ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ԴԻԱԿԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԹՈՒՅԼՏՎՈՒԹՅԱՆ ԿԱՐԳԸ ԵՎ ՊԱՅՄԱՆՆԵՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 9-րդ հոդվածը`

Հաստատել` դիակից օրգաններ և (կամ) հյուսվածքներ վերցնելու թույլտվության կարգը և պայմանները` համաձայն հավելվածի:

Ա. Թորոսյան

ԴԻԱԿԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԹՈՒՅԼՏՎՈՒԹՅԱՆ ԿԱՐԳԸ ԵՎ ՊԱՅՄԱՆՆԵՐԸ

1. Սույն կարգով սահմանվում են դիակային դոնորից օրգաններ և (կամ) հյուսվածքներ վերցնելու թույլտվության տրամադրման կարգը և պայմանները:

2. Դիակային դոնորից օրգաններ և (կամ) հյուսվածքներ վերցնելու գործընթացը սկսելու հիմքը բժշկական օգնության և սպասարկման համապատասխան լիցենզիա ունեցող այն բժշկական օգնություն և սպասարկում իրականացնող հաստատության (այսուհետ` բժշկական հաստատություն)` դիակից օրգաններ և (կամ) հյուսվածքներ վերցնելու գործընթացը սկսելու վերաբերյալ տնօրենի գրավոր թույլտվությունն է (այսուհետ` Թույլտվություն), համաձայն սույն հավելվածի Ձև 1-ի, որտեղ գտնվում է դիակային դոնորը:

3. Թույլտվության տրամադրման պարտադիր պայմաններն են`

1) դիակային դոնորի ուղեղային մահվան հաստատման արձանագրությունը, բացառությամբ կենսաբանական մահվան փաստը հաստատելուց հետո փոխպատվաստման նպատակով օրգանների և (կամ) հյուսվածքներ վերցնելու դեպքերի, որոնց համար հիմք է հանդիսանում մահվան էպիկրիզը (հիվանդանոցային մահվան դեպքում) կամ դիահերձարանի ախտաբանաանատոմի եզրակացությունը (տնային մահվան դեպքում).

2) օրգանների և (կամ) հյուսվածքների դոնորների և ռեցիպիենտների ռեեստրից տրամադրված տեղեկատվությունը (գրավոր տեղեկանք կամ էլեկտրոնային) դիակային դոնորի` իր կենդանության օրոք Հայաստանի Հանրապետության օրենսդրությամբ սահմանված կարգով ներկայացրած` մահից հետո որպես օրգանների և հյուսվածքների դոնոր հանդես գալու իր անհամաձայնության բացակայության մասին.

3) դիակային դոնորի ազգականներից որևէ մեկի գրավոր համաձայնությունը` ըստ սույն կարգի 4-րդ կետի, հաշվի առնելով «Մարդուն օրգաններ և (կամ) հյուսվածքներ փոխպատվաստելու մասին» օրենքի 7-րդ հոդվածով սահմանված առաջնահերթությունը.

4) դատաբժշկական փորձագետի թույլտվությունը այն դեպքերում, երբ Հայաստանի Հանրապետության օրենսդրությամբ սահմանված կարգով պահանջվում է դատաբժշկական փորձաքննության անցկացում.

5) մինչև 18 տարեկան երեխաների կամ օրենքով սահմանված կարգով անգործունակ ճանաչված անձի դիակից օրգաններ և (կամ) հյուսվածքներ վերցնելու դեպքում` նրա ծնողի կամ օրինական ներկայացուցչի համաձայնությունը:

4. Բժշկական հաստատության ղեկավարի կողմից նշանակված պատասխանատու անձը դիակային դոնորի ազգականներին տրամադրում է լիարժեք տեղեկատվություն օրգանը և (կամ) հյուսվածքը վերցնելու անհրաժեշտության և գործընթացի վերաբերյալ, նրանց հետ տանում է զրույց և բացատրական աշխատանք:

5. Թույլտվությունը տրամադրվում է սույն կարգի 3-րդ կետով սահմանված անհրաժեշտ պայմանների առկայության դեպքում, ընդ որում ուղեղային մահվան փաստը հաստատելուց հետո փոխպատվաստման նպատակով օրգանների կամ հյուսվածքների վերցնելու դեպքերում բժշկական հաստատության տնօրենի կողմից ստեղծվում է դիակային դոնորից օրգաններ և (կամ) հյուսվածքներ վերցնելու հնարավորությունն ուսումնասիրող բժշկական հանձնաժողով, որի կազմում ընդգրկվում են համապատասխան մասնագիտացմամբ վիրաբույժ, անեսթեզիոլոգ, երիկամաբան, սրտաբան, աղեստամոքսաբան, ակնաբույժ, ախտաբանաանատոմ և համապատասխան մասնագիտացմամբ այլ բժիշկ-մասնագետներ (ըստ անհրաժեշտության):

6. Սույն կարգի 5-րդ կետով նախատեսված բժշկական հանձնաժողովի կազմում չեն ընդգրկվում այն բժիշկ-մասնագետները, ովքեր մասնակցել են դոնորի ուղեղային մահվան փաստի հաստատմանը:

7. Դոնորի բազմակողմանի (համալիր) բժշկական հետազոտության արդյունքում`

1) ուղեղային մահվան փաստը հաստատելուց հետո փոխպատվաստման նպատակով վերցվող օրգանների և (կամ) հյուսվածքների դեպքերում լրացվում է տեղեկատվական թերթիկ` համաձայն սույն հավելվածի Ձև 2-ի, որի արդյունքների հիման վրա բժշկական հանձնաժողովի կողմից տրվում է ուղեղային մահվան փաստը հաստատելուց հետո դիակային դոնորից օրգաններ և (կամ) հյուսվածքներ վերցնելու հնարավորության մասին եզրակացություն` համաձայն սույն հավելվածի Ձև 3-ի, որը հաստատվում է բժշկական հանձնաժողովում ներգրավված բժիշկների ստորագրություններով.

2) կենսաբանական մահվան փաստը հաստատելուց հետո փոխպատվաստման նպատակով վերցվող օրգանների և (կամ) հյուսվածքների դեպքերում լրացվում է տեղեկատվական թերթիկ` համաձայն սույն հավելվածի Ձև 4-ի, որի արդյունքների հիման վրա ախտաբանաանատոմի կողմից տրվում է կենսաբանական մահվան փաստը հաստատելուց հետո դիակային դոնորից օրգաններ և (կամ) հյուսվածքներ վերցնելու հնարավորության մասին եզրակացություն` համաձայն սույն հավելվածի Ձև 5-ի, որը հաստատվում է ախտաբանաանատոմի ստորագրությունով:

8. Դիակային դոնորից օրգաններ և (կամ) հյուսվածքներ վերցնելու հնարավորության մասին եզրակացությունը տրվում է դոնորի բազմակողմանի (համալիր) բժշկական հետազոտության արդյունքներն ամփոփելուց հետո, ընդ որում.

1) ուղեղային մահվան փաստը հաստատելուց հետո փոխպատվաստման նպատակով վերցվող օրգանների և (կամ) հյուսվածքների դեպքում` 24 ժամվա ընթացքում: Անհրաժեշտության դեպքում, մինչև եզրակացություն տալը, բժշկական հանձնաժողովի կողմից կարող է նշանակվել լրացուցիչ հետազոտություն.

2) կենսաբանական մահվան փաստը հաստատելուց հետո փոխպատվաստման նպատակով վերցվող օրգանների և (կամ) հյուսվածքների դեպքում` 12 ժամվա ընթացքում:

9. Դիակային դոնորից օրգաններ և (կամ) հյուսվածքներ վերցնելու հնարավորության մասին դրական եզրակացություն չի տրամադրվում, եթե դիակային դոնորի մոտ առկա է հետևյալ հակացուցումներից մեկը`

1) ձեռքբերովի իմունային անբավարարության համախտանիշի դրական սերոլոգիա.

2) ակտիվ հեպատիտ.

3) տուբերկուլյոզ.

4) չարորակ նորագոյացություն, որն ունի մետաստազի մեծ հավանականություն.

5) ծանր վիրուսային վարակ:

10. Սույն կարգի 7-րդ կետով նախատեսված համապատասխան եզրակացությունը (Ձև 3 կամ Ձև 5) դիակային դոնորի վերաբերյալ տեղեկատվական թերթիկի հետ միասին մուտքագրվում է օրգանների և (կամ) հյուսվածքների դոնորների և ռեցիպիենտների ռեեստր: Եզրակացության տրման վերաբերյալ կատարվում է գրառում դիակային դոնորի բժշկական փաստաթղթերում:

11. Թույլտվության, ինչպես նաև դիակային դոնորից օրգաններ և (կամ) հյուսվածքներ վերցնելու հնարավորության մասին եզրակացության մասին կատարվում է համապատասխան գրառում բժշկական հաստատության հատուկ՝ այդ նպատակով վարվող գրանցամատյանում` համաձայն սույն հավելվածի Ձև 6-ի:

ԹՈՒՅԼՏՎՈՒԹՅՈՒՆ N

ԴԻԱԿԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ԳՈՐԾԸՆԹԱՑԸ ՍԿՍԵԼՈՒ

____________________________________________________________________________

(բժշկական հաստատության անվանումը, կազմակերպական-իրավական ձևը)

Ղեկավարվելով «Մարդուն օրգաններ և (կամ) հյուսվածքներ փոխպատվաստելու մասին» օրենքի 9-րդ հոդվածով` թույլատրել` դիակային դոնոր հանդիսացող

_____________________________________________________________________-ից

(անունը, ազգանունը, հայրանունը, ծննդյան և մահվան օրը, ամիսը, տարեթիվը)

Փոխպատվաստման նպատակով սկսել հետևյալ օրգանների և (կամ) հյուսվածքների__________________________________________________________________________

___________________________________________________________________________________

___________________________________________________________________________________

_________վերցնելու գործընթացը:

Բժշկական հաստատության տնօրեն

______________________________________________________________________________

(անունը, ազգանունը, հայրանունը, ստորագրությունը)

________________________

(օրը, ամիսը, տարեթիվը)

Ձև 2

Ձև 3

Ե Զ Ր Ա Կ Ա Ց ՈՒ Թ Յ ՈՒ Ն

ՈՒՂԵՂԱՅԻՆ ՄԱՀՎԱՆ ՓԱՍՏԸ ՀԱՍՏԱՏԵԼՈՒՑ ՀԵՏՈ ԴԻԱԿԱՅԻՆ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ

Դոնորի անունը, ազգանունը, հայրանունը -----------------------------------------------------------------------

Դոնորի սեռը -----------------------, ծննդյան օրը, ամիսը, տարեթիվը -----------------------------------------

Դոնորի արյան խումբը ------------, Ռեզուս պատկանելիությունը ---------------------------------------------

Դոնորի գենոտիպ (HLA- տիպավորում և այլն) -----------------------------------------------------------------

Դոնորի օրգանիզմի իմունային համակարգի առանձնահատկությունները ----------------------------------

--------------------------------------------------------------------------------------------------------------------------

--------------------------------------------------------------------------------------------------------------------------

Դոնորի մահվան պատճառը ---------------------------------------------------------------------------------------

-------------------------------------------------------------------------------------------------------------------------

-------------------------------------------------------------------------------------------------------------------------

Տեղեկություններ՝ կիրառված սրտային վերակենդանացման գործողությունների թվի, սրտի կանգի

(կանգերի), դրա տևողության, արհեստական շնչառության ապարատին միացված լինելու և դրա

տևողության, միզային կաթետերին միացված լինելու և դրա տևողության մասին

--------------------------------------------------------------------------------------------------------------------------

--------------------------------------------------------------------------------------------------------------------------

Բժշկական հանձնաժողովի եզրակացությունը 

Բժշկական հաստատության անվանումը

-------------------------------------------------------------------------------------------------------------------------

Բժշկական հանձնաժողովի անդամներ

ԿԵՆՍԱԲԱՆԱԿԱՆ ՄԱՀՎԱՆ ՓԱՍՏԸ ՀԱՍՏԱՏԵԼՈՒՑ ՀԵՏՈ` ՕՐԳԱՆՆԵՐԻ ԵՎ (ԿԱՄ) ՀՅՈՒՍՎԱԾՔՆԵՐԻ ԴԻԱԿԱՅԻՆ ԴՈՆՈՐԻ ՎԵՐԱԲԵՐՅԱԼ

Դոնորի անունը, ազգանունը, հայրանունը ---------------------------------------------------------------

Դոնորի սեռը -----------------------, ծննդյան օրը, ամիսը, տարեթիվը --------------------------------

Դոնորի արյան խումբը ------------, ռեզուս պատկանելիությունը ------------------------------------

Դոնորի մահվան պատճառը ---------------------------------------------------------------------------------

----------------------------------------------------------------------------------------------------------------------

----------------------------------------------------------------------------------------------------------------------

----------------------------------------------------------------------------------------------------------------------

---------------------------------------------------------------------------------------------------------------------

Ախտաբանաանատոմի եզրակացությունը

___________________________________________________________________________________

Բժշկական հաստատության անվանումը

Ախտաբանաանատոմ_________________________________________________________________

                                ստորագրությունը, անունը, ազգանունը, հայրանունը

Օրը, ամիսը,տարեթիվը