«Գրանցված է»
ՀՀ արդարադատության
նախարարության կողմից
16 դեկտեմբերի 2005 թ.
Պետական գրանցման թիվ 10605472

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ

22 նոյեմբերի 2005 թ. ք. Երևան

N 217-Ն

Հ Ր Ա Մ Ա Ն

 ԳՅՈՒՂԱՏՆՏԵՍԱԿԱՆ ՏԵԽՆԻԿԱՆ ԽՈՏԱՆ ՃԱՆԱՉԵԼՈՒ ՉԱՓԱՆԻՇՆԵՐԸ, ԻՆՉՊԵՍ ՆԱԵՎ ՈՉՆՉԱՑՄԱՆ ԵՎ ԽՈՏԱՆՄԱՆ ԴԵՊՔՈՒՄ ՏԵԽՆԻԿԱԿԱՆ ՎԿԱՅԱԳՐԻ ԵՎ ՊԵՏԱԿԱՆ ՀԱՄԱՐԱՆԻՇԻ ՎԵՐԱԴԱՐՁՄԱՆ ԴԻՄՈՒՄԻ ՁԵՎԸ ՀԱՍՏԱՏԵԼՈՒ ՄԱՍԻՆ

«Գյուղատնտեսական տեխնիկայի շահագործման մասին» Հայաստանի Հանրապետության օրենքի դրույթներին և Հայաստանի Հանրապետության վարչապետի 2005 թվականի օգոստոսի 30-ի «Գյուղատնտեսական տեխնիկայի շահագործման մասին» Հայաստանի Հանրապետության օրենքի կիրարկումն ապահովող միջոցառումների մասին» N 668-Ա որոշմամբ հաստատված ցանկի 5-րդ կետին համապատասխան

ՀՐԱՄԱՅՈՒՄ ԵՄ՝

1. Հաստատել՝

ա) գյուղատնտեսական տեխնիկան խոտան ճանաչելու չափանիշները՝ համաձայն N 1 հավելվածի,

բ) գյուղատնտեսական տեխնիկայի ոչնչացման և խոտանման դեպքում տեխնիկական վկայագրի և պետական համարանիշի վերադարձման դիմումի ձևը՝ համաձայն N 2 հավելվածի։

2. Գյուղատնտեսական տեխնիկայի պետական տեսչության պետ Վ. Ղուշչյանին՝

յոթնօրյա ժամկետում սույն հրամանը «Իրավական ակտերի մասին» Հայաստանի Հանրապետության օրենքի դրույթներին համաձայն՝ ներկայացնել Հայաստանի Հանրապետության արդարադատության նախարարություն՝ պետական գրանցման:

3. Սույն հրամանի կատարման հսկողությունը վերապահել նախարարության աշխատակազմի ղեկավար Կ. Միքայելյանին։

Նախարար

Դ. Լոքյան

Հավելված N 1 ՀՀ գյուղատնտեսության նախարարի 2005 թ. նոյեմբերի 22-ի N 217-Ն հրամանի

Չ Ա Փ Ա Ն Ի Շ Ն Ե Ր
 
 ԳՅՈՒՂԱՏՆՏԵՍԱԿԱՆ ՏԵԽՆԻԿԱՆ ԽՈՏԱՆ ՃԱՆԱՉԵԼՈՒ

Սույնով սահմանվում է Հայաստանի Հանրապետությունում գրանցված տրակտորների, ինքնագնաց գյուղատնտեսական մեքենաների, տրակտորային կցասայլերի և ինքնագնաց շասսիների (այսուհետ՝ գյուղատնտեսական տեխնիկա) խոտանման չափանիշները.

1. Գյուղատնտեսական տեխնիկան խոտանվում է, եթե՝

ա) այն հետագա շահագործման համար ոչ պիտանի է դարձել ֆիզիկական մաշվածության, վթարների, տարերային աղետների, շահագործման նորմալ պայմանների խախտման և նմանատիպ այլ պատճառներով,

բ) դրա հետագա օգտագործումը, իրացումը կամ օտարումը անհնար է կամ տնտեսապես աննպատակահարմար է,

գ) գյուղատնտեսական տեխնիկայից բացակայում են կամ ենթակա չեն վերանորոգման շարժիչը, փոխանցման տուփը, առջևի կամ հետին կամրջակները, խցիկը, կախովի սարքավորումները։

2. Խոտանված գյուղատնտեսական տեխնիկան սահմանված կարգով հանվում է հաշվառումից։

Հավելված N 2 ՀՀ գյուղատնտեսության նախարարի 2005 թ. նոյեմբերի 22-ի N 217-Ն հրամանի

Ձև

ՀՀ գյուղատնտեսության նախարարության աշխատակազմի գյուղատնտեսական տեխնիկայի պետական տեսչությանը

Սեփականատեր_____________________________________________ - ից

անուն, ազգանուն, հայրանուն կամ կազմակերպության անվանումը

Բնակավայրը կամ գտնվելու վայրը ____________________________________

__________________________________________________________

Դ Ի Մ ՈՒ Մ

գյուղատնտեսական տեխնիկայի ոչնչացման ԵՎ խոտանման դեպքում տեխնիկական վկայագրի ԵՎ պետական համարանիշի վերադարձման

Խնդրում եմ հանել հաշվառումից հետագա շահագործման համար ոչ պիտանի խոտանման կամ ոչնչացման ենթակա գյուղատնտեսական տեխնիկան և ընդունել տեխնիկական վկայագիրն ու պետական համարանիշը

Գյուղատնտեսական տեխնիկայի տվյալները

Մեքենայի տեսակը __________________Մակնիշը _______________________

Արտադրության տարեթիվը_____________ Շարժիչի համարը__________________

Գործարանային համարը _______________ Պետական համարանիշը _____________

Տեխնիկական վկայագիրը ___________________________________________

(սերիա, համար)

Դիմումին կից ներկայացնում եմ՝

ա) տեխնիկական վկայագիրը__________________________________

(սերիա, համար)

բ) պետական համարանիշը __________________________________

(սերիա, համար)

գ)______________________

____ ______________200__ թ. Սեփականատեր կամ լիազորված անձ____________

ստորագրություն

Հանձնվել է՝ պետական համարանիշ՝ ____________________________

(սերիա, համար)

տեխնիկական վկայագիր՝ _________________________

(սերիա, համար)

_____ _____________200__թ. Տեսուչ՝ ___________________ ստորագրություն