«Գրանցված է»

ՀՀ արդարադատության

նախարարության կողմից

20 օգոստոսի 2011 թ.

Պետական գրանցման թիվ 11011398

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

Հ Ր Ա Մ Ա Ն

ՆԱԽԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐՈՒՄ ԳՈՐԾԱԾՈՒԹՅԱՆ ԵՆԹԱԿԱ «ՆԱԽԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅԱՆ ԵՐԵԽԱՆԵՐԻ ՇԱՐԺԻ ՄԱՏՅԱՆԻ ՁԵՎԱԹՈՒՂԹԸ, ԳՈՐԾԱԾՈՒԹՅԱՆ ԵՎ ՎԱՐՄԱՆ ԿԱՐԳԸ» ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2002 թվականի սեպտեմբերի 12-ի «Հայաստանի Հանրապետության կրթության և գիտության նախարարության աշխատակազմ» պետական կառավարչական հիմնարկ ստեղծելու, Հայաստանի Հանրապետության կրթության և գիտության նախարարության կանոնադրությունը, նախարարության աշխատակազմի կառուցվածքը, նախարարության աշխատակազմին հանձնվող գույքի կազմը և չափը հաստատելու մասին» N 1579-Ն որոշման 10-րդ կետի իը) ենթակետի պահանջներով`

Հրամայում եմ`

1. Հաստատել նախադպրոցական ուսումնական հաստատություններում գործածության ենթակա «Նախադպրոցական ուսումնական հաստատության երեխաների շարժի մատյանի ձևաթուղթը, գործածության և վարման կարգը»` համաձայն հավելվածի:

2. ՀՀ կրթության և գիտության նախարարության հանրակրթության վարչությանը (պետ` Ն. Հովհաննիսյան), ՀՀ կրթության և գիտության նախարարության իրավաբանական վարչությանը (պետ` Մ. Գրիգորյան) սահմանված կարգով ներկայացնել ՀՀ արդարադատության նախարարություն` պետական գրանցման:

3. Հրամանի կատարման հսկողությունը վերապահել ՀՀ կրթության և գիտության նախարարի տեղակալ Մ. Մկրտչյանին:

4. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

 ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆ

ՆԱԽԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅԱՆ

ԵՐԵԽԱՆԵՐԻ ՇԱՐԺԻ ՄԱՏՅԱՆԻ ՁԵՎԱԹՈՒՂԹ

_________________________ __________________________________________

_______________________________________________________________________

Նախադպրոցական ուսումնական հաստատության (կրթահամալիրի) լրիվ անվանումը, N

_______________________________________________________________________

Մատյանը բաղկացած է էջից

Հրամանի համարը _______________________

Տնօրեն` _____________________ __________________________________

Կ.Տ. ________ _______________________20___թ.

Սկիզբը` ______________________ Ավարտը` ______________________

ՆԱԽԱԴՊՐՈՑԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅԱՆ ԵՐԵԽԱՆԵՐԻ ՇԱՐԺԻ ՄԱՏՅԱՆԻ ԳՈՐԾԱԾՈՒԹՅԱՆ ԵՎ ՎԱՐՄԱՆ ԿԱՐԳԸ

1. Մատյանը նախատեսված է նախադպրոցական ուսումնական հաստատություն ընդունված և ազատված, տարիքային խմբից խումբ փոխադրված երեխաների շարժը ըստ ուսումնական տարիների գրանցելու համար:

2. Մատյանի էջերը համարակալվում են, վերջին էջում գրանցվում է էջերի թիվն ու կնքվում: Մատյանը գործածության մեջ է դրվում տնօրենի հրամանով, այդ մասին գրանցում է կատարվում մատյանի վերջին էջում և վավերացվում ուսումնական հաստատության կնիքով:

3. Մատյանում գրանցումները կատարում է հաստատության տնօրենը կամ` նրա հրամանով այլ պաշտոնյա: Ուսումնական հաստատության տնօրենի կողմից երեխայի ընդունման և ազատման, ինչպես նաև ներքին տեղափոխության վերաբերյալ հրամանները գրանցվում և պահպանվում են առանձին հրամանների գրքում:

4. Ուսումնական հաստատություն նոր ընդունված յուրաքանչյուր երեխայի համար գրանցում կատարվում է` ըստ շարժի հերթական թվի:

5. Շարժի մատյանի 1-ին սյունակի հերթական աճման թիվը գրանցվում է երեխայի անձնական գործի վրա:

6. Երեխայի ազգանունը, անունը, հայրանունը, սեռը, ազգությունը, քաղաքացիությունը և այլ անհրաժեշտ տեղեկությունները գրանցվում են երեխայի ծննդյան վկայականի (անձնագրի) տվյալների հիման վրա` 2-9-րդ սյունակներում:

7. Ուսումնական հաստատության տնօրենի կողմից տրված երեխայի ընդունման վերաբերյալ հրամանի համարը, տրման օրը, ամիսը, տարեթիվը լրացվում է 10-13-րդ սյունակներում:

8. 14-20-րդ սյունակներում` ըստ ուսումնական տարիների, ուսումնական տարվա սկզբում լրացվում է երեխաների խմբից խումբ փոխադրվելը` շարժը տարիքային խմբերում, իսկ ուսումնական տարվա ընթացքում երեխաների ներքին տեղափոխությունը զուգահեռ խմբերում կատարվում է տնօրենի հրամանով:

9. 20 և 21-րդ սյունակներում լրացվում են ծնողի (նրա օրինական ներկայացուցչի` ազգանունը, անունը, բնակության վայրը, հեռախոսի համարը:

10. Ուսումնական հաստատությունից երեխայի ազատման վերաբերյալ տեղեկությունները գրանցվում են 23-26-րդ սյունակներում:

11. Մատյանը ճիշտ վարելու և պահպանելու պատասխանատվությունը կրում է հաստատության տնօրենը:

12. Մատյանը համարվում է ուսումնական հաստատության կարևորագույն փաստաթուղթ և գրանցվում է գույքամատյանում:

13. Ուսումնական հաստատության տնօրենի փոփոխման դեպքում հանձնման-ընդունման ակտում պարտադիր նշվում է (են) շարժի մատյան (ներ)ը:

14. Միևնույն տարիքային խմբից երկու կամ ավելին կազմավորվելու դեպքում, կատարվում է խմբերի այբբենական համարակալում և 14-ից 19-րդ սյունակների վերին ձախ անկյունում յուրաքանչյուր երեխայի անվան դիմաց գրանցվում է այբբենական համարը, օրինակ` ավագ «ա», 2011-12, կրտսեր 2-րդ «բ»` 2011-12:

15. Գրանցումները կատարվում են հաստատությունում տվյալ պահին տարիքային խմբերում երեխաների համակազմի ընդգրկման մասին տեղեկությունների հիման վրա:

16. Մինչև 2011-2012 ուսումնական տարին հաստատություն ընդունված երեխաների վերաբերյալ տեղեկությունները լրացնելիս 13-րդ սյունակը չի լրացվում:

17. Ուսումնական հաստատության լուծարման դեպքում, օրենքով սահմանված կարգով, շարժի մատյանը (մատյանները) հանձնվում է իրավահաջորդ հաստատությանը: