«Գրանցված է»

ՀՀ արդարադատության

նախարարության կողմից

24 սեպտեմբերի 2002 թ.

Պետական գրանցման թիվ 60302207

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ԳՐԱԴԱՐԱՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ ԹԻՎ 6-ԳՄ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» ՀՀ օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

Հաստատել «Հաշվետվություն գրադարանների գործունեության մասին» Ձև թիվ 6-գմ պետական վիճակագրական հաշվետվության ձևը և լրացման հրահանգը համաձայն թիվ 1 հավելվածի:

Հ Ր Ա Հ Ա Ն Գ

«ԳՐԱԴԱՐԱՆՆԵՐԻ ԳՈՐԾՈՒՆԵՈՒԹՅԱՆ ՄԱՍԻՆ» ՁԵՎ N 6-ԳՄ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Հրահանգը սահմանում է «Գրադարանների գործունեության մասին» ձև N 6-գմ պետական վիճակագրական տարեկան հաշվետվության լրացման կարգը:

2. Հաշվետվությունը կազմում են գրադարանները, որոնք այդ մասին նախապես տեղեկացվում են:

3. Հաշվետվությունը ներկայացվում է Հայաստանի Հանրապետության Ազգային վիճակագրության ծառայության մարզային գործակալության տարածքային բաժին մինչև հունվարի 25-ը, որն ամփոփը` Հայաստանի Հանրապետության Ազգային վիճակագրական ծառայության մարզային գործակալություն` մինչև փետրվարի 10-ը, որն ամփոփը` Հայաստանի Հանրապետության Ազգային վիճակագրական ծառայություն մինչև փետրվարի 15-ը:

4. Վիճակագրական տեղեկությունների ներկայացման հետ կապված խնդիրները կարգավորվում են Հայաստանի Հանրապետության օրենսդրությամբ:

2. ՀԱՇՎԵՏՎՈՒԹՅԱՆ ԼՐԱՑՄԱՆ ԿԱՐԳԸ

Բ ա ժ ի ն  1

Շենքային պայմանները

5. Սյունակ 1-ում բերվում է գրադարանի շենքի ընդհանուր մակերեսը:

6. Սյունակ 2-ում բերվում է գրադարանում առկա ֆոնդերի քանակն արտահայտված գծամետրով:

7. Սյունակ 3-ում բերվում է շենքի վիճակը՝ նշելով համապատասխան կոդը (բավարար է - 1, պահանջվում է հիմնական վերանորոգում - 2, պահանջվում է ընթացիկ վերանորոգում - 3, վթարային է - 4, հարմարեցված է - 5):

8. Սյունակ 5-ում բերվում է ընթեցասրահի ընդհանուր մակերեսը, իսկ սյունակ 6-ում՝ տեղերի քանակը:

Բ ա ժ ի ն  2

Գրքային ֆոնդի շարժը

9. Տող 201-ում բերվում է գրքային ֆոնդի ընդհանուր քանակը տարեսկզբի դրությամբ (սյունակ 1), իսկ ըստ բովանդակության` սյունակներ 2-6-ում:

10. Տող 202-ում բերվում է հաշվետու տարում ստացված գրքերի քանակը (սյունակ 1), իսկ ըստ բովանդակության` սյունակներ 2-6-ում:

11. Տող 203-ում բերվում է դուրս գրված գրքերի քանակը (սյունակ 1), իսկ ըստ բովանդակության` սյունակներ 2-6-ում:

12. Տող 204-ում բերվում է գրքային ֆոնդի ընդհանուր քանակը տարեվերջին (սյունակ 1), իսկ ըստ բովանդակության` սյունակներ 2-6-ում:

13. Տող 205-ում բերվում է տացքը /սպասարկած գրականություն/ (սյունակ 1), իսկ ըստ բովանդակության` սյունակներ 2-6-ում:

14. Նշված տողերին համապատասխան, սյունակ 7-ում բերվում են տեսալսողական նյութերի քանակը, իսկ սյունակներ 8-11-ում` գրքային ֆոնդն ըստ լեզուների:

Բ ա ժ ի ն  3

Ընթերցողների թվաքանակի բաշխվածությունն ըստ տարիքի եվ կրթամակարդակը

15. Ընթերցողների թվաքանակի բաշխվածությունն ըստ տարիքի (սյունակներ 2-6) և ըստ կրթական մակարդակի (սյունակներ 7-10) բերվում են տող 301-ում:

Բ ա ժ ի ն  4

Ներհամակարգային եվ միջգրադարանային բաժանորդ

16. Սյունակ 1-ում բերվում է հաճախումների քանակը:

17. Ստացված գրականության քանակը ներհամակարգային և միջգրադարանային բաժանորդներով բերվում է համապատասխանաբար սյունակներ 2-3-ում:

18. Սյունակ 4-ում բերվում է միջգրադարանային բաժանորդով տրված գրականության քանակը:

Բ ա ժ ի ն  5

Զանգվածային միջոցառումներ

19. Կազմակերպված զանգվածային միջոցառումների ընդհանուր քանակը բերվում է սյունակ 1-ում, որից առանձնացվում է 1-8-րդ դասարանի աշակերտների համար կազմակերպված միջոցառումների քանակը (սյունակ 2):

20. Սյունակ 3-ում բերվում է գրավոր մատենագիտական տեղեկանքների (գրադարանային աշխատողների կողմից ընթերցողներին տրամադրված գրավոր տեղեկություններ գրքային ֆոնդի մասին) քանակը:

Բ ա ժ ի ն  6

Գրադարանային աշխատողներ

21. Տող 601-ում բերվում է գրադարանային աշխատողների ընդհանուր թվաքանակը (սյունակ 3), իսկ 5 տարվա գրադարանային աշխատանքային ստաժ ունեցողների թվաքանակը (սյունակ 4), և նրանց բաշխվածությունն ըստ կրթական մակարդակի (սյունակներ 5-12):

Բ ա ժ ի ն  7

Ֆինանսական միջոցների ստացումը եվ օգտագործումը

22. Ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը:

23. Սյունակ 1-ում բերվում է ընդհանուր ֆինանսական միջոցները:

24. Սյունակ 2-ում բերվում է ֆինանսական միջոցների մնացորդը տարեսկզբին:

25. Ընթացիկ տարվա ֆինանսական մուտքերի մասին տվյալները բերվում են սյունակներ 3-7-ում:

26. Սյունակ 8-ում բերվում է ընդհանուր ֆինանսական ծախսերը, որից առանձնացվում են.

1) «նյութական ծախսեր» սյունակ 9-ում բերվում է ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

2) «ոչ նյութական ծառայությունների վճարումներ» սյունակ 10-ում բերվում է աշխատողների մասնագիտական պատրաստմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

3) «գործուղման ծախսեր» սյունակ 11-ում բերվում է հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները,

4) «աշխատանքի վարձատրության և դրան հավասարեցված այլ վճարումներ» սյունակ 12-ում բերվում է ինչպես հիմնական, այնպես էլ պայմանագրային աշխատողների կողմից փաստացի կատարված աշխատանքների դիմաց հաշվարկված աշխատավարձը, ներառյալ խթանող և փոխհատուցող վճարները: Խթանող վճարներ են համարվում, մասնավորապես, արտադրական ցուցանիշների, տարվա աշխատանքի արդյունքների համար պարգևատրումները, մասնագիտական վարձատրության համար տրվող հավելումները, երկարամյա ծառայության համար աշխատողներին տրվող միանվագ պարգևատրումները: Փոխհատուցող վճարներ (կապված աշխատանքային ռեժիմի և պայմանների հետ) են համարվում գիշերային աշխատանքի, արտաժամյա աշխատանքի, հանգստյան և տոն (ոչ աշխատանքային) օրերին, բազմահերթ ռեժիմով աշխատանքի, մասնագիտությունների համատեղման, սպասարկման գոտիների ընդլայնման, ՀՀ օրենսդրությամբ սահմանված կարգով ծանր, վնասակար և խիստ վնասակար համարվող աշխատանքի պայմաններում աշխատանքի համար աշխատավարձի նկատմամբ սահմանված հավելավճարներն ու լրավճարները: Աշխատանքի վարձատրության և դրան հավասարեցված այլ վճարումների մեջ են ներառվում նաև հերթական (ամենամյա) և լրացուցիչ արձակուրդների վարձատրությունները (չօգտագործված արձակուրդի համար փոխհատուցումը) և աշխատողների աշխատանքի վարձատրությանն ուղղված այլ վճարումները,

5) աշխատանքի վարձատրությանն ուղղվող միջոցներից զբաղվածության, կենսաթոշակային, պարտադիր սոցիալական ապահովագրության համար կատարված վճարները բերվում է սյունակ 13-ում,

6) գրադարանային ֆոնդի համալրման համար կատարված ծախսերը բերվում է սյունակ 14-ում,

7) սյունակ 15-ում բերվում է գրադարանի կողմից կատարված շենքերի և շինությունների, ինչպես նաև մեքենաների և սարքավորումների ձեռք բերման և վերանորոգման ծախսերը,

8) վերը նշված տողերում չընդգրկված և ընթացիկ գործունեության հետ կապված այլ ծախսերը բերվում է սյունակ 16-ում:

27. Սյունակ 17-ում բերվում է ֆինանսական միջոցների մնացորդը տարեվերջին:

Հ Ա Շ Վ Ե Տ Վ ՈՒ Թ Յ ՈՒ Ն

ԳՐԱԴԱՐԱՆՆԵՐԻ  ԳՈՐԾՈՒՆԵՈՒԹՅԱՆ  ՄԱՍԻՆ

200..թ. համար

Բաժին 1. Շենքային պայմանները

Բաժին 2. Գրքային ֆոնդի շարժը

Բաժին 3. Ընթերցողների թվաքանակի բաշխվածությունն ըստ տարիքի և կրթամակարդակի

Բաժին 4. Ներհամակարգային և միջգրադարանային բաժանորդ

Բաժին 5. Զանգվածային միջոցառումներ

Բաժին 6. Գրադարանային աշխատողներ

Բաժին 7. Ֆինանսական միջոցների ստացումը և օգտագործումը

		Ղեկավար՝
Կատարող ________________		Անուն, ազգանուն_____________
Հեռ.____________________		Պաշտոն ___________________
___ _______________ 200 թ.		Ստորագրություն _____________