«Գրանցված է»

ՀՀ արդարադատության

նախարարության կողմից

20 հուլիսի 2015 թ.

Պետական գրանցման թիվ 10015288

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՆՊՏՂՈՒԹՅԱՆ ՊԱՏՃԱՌԱԳԻՏՈՒԹՅԱՆ ԱԽՏՈՐՈՇՄԱՆ, ԻՆՉՊԵՍ ՆԱԵՎ ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ ՇՐՋԱՆԱԿՆԵՐՈՒՄ ԿԻՐԱՌՎԵԼԻՔ ՄԵԹՈԴԻ ՈՐՈՇՄԱՆ ՆՊԱՏԱԿՈՎ ԻՐԱԿԱՆԱՑՎՈՂ ՀԱՄԱԼԻՐ ՀԵՏԱԶՈՏՈՒԹՅՈՒՆՆԵՐԻ ՑԱՆԿԸ, ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ ԿԻՐԱՌՄԱՄԲ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԿԱՄ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ՍՏԱՆԱԼՈՒ ՆՊԱՏԱԿՈՎ ՔԱՂԱՔԱՑՈՒ ԿՈՂՄԻՑ ՆԵՐԿԱՅԱՑՎՈՂ ԴԻՄՈՒՄԻ ՁԵՎԸ ՀԱՍՏԱՏԵԼՈՒ ԵՎ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԿԱՄ ԱՐՏՈՆՅԱԼ ՊԱՅՄԱՆՆԵՐՈՎ ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ (ԱՐՀԵՍՏԱԿԱՆ ՍԵՐՄՆԱՎՈՐՄԱՆ ԵՎ ԲԵՂՄՆԱՎՈՐՄԱՆ) ԿԻՐԱՌՄԱՆ ԲԺՇԿԱԿԱՆ ՑՈՒՑՈՒՄՆԵՐԻ ՑԱՆԿԸ ՍԱՀՄԱՆԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2015 թվականի մայիսի 27-ի N 568-Ն որոշման 3-րդ կետի 1-ին ենթակետը, 5-րդ կետը և 14-րդ կետի 1-ին ենթակետը և Հայաստանի Հանրապետության կառավարության 2002 թվականի օգոստոսի 15-ի N 1300-Ն որոշմամբ հաստատված Հայաստանի Հանրապետության առողջապահության նախարարության կանոնադրության 12-րդ կետի «դ» ենթակետը,

Հրամայում եմ`

1. Հաստատել`

1) Անպտղության պատճառագիտության ախտորոշման, ինչպես նաև վերարտադրողականության օժանդակ տեխնոլոգիաների շրջանակներում կիրառվելիք մեթոդի որոշման նպատակով իրականացվող համալիր հետազոտությունների ցանկը՝ համաձայն հավելված N 1-ի:

2) Վերարտադրողականության օժանդակ տեխնոլոգիաների կիրառմամբ պետության կողմից երաշխավորված անվճար կամ արտոնյալ պայմաններով բժշկական օգնություն և սպասարկում ստանալու նպատակով քաղաքացու կողմից ներկայացվող դիմումի ձևը՝ համաձայն հավելված N 2-ի:

2. Սահմանել՝

1) Պետության կողմից երաշխավորված անվճար կամ արտոնյալ պայմաններով վերարտադրողականության օժանդակ տեխնոլոգիաների (արհեստական սերմնավորման և բեղմնավորման) կիրառման բժշկական ցուցումների ցանկը՝ համաձայն հավելված N 3-ի:

3. Սույն հրամանի կատարման հսկողությունը հանձնարարել Հայաստանի Հանրապետության առողջապահության նախարարի տեղակալ Սերգեյ Խաչատրյանին:

Ց Ա Ն Կ

ԱՆՊՏՂՈՒԹՅԱՆ ՊԱՏՃԱՌԱԳԻՏՈՒԹՅԱՆ ԱԽՏՈՐՈՇՄԱՆ, ԻՆՉՊԵՍ ՆԱԵՎ ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ ՇՐՋԱՆԱԿՆԵՐՈՒՄ ԿԻՐԱՌՎԵԼԻՔ ՄԵԹՈԴԻ ՈՐՈՇՄԱՆ ՆՊԱՏԱԿՈՎ ԻՐԱԿԱՆԱՑՎՈՂ ՀԱՄԱԼԻՐ ՀԵՏԱԶՈՏՈՒԹՅՈՒՆՆԵՐԻ

1. Հետազոտությունների պարտադիր ծավալը կանանց համար ընդգրկում է՝

1) ընդհանուր և գինեկոլոգիական զննումը,

2) փոքր կոնքի օրգանների գերձայնային հետազոտումը,

3) արյան խմբի և ռեզուս գործոնի որոշումը,

4) արյան ընդհանուր և կենսաքիմիական հետազոտությունը` ներառյալ մակարդելիության որոշումը (ուժի մեջ է մեկ ամիս),

5) արյան հետազոտումը՝ սիֆիլիս, մարդու իմունային անբավարարության վիրուս, հեպատիտ Բ և Ց (ուժի մեջ է երեք ամիս),

6) միզուկի և արգանդի վզիկի խողովակից քսուքի մանրադիտակային հետազոտությունը,

7) թերապևտի եզրակացությունն առողջական վիճակի՝ այդ թվում էքստրագենիտալ ծանր ախտաբանության առկայության վերաբերյալ, որի դեպքում հակացուցված է հղիությունը,

8) արգանդի վզիկի բջջաբանական քսուքը (Պապանիկոլաուի քսուքը),

9) հորմոնների որոշումը արյան մեջ՝ ֆոլիկուլախթանիչ հորմոն, լյուտեինիզացնող հորմոն, պրոլոկտին, կորտիզոլ, թիրօքսին, թիրոիդին, թիրեոտրոպ, հակամյուլերային հորմոն,

10) սեռական ճանապարհով փոխանցվող վարակների (խլամիդիոզ, միկոպլազմոզ, ուրեապլազմոզ, հերպես, ցիտոմեգալիա, տոքսոպլազմոզ, կարմրախտ) հետազոտությունը,

11) վահանաձև գեղձի ուլտրաձայնային հետազոտությունը,

12) արգանդի, փողերի և ձվարանների անատոմիական վիճակի ստուգումը (հիստերոսալպինգոգրաֆիա, հիստերոսկոպիա, լապարոսկոպիա),

13) արգանդի լորձաթաղանթի կենսազննումը,

14) հակասպերմային և հակաֆոսֆոլիպիդային հակամարմինների որոշումը արյան մեջ,

15) բժշկագենետիկ հետազոտություն՝ բժիշկ-գենետիկի խորհրդատվությունը և ըստ ցուցումների կարիոտիպի որոշումը,

16) անհրաժեշտության դեպքում այլ մասնագետի եզրակացությունը:

2. Հետազոտությունների պարտադիր ծավալը տղամարդկանց համար ընդգրկում է՝

1) արյան հետազոտությունը՝ սիֆիլիս, մարդու իմունային անբավարարության վիրուս, հեպատիտ Բ և Ց (ուժի մեջ է երեք ամիս),

2) սերմնահեղուկի քննությունը,

3) արյան խմբի և ռեզուս գործոնի որոշումը,

4) ուրոլոգի կամ անդրոլոգի խորհրդատվությունը,

5) վարակների հետազոտումը (խլամիդիոզ, միկոպլազմոզ, ուրեոպլազմոզ, հերպես, ցիտոմեգալիա),

6) բժշկագենետիկ հետազոտությունը՝ բժիշկ-գենետիկի խորհրդատվությունը և ըստ ցուցումների կարիոտիպի որոշումը:

ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ ԿԻՐԱՌՄԱՄԲ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԿԱՄ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ՍՏԱՆԱԼՈՒ ՆՊԱՏԱԿՈՎ ՔԱՂԱՔԱՑՈՒ ԿՈՂՄԻՑ ՆԵՐԿԱՅԱՑՎՈՂ ԴԻՄՈՒՄ

Ձև

ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ ԿԻՐԱՌՄԱՄԲ ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԿԱՄ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ՍՏԱՆԱԼՈՒ ՆՊԱՏԱԿՈՎ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐ ՈՒՂԵԳՐՈՂ ՀԱՆՁՆԱԺՈՂՈՎԻ ՆԱԽԱԳԱՀ

--------------------------------------------------------------- -ին

ՔԱՂԱՔԱՑԻ ----------------------------------------------- -ԻՑ

ԲՆԱԿՈՒԹՅԱՆ ՎԱՅՐԸ՝ --------------------------------------

 ---------------------------------------------------------------------

 ՀԵՌԱԽՈՍ -------------------------------------------------------

Դ Ի Մ ՈՒ Մ

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

------------------------------------------------------------------------------------------------------------

Խնդրում եմ պետության կողմից երաշխավորված անվճար կամ արտոնյալ (ընդգծել) պայմաններով վերարտադրողականության օժանդակ տեխնոլոգիաների կիրառմամբ բժշկական օգնության և սպասարկման ուղեգիր տրամադրել՝ բժշկական ցուցումների համաձայն:

օր, ամիս, տարի

Կից ներկայացվում են հետևյալ փաստաթղթերը.

1.

2.

3.

4.

Ց Ա Ն Կ

ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԿԱՄ ԱՐՏՈՆՅԱԼ ՊԱՅՄԱՆՆԵՐՈՎ ՎԵՐԱՐՏԱԴՐՈՂԱԿԱՆՈՒԹՅԱՆ ՕԺԱՆԴԱԿ ՏԵԽՆՈԼՈԳԻԱՆԵՐԻ (ԱՐՀԵՍՏԱԿԱՆ ՍԵՐՄՆԱՎՈՐՄԱՆ ԵՎ ԲԵՂՄՆԱՎՈՐՄԱՆ) ԿԻՐԱՌՄԱՆ ԲԺՇԿԱԿԱՆ ՑՈՒՑՈՒՄՆԵՐԻ

I. Ցուցումներ արհեստական սերմնավորման

1. Անպտղության գործոններ տղամարդու կողմից՝ սերմի բեղմնավորող ունակության նվազումը.

1) օլիգոզոոսպերմիա,

2) աստենոզոոսպերմիա,

3) ազոսպերմիա,

4) ասպերմիա,

5) օլիգոաստենոսպերմիա 2-րդ և 3-րդ աստիճանի։

II. Ցուցումներ արտամարմնային բեղմնավորման

2. Փողային անպտղություն

1) Արգանդափողերի բացակայություն,

2) արգանդափողերի անանցանելիություն,

3) փոքր կոնքի օրգանների արտահայտված կպումային պրոցես (էնդոմետրիոզ):

3. Դոնորական ձվաբջիջների կիրառման անհրաժեշտություն (օվոցիտների դոնացիա):

4. Իմունաբանական անպտղության գործոններ. պարանոցային լորձի և սերմի միջև կենսաբանական անհամատեղելիություն:

5. Անհայտ ծագման անպտղություն, որը չի ենթարկվում բուժման:

6. Արհեստական սերմնավորման անհաջող փորձերը (երեք և ավելի):

7. Օվուլյացիայի ստիմուլյացիայի անարդյունք փորձեր (4 ցիկլ և ավելի) ներարգանդային ինսիմինացիայով:

8. Իջած օվարիալ ռեզերվ, ֆոլիկուլոխթանող հորմոն > 12, հակամյուլերային հորման < 1.5, անթրալ ֆոլիկուլների քանակը < 5:

9. Ձվարանների ֆունկցիայի իջեցում կամ բացակայություն:

10. Անպտղության գործոններ տղամարդու կողմից՝ սերմի բեղմնավորող ունակության նվազումը.

1) օլիգոզոոսպերմիա,

2) աստենոզոոսպերմիա,

3) ազոսպերմիա,

4) ասպերմիա,

5) օլիգոաստենոսպերմիա 2-րդ և 3-րդ աստիճանի: