«Դատարանակազմության մասին» Հայաստանի Հանրապետության օրենքի 17-րդ, 20-րդ, 20³-րդ և 25-րդ հոդվածների, «Հայաստանի Հանրապետության օրենսդիր, գործադիր և դատական իշխանության մարմինների ղեկավար աշխատողների պաշտոնային դրույքաչափերի մասին» Հայաստանի Հանրապետության օրենքի 24-րդ հոդվածի, ինչպես նաև «Գանձապետական համակարգի մասին» Հայաստանի Հանրապետության օրենքի 9-րդ հոդվածի պահանջների կատարումն ապահովելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1998 թվականի դեկտեմբերի 18-ի «Հայաստանի Հանրապետության առաջին ատյանի, վերաքննիչ և տնտեսական դատարանների աշխատակազմերի հաստիքային միավորների նորմատիվները հաստատելու և անհրաժեշտ ֆինանսական միջոցներ հատկացնելու մասին» N 808 որոշման մեջ կատարել հետևյալ փոփոխություններն ու լրացումները`

 ա) որոշման N 1 հավելվածից հանել 9-րդ տողը և այն լրացնել հետևյալ բովանդակությամբ նոր` 9-րդ, 10-րդ, 11-րդ և 12-րդ տողերով` 

բ) որոշման N 2 հավելվածից հանել 10-րդ տողը և այն լրացնել հետևյալ բովանդակությամբ նոր` 10-րդ, 11-րդ, 12-րդ, 13-րդ և 14-րդ տողերով`

2. Հայաստանի Հանրապետության կառավարության 1999 թվականի փետրվարի 24-ի «Հայաստանի Հանրապետության վճռաբեկ դատարանի աշխատակազմի «Դատարանակազմության մասին» Հայաստանի Հանրապետության օրենքով չնախատեսված հաստիքային միավորների նորմատիվները հաստատելու մասին» N 86 որոշման մեջ կատարել հետևյալ փոփոխություններն ու լրացումները`

որոշման հավելվածում`

ա) չորրորդ տողի «Հաստիքային միավորի թիվը» սյունակում «1» թիվը փոխարինել «3» թվով,

 բ) հավելվածը լրացնել նոր` 32-րդ տողով` 

3. Հայաստանի Հանրապետության կառավարության 2003 թվականի հուլիսի 23-ի «Հայաստանի Հանրապետության վճռաբեկ, վերաքննիչ, տնտեսական ու առաջին ատյանի դատարանների աշխատակազմերի աշխատողների և տեխնիկական սպասարկում իրականացնող անձանց պաշտոնային դրույքաչափերը սահմանելու մասին» N 914-Ն որոշման մեջ կատարել հետևյալ փոփոխություններն ու լրացումները`

որոշման N 1 հավելվածում`

ա) չորրորդ տողի «Պաշտոնային նվազագույն դրույքաչափը (դրամ)» սյունակում «30000» թիվը փոխարինել «55000» թվով,

բ) հավելվածը լրացնել նոր` 38-րդ տողով`

 4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։