ Ո Փ  Հ Ա Շ Վ Ե Տ Վ ՈՒ Թ Յ ՈՒ Ն

ՀԱՏԱՏԵՂԵՐՈՒՄ ՓԱՅՏԱՆՅՈՒԹԻ ՄՆԱՑՈՐԴԻ ԵՎ ՀԱՏՎԱԾ ՏԱՐԱԾՔԻ ՄԱՍԻՆ

հունիսի 1-ի դրությամբ 200…թ. համար