«Գրանցված է»

ՀՀ արդարադատության

նախարարության կողմից

16 ապրիլի 2008 թ.

Պետական գրանցման թիվ 32008137

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿԱՌԱՎԱՐՈՒԹՅԱՆՆ ԱՌԸՆԹԵՐ

ՔԱՂԱՔԱՑԻԱԿԱՆ ԱՎԻԱՑԻԱՅԻ ԳԼԽԱՎՈՐ ՎԱՐՉՈՒԹՅՈՒՆ

Հ Ր Ա Մ Ա Ն

ԱԵՐՈՆԱՎՏԻԿԱԿԱՆ ԱՐՏԱԴՐԱՏԵՍԱԿՆԵՐԻ ՌԵՍՈՒՐՍՆԵՐԻ ԵՐԿԱՐԱՁԳՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

Ղեկավարվելով «Ավիացիայի մասին» Հայաստանի Հանրապետության օրենքի 29-րդ հոդվածի 2-րդ մասի պահանջներով`

ՀՐԱՄԱՅՈՒՄ ԵՄ՝

1. Սահմանել «Աերոնավտիկական արտադրատեսակների ռեսուրսների երկարաձգման կարգը» համաձայն հավելվածի:

2. Հրամանը ուժի մեջ է մտնում պաշտոնական հրապարակման օրվան հաջորդող տասներորդ օրվանից:

Կ Ա Ր Գ

ԱԵՐՈՆԱՎՏԻԿԱԿԱՆ ԱՐՏԱԴՐԱՏԵՍԱԿՆԵՐԻ ՌԵՍՈՒՐՍՆԵՐԻ ԵՐԿԱՐԱՁԳՄԱՆ

1. Աերոնավտիկական արտադրատեսակների ռեսուրսների երկարաձգման կարգը (այսուհետ՝ Կարգ) սահմանում է աերոնավտիկական արտադրատեսակների ռեսուրսների երկարաձգման տեխնիկական աշխատանքներն իրականացնելու ընթացակարգերը:

2. Կարգի դրույթները տարածվում են Հայաստանի Հանրապետության օդանավերի պետական ռեգիստրում գրանցված օդանավերի աերոնավտիկական արտադրատեսակների վրա:

3. Կարգում օգտագործվող հիմնական հասկացություններն են՝

1) աերոնավտիկական արտադրատեսակներ՝ թռիչքային անվտանգության տեսակետից կարևոր համարվող օդանավի պահեստամասեր, հարմարանքներ և սարքավորումներ.

2) ռեսուրս` աերոնավտիկական արտադրատեսակի շահագործման տևողության չափման մեծություն` արտահայտված ժամերով, վայրէջքներով, ցիկլերով, օրացուցային տարիներով և չափման այլ միավորներով.

3) ծրագիր՝ աերոնավտիկական արտադրատեսակների ռեսուրսների երկարաձգման ծրագիր.

4) ռեսուրսների երկարաձգման ծրագիրը մշակող` աերոնավտիկական արտադրատեսակի նախագծող, պատրաստող կամ այլ կազմակերպություն, որին տրվել է համապատասխան հանձնարարական նախագծողի, արտադրողի կամ գրանցման պետության լիազորված մարմնի կողմից.

5) նախագծող` աերոնավտիկական արտադրատեսակի տիպային կառուցվածքի համար պատասխանատու կազմակերպություն։

4. Օդանավերի շարժիչների ռեսուրսների երկարաձգումը իրականացվում է դրանց տրված միջվերանորոգման և նշանակված ռեսուրսների սահմաններում:

5. Օդանավերի շարժիչների միջվերանորոգման և նշանակված ռեսուրսների երկարաձգումը նախագծողի կողմից տրված համապատասխան ռեսուրսներից ավելի չի իրականացվում:

6. Օդանավերի շարժիչների և համալրող արտադրատեսակների միջվերանորոգման և նշանակված շահագործման օրացուցային ժամկետների երկարաձգումը իրականացվում է ժամերով, ցիկլերով, վայրէջքներով արտահայտված ռեսուրսների առկայության դեպքում:

7. Յուրաքանչյուր աերոնավտիկական արտադրատեսակի ռեսուրսների երկարաձգման համար օդանավ շահագործողը կամ օդանավի սեփականատերը Քաղաքացիական ավիացիայի կոմիտե (այսուհետ՝ Կոմիտե) ներկայացնում է հայտ (Ձև 1) և հայտին կից օրենքով սահմանված պետական տուրքի վճարման անդորրագիրը: Մեկից ավելի արտադրատեսակների խմբի համար ներկայացվում է մեկ հայտ:

(7-րդ կետը փոփ. 13.12.24 N 1-Ն)

7.1. Կարգով նախատեսված՝ հայտի և կից փաստաթղթի անհամապատասխանության կամ փաստաթղթերի ոչ լրիվ ներկայացման դեպքում Կոմիտեն օդանավ շահագործողին կամ օդանավի սեփականատիրոջը գրավոր՝ հայտը Կոմիտեում մուտքագրվելուց հետո 3 աշխատանքային օրվա ընթացքում, տեղեկացնում է թերությունների մասին: Հետագա քննարկումը կատարվում է թերությունները վերացնելուց և Կոմիտե այդ մասին գրավոր հայտնելուց ու համապատասխան փաստաթղթերը ներկայացնելուց հետո՝ 15 օրվա ընթացքում:

(7.1-ին կետը լրաց. 13.12.24 N 1-Ն)

8. Կոմիտեն հայտը ստանալուց հետո 15 օրվա ընթացքում՝ ուսումնասիրելով աերոնավտիկական արտադրատեսակի ռեսուրսների երկարաձգման հնարավոր բացասական ազդեցությունը թռիչքային անվտանգության վրա, տալիս է իր գրավոր եզրակացությունը նշված ավիացիոն արտադրատեսակի (արտադրատեսակների) ռեսուրսների երկարաձգման մասին և նշում Ծրագիր մշակող կազմակերպության անվանումը:

 (8-րդ կետը փոփ. 13.12.24 N 1-Ն)

9. Ստանալով Կարգի 8-րդ կետով նախատեսված եզրակացությունը` օդանավ շահագործողը կամ օդանավի սեփականատերը Ծրագիրը մշակողից ստանում է Ծրագիրը: Հայաստանի Հանրապետության տարածքային կառավարման և ենթակառուցվածքների նախարարի 2022 թվականի հունիսի 1-ի N 10-Ն հրամանի N 2 հավելվածով սահմանված կարգով սերտիֆիկացված կամ այլ պետության տեխնիկական սպասարկման սերտիֆիկատ ունեցող և Կոմիտեի կողմից ճանաչված տեխնիկական սպասարկման կազմակերպություններում։ 

(9-րդ կետը փոփ. 13.12.24 N 1-Ն)

10. Ավիացիոն արտադրատեսակների ռեսուրսների երկարաձգման աշխատանքների ավարտից հետո, Ծրագիրը մշակողի կողմից իրականացվում է դրանց տեխնիկական վիճակի հետազոտում:

11. Աերոնավտիկական արտադրատեսակի ռեսուրսների երկարաձգման տեխնիկական աշխատանքների արդյունքները ձևակերպվում են աերոնավտիկական արտադրատեսակի տեխնիկական վիճակի գնահատման ակտում (այսուհետ` Ակտ), որը կազմվում է աշխատանքները կատարած տեխնիկական սպասարկման կազմակերպության հանձնաժողովի կողմից: Ակտը հաստատվում է տեխնիկական սպասարկման կազմակերպության ղեկավարի կողմից և ներկայացվում Ծրագիրը մշակողին դրա վերաբերյալ երկարաձգման որոշում ստանալու նպատակով:

12. Ծրագիրը մշակողը օդանավ շահագործողի կամ օդանավի սեփականատիրոջ կողմից ստացված Ակտի ուսումնասիրությունից հետո օդանավ շահագործողին կամ օդանավի սեփականատիրոջը տալիս է իր կողմից հաստատված գրավոր որոշում` աերոնավտիկական արտադրատեսակի ռեսուրսների երկարաձգման հնարավորության մասին:

13. Օդանավ շահագործողը կամ օդանավի սեփականատերը ռեսուրսների երկարաձգման ծրագիրը մշակողի կողմից հաստատված աերոնավտիկական արտադրատեսակի ռեսուրսների երկարաձգման որոշումը ներկայացվում է Կոմիտե՝ հաստատման: Միաժամանակ Կոմիտե են ներկայացվում Ծրագիրը և Ակտը:

(13-րդ կետը փոփ. 13.12.24 N 1-Ն)

14. Աերոնավտիկական արտադրատեսակի ռեսուրսների երկարաձգման որոշումը կիրառվում է Կոմիտեի կողմից օդանավի թռիչքային պիտանիության վերաբերյալ եզրակացություն տալիս:

(14-րդ կետը փոփ. 13.12.24 N 1-Ն)

15. Օդանավ շահագործողը կամ օդանավի սեփականատերը ապահովում են ռեսուրսները երկարաձգված աերոնավտիկական արտադրատեսակների շահագործումը՝ աերոնավտիկական արտադրատեսակի ռեսուրսների երկարաձգման որոշման մեջ նշված պայմաններին և ժամկետներին համապատասխան:

Ձև 1

Հ Ա Յ Տ

ԱԵՐՈՆԱՎՏԻԿԱԿԱՆ ԱՐՏԱԴՐԱՏԵՍԱԿՆԵՐԻ ՌԵՍՈՒՐՍՆԵՐԻ ԵՐԿԱՐԱՁԳՄԱՆ

Համաձայն Հայաստանի Հանրապետության կառավարությանն առընթեր քաղաքացիական

ավիացիայի Կոմիտեի պետի 200…..թ. ……………………-ի թիվ ….… հրամանով

                    (ամիսը, ամսաթիվը)

հաստատված աերոնավտիկական արտադրատեսակի ռեսուրսների երկարաձգման կարգի»`

…………………………………….………………………………………………………………..

……………………………………………………………………………………………………...

……………………………………………………………………………………………………...

……………………………………………………………………………………………………...

(նշել աերոնավտիկական արտադրատեսակի կամ արտադրատեսակների տիպը և գործարանային

Ելակետային տվյալները`

1. Թողարկման ամսաթիվը………………………...…………………………………….

2. Նշանակված ռեսուրսը..…………………………………………………………………

3. Օգտագործված ռեսուրսը` շահագործման սկզբից սկսած …..…………….……

4. Նշանակված միջվերանորոգման ռեսուրսը…………………………………………

5. Վերջին վերանորոգման իրականացման ամսաթիվը և վայրը……………………

6. Վերջին վերանորոգումից հետո օգտագործված ռեսուրսը………….……..………

7. Ռեսուրսների նախորդ երկարաձգման ամսաթիվը …………………………………

8. Նախորդ երկարաձգումից հետո ծախսված ռեսուրսը………….………………….

9. Սույն հայտին կցված են հետևյալ փաստաթղթերը`

Աերոնավտիկական արտադրատեսակի տեղեկամատյանը (տեխնիկական անձնագիրը):

Սահմանափակ ռեսուրսներով ավիացիոն արտադրատեսակների ցանկը` նշելով սահմանափակումների և ռեսուրսների մեծությունները` օդանավում տեղադրվելու պահից սկսած:

Օդանավ շահագործողի կազմակերպության ղեկավարի կամ օդանավի սեփականատիրոջ ազգանունը, ստորագրությունը և հայտի ստորագրման ամսաթիվը

……………………………………………………………………………………………………...

_______________________________________________

Քաղաքացիական ավիացիայի կոմիտեի օդանավերի
թռիչքային պիտանիության հարցերի գծով իրավասու ստորաբաժանման պետի եզրակացությունը նշված
աերոնավտիկական արտադրատեսակների ռեսուրսների երկարաձգման թույլտվության, Ծրագիրը
մշակողի և փորձագետների ընդգրկման անհրաժեշտության մասին՝ .………………………………..............

……………………………………………………….....……………………………………………….………………………......

………………..……………………………………………………...……...…………………………………………….……......

….……………………………………………….........................................................................................................

______________________

(ամսաթիվը, ստորագրությունը, ազգանունը)

(ձևը փոփ. 22.08.16 N 156-Ն, 13.12.24 N 1-Ն)

(հավելվածը փոփ. 22.08.16 N 156-Ն, փոփ., լրաց. 13.12.24 N 1-Ն)