«Վավերացնում եմ»
Հայաստանի Հանրապետության
Նախագահ Ռ. Քոչարյան
 12 մարտի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 փետրվարի 2005 թվականի N 201-Ն

ԱՈՒԴԻՏ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ԵՌԱՄՍՅԱԿԱՅԻՆ, ԻՆՉՊԵՍ ՆԱԵՎ ՏԱՐԵԿԱՆ ՀԱՇՎԵՏՎՈՒԹՅՈՒՆՆԵՐԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ՈՒ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Աուդիտորական գործունեության մասին» Հայաստանի Հանրապետության օրենքի 18-րդ հոդվածի 2-րդ մասի «զ» կետին համապատասխան` Հայաստանի Հանրապետության կառավարությունը որոշում է.

1. Հաստատել՝

ա) աուդիտ իրականացնող անձանց կողմից ներկայացվող եռամսյակային հաշվետվությունների ձևերը՝ համաձայն NN 1 և 2 հավելվածների.

բ) աուդիտ իրականացնող անձանց կողմից ներկայացվող տարեկան հաշվետվությունների ձևերը՝ համաձայն NN 3 և 4 հավելվածների.

գ) աուդիտ իրականացնող անձանց կողմից ներկայացվող եռամսյակային, ինչպես նաև տարեկան հաշվետվությունների ձևերի լրացման ու ներկայացման կարգը` համաձայն N 5 հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Աղյուսակ 1. Կազմակերպության հիմնադիրները (մասնակիցները)

Աղյուսակ 2. Հաշվետու ժամանակաշրջանում կազմակերպության կանոնադրության մեջ կատարված այլ փոփոխությունները

Աղյուսակ 4. Հաշվետու ժամանակաշրջանում կազմակերպությունում աշխատող որակավորված աուդիտորները

Աղյուսակ 5. Տվյալներ հաշվետու ժամանակաշրջանում իրականացված աուդիտորական ծառայություններին մասնակցած աուդիտորների թվի և արտահայտված կարծիքների մասին

Աղյուսակ 1. Հաշվետու ժամանակաշրջանում անհատ աուդիտորի մոտ աշխատող անձանց թիվը

Աղյուսակ 2. Հաշվետու ժամանակաշրջանում անհատ աուդիտորի մոտ աշխատող որակավորված  աուդիտորները

Աղյուսակ 3. Տվյալներ հաշվետու ժամանակաշրջանում իրականացված աուդիտորական ծառայություններին մասնակցած աուդիտորների թվի և արտահայտված կարծիքների մասին

Աղյուսակ 1. Տվյալներ հաշվետու ժամանակաշրջանում իրականացված աուդիտորական ծառայությունների մասին

Աղյուսակ 2. Տվյալներ հաշվետու ժամանակաշրջանում կազմակերպության գործունեության արդյունքների  մասին

Աղյուսակ 1. Տվյալներ հաշվետու ժամանակաշրջանում իրականացված աուդիտորական ծառայությունների մասին

Աղյուսակ 2. Տվյալներ հաշվետու ժամանակաշրջանում  անհատ աուդիտորի գործունեության արդյունքների  մասին

Կ Ա Ր Գ

ԱՈՒԴԻՏ ԻՐԱԿԱՆԱՑՆՈՂ ԱՆՁԱՆՑ ԿՈՂՄԻՑ ՆԵՐԿԱՅԱՑՎՈՂ ԵՌԱՄՍՅԱԿԱՅԻՆ, ԻՆՉՊԵՍ ՆԱԵՎ ՏԱՐԵԿԱՆ ՀԱՇՎԵՏՎՈՒԹՅՈՒՆՆԵՐԻ ՁԵՎԵՐԻ ԼՐԱՑՄԱՆ ՈՒ ՆԵՐԿԱՅԱՑՄԱՆ

1. Սույն կարգով սահմանվում են աուդիտ իրականացնող անձանց կողմից ներկայացվող աուդիտորական գործունեության մասին նորմատիվ իրավական ակտերի պահանջների կատարման նկատմամբ հսկողություն իրականացնելու համար անհրաժեշտ եռամսյակային, ինչպես նաև գործունեության արդյունքների վերաբերյալ տարեկան հաշվետվությունների ձևերը լրացնելու ու Հայաստանի Հանրապետության կառավարության լիազորած պետական կառավարման մարմին (այսուհետ՝ լիազորված մարմին) ներկայացնելու կարգը:

2. Աուդիտ իրականացնող անձանց կողմից ներկայացվող եռամսյակային հաշվետվությունների ձևերը լրացնելիս անհրաժեշտ է հաշվի առնել, որ՝

ա) աուդիտորական կազմակերպությունների հիմնադիրների (մասնակիցների) մասին տվյալները լրացնելիս (N 1 հավելված, N 1 աղյուսակ) «Որակավորված աուդիտոր հանդիսացող հիմնադիրները» սյունակի համապատասխան տողում գրառումներ կատարելու դեպքում տվյալ տողում չի լրացվում «Այլ հիմնադիրները» սյունակը, և հակառակը՝ «Այլ հիմնադիրները» սյունակի համապատասխան տողում գրառումներ կատարելու դեպքում տվյալ տողում չի լրացվում «Որակավորված աուդիտոր հանդիսացող հիմնադիրները» սյունակը: Հաշվետու ժամանակաշրջանում հիմնադրի (մասնակցի) կազմակերպության հիմնադիրների (մասնակիցների) կազմից դուրս գալու, նրանց կազմի մեջ մտնելու, կամ կանոնադրական կապիտալում հիմնադիրների կողմից կատարված ներդրումների չափի փոփոխության կատարման դեպքում «Հաշվետու ժամանակաշրջանում հիմնադիրների կազմում, կանոնադրական կապիտալում նրանց կողմից կատարված ներդրումների չափի փոփոխության բնույթը և փոփոխության՝ իրավաբանական անձանց պետական ռեգիստրի գործակալությունում գրանցման ամսաթիվը» սյունակում՝ այդ հիմնադրի (մասնակցի) մասին տեղեկություններ պարունակող տողում կատարվում են համապատասխան գրառումներ.

բ) հաշվետու ժամանակաշրջանում կազմակերպության կանոնադրության մեջ կատարված այլ փոփոխությունների մասին տվյալները լրացնելիս (N 1 հավելված, N 2 աղյուսակ ) լրացվում են այն փոփոխությունների մասին տվյալները, որոնք չեն լրացվում N 1 հավելվածի N 1 աղյուսակում: Այդ տվյալների բացակայության դեպքում աղյուսակի 1-ին տողի բոլոր սյունակներում դրվում է «-» նշանը.

գ) հաշվետու ժամանակաշրջանում աուդիտ իրականացնող անձի մոտ աշխատող անձանց թիվը լրացնելիս (N 1 հավելված, N 3 աղյուսակ և N 2 հավելված, N 1 աղյուսակ) աղյուսակների 2-րդ սյունակների 1-ին տողերում լրացվում են հաշվետու ժամանակաշրջանի վերջում աուդիտ իրականացնող անձի մոտ աշխատող անձանց (որակավորված աուդիտորների, այլ մասնագետների և այլ աշխատողների) ընդհանուր թիվը, իսկ 2-րդ և 3-րդ տողերում՝ համապատասխանաբար՝ որակավորված աուդիտորների և այլ մասնագետների թիվը.

դ) հաշվետու ժամանակաշրջանում աուդիտ իրականացնող անձի մոտ աշխատող որակավորված աուդիտորների մասին տվյալները լրացնելիս (N 1 հավելված, N 4 աղյուսակ և N 2 հավելված, N 2 աղյուսակ) «Հաշվետու ժամանակաշրջանում կազմակերպությունում աշխատող որակավորված աուդիտորները» աղյուսակի (N 1 հավելված, N 4 աղյուսակ) 4-րդ սյունակում կատարվում է «այո» նշագրում, եթե որակավորված աուդիտորի վկայականը տվյալ աուդիտորական կազմակերպության համար ապահովում է լիցենզավորման պայման, իսկ աղյուսակի 5-րդ սյունակում լրացվում են հաշվետու ժամանակաշրջանում աուդիտորների կազմում կատարված փոփոխությունների (աուդիտորի աշխատանքից ազատվելու կամ աշխատանքի ընդունվելու) մասին տվյալները՝ նշելով փոփոխության բնույթը, փոփոխության ամսաթիվն ու հիմք հանդիսացող փաստաթղթի համարը: Նույն աղյուսակի 6-րդ սյունակը լրացվում է միայն հաշվետու ժամանակաշրջանում աուդիտորական կազմակերպության համար լիցենզավորման պայման ապահովող վկայականներ ունեցող աուդիտորների կազմում փոփոխության առկայության դեպքում: Աղյուսակներում նշված որակավորված աուդիտորների թիվը պետք է համապատասխանի համապատասխանաբար` N 1 հավելվածի N 3 աղյուսակում և N 2 հավելվածի N 1 աղյուսակում նշված որակավորված աուդիտորների թվին.

ե) հաշվետու ժամանակաշրջանում իրականացված աուդիտորական ծառայություններին մասնակցած աուդիտորների թվի և արտահայտված կարծիքների մասին տվյալները լրացնելիս (N 1 հավելված, N 5 աղյուսակ և N 2 հավելված, N 3 աղյուսակ) հաշվետվություններում լրացվում են տվյալներ այն իրավաբանական անձանց, հիմնարկների կամ անհատ ձեռնարկատերերի մասին, որոնց մոտ իրականացվել է աուդիտորական ծառայություն՝ աուդիտ և (կամ) աուդիտորական դիտարկում: Աղյուսակի 5-րդ սյունակում լրացվում են տվյալ տողում նշված աուդիտի ենթարկված անձի մոտ իրականացված աուդիտորական ծառայության արդյունքները՝ բացասական կարծիք արտահայտող եզրակացություն, դրական կարծիք արտահայտող եզրակացություն, վերապահումներով դրական կարծիք արտահայտող եզրակացություն, վերապահումներով բացասական կարծիք արտահայտող եզրակացություն, կարծիք արտահայտելուց հրաժարվելը:

3. Աուդիտ իրականացնող անձանց կողմից ներկայացվող տարեկան հաշվետվությունների ձևերը լրացնելիս անհրաժեշտ է հաշվի առնել, որ՝

ա) հաշվետու ժամանակաշրջանում աուդիտ իրականացնող անձի կողմից իրականացված աուդիտորական ծառայությունների մասին տվյալները լրացնելիս (N 3 հավելված, N 1 աղյուսակ և N 4 հավելված, N 1 աղյուսակ) աղյուսակի 6-րդ սյունակում լրացվում են 3-րդ սյունակում նշված աուդիտորական ծառայության ժամանակաշրջանը ներառող հաշվետու տարվա համար տվյալ աուդիտի ենթարկվող անձին մատուցած այլ ծառայությունների տեսակները՝ հաշվապահական հաշվառման ներդրում, վերականգնում և վարում, ֆինանսական հաշվետվությունների կազմում, ինչպես նաև ակտիվների և պարտավորությունների գնահատում: Եթե այդ ժամանակաշրջանում այդպիսի ծառայություններ չեն մատուցվել, ապա սյունակի համապատասխան տողում դրվում է «-» նշանը.

բ) հաշվետու ժամանակաշրջանում աուդիտ իրականացնող անձի գործունեության արդյունքների մասին տվյալները լրացնելիս (N 3 հավելված, N 2 աղյուսակ և N 4 հավելված, N 2 աղյուսակ) համապատասխան տողերի փակագծերում նշված թվերը գումարելիս դրանք դիտվում են որպես բացասական թվեր:

4. Աուդիտ իրականացնող անձանց կողմից եռամսյակային հաշվետվությունները լիազորված մարմին են ներկայացվում տվյալ եռամսյակին հաջորդող 30 օրվա ընթացքում, իսկ տարեկան հաշվետվությունները՝ մինչև տվյալ տարվան հաջորդող տարվա ապրիլի 15-ը: Հաշվետվությունները ներկայացնելու օր է համարվում դրանց` լիազորված մարմին հանձնելու կամ փոստով ուղարկելու օրը:

5. Լիազորված մարմինը վարում է ստացված հաշվետվությունների հաշվառում:

6. Հաշվետվությունների ներկայացման ժամկետը 10 օրվանից ավելի ժամկետով խախտելու դեպքում աուդիտորական ծառայությունների իրականացման լիցենզիայի գործողությունը կասեցվում է, իսկ մեկ տարվա ընթացքում ոչ պակաս, քան 2 անգամ սույն կետում նշված հիմքով լիցենզիայի գործողությունը կասեցվելու դեպքում աուդիտորական ծառայությունների իրականացման լիցենզիայի գործողությունը դադարեցվում է:

7. Ներկայացված հաշվետվություններն ուսումնասիրվում են լիազորված մարմնի կողմից: Հաշվետվություններում անճշտություններ կամ ոչ հավաստի տեղեկություններ հայտնաբերվելու դեպքում լիազորված մարմինը դրա մասին տեղեկացնում է աուդիտ իրականացնող անձին: Աուդիտ իրականացնող անձը վերացնում է հայտնաբերված անճշտությունները և լիազորված մարմին է ներկայացնում ճշտված հաշվետվությունները:

8. Աուդիտ իրականացնող անձը ներկայացված հաշվետվություններում ինքնուրույն սխալներ հայտնաբերելու դեպքում կարող է ներկայացնել ճշտված հաշվետվություններ: