ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ, ԳԻՏՈՒԹՅԱՆ, ՄՇԱԿՈՒՅԹԻ ԵՎ ՍՊՈՐՏԻ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2010 ԹՎԱԿԱՆԻ ՄԱՅԻՍԻ 18-Ի N 396-Ն ՀՐԱՄԱՆՈՒՄ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ և 34-րդ հոդվածների 1-ին մասերով.

1. Հայաստանի Հանրապետության կրթության և գիտության նախարարի 2010 թվականի մայիսի 18-ի «Հանրակրթական ուսումնական հաստատության ղեկավարման իրավունքի հավաստագրման լիազոր մարմնի կազմավորման և գործունեության կարգը հաստատելու մասին» N 396-Ն հրամանի հավելվածը շարադրել նոր խմբագրությամբ՝ համաձայն հավելվածի:

2. Սույն հրամանն ուժի մեջ է մտնում 2023 թվականի հունվարի 1-ից:

1. Սույն կարգով կարգավորվում են հանրակրթական ուսումնական հաստատության ղեկավարման իրավունքի քննության անցկացման և հավաստագրման գործընթացը իրականացնող Հանրակրթական ուսումնական հաստատության ղեկավարման իրավունքի հավաստագրման լիազոր մարմնի` հանձնաժողովի (այսուհետ` Հանձնաժողով) կազմավորման և գործունեության հետ կապված հարաբերությունները:

2. Հանձնաժողովն իր գործունեության ընթացքում ղեկավարվում է «Հանրակրթության մասին» օրենքով (այսուհետ՝ Օրենք), սույն կարգով և ՀՀ կրթության և գիտության նախարարի 2010 թվականի մայիսի 18-ի N 395-Ն հրամանով սահմանված պահանջներին համապատասխան:

3. Հանձնաժողովի գործունեության նպատակն է հանրակրթական ուսումնական հաստատության տնօրենի թափուր տեղի համար հավակնող անձանց (այսուհետ` Հավակնորդ) քննության կազմակերպումը, անցկացումը և հավաստագրի տրամադրումը:

4. Հանձնաժողովը բաղկացած է 3 անդամից:

5. Հանձնաժողովի կազմը հաստատում է Հայաստանի Հանրապետության կրթության, գիտության, մշակույթի և սպորտի նախարարը (այսուհետ` Նախարար):

6. Հանձնաժողովի կազմում ընդգրկվում են Հայաստանի Հանրապետության կրթության, գիտության, մշակույթի և սպորտի նախարարության (այսուհետ` Նախարարություն) ներկայացուցիչներ:

7. Հանձնաժողովը կազմվում է հավաստագրումը անցկացնելուց 24 ժամ առաջ` հետևյալ համամասնությամբ.

1) ոլորտը համակարգող փոխնախարար, ով ի պաշտոնե Հանձնաժողովի նախագահն է, իսկ նրա բացակայության դեպքում` Նախարարության հանրակրթության վարչության պետ, իսկ նրա բացակայության դեպքում ևս` նույն վարչության կառուցվածքային ստորաբաժանումների ղեկավարներից մեկը,

2) Նախարարության հանրակրթության վարչության 1 այլ ներկայացուցիչ,

3) մեկ ներկայացուցիչ Նախարարության անձնակազմի կառավարման վարչությունից, ով Հանձնաժողովի քարտուղարն է:

8. Հանձնաժողովն իր լիազորություններն իրականացնում է համապատասխան հանձնաժողովի կազմը հաստատվելու պահից և դադարեցնում է տվյալ հավաստագրման գործողություններն ավարտվելուց հետո:

9. Հանձնաժողովի խնդիրը հավաստագրման անցկացման կազմակերպումն է:

10. Հանձնաժողովի գործունեությունը նպատակաուղղված է Հավակնորդների.

1) քննությունների անցկացմանը,

2) ուսումնական հաստատության ղեկավարման իրավունքի (հավաստագրի) շնորհման ներկայացմանը,

3) բողոքների քննարկմանը և դրանց հիման վրա` արդյունքների վերանայմանը:

11. Հանձնաժողովը`

1) Նախարարության համապատասխան ստորաբաժանումից ստանում է հավաստագրման ենթակա հավակնորդների ցանկը և Նախարարի 2010 թվականի մայիսի 18 N 395 հրամանով սահմանված փաստաթղթերի փաթեթը, ինչպես նաև Հավաստագրման հանձնաժողովի կնիքը և հավակնորդների վերաբերյալ ամփոփ տեղեկանքը,

2) անցկացնում է հավաստագրում, առկայության դեպքում` բողոքների քննարկում և հավաստագրման շնորհման ներկայացնում` Նախարարի 2010 թվականի մայիսի 18-ի N 395-Ն հրամանով սահմանված պահանջներին համապատասխան,

12. Հանձնաժողովն իր աշխատանքները կազմակերպում է նիստերի միջոցով:

13. Հանձնաժողովի նիստերը իրավազոր են, եթե դրանց մասնակցում են Հանձնաժողովի բոլոր անդամները:

14. Հանձնաժողովի որոշումներն ընդունվում են Հանձնաժողովի անդամների ձայների մեծամասնությամբ:

5. ՀԱՆՁՆԱԺՈՂՈՎԻ ՆԱԽԱԳԱՀԸ

15. Հանձնաժողովի նախագահը`

1) ղեկավարում է Հանձնաժողովի աշխատանքները.

2) վարում է Հանձնաժողովի նիստերը.

3) կազմակերպում է հավաստագրման գործընթացի հսկողությունը.

4) որոշում է հավաստագրման հետ կապված հարցերի, դիմումների և բողոքների քննարկման հերթականությունը` այն համաձայնեցնելով Հանձնաժողովի անդամների հետ.

16. Հանձնաժողովի քարտուղարը`

1) արձանագրում է Հանձնաժողովի նիստերը.

2) բացատրում է քննության անցկացման հետ կապված տեխնիկական հարցերը.

17. Հանձնաժողովի անդամը`

1) մասնակցում է Հավաստագրմանը և հսկում դրա ընթացքը, կասեցնում հավակնորդների կողմից կատարված և հանձնաժողովի կողմից նկատված խախտումները.

2) մասնակցում է քննության արդյունքում Հանձնաժողովի կողմից անցկացվող քվեարկություններին.

3) ծանոթանում է նիստերի արձանագրություններին.

Պաշտոնական հրապարակման օրը՝ 15 դեկտեմբերի 2022 թվական: