«Վավերացնում եմ»
Հայաստանի Հանրապետության
Նախագահ Ռ. Քոչարյան
5 նոյեմբերի 2003 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 հոկտեմբերի 2003 թվականի N 1350-Ա

«ՀԱՅՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՀԱՇՎԵԿՇՌՈՒՄ ԳՏՆՎՈՂ ՍԵՎԱՆԻ ՕՂԱԿԱՁԵՎ ԿՈՅՈՒՂՈՒ ԿՈԼԵԿՏՈՐԻ ԱՆԱՎԱՐՏ ՇԻՆԱՐԱՐՈՒԹՅԱՆ ՀԱՄԱՐ ՆԱԽԱՏԵՍՎԱԾ ՊՈՂՊԱՏԵ ԽՈՂՈՎԱԿՆԵՐՆ ՕՏԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈԿՏԵՄԲԵՐԻ 24-ի N 2190-Ա ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2001 թվականի մայիսի 17-ի N 440 որոշման 17-րդ կետը՝ Հայաստանի Հանրապետության կառավարությունը որոշում է.

1. «Հայջրմուղկոյուղի» փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել Սևանի օղակաձև կոյուղու կոլեկտորի անավարտ շինարարության համար նախատեսված՝ 1578.1 տոննային համարժեք հաշվեկշռային արժեքի չափով պահեստավորված, ինչպես նաև 3211.45 տոննային համարժեք հաշվեկշռային արժեքի չափով եռակցված և ուղեգծով փռված պողպատե խողովակները՝ համաձայն N 1 հավելվածի, և դրանք հանձնել Հայաստանի Հանրապետության պաշտպանության նախարարությանը:

2. Թույլատրել «Հայջրմուղկոյուղի» փակ բաժնետիրական ընկերության տնօրենին՝

 ա) Սևանի օղակաձև կոյուղու կոլեկտորի անավարտ շինարարության համար նախատեսված պողպատե խողովակները՝ համաձայն N 2 հավելվածի, օտարել նախապես հայտնի գնորդ՝ «SHAHAB TEJARAT ARAS COMMERCAL CO» կազմակերպությանը (այսուհետ՝ գնորդ).

բ) սույն որոշմամբ նախատեսված գործարքի արդյունքում չիրացված պողպատե խողովակների վաճառքն իրականացնել հոլանդական աճուրդի ձևով:

3. Սահմանել օտարման ենթակա պողպատե խողովակների գինը՝

ա) պահեստավորված խողովակների համար՝ մեկ տոննայի դիմաց՝ 150 ԱՄՆ-ի դոլարին համարժեք դրամ (ներառյալ ավելացված արժեքի հարկը),

բ) եռակցված և ուղեգծով փռված խողովակների համար՝ մեկ տոննայի դիմաց՝ 135 ԱՄՆ-ի դոլարին համարժեք դրամ (ներառյալ ավելացված արժեքի հարկը):

4. Հայաստանի Հանրապետության կառավարությանն առընթեր ջրային տնտեսության պետական կոմիտեի նախագահին՝ ապահովել սույն որոշման 1-ին կետով սահմանված չափով՝ Հայաստանի Հանրապետության օրենսդրությամբ սահմանված կարգով «Հայջրմուղկոյուղի» փակ բաժնետիրական ընկերության կանոնադրական կապիտալի նվազեցումը:

5. Սահմանել, որ գնորդի կողմից վճարումները պետք է կատարվեն սույն որոշմամբ նախատեսված ժամկետում պայմանագրի կնքման օրվան հաջորդող 5 օրվա ընթացքում՝ գնվող պողպատե խողովակների ընդհանուր գումարի 10 տոկոսի չափով կանխավճարի տեսքով, իսկ մնացած մասը (մասերը)՝ յուրաքանչյուր հանձնման-ընդունման ակտը (ակտերը) ստորագրելու օրը:

6. Ուժը կորցրած ճանաչել Հայաստանի Հանրապետության կառավարության 2002 թվականի հոկտեմբերի 24-ի N 2190-Ա որոշման 1-ին, 2-րդ և 3-րդ կետերը:

7. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Ց Ա Ն Կ

«ՀԱՅՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆԸ ՀԱՆՁՆՎՈՂ ԵՎ ՕՏԱՐՄԱՆ ԵՆԹԱԿԱ ՍԵՎԱՆԻ ՕՂԱԿԱՁԵՎ ԿՈՅՈՒՂՈՒ ԿՈԼԵԿՏՈՐԻ ԱՆԱՎԱՐՏ ՇԻՆԱՐԱՐՈՒԹՅԱՆ ՀԱՄԱՐ ՆԱԽԱՏԵՍՎԱԾ ՊՈՂՊԱՏԵ ԽՈՂՈՎԱԿՆԵՐԻ

Ց Ա Ն Կ

«ՀԱՅՋՐՄՈՒՂԿՈՅՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՀԱՇՎԵԿՇՌՈՒՄ ԱՌԿԱ ԵՎ ՕՏԱՐՄԱՆ ԵՆԹԱԿԱ՝ ՍԵՎԱՆԻ ՕՂԱԿԱՁԵՎ ԿՈՅՈՒՂՈՒ ԿՈԼԵԿՏՈՐԻ ԱՆԱՎԱՐՏ ՇԻՆԱՐԱՐՈՒԹՅԱՆ ՀԱՄԱՐ ՆԱԽԱՏԵՍՎԱԾ ՊՈՂՊԱՏԵ ԽՈՂՈՎԱԿՆԵՐԻ