«Վավերացնում եմ»

Հայաստանի Հանրապետության

Նախագահ Ռ. Քոչարյան

18 մարտի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

12 փետրվարի 2004 թվականի N 288-Ն

ՎԻՃԱԿԱԽԱՂԵՐԻ ԿԱԶՄԱԿԵՐՊԻՉՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԼԻԱԶՈՐԱԾ ՄԱՐՄԻՆ ՆԵՐԿԱՅԱՑՎՈՂ ՏԵՂԵԿՈՒԹՅՈՒՆՆԵՐԻ (ՀԱՇՎԵՏՎՈՒԹՅՈՒՆՆԵՐԻ) ՁԵՎԵՐԸ ԵՎ ԴՐԱՆՑ ՆԵՐԿԱՅԱՑՄԱՆ ԿԱՐԳԻ ԱՌԱՆՁՆԱՀԱՏԿՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ

Հիմք ընդունելով «Վիճակախաղերի մասին» Հայաստանի Հանրապետության օրենքի 7-րդ հոդվածի 5-րդ և 8-րդ մասերը, առաջնորդվելով «Իրավական ակտերի մասին» Հայաստանի Հանրապետության օրենքի 14-րդ հոդվածի 1-ին մասով ու 85-րդ հոդվածով և վիճակախաղերի կազմակերպիչների կողմից Հայաստանի Հանրապետության կառավարության լիազորած մարմին ներկայացվող տեղեկությունների (հաշվետվությունների) ներկայացման միանման ձևերն ու կարգը սահմանելու նպատակով Հայաստանի Հանրապետության կառավարությունը որոշում է.

1. Սահմանել՝

ա) որ վիճակախաղերի կազմակերպիչների կողմից տեղեկություններ (հաշվետվություններ) ներկայացնելու համար Հայաստանի Հանրապետության կառավարության լիազոր մարմնի իրավասությունը վերապահվում է Հայաստանի Հանրապետության ֆինանսների և էկոնոմիկայի նախարարությանը.

բ) վիճակախաղերի կազմակերպիչների կողմից Հայաստանի Հանրապետության կառավարության լիազորած մարմին ներկայացվող տեղեկությունների (հաշվետվությունների) ձևերը՝ համաձայն NN 1, 2, 3, 4, 5 և 6 հավելվածների.

գ) որ N 1 հավելվածում նշված` վիճակախաղի թողարկված` վաճառված և մարված տոմսերի, N 2 հավելվածում նշված` վիճակախաղի շահած տոմսերի մասին, ըստ հերթականության խաղի ընթացքում դուրս եկած համարների, N 3 հավելվածում նշված` վիճակախաղի թողարկված և շահող տոմսերի, N 4 հավելվածում նշված` վիճակախաղի շահած տոմսերի մասին, վիճակախաղի իրացված տոմսերի քանակի, N 5 հավելվածում նշված` վիճակախաղի (տոտալիզատորի) իրացված և շահած տոմսերի, N 6 հավելվածում նշված` վճարված մեկ միլիոն դրամը գերազանցող շահման (շահումների) մասին պահանջվող տեղեկությունների (հաշվետվությունների) խեղաթյուրումը համարվում է «Վիճակախաղերի մասին» Հայաստանի Հանրապետության օրենքի 7-րդ հոդվածով պահանջվող տեղեկություններում (հաշվետվություններում) կեղծ տվյալների արտացոլում։

Մնացած այն դեպքերում, երբ վիճակախաղի կազմակերպչի կողմից ներկայացված տեղեկությունը (հաշվետվությունը) չի համապատասխանում սույն որոշման NN 1, 2, 3, 4, 5 և 6 հավելվածների կամ N 7 հավելվածի 2-րդ, 3-րդ և 4-րդ մասերի պահանջներին` տեղեկությունը (հաշվետվությունը) համարվում է չներկայացված.

դ) որ կապի կազմակերպության միջոցով «Վիճակախաղերի մասին» Հայաստանի Հանրապետության օրենքի 7-րդ հոդվածի 1-ին, 2-րդ, 3-րդ և 7-րդ մասերով պահանջվող տեղեկությունները (հաշվետվությունները) ներկայացնելը չի համարվում պատշաճ ներկայացում։

2. Հաստատել վիճակախաղերի կազմակերպիչների կողմից Հայաստանի Հանրապետության կառավարության լիազորած մարմին ներկայացվող տեղեկությունների (հաշվետվությունների) ներկայացման կարգը` համաձայն N 7 հավելվածի։

3. Ուժը կորցրած ճանաչել Հայաստանի Հանրապետության կառավարության 2002 թվականի հուլիսի 18-ի «Վիճակախաղ, շահումով խաղ և խաղատուն կազմակերպող անձանց կողմից Հայաստանի Հանրապետության կառավարության լիազորած մարմին տեղեկություններ (հաշվետվություններ) ներկայացնելու կարգը և վիճակախաղերի տոմսերի պարտադիր վավերապայմանները հաստատելու մասին» N 1049-Ն որոշումը:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ձև

Տ Ե Ղ Ե Կ ՈՒ Թ Յ ՈՒ Ն Ն Ե Ր  ( Հ Ա Շ Վ Ե Տ Վ ՈՒ Թ Յ ՈՒ Ն Ն Ե Ր )

ԽԱՂԱՐԿՈՒԹՅԱՄԲ ԿԱՄ ՀԱՄԱԿՑՎԱԾ ՎԻՃԱԿԱԽԱՂԻ ԿԱԶՄԱԿԵՐՊՉԻ ԿՈՂՄԻՑ ԼԻԱԶՈՐ ՄԱՐՄԻՆ ՆԵՐԿԱՅԱՑՎՈՂ` ՎԻՃԱԿԱԽԱՂԻ ԹՈՂԱՐԿՎԱԾ` ՎԱՃԱՌՎԱԾ ԵՎ ՄԱՐՎԱԾ ՏՈՄՍԵՐԻ ՄԱՍԻՆ

Ձև

Տ Ե Ղ Ե Կ ՈՒ Թ Յ ՈՒ Ն Ն Ե Ր  ( Հ Ա Շ Վ Ե Տ Վ ՈՒ Թ Յ ՈՒ Ն Ն Ե Ր )

ԽԱՂԱՐԿՈՒԹՅԱՄԲ ԿԱՄ ՀԱՄԱԿՑՎԱԾ ՎԻՃԱԿԱԽԱՂԻ ԿԱԶՄԱԿԵՐՊՉԻ ԿՈՂՄԻՑ ԼԻԱԶՈՐ ՄԱՐՄԻՆ ՆԵՐԿԱՅԱՑՎՈՂ` ՎԻՃԱԿԱԽԱՂԻ ՇԱՀԱԾ ՏՈՄՍԵՐԻ ՄԱՍԻՆ

Ձև

Տ Ե Ղ Ե Կ ՈՒ Թ Յ ՈՒ Ն Ն Ե Ր  ( Հ Ա Շ Վ Ե Տ Վ ՈՒ Թ Յ ՈՒ Ն Ն Ե Ր )

ՈՉ ԽԱՂԱՐԿՈՒԹՅԱՄԲ ՎԻՃԱԿԱԽԱՂԻ ԿԱԶՄԱԿԵՐՊՉԻ ԿՈՂՄԻՑ ԼԻԱԶՈՐ ՄԱՐՄԻՆ ՆԵՐԿԱՅԱՑՎՈՂ` ՎԻՃԱԿԱԽԱՂԻ ԹՈՂԱՐԿՎԱԾ ԵՎ ՇԱՀՈՂ ՏՈՄՍԵՐԻ ՄԱՍԻՆ

Ձև

Տ Ե Ղ Ե Կ ՈՒ Թ Յ ՈՒ Ն Ն Ե Ր  ( Հ Ա Շ Վ Ե Տ Վ ՈՒ Թ Յ ՈՒ Ն Ն Ե Ր )

ՈՉ ԽԱՂԱՐԿՈՒԹՅԱՄԲ ՎԻՃԱԿԱԽԱՂԻ ԿԱԶՄԱԿԵՐՊՉԻ ԿՈՂՄԻՑ ԼԻԱԶՈՐ ՄԱՐՄԻՆ ՆԵՐԿԱՅԱՑՎՈՂ` ՎԻՃԱԿԱԽԱՂԻ ԻՐԱՑՎԱԾ ԵՎ ՇԱՀԱԾ ՏՈՄՍԵՐԻ ՄԱՍԻՆ

Ձև

Տ Ե Ղ Ե Կ ՈՒ Թ Յ ՈՒ Ն Ն Ե Ր  ( Հ Ա Շ Վ Ե Տ Վ ՈՒ Թ Յ ՈՒ Ն Ն Ե Ր )

ՎԻՃԱԿԱԽԱՂԻ (ՏՈՏԱԼԻԶԱՏՈՐԻ) ԿԱԶՄԱԿԵՐՊՉԻ ԿՈՂՄԻՑ ԼԻԱԶՈՐ ՄԱՐՄԻՆ ՆԵՐԿԱՅԱՑՎՈՂ` ՎԻՃԱԿԱԽԱՂԻ (ՏՈՏԱԼԻԶԱՏՈՐԻ) ԻՐԱՑՎԱԾ ԵՎ ՇԱՀԱԾ ՏՈՄՍԵՐԻ ՄԱՍԻՆ

Ձև

Տ Ե Ղ Ե Կ ՈՒ Թ Յ ՈՒ Ն Ն Ե Ր  ( Հ Ա Շ Վ Ե Տ Վ ՈՒ Թ Յ ՈՒ Ն Ն Ե Ր )

ՎԻՃԱԿԱԽԱՂԻ ԿԱԶՄԱԿԵՐՊՉԻ ԿՈՂՄԻՑ ԼԻԱԶՈՐ ՄԱՐՄԻՆ ՆԵՐԿԱՅԱՑՎՈՂ` ԻՐ ԿՈՂՄԻՑ ՎՃԱՐՎԱԾ ՄԵԿ ՄԻԼԻՈՆ ԴՐԱՄԸ ԳԵՐԱԶԱՆՑՈՂ ՅՈՒՐԱՔԱՆՉՅՈՒՐ ՇԱՀՄԱՆ (ՇԱՀՈՒՄՆԵՐԻ) ՄԱՍԻՆ

Կ Ա Ր Գ

ՎԻՃԱԿԱԽԱՂԵՐԻ ԿԱԶՄԱԿԵՐՊԻՉՆԵՐԻ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԼԻԱԶՈՐԱԾ ՄԱՐՄԻՆ ՆԵՐԿԱՅԱՑՎՈՂ ՏԵՂԵԿՈՒԹՅՈՒՆՆԵՐԻ (ՀԱՇՎԵՏՎՈՒԹՅՈՒՆՆԵՐԻ) ՆԵՐԿԱՅԱՑՄԱՆ

1. Սույն կարգով սահմանվում են վիճակախաղերի կազմակերպման գործունեություն իրականացնող անձանց կողմից «Վիճակախաղերի մասին» Հայաստանի Հանրապետության օրենքի 7-րդ հոդվածի պահանջներին համապատասխան իրենց գործունեության մասին լիազոր մարմին տեղեկություններ (հաշվետվություններ) ներկայացնելու առանձնահատկությունները:

2. Խաղարկությամբ կամ համակցված վիճակախաղերի կազմակերպիչը թողարկված՝ վաճառված և մարված վիճակախաղի տոմսերի մասին հաշվետվությունը՝ փաստաթղթային տեսքով, և մարված տոմսերի մասին կազմված տեղեկանքի մեկ օրինակը ներկայացնում է տվյալ վիճակախաղի տոմսերի խաղարկության անցկացումից ոչ շուտ, քան 4 ժամ առաջ, բայց ոչ ուշ, քան 3 ժամ առաջ:

3. Վիճակախաղի կազմակերպիչը «Վիճակախաղերի մասին» Հայաստանի Հանրապետության օրենքի 7-րդ հոդվածի 1-ին մասի «ա» կետում (հավելված N 1), 7-րդ հոդվածի 1-ին մասի «բ» կետում (հավելված N 2), 7-րդ հոդվածի 2-րդ մասի «ա» կետում (հավելված N 3), 7-րդ հոդվածի 2-րդ մասի «բ» կետում (հավելված N 4), 7-րդ հոդվածի 3-րդ մասում (հավելված N 5) նշված հաշվետվությունները փակ ծրարներով՝ ծրարների վրա նշված էջերի թվով, որոնց ներկայացման վավերապայմանները սահմանված են «Վիճակախաղերի մասին» Հայաստանի Հանրապետության օրենքի 7-րդ հոդվածի 5-րդ մասով, ներկայացնում է (հանձնում է) լիազոր մարմնի կողմից տվյալ ոլորտի կարգավորմամբ զբաղվող ստորաբաժանման աշխատողին (ոչ աշխատանքային ժամերին` հաշվետվություններն ընդունելու նպատակով հերթապահող` տվյալ ոլորտի կարգավորմամբ զբաղվող ստորաբաժանման աշխատողին), որը ներկայացված ծրարների վրա նշում է ներկայացման ժամը, ամսաթիվը, տարեթիվը, որից հետո բացում է ծրարներից մեկը՝ պարունակությունն ստուգելու նպատակով, ապա բացված ծրարի վրա նշում է ներկայացված հաշվետվության էջերի թիվը: Եթե հաշվետվությունը ներկայացվել է ոչ աշխատանքային օրվա ընթացքում, ապա չբացված ծրարը կնքվում է Հայաստանի Հանրապետության ֆինանսների և էկոնոմիկայի նախարարության կնիքով` հաջորդ աշխատանքային օրվա ընթացքում, և ի պահ է հանձնվում լիազորված մարմնի հատուկ բաժին: Եթե հաշվետվությունը վիճակախաղի կազմակերպչի կողմից ներկայացվել է աշխատանքային օրը, ապա նույն օրվա ընթացքում չբացված ծրարը կնքվում է Հայաստանի Հանրապետության ֆինանսների և էկոնոմիկայի նախարարության կնիքով։ Այդ ծրարը ի պահ է հանձնվում լիազորված մարմնի հատուկ բաժին:

4. Վիճակախաղի կազմակերպիչը «Վիճակախաղերի մասին» Հայաստանի Հանրապետության օրենքի 7-րդ հոդվածի 7-րդ մասում նշված հաշվետվությունը (հավելված N 6) աշխատանքային օրվա ընթացքում փակ ծրարով՝ ծրարի վրա նշված էջերի թվով, որոնց ներկայացման վավերապայմանները սահմանված են «Վիճակախաղերի մասին» Հայաստանի Հանրապետության օրենքի 7-րդ հոդվածի 7-րդ մասով, ներկայացնում է (հանձնում է) լիազոր մարմնի ընդհանուր բաժին։ Ընդհանուր բաժնում մուտքագրվելուց և կնքվելուց հետո ընդհանուր բաժնի աշխատողը ծրարը` չբացված վիճակում, վիճակախաղի կազմակերպչի հետ միասին անմիջապես հանձնում է տվյալ ոլորտի կարգավորմամբ զբաղվող ստորաբաժանման աշխատողին (աշխատողներին), որից հետո վիճակախաղի կազմակերպչի ներկայությամբ տվյալ ոլորտի կարգավորմամբ զբաղվող ստորաբաժանման աշխատողը բացում է ծրարը` պարունակությունն ստուգելու նպատակով, և բացված ծրարի վրա նշում ներկայացված հաշվետվության էջերի թիվը։

5. Սույն կարգի 2-րդ կետում նշված` մարված տոմսերի մասին կազմված տեղեկանքի և 3-րդ ու 4-րդ կետերում նշված տեղեկությունների (հաշվետվությունների) ընդունման ժամանակ լիազոր մարմնի համապատասխան աշխատողը լրացնում է թերթիկ, որտեղ նշում է վիճակախաղի կազմակերպչի անվանումը, վիճակախաղի անվանումը, խաղարկության հերթական համարը, հաշվետվության հանձնման ամսաթիվը, ամիսը, տարեթիվը, ժամը, ընդունված` բացված հաշվետվության էջերի թիվը, խաղարկությամբ կամ համակցված վիճակախաղի դեպքում` մարված տոմսերի մասին տեղեկանքի էջերի թիվը, հաշվետվությունը հանձնողի և այն ընդունողի անունը, ազգանունը, ստորագրությունը, և թերթիկը հանձնում է վիճակախաղի կազմակերպչի ներկայացուցչին։

6. «Վիճակախաղերի մասին» Հայաստանի Հանրապետության օրենքի 7-րդ հոդվածի 1-ին, 2-րդ, 3-րդ և 7-րդ մասերում նշված հաշվետվություններն ստանալուց հետո համապատասխան ստորաբաժանման աշխատողների կողմից կատարվում են վերլուծություններ:

7. Որևէ վիճակախաղի հաշվետվության արժանահավատությունն ստուգելու անհրաժեշտության դեպքում տվյալ վիճակախաղի կազմակերպչի ներկայացուցչի ներկայությամբ հատուկ բաժին ի պահ հանձնված ծրարը բացվում է, որից հետո այդ տվյալները համեմատվում եմ տվյալ ոլորտի կարգավորմամբ զբաղվող ստորաբաժանումում գտնվող` համապատասխան հաշվետվության տվյալների հետ: Տվյալների ցանկացած անհամապատասխանության առկայությունը համարվում է «Վիճակախաղերի մասին» Հայաստանի Հանրապետության օրենքի 7-րդ հոդվածով պահանջվող տեղեկություններում (հաշվետվություններում) կեղծ տվյալների արտացոլում: