ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

Հիմք ընդունելով «Նորմատիվ իրավական ակտերի մասին» օրենքի 33-րդ հոդվածի 1-ին և 3-րդ մասերը, 34-րդ հոդվածը.

ՀՐԱՄԱՅՈՒՄ ԵՄ`

1. Հայաստանի Հանրապետության առողջապահության նախարարի 2013 թվականի փետրվարի 8-ի «Արյան հավաքման դեպքում բժշկական կազմակերպության կողմից անհրաժեշտ քանակությամբ արյան վերցման, պիտակավորման և հետազոտության ուղարկելու կարգը սահմանելու մասին» թիվ 07-Ն հրամանում (այսուհետ` Հրաման) կատարել հետևյալ փոփոխությունները և լրացումը.

1) Հրամանի Հավելված 1-ի 3-րդ կետի և 4-րդ կետի 8-րդ ենթակետի «ՀՀ կառավարության 2012 թվականի հունիսի 28-ի N 811-Ն որոշման» բառերը և դրանց համապատասխան հոլովաձևերը փոխարինել «Հայաստանի Հանրապետության առողջապահության նախարարի 2018 թվականի հոկտեմբերի 18-ի N 21-Ն հրամանի» բառերով և դրանց համապատասխան հոլովաձևերով,

2) Հրամանի Հավելված 1-ը լրացնել նոր 4.1-րդ կետով` հետևյալ բովանդակությամբ.

 «4.1 Առաջին անգամ արյան դոնոր հանդիսացող անձի մոտ որոշվում է արյան խմբային պատկանելիությունը և նախնական արդյունքը գրանցվում արյան հավաքման պարկի պիտակի վրա:»:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

 Պաշտոնական հրապարակման օրը՝ 9 փետրվարի 2022 թվական: