«Վավերացնում եմ»
Հայաստանի Հանրապետության
Նախագահ Ռ. Քոչարյան
3 դեկտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

21 նոյեմբերի 2002 թվականի N 1850-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1997 ԹՎԱԿԱՆԻ ՄԱՐՏԻ 14-Ի N 51 ՈՐՈՇՄԱՆ ՄԵՋ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 1997 թվականի մարտի 14-ի «Համայնքի սեփականության գույքի ցանկը սահմանելու մասին» N 51 որոշման մեջ կատարել հետևյալ լրացումը`

որոշման N 4 հավելվածի` Գեղարքունիքի մարզի Վաղաշենի գյուղական համայնքի սեփականության գույքի ցանկը «վարչական շենքեր» տողից հետո լրացնել «ջրհան-կայանի շենք, 4,5 կմ երկարությամբ ոռոգման ջրատար» տողով:

2. Առաջարկել Վաղաշենի գյուղական համայնքի ղեկավարին սահմանված կարգով կատարել ջրհան-կայանի շենքի և 4,5 կմ երկարությամբ ոռոգման ջրատարի նկատմամբ գույքային իրավունքի պետական գրանցումը: