Գլխավոր տեղեկություն
Համար
N 173-Ն
Տիպ
Հրաման
Ակտի տիպ
Հիմնական ակտ (19.05.2020-մինչ օրս)
Կարգավիճակ
Գործում է
Սկզբնաղբյուր
Հատուկ թողարկում Հոդ.110
Ընդունող մարմին
Արդարադատության նախարար
Ընդունման ամսաթիվ
15.05.2020
Ստորագրող մարմին
Արդարադատության նախարար
Ստորագրման ամսաթիվ
15.05.2020
Ուժի մեջ մտնելու ամսաթիվ
19.05.2020

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐ

 

15 մայիսի 2020 թ.
քաղ. Երևան

N 173-Ն

Հ Ր Ա Մ Ա Ն

 

ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ 2020 ԹՎԱԿԱՆԻ ՄԱՐՏԻ 16-Ի N 116-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

 

Ղեկավարվելով «Նորմատիվ իրավական ակտերի մասին» օրենքի 34-րդ հոդվածով.

 

ՀՐԱՄԱՅՈՒՄ ԵՄ՝

 

1. Արդարադատության նախարարի 2020 թվականի մարտի 16-ի «Պարտապանին պատկանող գույքը հրապարակային սակարկություններով վաճառելու կարգը սահմանելու մասին» N 116-Ն հրամանի հավելվածում կատարել հետևյալ փոփոխությունները և լրացումները.

1) 11-րդ կետում`

ա. հանել «բացառությամբ սույն կարգի 10-րդ կետով նախատեսված դեպքերի» բառերը,

բ. լրացնել նոր նախադասությամբ. «Սույն կետով նախատեսված կարգը չի տարածվում աճուրդի մասնակից չհամարվող անձ հանդիսացող` Հայաստանի Հանրապետության արդարադատության նախարարության ներկայացուցիչների վրա:».

2) 16-րդ կետը լրացնել նոր նախադասությամբ. «Հայաստանի Հանրապետության արդարադատության նախարարության ներկայացուցիչները նախարարի գրավոր հանձնարարականի ուժով համարվում են աճուրդին ներկա գտնվելու իրավունք ստացած:».

3) 18-րդ կետի 4-րդ ենթակետում «փաստաթուղթը» բառից հետո լրացնել «, բացառությամբ Հայաստանի Հանրապետության արդարադատության նախարարության ներկայացուցիչների» բառերը.

4) 23-րդ կետում «նվազագույն հավելման չափով» բառերը փոխարինել «նվազագույն հավելման չափից ոչ պակաս չափով» բառերով.

5) 31-րդ կետում`

ա. «աճուրդի մասնակցության վճարի» բառերը փոխարինել «վճարված նախավճարի» բառերով,

բ. լրացնել նոր նախադասություն. «Վաճառքի գինն ամբողջությամբ վճարվելուց, այն փաստացի սնանկության հատուկ հաշվին մուտքագրվելուց և սահմանված վճարումների կատարումը հավաստող փաստաթղթերը կառավարչին ներկայացնելուց հետո՝ հինգ աշխատանքային օրվա ընթացքում կնքվում է լոտի առուվաճառքի պայմանագիր:».

6) 38-րդ կետը լրացնել նոր նախադասությամբ. «Սույն կետով նախատեսված դիմումը կարող է ներկայացվել մինչև սնանկության գործի ավարտը:».

7) 39-րդ կետից հանել «կամ անվավեր ճանաչվելու» բառերը.

8) 40-րդ կետի երրորդ նախադասության «ներկայացնելուց հետո» բառերից հետո լրացնել «` հինգ աշխատանքային օրվա ընթացքում» բառերը.

9) 44-րդ կետում «ավարտից» բառից հետո լրացնել «հետո` առնվազն» բառերը:

2. Սույն հրամանն ուժի մեջ է մտնում պաշտոնական հրապարակման օրվան հաջորդող օրվանից:

 

 

Ռ. Բադասյան

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան