«Գրանցված է»

ՀՀ արդարադատության

նախարարության կողմից

30 հունվարի 2012 թ.

Պետական գրանցման թիվ 11612065

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐ

Հ Ր Ա Մ Ա Ն

ՓՈՍՏԱՅԻՆ ՎՃԱՐՄԱՆ ՊԵՏԱԿԱՆ ՆՇԱՆՆԵՐԻ ՆՄՈՒՇՆԵՐԸ ՀԱՍՏԱՏԵԼՈՒ ԵՎ ԳՈՐԾՈՂՈՒԹՅԱՆ ՄԵՋ ԴՆԵԼՈՒ ՄԱՍԻՆ

Ղեկավարվելով «Փոստային կապի մասին» Հայաստանի Հանրապետության օրենքի 10-րդ հոդվածի երկրորդ մասի «դ» կետով և Հայաստանի Հանրապետության կառավարության 2002 թվականի նոյեմբերի 21-ի «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկ ստեղծելու և Հայաստանի Հանրապետության տրանսպորտի և կապի նախարարության կանոնադրությունն ու աշխատակազմի կառուցվածքը հաստատելու մասին» թիվ 1809-Ն որոշմամբ հաստատված կանոնադրության 8-րդ կետի «ժգ» ենթակետի դրույթով.

1. Հաստատել փոստային վճարման պետական նշանների նմուշները՝

1) Հայկական բանակի ստեղծման 20-ամյակը թեմային նվիրված «Հայկական բանակ 20 Armenian Army» և «Հայկական բանակ 20 Armenian Army» 2 նամականիշերի, համաձայն N 1 և N 2 հավելվածների:

2) Միավորված ազգերի կազմակերպությունում Հայաստանի Հանրապետության անդամակցության 20-ամյակը թեմային նվիրված «Հայաստանի Հանրապետությունը՝ Միավորված ազգերի կազմակերպության անդամ. Membership of the Republic of Armenia in the United Nations» նամականիշի, համաձայն N 3 հավելվածի:

2. Գործողության մեջ դնել՝

1) Հայկական բանակի ստեղծման 20-ամյակը թեմային նվիրված «Հայկական բանակ 20 Armenian Army» և «Հայկական բանակ 20 Armenian Army» 2 նամականիշերը, սահմանելով անվանագինը՝ 280 և 200 դրամ, տպաքանակը՝ յուրաքանչյուրից 50000 հատ:

2) Միավորված ազգերի կազմակերպությունում Հայաստանի Հանրապետության անդամակցության 20-ամյակը թեմային նվիրված «Հայաստանի Հանրապետությունը՝ Միավորված ազգերի կազմակերպության անդամ. Membership of the Republic of Armenia in the United Nations» նամականիշը, սահմանելով անվանագինը՝ 350 դրամ, տպաքանակը՝ 50000 հատ: