ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՀՐԱՄԱՆԸ ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՀՈՒԼԻՍԻ 2-Ի ԹԻՎ 34-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

«Գրանցված է»

ՀՀ արդարադատության

նախարարության կողմից

31 օգոստոսի 2016 թ.

Պետական գրանցման թիվ 10016290

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՌՈՂՋԱՊԱՀՈՒԹՅԱՆ ՆԱԽԱՐԱՐ

17 օգոստոսի 2016 թ.
N 31-Ն

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՀՈՒԼԻՍԻ 2-Ի ԹԻՎ 34-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը, Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշման Հավելված 1-ով հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը`

ՀՐԱՄԱՅՈՒՄ ԵՄ`

1. Հայաստանի Հանրապետության առողջապահության նախարարի 2013 թվականի հուլիսի 2-ի «Պետության կողմից երաշխավորված անվճար բժշկական օգնություն և սպասարկում իրականացնող առողջարանային բժշկական կազմակերպություններում սոցիալապես անապահով ու առանձին (հատուկ) խմբերում ընդգրկված անձանց (18 տարեկան և բարձր) վերականգնողական բուժման և ուղեգրման կազմակերպման չափորոշիչը, առողջարանային վերականգնողական բուժման ընդհանուր ցուցումների և հակացուցումների (ըստ առանձին օրգան համակարգերի), առողջարանային վերականգնողական բուժման բացարձակ հակացուցումների ցանկերը, առողջարանային վերականգնողական բուժման ուղեգիր ստանալու տեղեկանքի և մեծահասակի առողջարանային վերականգնողական բուժման քարտի ձևերը հաստատելու մասին» թիվ 34-Ն հրամանում (այսուհետ` հրաման) կատարել հետևյալ փոփոխությունները և լրացումները.

1) հրամանի վերնագիրը շարադրել հետևյալ բովանդակությամբ. «Պետության կողմից երաշխավորված անվճար բժշկական օգնություն և սպասարկում իրականացնող առողջարանային բժշկական կազմակերպություններ սոցիալապես անապահով ու առանձին (հատուկ) խմբերում ընդգրկված անձանց (18 տարեկան և բարձր) ուղեգրման և առողջարանային վերականգնողական բուժման կազմակերպման չափորոշիչը, առողջարանային վերականգնողական բուժման ընդհանուր ցուցումների և հակացուցումների (ըստ առանձին օրգան համակարգերի), առողջարանային վերականգնողական բուժման բացարձակ հակացուցումների ցանկերը, առողջարանային վերականգնողական բուժման ուղեգիր ստանալու տեղեկանքի, մեծահասակի առողջարանային վերականգնողական բուժման քարտի և մեծահասակի առողջարանային բուժման պատմագրի ձևերը հաստատելու մասին»,

2) հրամանի 1-ին կետը լրացնել հետևյալ բովանդակությամբ նոր 6-րդ ենթակետով. «6) մեծահասակի առողջարանային բուժման պատմագրի ձևը` համաձայն հավելված N 6-ի»,

3) հրամանով հաստատված հավելված N 1-ը շարադրել նոր խմբագրությամբ` համաձայն հավելված N 1-ի,

4) հրամանը լրացնել նոր հավելված N 6-ով` համաձայն հավելված N 2-ի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ա. Մուրադյան

Հավելված N 1

Հաստատված է

ՀՀ առողջապահության նախարարի

2016 թվականի օգոստոսի 17-ի

N 31-Ն հրամանով

«Հավելված N 1

ՀՀ առողջապահության նախարարի

2013 թվականի հուլիսի 2-ի
N 34-Ն հրամանի

Չ Ա Փ Ո Ր Ո Շ Ի Չ

ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԱՌՈՂՋԱՐԱՆԱՅԻՆ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐ ՍՈՑԻԱԼԱՊԵՍ ԱՆԱՊԱՀՈՎ ՈՒ ԱՌԱՆՁԻՆ (ՀԱՏՈՒԿ) ԽՄԲԵՐՈՒՄ ԸՆԴԳՐԿՎԱԾ ԱՆՁԱՆՑ (18 ՏԱՐԵԿԱՆ ԵՎ ԲԱՐՁՐ) ՈՒՂԵԳՐՄԱՆ ԵՎ ԱՌՈՂՋԱՐԱՆԱՅԻՆ ՎԵՐԱԿԱՆԳՆՈՂԱԿԱՆ ԲՈՒԺՄԱՆ ԿԱԶՄԱԿԵՐՊՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն չափորոշչով սահմանվում են պետության կողմից երաշխավորված բժշկական օգնության և սպասարկման շրջանակներում առողջարանային բժշկական կազմակերպություններ (այսուհետ` առողջարան) սոցիալապես անապահով ու առանձին (հատուկ) խմբերում ընդգրկված անձանց (18 տարեկան և բարձր) (այսուհետ` պացիենտ) ուղեգրման և առողջարանային վերականգնողական բուժման կազմակերպման հետ կապված հարաբերությունները:

2. Հայաստանի Հանրապետության տարածքում պետության կողմից երաշխավորված անվճար բժշկական օգնության և սպասարկման շրջանակներում պացիենտի առողջարանային վերականգնողական բուժումն իրականացվում է պրոֆիլային (ըստ տվյալ հիվանդության բուժման համար ցուցված), բժշկական օգնության և սպասարկման համապատասխան լիցենզիա ունեցող և պետության կողմից երաշխավորված բժշկական օգնություն և սպասարկում իրականացնող առողջարաններում:

3. Առողջարաններում նախատեսվում է իրականացնել հենաշարժական, ներզատաբանական, նյարդային, երիկամների և միզուղիների հիվանդություններ, մարսողական, սիրտանոթային, շնչառական համակարգի հիվանդություններ ունեցող պացիենտների վերականգնողական բուժումը:

4. Առողջարանային վերականգնողական բուժման կարիք ունեցող պացիենտը պետության կողմից երաշխավորված անվճար բժշկական օգնության և սպասարկման շրջանակներում առողջարանում կարող է բուժվել ոչ ավելի, քան տարին մեկ անգամ:

5. Սույն չափորոշչի 4-րդ կետով սահմանված պահանջի ընթացիկ մշտադիտարկումը իրականացնում են Հայաստանի Հանրապետության առողջապահության նախարարությունը, Երևանի քաղաքապետարանը և Հայաստանի Հանրապետության մարզպետարանները:

6. Անհատական խնամքի կարիք ունեցող պացիենտներին ուղեկցող անձանց պետության կողմից երաշխավորված անվճար բժշկական օգնության և սպասարկման շրջանակներում ուղեգրեր չեն տրամադրվում:

II. ԱՌՈՂՋԱՐԱՆԱՅԻՆ ՎԵՐԱԿԱՆԳՆՈՂԱԿԱՆ ԲՈՒԺՄԱՆ ՈՒՂԵԳՐԵՐԻ ԲԱՇԽՄԱՆ ԸՆԹԱՑԱԿԱՐԳԸ

7. Առողջարանային վերականգնողական բուժման ուղեգրումն իրականացվում է.

1) Հայաստանի Հանրապետության առողջապահության նախարարության կողմից,

2) Հայաստանի Հանրապետության մարզպետարանների կողմից,

3) Երևանի քաղաքապետարանի կողմից:

8. Հայաստանի Հանրապետության առողջապահության նախարարության կողմից առողջարանային վերականգնողական բուժման ուղեգրերը բաշխվում են Հայաստանի Հանրապետության մարզպետարաններին և Երևանի քաղաքապետարանին` ելնելով Հայաստանի Հանրապետության մարզերի և Երևան քաղաքի բնակչության թվաքանակների համամասնություններից:

9. Հայաստանի Հանրապետության առողջապահության նախարարի կողմից Հայաստանի Հանրապետության մարզպետարաններին և Երևանի քաղաքապետարանին առողջարանային վերականգնողական բուժման ուղեգրերի բաշխման նպատակով ընդունվում է հրաման, որով սահմանվում է բաշխացուցակ` համաձայն առողջարանների կողմից գրավոր ներկայացրած ժամանակացույցի` հերթափոխերի ժամկետներով և յուրաքանչյուր հերթափոխի ընթացքում սպասվող պացիենտների թվով:

III. ԱՌՈՂՋԱՐԱՆԱՅԻՆ ՎԵՐԱԿԱՆԳՆՈՂԱԿԱՆ ԲՈՒԺՄԱՆ ԿԱԶՄԱԿԵՐՊՄԱՆ ԸՆԹԱՑԱԿԱՐԳԸ

10. Առողջարանային վերականգնողական բուժման կարիք ունեցող պացիենտը առողջարանային վերականգնողական բուժման ուղեգրման համար Հայաստանի Հանրապետության առողջապահության նախարարություն կամ Հայաստանի Հանրապետության մարզպետարաններ կամ Երևանի քաղաքապետարան ներկայացնում է սույն հրամանի Հավելված N 4-ով սահմանված առողջարանային վերականգնողական բուժման ուղեգիր ստանալու տեղեկանք:

11. Առողջարանային վերականգնողական բուժման կարիք ունեցող պացիենտին սույն հրամանի Հավելված N 4-ով սահմանված առողջարանային վերականգնողական բուժման ուղեգիր ստանալու տեղեկանքը տրամադրում է այն առողջության առաջնային պահպանման բժշկական կազմակերպության բուժող բժիշկը, որտեղ վերջինս Հայաստանի Հանրապետության օրենսդրությամբ սահմանված կարգով գրանցված է: Եթե առողջարանային բուժման կարիք ունեցող պացիենտը հաշմանդամություն ունեցող անձ է, ապա առողջության առաջնային պահպանման բժշկական կազմակերպության բուժող բժիշկը սույն կետում նշված տեղեկանքը տրամադրելիս հաշվի է առնում հաշմանդամություն ունեցող անձի վերականգնողական անհատական ծրագիրը:

12. Առողջության առաջնային պահպանման բժշկական կազմակերպության բուժող բժիշկն առաջնորդվում է սույն հրամանի Հավելված N 2-ով և Հավելված N 3-ով սահմանված առողջարանային վերականգնողական բուժման ընդհանուր ցուցումների և հակացուցումների ու բացարձակ հակացուցումների ցանկերով, հաշվի առնելով նաև պացիենտի տարիքը, որոնց հիման վրա տրամադրում է սույն հրամանի Հավելված N 4-ով սահմանված առողջարանային վերականգնողական բուժման ուղեգիր ստանալու տեղեկանքը:

13. Առողջարանային վերականգնողական բուժման ուղեգրման համար հիմք է ընդունվում առողջության առաջնային պահպանման բժշկական կազմակերպության կողմից տրված, սույն հրամանով հաստատված Հավելված N 4-ով սահմանված տեղեկանքը և սոցիալապես անապահով ու առանձին (հատուկ) խմբերում ընդգրկվածությունը հավաստող փաստաթուղթը (տեղեկանք կամ վկայական):

14. Հայաստանի Հանրապետության առողջապահության նախարարության կամ Հայաստանի Հանրապետության մարզպետարանների կամ Երևանի քաղաքապետարանի կողմից տրամադրված առողջարանային վերականգնողական բուժման ուղեգրով պացիենտը ներկայանում է իրեն սպասարկող առողջության առաջնային պահպանման բժշկական կազմակերպություն` սույն հրամանի հավելված N 5-ով սահմանված առողջարանային բուժման քարտը ստանալու համար:

15. Ուղեգրված պացիենտը առողջարան է ներկայացնում Հայաստանի Հանրապետության առողջապահության նախարարության կամ Հայաստանի Հանրապետության մարզպետարանների կամ Երևանի քաղաքապետարանի կողմից տրված ուղեգիրը, առողջության առաջնային պահպանման բժշկական կազմակերպության կողմից տրված սույն հրամանով հաստատված հավելված N 5-ով սահմանված առողջարանային բուժման քարտը, սոցիալապես անապահով ու առանձին (հատուկ) խմբերում ընդգրկվածությունը հավաստող պաշտոնական փաստաթղթի, անձնագրի կամ նույնականացման քարտի, դրանց բացակայության դեպքում` Հայաստանի Հանրապետության օրենսդրությամբ նախատեսված` անձը հաստատող այլ փաստաթղթի պատճենները, որոնք փակցվում են բուժման պատմագրերում և որոնց առկայության համար առողջարանում պատասխանատու է տվյալ առողջարանի տնօրենը կամ տնօրենի հրամանով նշանակված պատասխանատու անձը:

16. Առողջարանային վերականգնողական բուժման տևողությունը սահմանվում է 12 օր, բացառությամբ այն դեպքերի, երբ համաձայն առողջարանի բժշկական հանձնաժողովի եզրակացության անհրաժեշտ է բուժումը շարունակել կամ ընդհատել` հստակ նշելով դրա հիմքերը:

17. Առողջարանը յուրաքանչյուր պացիենտին ընդունելիս կատարում է բժշկական զննում և տալիս է եզրակացություն` տվյալ առողջարանում բուժվելու հիմնավորվածության վերաբերյալ, այդ մասին կատարելով համապատասխան գրառում առողջարանում պացիենտների ընդունելության գրանցամատյանում (Ձև 1-ը կցվում է):

18. Առողջարանային վերականգնողական բուժման` տվյալ առողջարանի պրոֆիլին համապատասխանության համար, պետության կողմից երաշխավորված բժշկական օգնության և սպասարկման պայմանագրով նախատեսված պատասխանատվություն են կրում առողջարանները:

19. Առողջարանային վերականգնողական բուժման` տվյալ առողջարանի պրոֆիլին անհամապատասխանության և պացիենտին չընդունելու դեպքում, առողջարանի տնօրենը այդ մասին նույն օրը գրավոր տեղեկացնում է ուղեգրող մարմնին` համապատասխանաբար Հայաստանի Հանրապետության առողջապահության նախարարություն, Հայաստանի Հանրապետության մարզպետարաններ և Երևանի քաղաքապետարան:

20. Այն դեպքերում, երբ առողջարանային վերականգնողական բուժման ուղեգրված պացիենտները առողջարան ժամանում են ուղեգրով սահմանված ժամկետի խախտմամբ, առողջարանի տնօրենն իրավասու է չընդունել այդ անձանց, եթե դա խաթարում է առողջարանի բնականոն աշխատանքը:

21. Առողջարանային վերականգնողական բուժման մեթոդները և տեսակները որոշվում են առողջարաններում համապատասխան բժիշկ-մասնագետի կողմից` հիմք ընդունելով պացիենտների ախտորոշումը և ընդհանուր առողջական վիճակը:

22. Առողջարանային վերականգնողական բուժման ավարտից հետո առողջարանի կողմից պացիենտին է տրամադրվում սույն հրամանի հավելված N 5-ով սահմանված առողջարանային բուժման քարտի լրացված հետադարձ մասը, որը ենթակա է վերադարձման առողջության առաջնային պահպանում իրականացնող այն բժշկական կազմակերպություն, որի կողմից տրամադրվել է առողջարանային վերականգնողական բուժման քարտը:»:

Հավելված N 2

ՀՀ առողջապահության նախարարի

2016 թվականի օգոստոսի 17-ի

N 31-Ն հրամանի

«Հավելված N 6

ՀՀ առողջապահության նախարարի

2013 թվականի հուլիսի 2-ի

N 34-Ն հրամանի

Առողջարանային բժշկական կազմակերպությունը

_________________________________________

Ձև

Հիվանդասենյակ N ________________

ՄԵԾԱՀԱՍԱԿԻ ԱՌՈՂՋԱՐԱՆԱՅԻՆ ԲՈՒԺՄԱՆ ՊԱՏՄԱԳԻՐ N _____________

Ընդունվել է __ /__/20 թ. ժամը _____

Դուրս է գրվել __ /___/20 թ. ժամը____

Անց է կացրել _______ մահճակալ-օր:

Պետական պատվերով բուժման սոցիալական հիմքերը (նշել)

_________________________________________________________________________________

ԸՆԴՀԱՆՈՒՐ ՏԵՂԵԿԱՏՎՈՒԹՅՈՒՆ

Անուն, ազգանուն, հայրանուն (առկայության դեպքում) ______________________________________

Ում կողմից է ուղեգրվել ______________________________________________________________

Ամսաթիվը «______» __________20__ թ.

Անձը հաստատող փաստաթղթի տեսակը _________________________ համարը N_______________

Արյան խումբը______________________ Ռեզուս-պատկանելությունը ________________________

Դեղերի նկատմամբ կողմնակի ազդեցություն (հակացուցված դեղեր)

_________________________________________________________________________________

Ծննդյան ամսաթիվ (օր/ամիս/տարի) ________________

Սեռը (ընդգծել) իգական / արական

Բնակության վայրը _________________________________________________________________

Հաշվառման վայրը _________________________________________________________________

Հեռախոս (քաղաքային, բջջային) ______________________________________________________

Հարազատի տվյալները

Հարազատի հեռախոս (քաղաքային, բջջային) _____________________________________________

Ընտանեկան դրությունը ______________________________________________________________

Սոցիալապես անապահով ու առանձին (հատուկ) խմբերին պատկանելությունը

_________________________________________________________________________________

Մասնագիտությունը _________________________________________________________________

Աշխատանքի վայրը ______________________________ պաշտոնը __________________________

Ախտորոշումն ըստ առողջության առաջնային պահպանման բժշկական կազմակերպության կողմից տրված սույն հրամանով հաստատված հավելված N 5-ով սահմանված մեծահասակի առողջարանային վերականգնողական բուժման քարտի _______________________________________________________

_________________________________________________________________________________

Ախտորոշումն ընդունվելիս (նախնական ախտորոշում) _______________________________________

_________________________________________________________________________________

Եզրափակիչ ախտորոշում

_________________________________________________________________________________

Բուժման ընթացքում առաջացած սրացումներ և բարդություններ ___________________________

_________________________________________________________________________________

ՀԱՏՈՒԿ ՆՇՈՒՄՆԵՐ

_________________________________________________________________________________

Բուժող բժիշկ` _________________________

ՊԱՑԻԵՆՏԻ ԱՌԱՋՆԱՅԻՆ ԶՆՆՈՒՄ

ԳԱՆԳԱՏՆԵՐ

_________________________________________________________________________________

ՀԻՎԱՆԴՈՒԹՅԱՆ ԱՆԱՄՆԵԶ (սկիզբ, ընթացք, ստացած բուժումը` դեղ, դեղաչափ, տևողություն, կատարված միջամտությունները)

_________________________________________________________________________________

ԿՅԱՆՔԻ ԱՆԱՄՆԵԶ

_________________________________________________________________________________

ՀԻՄՆԱԿԱՆ ԱԽՏՈՐՈՇՈՒՄԸ, որի համար ցուցված է տվյալ առողջարանային բուժումը

_________________________________________________________________________________

ՕԲՅԵԿՏԻՎ ԶՆՆՄԱՆ ՏՎՅԱԼՆԵՐ

Քաշ (կգ) ___ Հասակ (սմ)_______

Ջերմաստիճան _____T⁰ Զարկերակային ճնշում _______

Շաքարային դիաբետ (ընդգծել) I տիպ, II տիպ

Ծխում է (ընդգծել) այո ոչ

Դաշտանադադար` (ընդգծել) այո ոչ,

Ժառանգական նախատրամադրվածություն (ընդգծել) այո ոչ

Ընդհանուր վիճակն ընդունվելիս

_________________________________________________________________________________

Իրականացված լաբորատոր-գործիքային ախտորոշիչ հետազոտությունների արդյունքները ______

_________________________________________________________________________________

ՕՐԱԳԻՐ

Ամսաթիվ

Առողջարանային բուժման ընթացքը

Բուժման տեսակները, նշանակումները

Իրականացված բժշկական միջամտությունները

I օր

II օր

III օր

IV օր

V օր

VI օր

VII օր

VIII օր

IX օր

X օր

XI օր

XII օր

Հիվանդության ելքը` առողջացում, լավացում, անփոփոխ, վատացում (ընդգծել)

Բուժող բժիշկ` անուն, ազգանուն, ստորագրություն ___________________________

Առողջարանային բժշկական կազմակերպության տնօրեն կամ տնօրենի բուժական գծով տեղակալ` անուն, ազգանուն, ստորագրություն__________________

«________»_______________ 20 թ.»։

Ձև 1

ԳՐԱՆՑԱՄԱՏՅԱՆ

ԱՌՈՂՋԱՐԱՆՈՒՄ ՊԱՑԻԵՆՏՆԵՐԻ ԸՆԴՈՒՆԵԼՈՒԹՅԱՆ

N

ԱՌՈՂՋԱՐԱՆ ԸՆԴՈՒՆՄԱՆ ՕՐ, ԱՄԻՍ, ՏԱՐԻ

ԱԶԳԱՆՈՒՆ, ԱՆՈՒՆ, ՀԱՅՐԱՆՈՒՆ (ԱՌԿԱՅՈՒԹՅԱՆ ԴԵՊՔՈՒՄ)

ԾՆՆԴՅԱՆ
ՕՐ, ԱՄԻՍ, ՏԱՐԻ

ԲՆԱԿՈՒԹՅԱՆ ՎԱՅՐԸ

ՈՒՂԵԳՐՈՂ ՄԱՐՄԻՆ

ԱԽՏՈՐՈՇՈՒՄ

ՆՇՈՒՄՆԵՐ

1.

2.

3.

4.

5.

6.

7.

8.

Տեղեկատվություն

Ակտի վավերապայմաններ

ՓՈՓՈԽՈՂՆԵՐ ԵՎ ԻՆԿՈՐՊՈՐԱՑԻԱՆԵՐ

Կապեր

ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ ՀՐԱՄԱՆԸ ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՀՈՒԼԻՍԻ 2-Ի ԹԻՎ 34-Ն ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Համար

N 31-Ն

Տիպ

Հրաման

Փաստաթղթի տեսակ

Հիմնական ակտ (25.09.2016-մինչ օրս)

Կարգավիճակ

Գործում է

Սկզբնաղբյուր

ՀՀՊՏ 2016.10.12/75(1255) Հոդ.242

Ընդունող մարմին

Առողջապահության նախարար

Ընդունման ամսաթիվ

17.08.2016

Ընդունման վայր

Երևան

Ստորագրող մարմին

Առողջապահության նախարար

Ստորագրման ամսաթիվ

17.08.2016

Ուժի մեջ մտնելու ամսաթիվ

25.09.2016

Հիմնական ակտ 17.08.2016, N 31-Ն

Փոփոխման պատմություն

Փոփոխվող ակտ

Փոփոխող ակտ Ինկորպորացիա

Փոփոխություններ է կատարել հետևյալ ակտերում Յուրաքանչյուր փոփոխվողին համապատասխանող ինկորպորացիան

12.09.2013, N 34-Ն

25.09.2016, N 34-Ն

Ընդհանուր կապեր

Դատական նախադեպեր

Պաշտոնական պարզաբանումներ

Հակասահմանադրական կապեր

03.04.2002, ՀՕ-320

ՀՀ ՕՐԵՆՔԸ ԻՐԱՎԱԿԱՆ ԱԿՏԵՐԻ ՄԱՍԻՆ

15.08.2002, N 1300-Ն

ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ «ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄ» ՊԵՏԱԿԱՆ ԿԱՌԱՎԱՐՉԱԿԱՆ ՀԻՄՆԱՐԿ ՍՏԵՂԾԵԼՈՒ, ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԿԱՆՈՆԱԴՐՈՒԹՅՈՒՆԸ ԵՎ ԱՇԽԱՏԱԿԱԶՄԻ ԿԱՌՈՒՑՎԱԾՔԸ ՀԱՍՏԱՏԵԼՈՒ ՄԱՍԻՆ