ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՕՐԵՆՔԻ ՈՒԺ ՈՒՆԵՑՈՂ
Ո Ր Ո Շ ՈՒ Մ
ԲՆԱՊԱՀՊԱՆԱԿԱՆ ՎՃԱՐԻ ԴՐՈՒՅՔԱՉԱՓԵՐԻ ՄԱՍԻՆ
«Բնապահպանական վճարի դրույքաչափերը սահմանելու մասին օրենքի ուժ ունեցող որոշում ընդունելու համար Հայաստանի Հանրապետության կառավարությանը լիազորելու մասին» Հայաստանի Հանրապետության Ազգային ժողովի որոշմանը համապատասխան Հայաստանի Հանրապետության կառավարությունը որոշում է.
1. Հաստատել բնապահպանական վճարի դրույքաչափերը (կցվում են):
2. Սահմանել, որ`
ա) ամրակայված աղբյուրներից օդային ավազան վնասակար նյութերի արտանետման համար վճարը հաշվարկվում է` ելնելով հաշվետու ժամանակաշրջանում օդային ավազան արտանետված վնասակար նյութերի ծավալից և դրույքաչափերից.
բ) իրավաբանական և ֆիզիկական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից ու մեխանիզմներից վնասակար նյութերի արտանետման համար վճարը հաշվարկվում է սույն որոշմամբ հաստատված դրույքաչափերի I բաժնի 1-ին կետի «բ» և «գ» ենթակետերին համապատասխան` բացառությամբ սույն ենթակետի երկրորդ պարբերությամբ սահմանված դեպքի:
Անհատ ձեռնարկատերեր չհանդիսացող ֆիզիկական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից ու մեխանիզմներից վնասակար նյութերի արտանետման համար վճարը հաշվարկվում է միայն սույն որոշմամբ հաստատված դրույքաչափերի I բաժնի 1-ին կետի «գ» ենթակետին համապատասխան:
Սույն որոշմամբ հաստատված դրույքաչափերի I բաժնի 1-ին կետի «բ» ենթակետին համապատասխան հաշվարկված վճարը վճարվում է «Բնապահպանական և բնօգտագործման վճարների մասին» Հայաստանի Հանրապետության օրենքին համապատասխան, իսկ «գ» ենթակետին համապատասխան հաշվարկված վճարը` տարեկան մեկ անգամ, մինչև դրանց տարեկան տեխնիկական զննությունը:
գ) (ենթակետը հանվել է 15.06.99 ՀՕՈ-1)
(2-րդ կետը փոփ., խմբ. 15.06.99 ՀՕՈ-1)
3. Հայաստանի Հանրապետության բնապահպանության նախարարությանը` երկամսյա ժամկետում բնությունը հնարավոր ազդեցություններից պահպանելու համար Հայաստանի Հանրապետության կառավարություն ներկայացնել առաջարկություն բնապահպանական վճարի գանձման օբյեկտի տարր հանդիսացող փաստացի ծավալների նկատմամբ չափաքանակներ և սահմանափակումներ սահմանելու վերաբերյալ:
4. Ուժը կորցրած ճանաչել Հայաստանի Հանրապետության կառավարության 1997 թվականի հունիսի 25-ի «Բնական պաշարների օգտագործման, շրջակա միջավայր վնասակար նյութերի արտանետման համար վճարաչափեր սահմանելու և վճարումների կարգը հաստատելու մասին» N 221 որոշման NN 3, 4, 5 և 6 հավելվածները, որոշմամբ հաստատված կարգի 1-ին, 2-րդ, 6-րդ, 7-րդ, 8-րդ, 9-րդ, 12-րդ և 13-րդ կետերը:
5. Սույն որոշումն ուժի մեջ է մտնում «Բնապահպանական վճարի դրույքաչափերը սահմանելու մասին օրենքի ուժ ունեցող որոշում ընդունելու համար Հայաստանի Հանրապետության կառավարությանը լիազորելու մասին» Հայաստանի Հանրապետության Ազգային ժողովի որոշումն ուժի մեջ մտնելու պահից:
|
Հայաստանի Հանրապետության |
Ռ. Քոչարյան |
|
Երևան |
|
ՀԱՍՏԱՏՎԱԾ Է |
Դ Ր ՈՒ Յ Ք Ա Չ Ա Փ Ե Ր
ԲՆԱՊԱՀՊԱՆԱԿԱՆ ՎՃԱՐԻ
I. Շրջակա միջավայր վնասակար նյութեր արտանետելու համար վճարի դրույքաչափերը
1. Օդային ավազան վնասակար նյութերի արտանետման համար`
ա) ամրակայված աղբյուրներից օդային ավազան վնասակար նյութերի արտանետման յուրաքանչյուր տոննայի համար`
|
անօրգանական փոշի |
1,800 դրամ |
բ) Հայաստանի Հանրապետությունում գրանցված և շահագործվող ավտոմեքենաներից և մեխանիզմներից վնասակար նյութերի արտանետման համար` ըստ օգտագործած վառելիքի յուրաքանչյուր տոննայի`
|
դիզելային |
1,560 դրամ |
գ) Հայաստանի Հանրապետությունում գրանցված և շահագործվող ավտոմեքենաներից և մեխանիզմներից վնասակար նյութերի արտանետման համար` ըստ մեքենայի մակնիշի`
|
ԶԱԶ 9069, 968Ա, 968Մ |
1,350 դրամ |
Սույն ենթակետում Ձ-ն ավտոմեքենաների և մեխանիզմների շարժիչի հզորությունն է` արտահայտված ձիաուժով:
դ) այլ պետություններում գրանցված տրանսպորտային միջոցներից օդային ավազան վնասակար նյութերի արտանետման համար` ըստ ավտոմեքենաների տեսակի և բեռնատարողության`
|
Մարդատար |
|
|
- թեթև մարդատար ավտոմեքենաներ |
2,500 դրամ |
|
Բեռնատար |
|
|
- մինչև 8 տ բեռնատարողությամբ |
5,000 դրամ |
(1-ին կետը փոփ. 15.06.99 ՀՕՈ-1)
2. Ջրային ավազան վնասակար նյութերի և միացությունների յուրաքանչյուր տոննայի արտանետման համար`
|
կախված նյութեր |
5,310 դրամ |
II. Շրջակա միջավայր արտադրության եվ սպառման թափոնների սահմանված կարգով տեղադրման համար վճարի դրույքաչափերը
Շրջակա միջավայր արտադրության և սպառման թափոնների սահմանված կարգով տեղադրման յուրաքանչյուր տոննայի համար`
|
առաջին դասի վտանգավորության |
36,000 դրամ |
Լեռնաարդյունահանող իրավաբանական անձինք ոչ թունավոր թափոնների տեղադրման համար չեն վճարում:
III. Շրջակա միջավայրին վնաս պատճառող ապրանքների համար վճարի դրույքաչափերը
III. Շրջակա միջավայրին վնաս պատճառող ապրանքների համար վճարի դրույքաչափերը
Շրջակա միջավայրին վնաս պատճառող ապրանքների համար վճարը գանձվում է հետևյալ դրույքաչափերով`
| ազբոշիֆեր, ջերմամեկուսիչ ազբեստային | 3 տոկոս |
| սարքեր (էկրաններ), ավտոմեքենայի արգելակներ կապար պարունակող արտադրանք, ներկեր |
3 տոկոս |
| լյումինեսցենտային լամպեր, ամալգամներ (սնդիկային) | 3 տոկոս |
| տպագրական նյութեր, ցինկի շապր (բելիլա) | 3 տոկոս |
| նավթ, նավթամթերք | 2 տոկոս |
| մայթաձյութ | 2 տոկոս |
| վառելիքաքսուքային նյութեր | 2 տոկոս |
| հանքային յուղեր | 2 տոկոս |
| էլեկտրոդներ (եռակցման) | 1,5 տոկոս |
| նավթալին (կարծր) | 1,5 տոկոս |
| ավտոմեքենաների մարտկոցներ (կապարային, լիթիումային) | 1,5 տոկոս |
| տրանսֆորմատորներ, կոնդենսատորներ | 1,5 տոկոս |
| ավտոդողեր | 0,8 տոկոս |
| կինո-ֆոտո ժապավեններ | 0,8 տոկոս |
| ապակյա մանրաթելեր | 0,8 տոկոս |
| չմաքրված դատարկ տարողություններ (կոնտեյներներ, ավտոցիստեռններ, կանիստրներ) | 0,8 տոկոս |
| դետերգենտներ (լվացող նյութեր) | 0,5 տոկոս |
| ֆրեոն պարունակող սարքեր և ապրանքներ (սառնարաններ, դեզոդորանտներ) | 0,5 տոկոս |
| պլաստիկ, պոլիէթիլային տարաներ և փաթեթներ | 0,5 տոկոս |
