«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
25 oգոստոսի 1999 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

25 օգոստոսի 1999 թվականի N 536

քաղ. Երևան

«ՎԱՆԱՁՈՐԻ ԿԱՆԱՆՑ ԿՈՆՍՈՒԼՏԱՑԻԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԲԱԺԱՆՄԱՆ ՁԵՎՈՎ ՎԵՐԱԿԱԶՄԱԿԵՐՊԵԼՈՒ ՄԱՍԻՆ

Հաշվի առնելով Վանաձոր քաղաքի տարածքային առանձնահատկությունները, ինչպես նաև կանանց բուժօգնության և սպասարկման որակը բարելավելու նպատակով Հայաստանի Հանրապետության կառավարությունը որոշում է.

1. Վերակազմակերպել «Վանաձորի կանանց կոնսուլտացիա» փակ բաժնետիրական ընկերությունը` այն բաժանելով «Վանաձորի N 1 կանանց կոնսուլտացիա» փակ բաժնետիրական ընկերության (50 բաժնետոմսով, 1 բաժնետոմսի անվանական արժեքը կազմում է 10000 դրամ) և «Վանաձորի N 2 կանանց կոնսուլտացիա» փակ բաժնետիրական ընկերության (34 բաժնետոմսով, 1 բաժնետոմսի անվանական արժեքը կազմում է 10000 դրամ):

2. «Վանաձորի N 1 կանանց կոնսուլտացիա» և «Վանաձորի N 2 կանանց կոնսուլտացիա» փակ բաժնետիրական ընկերությունների պետական սեփականություն հանդիսացող բաժնետոմսերի կառավարման լիազորությունները վերապահել Հայաստանի Հանրապետության Լոռու մարզպետին:

3. Սույն որոշումն ուժի մեջ է մտնում 1999 թվականի օգոստոսի 25-ից:

Հայաստանի Հանրապետության վարչապետ

Վ. Սարգսյան