040.0304.01.04.02

«Վավերացնում եմ»
Հայաստանի Հանրապետության
Նախագահ Ռ. Քոչարյան
1 ապրիլի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

1 ապրիլի 2002 թվականի N 304
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԻՇԽԱՆՈՒԹՅԱՆ ՄԱՐՄԻՆՆԵՐԻ ՂԵԿԱՎԱՐ ԱՇԽԱՏՈՂՆԵՐԻ ՈՒ ՆՐԱՆՑ՝ ՕՐԵՆՔՈՎ ՍԱՀՄԱՆՎԱԾ ՓՈԽԿԱՊԱԿՑՎԱԾ ԱՆՁԱՆՑ ԳՈՒՅՔԻ ԵՎ ԵԿԱՄՈՒՏՆԵՐԻ ՀԱՅՏԱՐԱՐԱԳՐԵՐՈՒՄ ՆԵՐԱՌՎՈՂ ՏԵՂԵԿՈՒԹՅՈՒՆՆԵՐԻ ՎԵՐԱԲԵՐՅԱԼ ՀՐԱՊԱՐԱԿՄԱՆ ԵՆԹԱԿԱ ՏԵՂԵԿԱՆՔՆԵՐԻ ՁԵՎԵՐԸ ԵՎ ԴՐԱՆՑ ԼՐԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

«Հայաստանի Հանրապետության իշխանության մարմինների ղեկավար աշխատողների գույքի և եկամուտների հայտարարագրման մասին» Հայաստանի Հանրապետության օրենքի 6-րդ հոդվածի 3-րդ կետին համապատասխան՝ Հայաստանի Հանրապետության կառավարությունը որոշում է.

1. Հաստատել՝

ա) Հայաստանի Հանրապետության իշխանության մարմինների ղեկավար աշխատողների ____ __________ 200__ - ____ __________ 200__ թվականներին գույքի և եկամուտների հայտարարագրերում ներառվող տեղեկությունների վերաբերյալ հրապարակման ենթակա տեղեկանքի ձևը (N 1 ձևը կցվում է).

բ) Հայաստանի Հանրապետության իշխանության մարմինների ղեկավար աշխատողներին օրենքով սահմանված փոխկապակցված անձանց ____ __________ 200__ - ____ __________ 200__ թվականներին գույքի և եկամուտների հայտարարագրերում ներառվող տեղեկությունների վերաբերյալ հրապարակման ենթակա տեղեկանքի ձևը (N 2 ձևը կցվում է).

գ) Հայաստանի Հանրապետության իշխանության մարմինների ղեկավար աշխատողների ու նրանց՝ օրենքով սահմանված փոխկապակցված անձանց գույքի և եկամուտների հայտարարագրերում ներառվող տեղեկությունների վերաբերյալ հրապարակման ենթակա տեղեկանքների լրացման կարգը (կցվում է):

2. Հայաստանի Հանրապետության պետական եկամուտների նախարարությանը՝

ա) ապահովել սույն որոշման 1-ին կետի «ա» և «բ» ենթակետերում նշված տեղեկանքների կազմումը՝ մինչև հաշվետու տարվան հաջորդող տարվա մարտի 30-ը.

բ) սույն որոշման 1-ին կետի «ա» և «բ» ենթակետերում նշված տեղեկանքները մագնիսական կրիչով տրամադրել «Հայաստանի Հանրապետության պաշտոնական տեղեկագիր» պարբերականին՝ մինչև հաշվետու տարվան հաջորդող տարվա ապրիլի 1-ը:

3. Հայաստանի Հանրապետության արդարադատության նախարարությանը՝ ապահովել սույն որոշման 1-ին կետի «ա» և «բ» ենթակետերում նշված տեղեկանքների հրապարակումը «Հայաստանի Հանրապետության պաշտոնական տեղեկագիր» պարբերականում՝ մինչև հաշվետու տարվան հաջորդող տարվա հունիսի 1-ը:

4. Սույն որոշումն ուժի մեջ է մտնում պաշտոնական հրապարակման պահից:

Ձև N 1

Տ Ե Ղ Ե Կ Ա Ն Ք

Հայաստանի Հանրապետության իշխանության մարմնի ղեկավար աշխատողների ____ __________ 200__ - ____ __________ 200__ թվականներին գույքի եվ եկամուտների հայտարարագրերում ներառվող տեղեկությունների վերաբերյալ

Ձև N 2

Տ Ե Ղ Ե Կ Ա Ն Ք

Հայաստանի Հանրապետության իշխանության մարմինների ղեկավար աշխատողներին` օրենքով սահմանված փոխկապակցված անձանց ____ __________ 200__ - ____ __________ 200__ թվականներին գույքի եվ եկամուտների հայտարարագրերում ներառվող տեղեկությունների վերաբերյալ

Կ Ա Ր Գ

Հայաստանի Հանրապետության իշխանության մարմինների ղեկավար աշխատողների ու նրանց՝ օրենքով սահմանված փոխկապակցված անձանց գույքի եվ եկամուտների հայտարարագրերում ներառվող տեղեկությունների վերաբերյալ հրապարակման ենթակա տեղեկանքների լրացման

1. Սույն կարգով սահմանվում է Հայաստանի Հանրապետության իշխանության մարմինների ղեկավար աշխատողների ու նրանց՝ օրենքով սահմանված փոխկապակցված անձանց գույքի և եկամուտների հայտարարագրերում ներառվող տեղեկությունների վերաբերյալ հրապարակման ենթակա տեղեկանքների (NN 1 և 2 ձևեր) (այսուհետև՝ տեղեկանքներ) լրացման կարգը:

2. Տեղեկանքները լրացվում են Հայաստանի Հանրապետության կառավարության 2002 թվականի հունվարի 14-ի «Հայաստանի Հանրապետության իշխանության մարմինների ղեկավար աշխատողների ու նրանց փոխկապակցված անձանց գույքի և եկամուտների հայտարարագրի ձևերը, դրանց լրացման և պահպանման կարգերը հաստատելու մասին» N 27 որոշմամբ հաստատված Հայաստանի Հանրապետության իշխանության մարմինների ղեկավար աշխատողների ու նրանց փոխկապակցված անձանց գույքի և եկամուտների հայտարարագրերում (այսուհետև՝ հայտարարագրեր) ներառված տեղեկությունների հիման վրա:

3. Տեղեկանքները լրացվում են հետևյալ կարգով՝

3.1. N 1 ձևի տեղեկանքի՝

ա) «I. Հայտարարատուի անունը, հայրանունը, ազգանունը» տողում լրացվում են հայտարարատուի անունը, հայրանունը և ազգանունը (լրիվ).

բ) «II. Աշխատանքի վայրը, պաշտոնը» տողում լրացվում են հայտարարատուի աշխատանքի վայրի (տվյալ իշխանության մարմնի) լրիվ անվանումը, հայտարարատուի զբաղեցրած պաշտոնը.

գ) «III. Պաշտոնավարման ժամանակաշրջանը» տողում լրացվում են պաշտոնավարման առաջին կամ առաջին ու վերջին օրերի ամսաթվերը, ամիսները, տարեթվերը.

3.2. N 2 ձևի տեղեկանքի՝

ա) «I. Հայտարարատուի անունը, հայրանունը, ազգանունը» տողում լրացվում են հայտարարատուի անունը, հայրանունը և ազգանունը (լրիվ).

բ) «II. Հայտարարատուին փոխկապակցված ղեկավար աշխատողի անունը, հայրանունը, ազգանունը և աշխատանքի վայրը, պաշտոնը» տողում լրացվում են հայտարարատուին փոխկապակցված ղեկավար աշխատողի անունը, հայրանունը և ազգանունը (լրիվ), աշխատանքի վայրի (տվյալ իշխանության մարմնի) լրիվ անվանումը և զբաղեցրած պաշտոնը.

գ) «III. Հայտարարատուին փոխկապակցված ղեկավար աշխատողի պաշտոնավարման ժամանակաշրջանը» տողում լրացվում են հայտարարատուին փոխկապակցված ղեկավար աշխատողի պաշտոնավարման առաջին կամ առաջին ու վերջին օրերի ամսաթվերը, ամիսները, տարեթվերը.

3.3. տեղեկանքների IV և V բաժինները լրացվում են միևնույն կարգով, հետևյալ կերպ՝

ա) տեղեկանքներում «X» նշանն ունեցող տողերը չեն լրացվում.

բ) «IV. Հայտարարագրված գույքը» բաժնի «Շենքեր և շինություններ» ենթաբաժնի՝

3-րդ՝ «Միավորների թիվը» սյունակում նշվում է հայտարարագրի II.1-ին բաժնում հայտարարագրված շենքերի և շինությունների թիվը՝ ըստ շինությունների տեսակների («1.1. բնակելի», «1.2. հասարակական, արտադրական և այլ»),

4-րդ՝ «Չափը» սյունակում նշվում է հայտարարագրի II.1-ին բաժնի՝ հաշվետու ժամանակաշրջանի վերջին ցուցանիշների՝ ընդհանուր մակերեսների հանրագումարը՝ ըստ սույն ենթակետում նշված շինությունների տեսակների (քառակուսի մետրերով).

գ) «IV. Հայտարարագրված գույքը» բաժնի «2. Հողամասեր» ենթաբաժնի՝

3-րդ՝ «Միավորների թիվը» սյունակում նշվում է հայտարարագրի II.2-րդ բաժնում հայտարարագրված հողամասերի թիվը՝ ըստ հողատեսքերի («2.1. տնամերձ», «2.2. գյուղատնտեսական», «2.3. ոչ գյուղատնտեսական»),

4-րդ՝ «Չափը» սյունակում նշվում է հայտարարագրի II.2-րդ բաժնի՝ հաշվետու ժամանակաշրջանի վերջին ցուցանիշների՝ ընդհանուր մակերեսների հանրագումարը՝ ըստ սույն ենթակետում նշված հողատեսքերի (հեկտարներով).

դ) «3. Այլ անշարժ գույք (ըստ օբյեկտների տեսակների)» ենթաբաժնի՝

2-րդ՝ «Գույքի անվանումը» սյունակի տողերում նշվում են հայտարարագրի II. 3-րդ բաժնում նշված այլ անշարժ գույքի տեսակները (ընդերքի մասեր, մեկուսի ջրային օբյեկտներ, անտառներ, բազմամյա տնկարկներ, այլ),

3-րդ՝ «Միավորների թիվը» սյունակում լրացվում են հայտարարագրի II.3-րդ բաժնում արտացոլված այլ անշարժ գույքի օբյեկտների թիվը (հատերով)՝ ըստ սույն ենթակետում նշված այլ անշարժ գույքի տեսակների՝ հաշվետու ժամանակաշրջանի վերջում.

ե) «4. Փոխադրամիջոցներ» բաժնի՝

3-րդ՝ «Անվանումը և մակնիշը» սյունակում առանձին տողերով նշվում են հայտարարագրի II. 4-րդ բաժնում հայտարարագրված փոխադրամիջոցների անվանումները և մակնիշները՝ հիմք ընդունելով հայտարարագրի՝ հաշվետու ժամանակաշրջանի վերջին տեղեկությունները,

4-րդ՝ «Թողարկման տարեթիվը» սյունակում նշվում է տեղեկանքների «Փոխադրամիջոցներ» բաժնի 3-րդ սյունակի համապատասխան տողում նշված փոխադրամիջոցի թողարկման տարեթիվը՝ հայտարարագրի II. 4-րդ բաժնի 3-րդ սյունակում արտացոլված տեղեկությունների հիման վրա.

3.4. «V. Հայտարարագրված եկամուտներ» բաժնի՝

ա) «Եկամուտներ՝ ընդամենը» ենթաբաժնի՝

2-րդ՝ «Բնամթերքով» սյունակում նշվում է հայտարարագրի «III. Հայտարարագրման ենթակա եկամուտները և դրանց գոյացման աղբյուրները» հատվածի բոլոր (III. 1. - III. 18.) բաժինների 3-րդ սյունակում արտացոլված՝ բնամթերային ձևով ստացված եկամուտների հանրագումարը (դրամով),

3-րդ՝ «Արտարժույթի անվանումը» սյունակում նշվում է հայտարարագրի «III. Հայտարարագրման ենթակա եկամուտները և դրանց գոյացման աղբյուրները» հատվածի 4-րդ սյունակում արտացոլված եկամուտների՝ արտարժույթի անվանումները (ԱՄՆ-ի դոլար, շվեյցարական ֆրանկ և այլն),

4-րդ՝ «Գումարը» սյունակում նշվում է հայտարարագրի «III. Հայտարարագրման ենթակա եկամուտները և դրանց գոյացման աղբյուրները» հատվածի 4-րդ սյունակում արտացոլված եկամուտների հանրագումարը՝ ըստ արտարժույթի առանձին տեսակների,

5-րդ՝ «Հայաստանի Հանրապետության դրամով» սյունակում նշվում է հայտարարագրի «III. Հայտարարագրման ենթակա եկամուտները և դրանց գոյացման աղբյուրները» հատվածի բոլոր (III. 1. - III. 18.) բաժինների 5-րդ սյունակում արտացոլված՝ Հայաստանի Հանրապետության դրամով ստացված եկամուտների հանրագումարը.

բ) «այդ թվում՝ աշխատավարձ և դրան հավասարեցված այլ վճարումներ» ենթաբաժնում նշվում է հայտարարագրի «III. Հայտարարագրման ենթակա եկամուտները և դրանց գոյացման աղբյուրները» հատվածի «III.1. Աշխատանքի վարձատրություն և դրան հավասարեցված այլ վճարումներ» բաժնում արտացոլված եկամուտները՝ սույն կետի «ա» ենթակետով սահմանված կարգով: