ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ

Հ Ր Ա Մ Ա Ն

Ղեկավարվելով «Քրեակատարողական ծառայության մասին» օրենքի 25-րդ հոդվածի 1-ին մասի 2-րդ կետով և «Նորմատիվ իրավական ակտերի մասին» օրենքի 37-րդ հոդվածի 1-ին մասով.

1. Հաստատել Արդարադատության նախարարության քրեակատարողական հիմնարկներում պահվող անձանց տրվող սննդի հատկացման ճաշացուցակի, մատակարար կազմակերպության կողմից հատկացվող պատրաստի սննդի ստացման, սննդի քանակի և որակի հսկողության կարգն ու ձևերը` համաձայն Հավելվածի:

2. Ուժը կորցրած ճանաչել Հայաստանի Հանրապետության արդարադատության նախարարի 2015 թվականի հունիսի 9-ի «Հայաստանի Հանրապետության արդարադատության նախարարության քրեակատարողական հիմնարկներում պահվող անձանց սննդի հատկացման ճաշացուցակի, սննդի պահեստից դուրսգրման ենթակա սննդամթերքի ցանկի և սննդի քանակի ու որակի հսկողության կարգը և ձևերը հաստատելու, ինչպես նաև Հայաստանի Հանրապետության արդարադատության նախարարի 2004 թվականի դեկտեմբերի 27-ի ՔՀ-60-Ն հրամանը ուժը կորցրած ճանաչելու մասին» N 251-Ն հրամանը:

3. Սույն հրամանն ուժի մեջ է մտնում պաշտոնական հրապարակմանը հաջորդող օրվանից:

1. Սույն կարգով սահմանվում է Արդարադատության նախարարության քրեակատարողական հիմնարկներում (այսուհետ՝ Քրեակատարողական հիմնարկ) պահվող դատապարտյալներին և կալանավորված անձանց տրվող սննդի հատկացման ճաշացուցակի, մատակարար կազմակերպության կողմից հատկացվող պատրաստի սննդի ստացման, սննդի քանակի և որակի հսկողության կարգը և ձևերը:

2. Քրեակատարողական հիմնարկներում պահվող կալանավորված անձանց և դատապարտյալների համար պատրաստված սննդի տրամադրումն իրականացվում է մատակարար կազմակերպության և համապատասխան քրեակատարողական հիմնարկի կողմից նախօրոք հաստատված ճաշացուցակի համաձայն (ձև 1)՝ նախատեսված մեկ շաբաթվա համար: Յուրաքանչյուր շաբաթվա համար հաստատվում է նոր ճաշացուցակ՝ սննդատեսակների բազմազանությունն ապահովելու նպատակով:

3. Քրեակատարողական հիմնարկների տնտեսական ստորաբաժանման աշխատակիցների կողմից ստուգվում են մատակարար կազմակերպության կողմից կազմված ճաշացուցակի համապատասխանությունը սահմանված չափորոշիչներին, որից հետո հաստատվում է մատակարար կազմակերպության և քրեակատարողական հիմնարկների պետերի կողմից: Քրեակատարողական հիմնարկում պահվող դատապարտյալները և կալանավորված անձինք տեղեկացվում են ճաշացուցակի մասին:

4. Ճաշացուցակը կազմելիս ապահովվում են Հայաստանի Հանրապետության կառավարության 2023 թվականի փետրվարի 23-ի N 245-Ն որոշմամբ սահմանված սննդամթերքի միջին և մեկը մյուսով փոխարինելու չափաբաժինները (սննդամթերքների քանակները չպետք է պակաս լինեն սահմանված չափաբաժիններից):

5. Պատրաստված սնունդը պետք է լինի բազմազան, որակյալ և համաձայն հաստատված ճաշացուցակի: Պատրաստի սննդի մեջ օգտագործվող չոր (ջերմային մշակում չանցած) սննդամթերքների հաշվարկային միջին օրական էներգետիկ արժեքը պետք է ապահովի նվազագույնը՝ 2800 կիլոկալորիա: Սննդամթերքների էներգետիկ արժեքները հաշվարկելու համար հիմք է ընդունվում Առողջապահության նախարարի 2014 թվականի հունիսի 6-ի N 32-Ն հրամանով հաստատված հավելվածի աղյուսակ N 9-ի ցուցանիշները:

6. Ճաշացուցակում նշվում է մեկ անձին հասանելիք սննդամթերքի օրական չափաբաժինը և ճաշատեսակների անվանումներն՝ ըստ օրերի և օրակարգի:

7. Ճաշացուցակը կազմելիս, կալանավորված անձի կամ դատապարտյալի դիմումի հիման վրա, հաշվի է առնվում ազգային և կրոնական նախընտրությունները:

8. Նախքան կալանավորված անձանց և դատապարտյալների թվաքանակը մատակարար կազմակերպության հայտնելը Քրեակատարողական հիմնարկի սոցիալական, հոգեբանական և իրավական աշխատանքների ստորաբաժանման համապատասխան աշխատակիցը կամ հիմնարկի պետի կողմից այդ աշխատանքների կատարման համար հանձնարարություն ստացած աշխատակիցը գրավոր ձևով պարզում է քրեակատարողական հիմնարկի տվյալ օրվա ճաշացանկից հրաժարվող կալանավորված անձանց և դատապարտյալների թվաքանակը՝ կազմելով համապատասխան ցուցակ (ձև 2):

9. Եթե օրվա ճաշացանկից հրաժարված դատապարտյալը կամ կալանավորված անձը ստորագրությամբ չի հաստատում ճաշացանկից հրաժարվելու փաստը, ապա այն հաստատվում է ցուցակը կազմող ծառայողի և հերթապահ խմբում ընդգրկված մեկ այլ ծառայողի կողմից` ձև 2 ցուցակի համապատասխան սյունակում ստորագրելու միջոցով: Ցուցակը ներկայացվում է տնտեսական ապահովման ստորաբաժանման պետին:

10. Կալանավորված անձանց և դատապարտյալներին տրվող սննդի հսկողության համար Քրեակատարողական հիմնարկում վարվում է «Սննդի պատրաստման քանակի և որակի հսկողության» մատյան (ձև 3), որում նշվում է ամսաթիվը, օրակարգը, սննդատեսակների անվանումը, մատակարար կազմակերպության կողմից ստացված պատրաստի սննդատեսակների ընդհանուր քանակը:

11. Սննդի պատրաստման քանակի և որակի հսկողությունն իրականացնում է օրվա պատասխանատու հերթապահն, ում ներկայությամբ ստուգվում և կշռվում է մատակարար կազմակերպության կողմից մատակարարված պատրաստի սնունդն, ինչպես նաև համտեսի և հոտի ստուգման ձևով գնահատվում է սննդի որակը: Սննդատեսակները պետք է լինեն որակյալ և համապատասխանեն գործող ստանդարտներին:

12. Օրվա պատասխանատու հերթապահը և մատակարար կազմակերպության աշխատակիցներն իրականացված ստուգման մասին «Սննդի պատրաստման քանակի և որակի հսկողության» մատյանում կատարում են համապատասխան գրառում պատրաստի սննդի՝ ճաշացուցակով նախատեսված սննդամթերքների համապատասխանության վերաբերյալ և այն հավաստում իրենց ստորագրություններով:

13. Օրվա պատասխանատու հերթապահը պատրաստի սննդի ստուգման ընթացքում անհամապատասխանություններ հայտնաբերելու դեպքում կազմում է համապատասխան արձանագրություն և դրա մասին անհապաղ զեկուցում Քրեակատարողական հիմնարկի պետին, որն էլ անհապաղ հեռախոսազանգի միջոցով տեղեկացնում է Արդարադատության նախարարության քրեակատարողական ծառայության գլխավոր քարտուղարին:

14. Արդարադատության նախարարության քրեակատարողական ծառայության գլխավոր քարտուղարն անհապաղ քայլեր է ձեռնարկում սննդի պատրաստման ծառայությունների մատուցման պետական գնման պայմանագրով նախատեսված գործողություններ իրականացնելու համար:

15. Տեխնոլոգիական գործընթացի պահպանման նկատմամբ հսկողություն իրականացնելու նպատակով յուրաքանչյուր պատրաստի սննդատեսակից կատարվում է նմուշառում: Նմուշառումը կատարում է պատասխանատու հերթապահի մասնակցությամբ:

16. Նմուշառած սննդատեսակները պահվում են մակնշված և մանրէազերծված (կամ ախտահանված` կերակրի սոդայի 2 % լուծույթի մեջ 15 րոպե եռացնելու եղանակով) ապակյա տարայի մեջ, որն ամուր փակվում է ապակյա կամ մետաղական կափարիչով:

17. Պատրաստված բոլոր սննդատեսակները (ճաշերը, խավարտները, աղցանները, հյութերը և այլն) նմուշառվում են մեկ անձի համար նախատեսված ծավալի չափով, բայց ոչ պակաս 100 գրամից:

18. Վերցված նմուշները պահպանվում են 48 ժամից ոչ պակաս ժամկետով Քրեակատարողական հիմնարկի սառնարանում կամ սառնարանի հատուկ առանձնացված տեղում 4±20 C ջերմաստիճանի պայմաններում՝ նշելով նմուշառման ժամը, օրը, ամիսը:

19. Յուրաքանչյուր պատրաստի սննդատեսակի բացթողումն իրականացվում է նմուշառումից հետո:

«Ձև 1»

Ճաշացուցակի մեկ շաբաթվա օրինակելի ձև (հակիճ տարբերակով և չլրացված)

ՃԱՇԱՑՈՒՑԱԿ

(մեկ անձին հասանելիք սննդամթերքի օրական չափաբաժինը)

«        »  «        »        20    թ.   մինչև  «        »  «        »        20    թ.

«Հ Ա Ս Տ Ա Տ ՈՒ Մ Ե Մ»

ԱՆ «                   » ՔԿ ՀԻՄՆԱՐԿԻ ՊԵՏ

_____________________________________________

ստորագրություն, անուն, ազգանուն

ՔԿ հիմնարկի ՏԱԲ-ի պետ

__________________________________________________

__________________________________________________

ստորագրություն, անուն, ազգանուն

Ծանոթություն՝ ճաշացուցակում կարող են ավելացվել նաև այլ տեսակի սննդամթերք:

«Ձև 2»

ՑՈՒՑԱԿ

ՔՐԵԱԿԱՏԱՐՈՂԱԿԱՆ ՀԻՄՆԱՐԿԻ ՀԱՋՈՐԴ ՕՐՎԱ ՃԱՇԱՑԱՆԿԻՑ ՀՐԱԺԱՐՎՈՂ ԿԱԼԱՆԱՎՈՐՎԱԾ ԱՆՁԱՆՑ ԿԱՄ ԴԱՏԱՊԱՐՏՅԱԼՆԵՐԻ

«   » ___________________ 20   թ.»:

«Ձև 3»

 ՄԱՏՅԱՆ

ՍՆՆԴԻ ՊԱՏՐԱՍՏՄԱՆ ՔԱՆԱԿԻ ԵՎ ՈՐԱԿԻ ՀՍԿՈՂՈՒԹՅԱՆ

● 4-րդ սյունակում նշվում է ճաշատեսակների, հյութերի, հացի և այլ սննդամթերքի ընդհանուր քանակը (սնվող անձանց ամբողջ քանակով):

«Ճաշերի պատրաստման քանակի և որակի հսկողության մատյանը» բաղկացած է 30 թերթից: Թերթերը երկկողմանի տպագրված են վերը նշված ձևով: Մեկ մատյանը նախատեսված է մեկ տարվա համար:»:

Պաշտոնական հրապարակման օրը՝ 21 հունիսի 2024 թվական: