ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

1 փետրվարի 2019 թ.

N 02-Ն

Հ Ր Ա Մ Ա Ն

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ ԵԶՐԱԿԱՑՈՒԹՅՈՒՆ ՏԱԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Մարդուն օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 10-րդ հոդվածի 1-ին մասի «գ» կետը`

Սահմանել կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն տալու կարգը` համաձայն հավելվածի:

Ա. Թորոսյան

Կ Ա Ր Գ

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ ԵԶՐԱԿԱՑՈՒԹՅՈՒՆ ՏԱԼՈՒ

1. Սույն կարգով սահմանվում է կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն (այսուհետ` եզրակացություն) տալու կարգը:

2. Եզրակացություն տալու հիմքը փոխպատվաստման համար ռեցիպիենտի (պացիենտ) կամ «Մարդուն օրգաններ և (կամ) հյուսվածքներ փոխպատվաստելու մասին» օրենքի 6-րդ հոդվածի 3-րդ մասով նախատեսված սուբյեկտների և իրենից օրգաններ ու (կամ) հյուսվածքներ վերցնելու համար դոնորի` փոխպատվաստման համար համապատասխան բժշկական օգնության և սպասարկման իրականացման լիցենզիա ունեցող բժշկական հաստատություն (այսուհետ` բժշկական հաստատություն) ներկայացրած գրավոր համաձայնությունն է:

3. Եզրակացությունը` համաձայն Ձև 1-ի, տրվում է բժշկական հաստատության բժշկական հանձնաժողովի կողմից, որը ստեղծվում է բժշկական հաստատության տնօրենի հրամանով:

4. Բժշկական հաստատության բժշկական հանձնաժողովի կազմում ընդգրկվում են վիրաբույժ, անեսթեզիոլոգ-ռեանիմատոլոգ, փոխպատվաստում իրականացնող համապատասխան մասնագետ, հոգեբան: Անհրաժեշտության դեպքում հանձնաժողովի աշխատանքներում տնօրենի հրամանով կարող են ներգրավվել այլ մասնագիտացում ունեցող բժիշկներ:

5. Առանց ռեցիպիենտի, նրա ծնողների կամ նրա շահերի օրինական ներկայացուցչի համաձայնության ռեցիպիենտին «Մարդուն օրգաններ և (կամ) հյուսվածքներ փոխպատվաստելու մասին» օրենքով նախատեսված դեպքերում փոխպատվաստման կատարման դեպքում բժշկական հանձնաժողովը եզրակացություն տալիս է միայն` դոնորից օրգաններ և (կամ) հյուսվածքներ վերցնելու համար դոնորի գրավոր համաձայնության առկայության դեպքում:

6. Դոնորի բժշկական հետազոտությունները սկսվում են բանավոր զրույցից և տարբեր մասնագետների կողմից դոնորի ֆիզիկական հետազոտությունից հետո: Եթե առկա են հակացուցումներ օրգաններ և (կամ) հյուսվածքներ վերցնելու վերաբերյալ, ապա լաբորատոր և գործիքային հետազոտությունների գործընթաց չի սկսվում և դոնորին տրվում է բանավոր բացատրություն` մերժման վերաբերյալ:

Եթե այս փուլում որևէ հակացուցում չի հայտնաբերվում, ապա բացվում է դոնորի հետազոտման համար ամբուլատոր քարտ և սկսվում են բժշկական հետազոտությունները, որոնք իրականացվում են երեքից չորս փուլով: Ցանկացած փուլի հետազոտության արդյունքները քննարկվում են և որևէ հակացուցման դեպքում հետազոտությունները չեն շարունակվում և դոնորին տրվում է բանավոր կամ գրավոր բացատրություն:

Հետազոտությունների ընթացքում հակացուցումների բացակայության դեպքում հավաքվում է նախավիրահատական ժողով` համապատասխան մասնագետների մասնակցությամբ, որտեղ քննարկվում են լաբորատոր, գործիքային հետազոտությունների արդյունքները: Եթե առկա են տարաձայնություններ մասնագետների միջև, ապա անհրաժեշտության դեպքում կատարվում են լրացուցիչ հետազոտություններ: Կատարված հետազոտությունների արդյունքները կրկին քննարկվում են մասնագետների կողմից և ընտրվում է որոշակի մարտավարություն կամ բուժման կազմակերպում:

Եթե առկա է որևէ մասնագետի հստակ անհամաձայնություն, ապա տրվում է համապատասխան բացասական եզրակացություն և բացատրություն:

(6-րդ կետը խմբ. 10.10.19 N 40-Ն)

7. Դոնորի բազմակողմանի (համալիր) բժշկական հետազոտության արդյունքների հիման վրա բժշկական հանձնաժողովը տալիս է կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն, որը հաստատվում է բժշկական հանձնաժողովի անդամների միաձայն համաձայնությամբ, սույն կարգի 4-րդ կետով սահմանված կարգով հանձնաժողովի աշխատանքներում ներգրավված բժիշկների ու բժշկական հաստատության տնօրենի ստորագրություններով և բժշկական հաստատության կնիքով (առկայության դեպքում):

8. Եզրակացությունը ստանալիս` դոնորը եզրակացության երկու օրինակի վրա կատարում է նշում այն մասին, որ ծանոթացել է եզրակացության բովանդակությանը, ստորագրելով եզրակացության երկու օրինակի` այդ նպատակով հատկացված մասերում:

9. Եզրակացության երկու օրինակից մեկը տրվում է դոնորին, մյուսը պահվում է այն բժշկական հաստատությունում, որտեղից տրվել է եզրակացությունը: Բժշկական հաստատությունում պահվող եզրակացության օրինակը կցվում է դոնորի հիվանդության պատմությանը կամ ամբուլատոր քարտին, իսկ կրկնօրինակը կցվում է ռեցիպիենտի հիվանդության պատմությանը կամ ամբուլատոր քարտին:

Ձև 1

Ե Զ Ր Ա Կ Ա Ց ՈՒ Թ Յ ՈՒ Ն

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ

Դոնորի անունը, ազգանունը, հայրանունը __________________________________________________

________________________________________________________________________________________

Դոնորի սեռը ________________

Դոնորի ծննդյան տարեթիվը, ամիսը, ամսաթիվը (բառերով) _________________________________

________________________________________________________________________________________

Դոնորի հաշվառման վայրը և բնակության վայրը (եթե դրանք նույնն են, ապա նշել մեկ անգամ)

________________________________________________________________________________________

Դոնորի անձը հաստատող փաստաթղթի տվյալները ________________________________________

Դոնորի արյան խումբը ______________, ռեզուս-ֆակտորը ________________

Դոնորի գենոտիպ (HLA տիպավորում և այլն) _______________________________________________

________________________________________________________________________________________

Դոնորի օրգանիզմի իմունային համակարգի առանձնահատկությունները ______________________

________________________________________________________________________________________

Տեղեկություններ դոնորի առողջական վիճակի մասին _______________________________________

________________________________________________________________________________________

Փոխպատվաստման հնարավորության մասին բժշկական ցուցումները ________________________

________________________________________________________________________________________

Բժշկական հանձնաժողովի եզրակացությունը

________________________________________________________________________________________

________________________________________________________________________________________

________________________________________________________________________________________

Բժշկական օգնություն և սպասարկում իրականացնող լիցենզավորված բժշկական

հաստատության անվանումը _____________________________________________________________

Բժշկական հանձնաժողովի անդամներ և հանձնաժողովի աշխատանքներում ներգրավված

բժիշկներ

_____________________ _________________ _______________________________________________

         (պաշտոնը)                                        (ստորագրությունը)                                              (անունը, ազգանունը, հայրանունը)

_____________________ _________________ _______________________________________________

_____________________ _________________ _______________________________________________

_____________________ _________________ _______________________________________________

_____________________ _________________ _______________________________________________

_____ __________________ 20   թ.

Կ.Տ.

(հավելվածը խմբ. 10.10.19 N 40-Ն)