«Վավերացնում եմ»
Հայաստանի Հանրապետության
Նախագահ Ռ. Քոչարյան

29 հունիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հունիսի 2005 թվականի N 826-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐԻ ՆԿԱՐԱԳԻՐԸ ՀԱՍՏԱՏԵԼՈՒ ԵՎ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ` ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԱՄԱՍԵՐՆ ԱՆՀԱՏՈՒՅՑ ՍԵՓԱԿԱՆՈՒԹՅԱՆ ԻՐԱՎՈՒՆՔՈՎ ՀԱՄԱՅՆՔԻՆ ՓՈԽԱՆՑԵԼՈՒ ՄԱՍԻՆ

Հայաստանի Հանրապետության հողային օրենսգրքի 34-րդ ու 56-րդ, «Տեղական ինքնակառավարման մասին» Հայաստանի Հանրապետության օրենքի 6-րդ, 47-րդ ու 84-րդ և Հայաստանի Հանրապետության վարչատարածքային բաժանման մասին» Հայաստանի Հանրապետության օրենքի 6-րդ հոդվածների պահանջներին համապատասխան` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության Գեղարքունիքի մարզի Կուտականի գյուղական համայնքի սահմանների նկարագիրը` համաձայն NN1 և 2 հավելվածների:

2. Հայաստանի Հանրապետության Գեղարքունիքի մարզի Կուտականի գյուղական համայնքի վարչական սահմաններում գտնվող` պետական սեփականություն հանդիսացող 2068.48 հեկտար հողամասերից 1934.83 հեկտարը, որից` գյուղատնտեսական նշանակության` 1886.83 հեկտար, բնակավայրերի հողերի` 26.07 հեկտար, արդյունաբերության, ընդերքօգտագործման և այլ արտադրական նշանակության օբյեկտների` 16.48 հեկտար, էներգետիկայի, տրանսպորտի, կապի և կոմունալ ենթակառուցվածքների օբյեկտների` 0.0032 հեկտար, հատուկ պահպանվող տարածքների` 3.08 հեկտար, ջրային հողերի` 2.37 հեկտար, անհատույց սեփականության իրավունքով փոխանցել Կուտականի գյուղական համայնքին` համաձայն NN 3, 4, 5 և 6 հավելվածների:

3. Սահմանել, որ Հայաստանի Հանրապետության հողային օրենսգրքի 60-րդ հոդվածի պահանջներին համապատասխան`

ա) Հայաստանի Հանրապետության Գեղարքունիքի մարզի Կուտականի գյուղական համայնքին անհատույց սեփականության իրավունքով փոխանցվող 1934.83 հեկտար հողերից 19.78 հեկտարը մասնավորեցման ենթակա չէ.

բ) Հայաստանի Հանրապետության Գեղարքունիքի մարզի Կուտականի գյուղական համայնքի վարչական սահմաններում գտնվող հողերից 133.65 հեկտարը համարվում է պետական սեփականություն` համաձայն  N 7 հավելվածի:

 4. Ընդունել ի գիտություն Հայաստանի Հանրապետության Գեղարքունիքի մարզի Կուտականի գյուղական համայնքի հողային ֆոնդի առկայության և բաշխման մասին հաշվետվությունը` 2005 թվականի հունվարի 1-ի դրությամբ` համաձայն NN 8 և 9 հավելվածների:

5. Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին` սահմանված կարգով ապահովել սկզբնական հաշվառման նյութերի տրամադրումը Հայաստանի Հանրապետության Գեղարքունիքի մարզի Կուտականի գյուղական համայնքի ղեկավարին` հողերի ընթացիկ հաշվառումն անցկացնելու և համայնքի հողային հաշվեկշիռը կազմելու համար:

6. Թույլատրել Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահին Հայաստանի Հանրապետության պետական գեոդեզիական ցանցի հավասարակշռման արդյունքների հիման վրա Հայաստանի Հանրապետության վարչատարածքային միավորների սահմանանիշերի կոորդինատների ժողովածուի հրատարակումից հետո հողային ֆոնդի ընթացիկ հաշվառման ժամանակ Կուտականի գյուղական համայնքի հողային հաշվեկշռում սահմանված կարգով կատարել համապատասխան փոփոխություններ:

 7. Հայաստանի Հանրապետության Գեղարքունիքի մարզպետին` Հայաստանի Հանրապետության կառավարության 2000 թվականի հոկտեմբերի 23-ի N 656 որոշմամբ սահմանված կարգով` սկզբնական հաշվառման տվյալների հիման վրա ապահովել մարզի տարածքում ընթացիկ հաշվառման աշխատանքների իրականացումը:

8. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐԻ ՀԱՏԱԿԱԳԻԾԸ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐԻ ՆԿԱՐԱԳՐՈՒԹՅՈՒՆԸ

Կուտական համայնքը գտնվում է մարզի հարավ-արևելյան մասում:

Հեռավորությունը մարզկենտրոն ք. Գավառից 85 կմ է:

Համայնքը հյուսիսից, հյուսիս-արևմուտքից և հյուսիս-արևելքից «Ա»-«Բ» հատվածով սահմանակից է մարզի համայնքների վարչական սահմաններից դուրս գտնվող հողերին, հարավից և հարավ-արևելքից «Բ»-«Գ» հատվածով Տրետուք համայնքին, հարավ-արևմուտքից «Գ»-«Դ» հատվածով Մ. Մասրիկ համայնքին, հյուսիս-արևմուտքից «Դ»-«Ա» հատվածով` Կախակն համայնքին:

ԿՈՒՏԱԿԱՆ-ՄԱՐԶԻ ՀԱՄԱՅՆՔՆԵՐԻ ՎԱՐՉԱԿԱՆ ՍԱՀՄԱՆՆԵՐԻՑ ԴՈՒՐՍ ԳՏՆՎՈՂ ՀՈՂԵՐԻ ՍԱՀՄԱՆԱԳԻԾԸ` «Ա»-«Բ»

Կուտական, Կախակն համայնքների և մարզի համայնքների վարչական սահմաններից դուրս գտնվող հողերի բաժանման «Ա» հանգուցային կետից սահմանագիծը ձգվում է հյուսիս-արևելք, հատելով դաշտային ճանապարհները, ձորերը, անցնելով թիվ 1, 2 կետերով 1679.67 մ, հասնում է թիվ 3 կետին, այնուհետև թեքվում արևելք, հատում դաշտային ճանապարհը, անցնելով թիվ 4-6 կետերով 1727.02 մ, միանում թիվ 7 կետին, այդտեղից թեքվելով հարավ-արևելք անցնելով թիվ 8-10 կետերով 2246.61 մ հատելով երկու ձորեր, հասնում է թիվ 11 կետին, թեքվում նորից հարավ-արևելք, հատում դաշտային ճանապարհները, ջրանցքը անցնելով թիվ 12, 13 կետերով 1804.34 մ, հասնում է թիվ 14 կետին, դաշտային ճանապարհով անցնում դեպի արևմուտք 1629.86 մ հասնում Կուտական, Տրետուք համայնքների և մարզի համայնքների վարչական սահմաններից դուրս գտնվող հողերի բաժանման «Բ» հանգուցային կետին:

«Ա»-«Բ» սահմանագծի երկարությունը 9087.5 մ է:

ԿՈՒՏԱԿԱՆ-ՏՐԵՏՈՒՔ ՍԱՀՄԱՆԱԳԻԾԸ` «Բ»-«Գ»

Կուտական-Տրետուք համայնքների և մարզի համայնքների վարչական սահմաններից դուրս գտնվող հողերի բաժանման «Բ» հանգուցային կետից սահմանագիծը թեքվելով հարավ-արևմուտք անցնում է դաշտային ճանապարհով, ապա շարունակելով նույն ուղղությունը, անցնելով թիվ 1-20 կետերով հատելով դաշտային ճանապարհը միանում է Կուտական, Տրետուք և Մ. Մասրիկ համայնքների տարածքների բաժանման «Գ» հանգուցային կետին:

«Բ»-«Գ» սահմանագծի երկարությունը 6918.06 մ է:

ԿՈՒՏԱԿԱՆ-Մ.ՄԱՍՐԻԿ ՍԱՀՄԱՆԱԳԻԾԸ` «Գ»-«Դ»

Կուտական, Կախակն և Մ. Մասրիկ համայնքների տարածքների բաժանման «Դ» հանգուցային կետից սահմանագիծը թեքվում է հարավ-արևելք, անցնելով թիվ 1, 2 կետերով 1411.48 մ, հասնում է Կուտական-Մ. Մասրիկ ճանապարհի եզրին գտնվող «Այգեղուշ» եռանկյունաչափական թիվ 3 կետը, այնուհետև թեքվելով հարավ-արևելք, անցնելով թիվ 4-6 կետերով 926.39 մ հատելով ձորը հասնում է թիվ 7 կետին, որից հետո անցնելով 24.61 մ դեպի արևմուտք, միանում է թիվ 8 կետին: թիվ 8 կետից սահմանագիծը թեքվելով հարավ, անցնելով 490.22 մ միանում է Կուտական, Տրետուք և Մ. Մասրիկ համայնքների տարածքների բաժանման «Գ» հանգուցային կետին:

«Գ»-«Դ» սահմանագծի երկարությունը 2852.7 մ է:

ԿՈՒՏԱԿԱՆ-ԿԱԽԱԿՆ ՍԱՀՄԱՆԱԳԻԾԸ` «Դ»-«Ա»

Կուտական, Կախակն համայնքների և մարզի համայնքների վարչական սահմաններից դուրս գտնվող հողերի բաժանման «Ա» հանգուցային կետից սահմանագիծն անցնելով թիվ 1-9 կետերով հարավ-արևմուտք հասնում է Կուտական, Կախակն և Մ. Մասրիկ համայնքների տարածքների բաժանման «Դ» հանգուցային կետին: 

«Դ»-«Ա» սահմանագծի երկարությունը 4594.32 մ է:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻ ՀՈՂԱՇԻՆԱՐԱՐԱԿԱՆ ՀԱՏԱԿԱԳԻԾԸ

Ա Ն Վ Ա Ն Ա Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻ ՎԱՐՉԱԿԱՆ ՍԱՀՄԱՆՆԵՐՈՒՄ ԳՏՆՎՈՂ` ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՀՈՂԵՐԻՑ ԿՈՒՏԱԿԱՆԻ ԳՅՈՒՂԱԿԱՆ ՀԱՄԱՅՆՔԻՆ ԱՆՀԱՏՈՒՅՑ ՓՈԽԱՆՑՎՈՂ ՀՈՂԵՐԻ