«Վավերացնում եմ»

Հայաստանի Հանրապետության

Նախագահ Ռ. Քոչարյան

11 սեպտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 օգոստոսի 2002 թվականի N 1362-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ՎԻՃԱԿԱԳՐԱԿԱՆ ԾԱՌԱՅՈՒԹՅԱՆ ՀԱՄԱԿԱՐԳԻ ՄԻ ՇԱՐՔ ՊԵՏԱԿԱՆ ՄԱՐՄԻՆՆԵՐ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հայաստանի Հանրապետությունում պետական կառավարման համակարգի բարեփոխումների իրականացման, ինչպես նաև «Պետական կառավարչական հիմնարկների մասին» և «Քաղաքացիական ծառայության մասին» Հայաստանի Հանրապետության օրենքների պահանջների կատարումն ապահովելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի մայիսի 15-ի «Հայաստանի Հանրապետության ազգային վիճակագրական ծառայության մարզային գործակալություն» պետական հիմնարկներ ստեղծելու մասին» N 412 որոշմամբ ստեղծված «Հայաստանի Հանրապետության ազգային վիճակագրական ծառայության մարզային գործակալություն» պետական հիմնարկները վերակազմավորել Հայաստանի Հանրապետության ազգային վիճակագրական ծառայության կազմում գործող գործակալությունների՝ հիմնարկի առանձնացված ստորաբաժանման կարգավիճակով։

2. Առաջարկել Հայաստանի Հանրապետության վիճակագրության պետական խորհրդին 10-օրյա ժամկետում հաստատել Հայաստանի Հանրապետության ազգային վիճակագրական ծառայության կազմում գործող գործակալությունների կանոնադրությունները։

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից։