«Վավերացնում եմ»
Հայաստանի Հանրապետության
Նախագահ Լ. Տեր-Պետրոսյան
30 հունիսի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հունիսի 1997 թվականի N 231
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅԱՆ ԵՐԵՎԱՆԻ ԳԵՂԱՐՎԵՍՏԻ ՊԵՏԱԿԱՆ ԻՆՍՏԻՏՈՒՏԻ, ԵՐԵՎԱՆԻ ԿՈՄԻՏԱՍԻ ԱՆՎԱՆ ՊԵՏԱԿԱՆ ԿՈՆՍԵՐՎԱՏՈՐԻԱՅԻ ԵՎ ԵՐԵՎԱՆԻ ԹԱՏԵՐԱԿԱՆ ԱՐՎԵՍՏԻ ՊԵՏԱԿԱՆ ԻՆՍՏԻՏՈՒՏԻ ԳՅՈՒՄՐԻԻ ՄԱՍՆԱՃՅՈՒՂԵՐ ՍՏԵՂԾԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության կրթության և գիտության նախարարության, Հայաստանի Հանրապետության մշակույթի, երիտասարդության հարցերի և սպորտի նախարարության ու Շիրակի մարզպետի առաջարկությունը և Գյումրի քաղաքում ստեղծել`

ա) Հայաստանի Հանրապետության կրթության և գիտության նախարարության Երևանի գեղարվեստի պետական ինստիտուտի Գյումրիի մասնաճյուղ.

բ) Հայաստանի Հանրապետության կրթության և գիտության նախարարության Երևանի Կոմիտասի անվան պետական կոնսերվատորիայի Գյումրիի մասնաճյուղ.

գ) Հայաստանի Հանրապետության կրթության և գիտության նախարարության Երևանի թատերական արվեստի պետական ինստիտուտի Գյումրիի մասնաճյուղ:

2. Հաստատել 1997-98 ուսումնական տարվա ընդունելության պետական պատվեր`

ա) Երևանի գեղարվեստի պետական ինստիտուտի Գյումրիի մասնաճյուղի համար`

0518	Գեղանկարչություն	1 տեղ
0519	Գծանկարչություն (գրաֆիկա)	1 տեղ
0520	Քանդակագործություն	1 տեղ

    

բ) Երևանի Կոմիտասի անվան պետական կոնսերվատորիայի Գյումրիի մասնաճյուղի համար`

0509	Գործիքային կատարողականություն	1 տեղ
0510	Վոկալ արվեստ	1 տեղ
0511	Խմբավարություն (դիրիժորություն)	1 տեղ

   

գ) Երևանի թատերական արվեստի պետական ինստիտուտի Գյումրիի մասնաճյուղի համար`

0501	Դերասանական արվեստ	1 տեղ
0502	Ռեժիսուրա	1 տեղ
0504	Թատերագիտություն	1 տեղ

համապատասխանաբար կրճատելով Հայաստանի Հանրապետության կառավարության 1997 թվականի հունիսի 13-ի «Հայաստանի Հանրապետության պետական բարձրագույն, միջնակարգ մասնագիտական ուսումնական հաստատությունների և քոլեջների 1997-98 ուսումնական տարվա ընդունելության պետական պատվերը հաստատելու մասին» N 171 որոշմամբ հաստատված Հայաստանի Հանրապետության կրթության և գիտության նախարարության Երևանի գեղարվեստի պետական ինստիտուտի, Երևանի Կոմիտասի անվան պետական կոնսերվատորիայի և Երևանի թատերական արվեստի պետական ինստիտուտի նշված մասնագիտությունների գծով ընդունելության պետական պատվերի տեղերի քանակը:

3. Հայաստանի Հանրապետության կրթության և գիտության նախարարությանը` Շիրակի մարզպետի հետ համատեղ լուծել Հայաստանի Հանրապետության կրթության և գիտության նախարարության Երևանի գեղարվեստի պետական ինստիտուտի, Երևանի Կոմիտասի անվան պետական կոնսերվատորիայի և Երևանի թատերական արվեստի պետական ինստիտուտի Գյումրիի մասնաճյուղերի ուսումնական գործընթացի կազմակերպման հարցերը:

4. Սույն որոշումն ուժի մեջ է մտնում 1997 թվականի հունիսի 30-ից:

Հայաստանի Հանրապետության վարչապետ

Ռ. Քոչարյան