ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐԻ

Հ Ր Ա Մ Ա Ն

Հիմք ընդունելով «Նախնական մասնագիտական (արհեստագործական) և միջին մասնագիտական կրթության մասին» օրենքի 16-րդ հոդվածի 1-ին մասի 33-րդ կետը.

1. Հաստատել Հայաստանի Հանրապետությունում նախնական մասնագիտական (արհեստագործական) և միջին մասնագիտական կրթության համակարգի գործունեության մշտադիտարկման և գնահատման իրականացման կարգը՝ համաձայն հավելվածի:

2. Մասնագիտական կրթության և ուսուցման զարգացման ազգային կենտրոնին՝ մինչև 2024 թվականի մարտի 20-ը մշակել և Հայաստանի Հանրապետության կրթության, գիտության, մշակույթի և սպորտի նախարարություն ներկայացնել Հայաստանի Հանրապետությունում նախնական մասնագիտական (արհեստագործական) և միջին մասնագիտական կրթության համակարգի գործունեության մշտադիտարկման իրականացման կարգի կենսագործման ամենամյա միջոցառումների ցանկը՝ համաձայնեցնելով Հայաստանի Հանրապետության կրթության, գիտության, մշակույթի և սպորտի նախարարության նախնական (արհեստագործական) և միջին մասնագիտական կրթության վարչության հետ:

3. Սույն հրամանի կատարման հսկողությունը հանձնարարել Հայաստանի Հանրապետության կրթության, գիտության, մշակույթի և սպորտի նախարարի տեղակալ Արաքսիա Սվաջյանին:

4. Սույն հրամանն ուժի մեջ է մտնում 2025 թվականի հունվարի 1-ից:

1. Սույնով սահմանում է Հայաստանի Հանրապետությունում նախնական մասնագիտական (արհեստագործական) և միջին մասնագիտական կրթության (այսուհետև՝ ՆՄՄԿ) համակարգի գործունեության մշտադիտարկման (այսուհետև՝ մշտադիտարկում) և գնահատման (այսուհետև՝ գնահատում) իրականացման կարգը:

2. Մշտադիտարկումը շարունակական գործընթաց է, որն իրականացվում է ՀՀ ՆՄՄԿ պետական քաղաքականության մշակման կատարելագործման ու դրա կենսագործման արդյունավետության և արդյունավորության բարելավման նպատակով` տեղեկատվության հավաքագրման և վերլուծության միջոցով: Տեղեկատվությունը ներառում է տվյալներ ՆՄՄԿ համակարգի առկա վիճակի, զարգացման հեռանկարների, ՆՄՄԿ ծրագրեր իրականացնող ուսումնական հաստատությունների (այսուհետ՝ ուսումնական հաստատություն) գործունեության, ընդունված վարչակառավարչական որոշումների, ինչպես նաև՝ օրենսդրության պահանջների հնարավոր խախտումների մասին:

3. Մշտադիտարկումը ներառում է ՆՄՄԿ համակարգի մասին տեղեկատվության շարունակական հավաքագրումը, մշակումը, համակարգումը, պահպանումը, ինչպես նաև՝ կանոնավոր վերլուծությունն ու արդյունքների հրապարակումը:

4. Մշտադիտարկման ցուցանիշները և դրանց հավաքագրման ձևն ու պատասխանատուները սահմանվում են սույն հավելվածի աղյուսակ 1-ի՝ ՆՄՄԿ համակարգի մշտադիտարկման պարտադիր տեղեկատվություն, և աղյուսակ 2-ի՝ ՆՄՄԿ համակարգի մշտադիտարկման լրացուցիչ տեղեկատվություն, համապատասխան:

5. Մշտադիտարկման համար անհրաժեշտ տեղեկատվության հավաքագրումն իրականացվում է վիճակագրական տվյալների հավաքման, հարցումների, ուսումնասիրությունների և հետազոտությունների իրականացման, ինչպես նաև տարբեր աղբյուրներից, այդ թվում՝ պաշտոնական կայքէջերից տվյալների ստացման եղանակով:

6. Մշտադիտարկման կազմակերպումը, տեղեկատվության հավաքագրումը, մշակումը և համակարգումն իրականացնում է Մասնագիտական կրթության և ուսուցման զարգացման ազգային կենտրոնը (այսուհետև՝ ՄԿՈՒԶԱԿ)՝ համապատասխան ուսումնական հաստատությունների հետ համատեղ, իսկ տեղեկատվության պահպանումը, վերլուծությունն ու մշտադիտարկման արդյունքների հրապարակումը՝ ՄԿՈՒԶԱԿ-ը:

7. Ուսումնական հաստատությունները մինչև ընթացիկ տարվա սեպտեմբեր ամիսը կատարում են սույն հավելվածի աղյուսակ 1-ով և 2-ով իրենց պատասխանատվությանը վերապահված տեղեկատվության հավաքագրումը, մշակումն ու համակարգումը և ներկայացնում ՄԿՈՒԶԱԿ: ՄԿՈՒԶԱԿ-ը մինչև յուրաքանչյուր հաջորդ տարվա մարտ ամիսը հրապարակում է մշտադիտարկման արդյունքները՝ համապատասխան հաշվետվության տեսքով:

8. Համալիր ուսումնասիրություն կատարելու և որոշումների կայացնելու համար ընտրված է ՄԿՈՒ հաստատությունների առկա վիճակի գնահատման մեթոդ և գործուն մեխանիզմներ, որոնք թույլ են տալիս հնարավոր սեղմ ժամկետներում ընդգրկուն կարգով իրականացնել ՄԿՈՒ համակարգի տարաբնույթ գործընթացների քանակական գնահատումներ:

9. ՄԿՈՒ համակարգի հիմնախնդիրների վերլուծության և որոշումների կայացման համար կիրառվում է փորձագիտական գնահատման մեթոդը, որի հիմնական բաղադրիչները հարցումների կազմակերպման և իրականացման ընթացակարգերն են:

10. Փորձագիտական գնահատումը` հետազոտվող երևույթների (օբյեկտների) որակական և քանակական գնահատումների ամբողջականությունն է, որն իրականացնում է տվյալ բնագավառում ընդգրկված կամ առնչվող անձը, երբ դիտարկվող բնութագիրը կամ ցուցանիշն անմիջականորեն չի ենթարկվում ֆիզիկական չափումների կամ հաշվառման, այլ գնահատվում է դատողությունների հիման վրա:

11.Գնահատողների անհատական և խմբային աշխատանքի սկզբունքների համատեղ կիրառումը կազմակերպվում է հետևյալ հաջորդականությամբ՝

1) կարծիքները, գաղափարները և գնահատումները պետք է նախօրոք ներառվեն կազմակերպական ձևաչափում (հարցաշարում)՝ կատարելով դրանց նպատակաուղղված վերլուծությունը, ընդհանրացումը և համեմատումը,

2) փորձագիտական գնահատումներում անհրաժեշտ է առաջադրել ոչ միայն քանակական, այլև որակական բնորոշումներ՝ առանձնացնելով նորը, գլխավորը, էական և արդիական գաղափարները,

3) փորձագետներն իրենց գնահատումներում անկախ են,

4) փորձագիտական խմբի գործունեությունը պետք է ուղղորդված լինի, որի նպատակով նրանց հետ տարվում են նախապատրաստական խորհրդատվական աշխատանքներ գնահատումների նպատակի և խնդիրների վերաբերյալ:

12. Հայաստանի Հանրապետության կրթության, գիտության, մշակույթի և սպորտի նախարարի հրամանով հաստատված փորձագիտական խմբի աշխատանքը կազմակերպվում է փուլային սկզբունքով՝

1) փորձագետներին ներկայացվում են հետազոտման առարկան, նպատակը, խնդիրները և դրա իրականացման ընթացակարգը,

2) յուրաքանչյուրն անհատական կարգով, ըստ հարցաշարի և գնահատման համակարգի կատարում են քանակական գնահատումներ՝ լրացնելով ելակետային վիճակագրական աղյուսակները,

3) ըստ առաջադրված հիմնախնդիրների՝ դասակարգվում են փորձագետների ներկայացրած տվյալները և վիճակագրական մեթոդներով իրականացվում են քանակական գնահատումներ հետազոտվող երևույթի (օբյեկտի) վերաբերյալ՝ ապահովելով գնահատումների վերընթաց բնույթը` անցում կատարելով ստորին օղակներից մինչև համալիրը:

13. Փորձագիտական խմբում ըստ անհրաժեշտության կարող են ընդգրկվել Հայաստանի Հանրապետության կրթության, գիտության, մշակույթի և սպորտի նախարարության (այսուհետև՝ ԿԳՄՍՆ) նախնական (արհեստագործական) և միջին մասնագիտական կրթության վարչության, ինչպես նաև՝ ԿԳՄՍՆ այլ ստորաբաժանումների և կառույցների ներկայացուցիչներ:

14. Գնահատումն իրականացվում է 5 տարին մեկ անգամ՝ այդ ժամանակահատվածում կատարված մշտադիտարկումների արդյունքների ամփոփման միջոցով՝ նույն ցուցանիշների հիման վրա: Անհրաժեշտության դեպքում կարող են հաշվի առնվել նաև այլ ցուցանիշներ:

15. Գնահատումն իրականացնում է ԿԳՄՍՆ նախնական (արհեստագործական) և միջին մասնագիտական կրթության վարչությունը՝ ՄԿՈՒԶԱԿ-ի աջակցությամբ, իսկ անհրաժեշտության դեպքում՝ նաև ԿԳՄՍՆ այլ ստորաբաժանումների և կառույցների ներգրավմամբ:

Աղյուսակ 1. ՆՄՄԿ համակարգի մշտադիտարկման պարտադիր տեղեկատվության ցուցանիշները

Աղյուսակ 2. ՆՄՄԿ համակարգի մշտադիտարկման լրացուցիչ տեղեկատվության ցուցանիշները

Պաշտոնական հրապարակման օրը՝ 19 հունվարի 2024 թվական: