ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 նոյեմբերի 1993 թվականի N 569

քաղ. Երևան

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՒՍԱՎՈՐՈՒԹՅԱՆ ՆԱԽԱՐԱՐՈՒԹՅԱՆ ՌԱԶՄԱՄԱՐԶԱԿԱՆ ԳԻՇԵՐՕԹԻԿ ՎԱՐԺԱՐԱՆԻ ՀԻՄԱՆ ՎՐԱ ՌԱԶՄԱՄԱՐԶԱԿԱՆ ՎԱՐԺԱՐԱՆ-ՈՒՍՈՒՄՆԱՐԱՆ ՀԱՄԱԼԻՐ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Ընդունել Հայաստանի Հանրապետության պաշտպանության նախարարության առաջարկությունը` համաձայնեցված Հայաստանի Հանրապետության լուսավորության նախարարության հետ, և լուսավորության նախարարության ռազմամարզական գիշերօթիկ վարժարանի հիման վրա ստեղծել ռազմամարզական վարժարան-ուսումնարան համալիր` տալով նրան միջնակարգ, միջնակարգ մասնագիտական ուսումնական հաստատության կարգավիճակ:

Միջնակարգ մասնագիտական ուսումնական հաստատության համար 1993/94 ուսումնական տարում նախատեսել 30 տեղ` Հայաստանի Հանրապետության բարձրագույն կրթության և գիտության նախարարությանը 1993/94 ուսումնական տարվա ընդունելության պետական պատվերով նախատեսված միջնակարգ մասնագիտական ուսումնական հաստատությունների ընդունելության հաշվին:

2. Հայաստանի Հանրապետության էկոնոմիկայի նախարարությանը, ֆինանսների նախարարությանը և բարձրագույն կրթության ու գիտության նախարարությանը` ելնելով սույն որոշումից, համապատասխան փոփոխություններ կատարել 1993/94 ուսումնական տարվա ընդունելության պետական պատվերում:

3. Հայաստանի Հանրապետության լուսավորության նախարարությանը` հաստատել ռազմամարզական վարժարան-ուսումնարան համալիրի կանոնադրությունը, համաձայնեցնելով այն Հայաստանի Հանրապետության բարձրագույն կրթության և գիտության նախարարության ու պաշտպանության նախարարության հետ:

4. Հայաստանի Հանրապետության պաշտպանության նախարարությանը` ռազմամարզական վարժարան-ուսումնարան համալիրն ապահովել նյութատեխնիկական միջոցներով, կադրերով, մեթոդական օգնությամբ և գործնական պարապմունքների համար ստեղծել ռազմական ուսումնական կենտրոն: