«Գրանցված է»
ՀՀ արդարադատության
նախարարության կողմից
30 մայիսի 2006 թ.
Պետական գրանցման թիվ 11806169

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ

3 մայիսի 2006 թ.  ք. Երևան

N 478-Ն

Հ Ր Ա Մ Ա Ն

50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ ԱՆԴԱՄՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎԻ ՁԵՎԱՎՈՐՄԱՆ, ՄՐՑՈՒՅԹԻ ԱՆՑԿԱՑՄԱՆ ԿԱՐԳՆ ՈՒ ՄՐՑՈՒՅԹԻ ՄԱՍՆԱԿԻՑՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ (ՉԱՓԱՆԻՇՆԵՐԸ) ՀԱՍՏԱՏԵԼՈՒ ՄԱՍԻՆ
 

Հիմք ընդունելով ՀՀ կառավարության 2005 թվականի մայիսի 19-ի «50 տոկոս և ավելի պետական մասնակցությամբ բաժնետիրական ընկերությունների վերստուգող հանձնաժողովների (վերստուգողների) ձևավորումը և գործունեությունը կանոնակարգելու մասին» N 1187-Ն որոշման 4-րդ կետի պահանջը.

Հրամայում եմ՝

1. Հաստատել՝

ա) «Պետական բաժնեմասի (բաժնետոմսերի) կառավարման լիազորված մարմինների կողմից 50 տոկոս և ավելի պետական մասնակցությամբ բաժնետիրական ընկերությունների վերստուգող հանձնաժողովների անդամների (վերստուգողների) ընտրության մրցութային հանձնաժողովի ձևավորման, մրցույթի անցկացման ու մրցույթի մասնակիցներին ներկայացվող պահանջների (չափանիշների) մասին» կարգը՝ համաձայն հավելված 1-ի,

բ) մրցույթների անցկացման գործընթացի կազմակերպման փաստաթղթերի օրինակելի ձևերը՝ համաձայն հավելված 2-ից 11-ի:

2. Սահմանել, որ՝

50 տոկոս և ավելի պետական մասնակցությամբ բաժնետիրական ընկերություններում վերստուգող հանձնաժողովների անդամների (վերստուգողների) ընտրության մրցութային հանձնաժողովները ձևավորվում և ղեկավարվում են սույն հրամանով հաստատված կարգով:

Նախարար`

Վ. Խաչատրյան

Հավելված 1 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

Կ Ա Ր Գ

Պետական բաժնեմասի (բաժնետոմսերի) կառավարման լիազորված մարմինների կողմից 50 տոկոս և ավելի պետական մասնակցությամբ բաժնետիրական ընկերությունների վերստուգող հանձնաժողովի անդամների (վերստուգողների) ընտրության մրցութային հանձնաժողովի ձևավորման, մրցույթի անցկացման ու մրցույթի մասնակիցներին ներկայացվող պահանջների (չափանիշների) մասին

I. ԸՆԴՀԱՆՈՒՐ ԴՐՈՒՅԹՆԵՐ

Սույնով սահմանվում են պետական բաժնեմասի (բաժնետոմսերի) կառավարման լիազորված մարմինների (այսուհետ` լիազորված մարմին) կողմից 50 տոկոս և ավելի պետական մասնակցությամբ բաժնետիրական ընկերությունների վերստուգող հանձնաժողովների (վերստուգողների)  ընտրության մրցութային հանձնաժողովների ձևավորման, մրցույթների անցկացման կարգը և պայմանները, մրցույթների մասնակիցներին ներկայացվող պահանջները (չափանիշները):

II. ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ ԱՆԴԱՄՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎՆԵՐԸ

1. Վերստուգող հանձնաժողովների անդամների ընտրության մրցութային հանձնաժողովի ձևավորումը և կազմը՝

1.1. Վերստուգող հանձնաժողովների անդամների (վերստուգողների) ընտրության մրցույթներն իրականացվում են համապատասխան լիազորված մարմինների ձևավորած մրցութային հանձնաժողովների կողմից:

1.2. Վերստուգող հանձնաժողովների անդամների (վերստուգողների) ընտրության մրցութային հանձնաժողովները (այսուհետ` մրցութային հանձնաժողով) ձևավորվում են համապատասխան լիազորված մարմինների ղեկավարների հրամաններով:

1.3. Մրցութային հանձնաժողովը կազմված է յոթ անդամից` հանձնաժողովի նախագահ, նախագահի տեղակալ և հինգ անդամ (այդ թվում` հանձնաժողովի քարտուղար):

1.4. Վերստուգողների մրցութային հանձնաժողովի նախագահ նշանակվում է լիազորված մարմնի ղեկավարը կամ նրա  տեղակալը, իսկ հանձնաժողովի նախագահի տեղակալը և անդամները` աշխատակազմի կառուցվածքային ստորաբաժանումների ղեկավարները, նրանց տեղակալները (հանձնաժողովի կազմին աշխատակազմի կառուցվածքի անհամապատասխանության դեպքում` աշխատակազմի առավել կոմպետենտ աշխատակիցները):

1.5. Տարեկան 500 մլն դրամ և ավելի իրացման շրջանառություն ունեցող բաժնետիրական ընկերությունների վերստուգող հանձնաժողովների անդամների ընտրության մրցութային հանձնաժողովի նախագահ նշանակվում է տվյալ լիազորված մարմնի ղեկավարը կամ նրա տեղակալը, հանձնաժողովի նախագահի տեղակալը և մեկ անդամը` ՀՀ ֆինանսների և էկոնոմիկայի նախարարության ներկայացուցիչները (ՀՀ ֆինանսների և էկոնոմիկայի նախարարի առաջարկությամբ), իսկ չորս անդամները (այդ թվում՝ հանձնաժողովի քարտուղարը)` լիազորված մարմնի աշխատակազմի համապատասխան ստորաբաժանումների ղեկավարները, նրանց տեղակալները (հանձնաժողովի կազմին աշխատակազմի կառուցվածքի անհամապատասխանության դեպքում` աշխատակազմի առավել կոմպետենտ աշխատակիցները):

1.6. Վերստուգող հանձնաժողովների անդամների (վերստուգողների) ընտրության մրցույթների նախապատրաստական աշխատանքների իրականացման պարտականությունը լիազորված մարմնի ղեկավարի հրամանով դրվում է տվյալ մարմնի աշխատակազմի համապատասխան (անձնակազմի կառավարման կամ այլ) ստորաբաժանման վրա, իսկ տեխնիկական, տարածքային և գույքային ապահովումը, ինչպես նաև մրցույթի անցկացման համար համակարգչային օպերատորի տրամադրումը` աշխատակազմի ղեկավարի վրա:

2. Մրցութային հանձնաժողովի  նախագահի և  քարտուղարի հիմնական գործառույթները՝

2.1. Մրցութային հանձնաժողովի նախագահը.

ա) հրավիրում և անցկացնում է մրցութային հանձնաժողովի նիստերը,

բ) լուծում է մրցութային հանձնաժողովի նիստերի նախապատրաստման և անցկացման հետ կապված բոլոր հարցերը,

գ) կազմակերպում է մրցութային հանձնաժողովի բնականոն գործունեությունը,

դ) ստորագրում է մրցութային հանձնաժողովի նիստերի արձանագրությունները և հանձնաժողովի անունից ելքագրվող այլ փաստաթղթերը,

ե) համապատասխան լիազորված մարմնի աշխատակազմից ստանում է աշխատակազմի կնիքը, մրցույթի անցկացման համար նախատեսված արկղը, մրցույթի անցկացման ապահովման համար անհրաժեշտ այլ միջոցներ, իսկ մրցույթի նախապատրաստական աշխատանքներն իրականացնող ստորաբաժանումից` մրցույթին մասնակցելու համար դիմած քաղաքացիների գործերը (փաստաթղթերը)` հավելված 2-ով նախատեսված ստացականով,

զ) ապահովում է սույն հրամանով մրցութային հանձնաժողովին վերապահված գործառույթների արդյունավետ իրագործումը:

2.2. Մրցութային հանձնաժողովի քարտուղարը.

- կազմում է մրցութային հանձնաժողովի նիստերի արձանագրությունները,

- ձևակերպում է մրցութային հանձնաժողովի եզրակացությունները,

- կազմակերպում է մրցութային հանձնաժողովի գործավարությունը, փաստաթղթաշրջանառությունը, ինչպես նաև  փաստաթղթերի պահպանումը և մրցութային հանձնաժողովի նախագահի համապատասխան հանձնման ակտով (հավելված 3) հանձնումը մրցույթի նախապատրաստական աշխատանքներն իրականացնող ստորաբաժանմանը,

- մրցութային հանձնաժողովի անդամներին ծանուցում է հանձնաժողովի նիստերի անցկացման  մասին,

- իրականացնում է մրցութային հանձնաժողովի անդամի` սույն կարգով նախատեսված այլ գործառույթներ:

2.3. Մրցութային հանձնաժողովի նիստերին կամ մրցույթներին նախագահի բացակայության դեպքում նրան փոխարինում է նախագահի տեղակալը, իսկ քարտուղարի բացակայության դեպքում նրա պարտականությունները կատարում է հանձնաժողովի այլ անդամ (հանձնաժողովի նախագահի որոշմամբ):

3. Մրցութային հանձնաժողովի որևէ անդամի մասնակցությունը մրցութային հանձնաժողովի աշխատանքներին անհնար դառնալու դեպքում մրցութային հանձնաժողովի կազմը չի համալրվում:

4. Հանձնաժողովն իր լիազորություններն իրականացնում է լիազորված մարմնի ղեկավարի համապատասխան հրամանով կազմը հաստատելու պահից և դադարեցնում է իր գործունեությունը տվյալ լիազորված մարմնի կառավարմանը հանձնված 50 տոկոս և ավելի պետական սեփականություն հանդիսացող բաժնեմաս (բաժնետոմս) ունեցող ընկերությունների վերստուգող հանձնաժողովների անդամների (վերստուգողների) թափուր տեղի(երի) համալրումից հետո` լիազորված մարմնի ղեկավարի համապատասխան հրամանի հիման վրա:

III. ՄՐՑՈՒՅԹԻ ՄԱՍԻՆ ՀԱՅՏԱՐԱՐՈՒԹՅՈՒՆԸ

5. Վերստուգող հանձնաժողովների անդամների (վերստուգողների) ընտրության մրցույթ անցկացնելու մասին հայտարարությունը (այսուհետ՝ հայտարարություն) հրապարակում է համապատասխան լիազորված մարմինը:

6. Հայտարարությունը հրապարակվում է մրցույթն անցկացնելուց ոչ ուշ, քան քսան օր առաջ, առնվազն հազար տպաքանակ ունեցող զանգվածային լրատվության միջոցներով, ինչպես նաև ինտերնետում` համապատասխան լիազորված մարմնի պաշտոնական էջում:

7. Հայտարարությունը պետք է բովանդակի առնվազն հետևյալ տվյալները.

ա) համապատասխան լիազորված մարմնի անվանումը, ինչպես նաև այն բաժնետիրական ընկերությունների անվանումները, որոնց համար պետք է անցկացվեն վերստուգող հանձնաժողովի անդամի կամ վերստուգողի ընտրության (նշանակման) մրցույթներ,

բ) պաշտոնի անվանումը և հիմնական գործառույթների համառոտ նկարագիրը,

գ) պաշտոնը զբաղեցնելու համար մասնագիտական գիտելիքների և աշխատանքային ունակությունների տիրապետման տեսանկյունից ներկայացվող պահանջները,

դ) փաստաթղթերի ներկայացման վերջնաժամկետը, որը պետք է լինի տվյալ մրցույթի մասին հայտարարության առաջին հրապարակման 15-րդ օրը (բացառությամբ ոչ աշխատանքային օրերի), ընդ որում, փաստաթղթերի ընդունումը յուրաքանչյուր օրվա համար չպետք է պակաս լինի երեք ժամից,

ե) մրցույթն սկսելու օրը, ժամը և վայրը,

զ) մրցույթի նախապատրաստական աշխատանքներն իրականացնող մարմնի կառուցվածքային ստորաբաժանման գտնվելու վայրը և հեռախոսահամարը:

IV. ՄՐՑՈՒՅԹԻ ՄԱՍՆԱԿԻՑՆԵՐԻՆ ՆԵՐԿԱՅԱՑՎՈՂ ՊԱՀԱՆՋՆԵՐԸ (ՉԱՓԱՆԻՇՆԵՐԸ)

8. Վերստուգող հանձնաժողովների անդամների (վերստուգողների) մրցույթներին կարող են մասնակցել Հայաստանի Հանրապետության այն քաղաքացիները, ովքեր ունեն.

ա) «տնտեսագիտություն (էկոնոմիկա) և կառավարում (մենեջմենթ)» մասնագիտությունների գծով բարձրագույն կրթություն և մրցույթին մասնակցելու համար դիմում ներկայացնելու օրվան նախորդող վերջին հինգ տարվա ընթացքում առնվազն երեք տարվա մասնագիտական աշխատանքի փորձ, կամ՝

բ) բարձրագույն կրթություն և մրցույթին մասնակցելու համար դիմում ներկայացնելու օրվան նախորդող վերջին հինգ տարվա ընթացքում առնվազն չորս տարվա մասնագիտական աշխատանքի փորձ:

Մրցույթին մասնակցել չի թույլատրվում այն դիմողին, որը դատարանի վճռով ճանաչվել է անգործունակ կամ սահմանափակ գործունակ, կամ դատարանի վճռով զրկվել է ֆինանսատնտեսական հարաբերությունների իրականացման բնագավառում որոշակի պաշտոն զբաղեցնելու կամ որոշակի գործունեությամբ զբաղվելու իրավունքից:

9. Սույն կարգի կիրառման շրջանակներում վերստուգող հանձնաժողովների անդամների (վերստուգողների) մրցույթին մասնակցելու նպատակով մասնագիտական աշխատանք է համարվում՝ հաշվապահական հաշվառման, ֆինանսական, հարկային, աուդիտորական, տնտեսագիտական այլ բնագավառներում ղեկավար աշխատողի, մասնագետի, փորձագետի, հաշվապահի, իրավաբանի, մեթոդաբանի, վերահսկիչի, ֆինանսական գծով տեսուչի, խորհրդատուի, գիտական աշխատողի, ինչպես նաև կազմակերպությունների ղեկավարների, ֆինանսատնտեսական աշխատանքների գծով նրանց տեղակալների, ֆինանսական, հաշվապահական հաշվառման, տնտեսագիտական, իրավաբանական ստորաբաժանումների ղեկավարների, նրանց տեղակալների աշխատանքը:

V. ՄՐՑՈՒՅԹԻ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ

10. Մրցույթին մասնակցելու համար քաղաքացիները մրցույթի նախապատրաստական աշխատանքներն իրականացնող լիազորված մարմնի համապատասխան ստորաբաժանմանը ներկայացնում են.

ա) գրավոր դիմում (տրվում է մրցութային հանձնաժողովի անունով, նշելով այն բաժնետիրական ընկերության անվանումը, որտեղ վերստուգող հանձնաժողովի անդամի կամ վերստուգողի պաշտոնին հավակնում է դիմող քաղաքացին),

բ) տվյալ պաշտոնը զբաղեցնելու համար մասնագիտական որակավորման և մասնագիտական աշխատանքի տեսանկյունից ներկայացվող պահանջների բավարարումը հավաստող փաստաթղթերի պատճենները,

գ) հայտարարություն այն մասին, որ ինքը դատական կարգով չի ճանաչվել անգործունակ կամ սահմանափակ գործունակ,

դ) հայտարարություն այն մասին, որ ինքը դատապարտված չի եղել կամ դատվածությունը օրենսդրությամբ սահմանված կարգով  հանվել կամ մարվել է,

ե) հայտարարություն այն մասին, որ ինքը չի հիմնադրել և չի հանդիսանում որևէ կազմակերպության հիմնադիր, ինչպես նաև չի զբաղվում ձեռնարկատիրական գործունեությամբ,

զ) արական սեռի անձինք ներկայացնում են նաև զինգրքույկ կամ դրան փոխարինող ժամանակավոր և զորակոչային տեղամասին կցագրման վկայական կամ համապատասխան տեղեկանք,

է) երկու լուսանկար` 3x4 սմ չափի,

ը) անձնագրի պատճենը:

Քաղաքացին փաստաթղթերը ներկայացնում է անձամբ՝ անձնագրով կամ անձը հաստատող փաստաթղթով:

11. Մրցույթի նախապատրաստական աշխատանքներն իրականացնող համապատասխան կառուցվածքային ստորաբաժանումը սույն կարգի 10-րդ կետում նշված փաստաթղթերի պատճենները համեմատում է բնօրինակների հետ և դրանց հավաստի և ամբողջական լինելու դեպքում` ընդունում է դրանք, որից հետո քաղաքացուց այլ փաստաթղթեր չեն ընդունվում:

Սույն կետով նախատեսված կարգով փաստաթղթերի ընդունումից հետո մրցույթի նախապատրաստական աշխատանքներն իրականացնող համապատասխան կառուցվածքային ստորաբաժանումը դիմորդին տրամադրում է թեստային առաջադրանքների փաթեթը:

12. Նախապատրաստական աշխատանքները պատշաճ ձևով կազմակերպելու նպատակով, նախապատրաստական աշխատանքներ իրականացնող կառուցվածքային ստորաբաժանումը`

ա) վարում է մրցույթներին մասնակցելու համար դիմած քաղաքացիների տվյալների գրառման համարակալված և լիազորված մարմնի աշխատակազմի կողմից կնքված մատյան: Ընդ որում, մատյանում առնվազն նշվում են մրցույթին մասնակցելու համար դիմած յուրաքանչյուր քաղաքացու անունը, ազգանունը, հայրանունը, ծննդյան տարին, ամիսը, ամսաթիվը, անձնագրի համարը և սերիան, բնակության վայրը, հեռախոսահամարը, այն բաժնետիրական ընկերության անվանումը, որտեղ վերստուգող հանձնաժողովի անդամի կամ վերստուգողի պաշտոնին հավակնում է դիմող քաղաքացին, ինչպես նաև ներկայացված փաստաթղթերի էջերի քանակը,

բ) մրցույթին մասնակցելու համար դիմած յուրաքանչյուր քաղաքացու տվյալները մատյանում գրառում է նրա կողմից ներկայացված փաստաթղթերը ընդունելու օրը:

Մրցույթին մասնակցելու համար դիմած քաղաքացիների տվյալները մատյանում գրառելուն զուգահեռ մուտքագրվում են նաև համակարգչում:

13. Մրցույթին մասնակցելու համար դիմած յուրաքանչյուր քաղաքացի կարող է մրցույթից առնվազն մեկ օր առաջ գրավոր հրաժարվել մրցույթին մասնակցելուց:

14. Եթե մրցույթին մասնակցելու համար ոչ մի դիմում չի ներկայացվել, ապա այդ մասին հանձնաժողովը եռօրյա ժամկետում գրավոր հայտնում է համապատասխան լիազորված մարմնի ղեկավարին:

15. Նախապատրաստական աշխատանքներ իրականացնող կառուցվածքային ստորաբաժանումը մրցույթին մասնակցելու համար դիմում ներկայացրած յուրաքանչյուր քաղաքացու վերաբերյալ փաստաթղթերի փաթեթը և այդ փաստաթղթերի համապատասխանելիության ու ամբողջականության մասին տեղեկանքը ներկայացնում է մրցութային հանձնաժողովի քարտուղարին մրցույթի անցկացման օրից առնվազն երկու օր առաջ:

16. Մրցութային հանձնաժողովը, մինչ մրցույթի անցկացումը գումարած նիստում քննության է առնում ներկայացված փաստաթղթերը և ընդունում համապատասխան որոշում՝
մրցույթին մասնակցելու թույլտվություն տալու մասին (հավելված 4):

17. Մրցութային հանձնաժողովը քաղաքացուն չի թույլատրում մասնակցել մրցույթին, եթե քաղաքացու ներկայացրած փաստաթղթերը չեն համապատասխանում սահմանված պահանջներին, լրիվ չեն, թերի են, կամ կեղծ են: Մրցութային հանձնաժողովը մրցույթին մասնակցելու թույլտվություն տալու մասին որոշումը (մրցույթի բոլոր մասնակիցների ներկայությամբ) հրապարակում է (հայտարարում է) մինչև մրցույթի սկիզբը, որից հետո այն փակցվում է համապատասխան տեղում (բոլոր մասնակիցների համար տեսանելի տեղում):

Եթե մրցութային հանձնաժողովը մրցույթին մասնակցելու համար դիմած քաղաքացիներից ոչ մեկին չի թույլատրում մասնակցել մրցույթին, ինչպես նաև, եթե մրցույթին մասնակցելու համար դիմում ներկայացրած անձանցից ոչ ոք չի ներկայացել, ապա մրցութային հանձնաժողովի կողմից ընդունվում է որոշում՝ մրցույթը չկայացած համարելու մասին (Հավելված 5):

VI. ՄՐՑՈՒՅԹԻ ԱՆՑԿԱՑՈՒՄԸ

18. Մրցույթն անցկացվում է թեստավորման եղանակով` գրավոր:

19. Մրցույթի թեստային առաջադրանքները կազմված են 400  հարցից (թեստերից), ըստ օրենսդրական ակտերին վերաբերող բնագավառների` հետևյալ համամասնությամբ.

- հաշվապահական (ֆինանսական) հաշվառում` 100 հարց,

- հարկեր, տուրքեր և այլ պարտադիր վճարներ` 100 հարց,

- տնտեսական իրավունք` 100 հարց,

- վերստուգող հանձնաժողովների (վերստուգողների) գործունեությունը կարգավորող ՀՀ օրենսդրություն` 50 հարց,

- լիազորված մարմնի կողմից համակարգվող ոլորտներին վերաբերող օրենսդրական ակտեր` 50 հարց:

20. Թեստավորումն անցկացվում է այդ նպատակի համար առանձնացված սենյակում (սրահում, լսարանում, դահլիճում և այլն), որը ապահովված է համապատասխան պայմաններով:

21. Մասնակիցը թեստավորմանը մասնակցելու համար ներկայացնում է անձը հաստատող փաստաթուղթ: Հանձնաժողովի քարտուղարը ստուգում է մասնակցի ինքնությունը և թույլատրում է նրան մուտք գործել թեստավորման անցկացման սենյակ: Մասնակիցների մուտքը սենյակ դադարեցվում է թեստավորումն սկսելուց 10 րոպե առաջ: Որից հետո մրցութային հանձնաժողովը ստորագրում է մրցույթին ներկայացած մասնակիցների մասին արձանագրություն (հավելված 6):

22. Թեստավորման մասնակիցներին արգելվում է իրենց հետ սենյակ ներս բերել կապի միջոցներ, տպագիր, մեքենագիր, ձեռագիր նյութեր կամ այլ տեխնիկական սարքեր:

23. Մրցութային հանձնաժողովը մինչև թեստավորման սկիզբը հրահանգում է համակարգչային օպերատորին թեստային առաջադրանքների համակարգչում զետեղված 400 հարցից պատահական ընտրությամբ (համապատասխան համակարգչային ծրագրով, իսկ վերջինիս բացակայության դեպքում` հանձնաժողովի կողմից սահմանված ընթացակարգով) ընտրել տվյալ մրցույթի թեստավորումն անցկացնելու համար 40 հարց (թեստ)` հետևյալ համամասնությամբ.

- հաշվապահական (ֆինանսական) հաշվառում` 10 հարց,

- հարկեր, տուրքեր և այլ պարտադիր վճարներ` 10 հարց,

- տնտեսական իրավունք` 10 հարց,

- վերստուգող հանձնաժողովների (վերստուգողների) գործունեությունը կարգավորող ՀՀ օրենսդրություն` 5 հարց,

- լիազորված մարմնի կողմից համակարգվող ոլորտներին վերաբերող օրենսդրական ակտեր` 5 հարց:

Ընդ որում, թեստերի ընտրությունը պետք է կատարվի հանձնաժողովի քարտուղարի և մրցույթի մասնակիցների (նրանց կազմից ընտրված ներկայացուցիչների) անմիջական ներկայությամբ:

24. Հանձնաժողովի քարտուղարը մասնակիցներին բացատրում է թեստավորման անցկացման հետ կապված տեխնիկական հարցերը: Նա պատասխանում է մասնակիցների բոլոր հարցերին, որպեսզի հավաստիանա, որ բոլոր մասնակիցները հասկացել են առաջադրանքի էությունը:

25. Հանձնաժողովի քարտուղարը յուրաքանչյուր մասնակցի տալիս է սույն հրամանի հավելված 7-ով ներկայացված և համապատասխան լիազորված մարմնի աշխատակազմի կնիքով կնքված միայն մեկ ամփոփաթերթ (ոչ մի դեպքում մեկ այլ ամփոփաթերթ չի տրվում) և թեստավորման առաջադրանքները: Հանձնաժողովի բոլոր անդամների ներկայությամբ մասնակիցը ամփոփաթերթի վրա լրացնում է իր ազգանունը, անունը, հայրանունը` անձը հաստատող փաստաթուղթը բաց վիճակում դնում սեղանին:

26. Հանձնաժողովի քարտուղարը թեստավորման առաջադրանքները և ամփոփաթերթերը մասնակիցներին տրամադրելուց հետո հայտարարում է թեստավորման սկիզբը:

27. Թեստավորման սկիզբը հայտարարելուց հետո մասնակիցը ծանոթանում է առաջադրանքներին և յուրաքանչյուր առաջադրանքի վերաբերյալ ամփոփաթերթում նախատեսված համապատասխան վանդակում կատարում է նշում՝ ընտրելով մեկ (իր կարծիքով՝ ճիշտ) պատասխանը:

28. Թեստավորման ընթացքում մասնակիցներին չի թույլատրվում աղմկել, հուշել, խոսել, հարցեր տալ ներկա գտնվող անձանց, այդ թվում՝ մրցութային հանձնաժողովի անդամներին, ինչպես նաև դուրս գալ սենյակից: Եթե մասնակիցը ցանկանում է լքել սենյակը, նրա աշխատանքը համարվում է դադարեցված:

29. Մասնակիցը թեստավորման առաջադրանքների թղթերի վրա կարող է կատարել ցանկացած նշում, որոնք արդյունքների գնահատման հիմք չեն հանդիսանում և չեն կարող վկայակոչվել արդյունքների գնահատումը բողոքարկելիս:

30. Ամփոփաթերթի վրա ջնջումներ, ուղղումներ կամ վերականգնումներ կատարելն անթույլատրելի է: Այդ դեպքում տվյալ հարցի պատասխանը համարվում է սխալ պատասխան:

31. Աշխատանքն ավարտելուց, ինչպես նաև թեստավորման առաջադրանքների կատարման համար հատկացված ժամանակն սպառվելուց հետո, մասնակիցն ամփոփաթերթիկում նախատեսված տեղում ստորագրում է, նշում անձը հաստատող փաստաթղթի սերիան և համարը և գցում կնքված արկղի մեջ, իսկ թեստավորման առաջադրանքները հանձնում է հանձնաժողովի անդամին և դուրս գալիս սենյակից: Մրցութային հանձնաժողովի քարտուղարը կնքված արկղի մոտ գտնվելով պետք է համոզվի, որ մասնակիցները պարտադիր կարգով ամփոփաթերթերը (անկախ վերջինիս վիճակից, կատարված նշագրումներից) գցում են կնքված արկղի մեջ:

32. Թեստավորման առաջադրանքները կատարելու համար մասնակիցներին տրվում է՝ 60 րոպե ժամանակ:

33. Հանձնաժողովի քարտուղարը թեստավորման ժամկետի ավարտից 10 րոպե առաջ հիշեցնում է մասնակիցներին, թե որքան ժամանակ է մնացել առաջադրանքի կատարման համար:

34. Հանձնաժողովի քարտուղարի կողմից թեստավորման համար հատկացված ժամանակի ավարտի մասին հայտարարելուց հետո, մասնակիցները պարտավոր են անմիջապես դադարեցնել աշխատանքները: Հայտարարությունից հետո աշխատանքը չդադարեցրած մասնակցի աշխատանքը ճանաչվում է անվավեր և գնահատվում է զրո միավոր:

VII. ՄՐՑՈՒՅԹԻ ԱՐԴՅՈՒՆՔՆԵՐԻ ԱՄՓՈՓՈՒՄԸ

35. Հանձնաժողովի քարտուղարը ստուգում է ամփոփաթերթերի պահպանման համար նախատեսված արկղի կնիքի ամբողջականությունը` մրցույթի մասնակիցների նախապես ներս հրավիրված ներկայացուցիչների (բայց ոչ ավելի, քան երեք հոգի) ներկայությամբ (վերջիններս պետք է ներկա գտնվեն մրցույթի արդյունքների ամփոփման ամբողջ ընթացքում) համակարգչային օպերատորին հրահանգում է համակարգչից դուրս բերել թեստավորման առաջադրանքների ճիշտ պատասխանների ձևանմուշը և այն հանձնում է հանձնաժողովի նախագահին: Այնուհետև, բացում է արկղը, պատահական ընտրությամբ արկղից հանում մեկ ամփոփաթերթ, հայտարարում է ամփոփաթերթի վրա նշված անուն, ազգանունը և հանձնելով հանձնաժողովի նախագահին` ներս է հրավիրում համապատասխան մասնակցին (անձը հաստատող փաստաթղթով):

36. Տվյալ մասնակցի և սույն կարգի 35-րդ կետում նշված մասնակիցների ներկայացուցիչների ներկայությամբ մրցութային հանձնաժողովը թեստավորման առաջադրանքների ճիշտ պատասխանների ձևանմուշի հետ համեմատելու միջոցով ստուգում է թեստային առաջադրանքների ամփոփաթերթով ներկայացված պատասխանների ճշտությունը:

37. Հանձնաժողովի անդամները համատեղ, ձևանմուշի, ինչպես նաև առանձին ուսումնասիրման միջոցով, մեկ առ մեկ ստուգում են մասնակիցների կողմից ամփոփաթերթերում նշված պատասխանները:

Յուրաքանչյուր մասնակցի համար հաշվարկվում է հավաքած միավորների քանակը, որի արդյունքներն արձանագրվում են (հավելված 8):

38. Թեստավորման արդյունքների յուրաքանչյուր ճիշտ պատասխան գնահատվում է մեկ միավոր, իսկ սխալ պատասխանը՝ զրո միավոր: Սխալ պատասխաններ են համարվում ոչ ճիշտ պատասխան նշելը, մեկից ավելի պատասխան նշելը, որևէ պատասխան չնշելը, ինչպես նաև սույն կարգի 34-րդ կետով նախատեսված դեպքը:

39. Մրցույթի տվյալ մասնակցի աշխատանքը ստուգելուց հետո հայտարարվում է հավաքած միավորների քանակը, որից հետո արդյունքներն արձանագրվում են հանձնաժողովի քարտուղարի կողմից: Այնուհետև, նույն սկզբունքով հաջորդականորեն արկղից հանվում են մեկական ափոփաթերթեր և ստուգվում տվյալ մասնակցի ներկայությամբ:

40. Վերջին մասնակցի հավաքած միավորները հայտարարելուց հետո մրցութային հանձնաժողովը ընդունում է որոշում`  մրցույթի հաղթողի (հաղթողների) մասին (հավելված 9), ինչպես նաև արձանագրում հայտարարված մրցույթի արդյունքներով թափուր մնացած (հաղթող չճանաչվելու կամ մրցույթի մասնակցության դիմումներ  չներկայացնելու հիմքերով) պաշտոններն ըստ առանձին ընկերությունների (հավելված 10):

41. Մրցույթի ավարտից հետո անմիջապես մրցութային հանձնաժողովի քարտուղարը համապատասխան տեղում (բոլոր մասնակիցների համար հասանելի) փակցնում է (հրապարակում է) մրցույթի արդյունքները (մրցույթի հաղթողների մասին մրցութային հանձնաժողովի որոշումը կամ քաղվածք այդ որոշումից), ինչպես նաև մրցույթի  արդյունքով թափուր համարված պաշտոնների մասին արձանագրությունը (կամ քաղվածք այդ արձանագրությունից):

42. Թեստավորման արդյունքները կարող են բողոքարկվել հանձնաժողովին՝ սույն կարգի 40-րդ կետում նշված հրապարակումից հետո մեկ ժամվա ընթացքում` գրավոր:

43. Մրցույթի արդյունքների բողոքարկման դիմում ստանալու դեպքում մրցութային հանձնաժողովը պարտավոր է անմիջապես գումարել հանձնաժողովի նիստ` դիմումը քննարկելու և վերջնական որոշում կայացնելու համար:

44. Մրցույթի անցկացումից և բողոքարկման արդյունքների հրապարակումից հետո հանձնաժողովը մրցույթի հաղթողների մասին որոշումը նույն օրը, իսկ անհնարինության դեպքում` հաջորդ օրը ներկայացնում է համապատասխան լիազորված մարմնի ղեկավարին:

45. Մասնակիցը մրցույթի հաղթող է ճանաչվում թեստավորման առաջադրանքների
առնվազն 35 հարցերին (թեստերին) ճիշտ պատասխանելու (առնվազն 35 միավոր հավաքելու) դեպքում:

46. Եթե մասնակիցներից ոչ մեկը թեստավորման առաջադրանքներից առնվազն 35 հարցին ճիշտ պատասխան չի տվել, ապա հանձնաժողովն ընդունում է որոշում՝ մրցույթի արդյունքում հաղթող չճանաչելու մասին և այդ որոշումը նույն օրը, իսկ անհնարինության դեպքում` հաջորդ օրը ներկայացնում է համապատասխան լիազորված մարմնի ղեկավարին:

47. Բողոքարկումը թեստավորման առաջադրանքի որևէ հարցադրման կամ դրա ենթադրյալ պատասխանի ճշտության, ինչպես նաև թեստավորման արդյունքում մասնակցի հավաքած միավորները հաշվելիս թույլ տրված հնարավոր սխալի վիճարկումն է:

48. Եթե հանձնաժողովը որոշում է բավարարել մասնակցի բողոքը և սխալ է համարում որևէ հարցադրում, ապա այդ որոշման հիման վրա տվյալ հարցի համար զրո միավոր ստացած բոլոր մասնակիցների միավորներն ավելացվում են մեկ միավորով:

Եթե Հանձնաժողովը պարզում է, որ թեստավորման արդյունքների հաշվարկման ժամանակ թույլ տրված հավանական սխալի վերաբերյալ մասնակցի բողոքը հիմնավորված է, ապա հանձնաժողովը բավարարում է մասնակցի պահանջը՝ վերանայելով թեստավորման արդյունքները:

49. Բողոքարկման արդյունքներն ամփոփելուց անմիջապես հետո բողոքարկման համար սույն կարգի 41-րդ կետով նախատեսված ժամանակի ավարտից հետո, հանձնաժողովի քարտուղարը համապատասխան տեղում (բոլոր մասնակիցների համար հասանելի) փակցնում է (հրապարակում է) բողոքարկման արդյունքները: Բողոքը հիմնավորված լինելու հանձնաժողովի որոշման դեպքում համապատասխան փոփոխություններ են կատարվում սույն կարգի 36-րդ կետով մասնակիցների թեստավորման առաջադրանքների արդյունքներում:

50. Գրավոր բողոքի բացակայության դեպքում հանձնաժողովը կազմում է  գրավոր բողոքի բացակայության մասին տեղեկանք:

51. Մրցույթների անցկացման աշխատանքների ավարտից հետո հանձնաժողովը համապատասխան հանձնման ակտով (հավելված 3) մրցույթի անցկացման նախապատրաստական աշխատանքներն իրականացնող ստորաբաժանմանն է փոխանցում մրցույթի մասնակիցների փաստաթղթերը (գործերը), մրցույթի անկացման և արդյունքների հրապարակման ժամանակ մրցութային հանձնաժողովի կողմից կազմված բոլոր փաստաթղթերը` սահմանված կարգով պահպանման և արխիվացման համար, ինչպես նաև առանձին հանձնման ակտով աշխատակազմին է հանձնում աշխատակազմի կնիքը և ստացականով (հավելված 2) ստացած բոլոր միջոցները:

VIII. ՄՐՑՈՒՅԹԻ ԱՐԴՅՈՒՆՔՆԵՐՈՎ ՊԱՇՏՈՆԻ ՆՇԱՆԱԿՈՒՄԸ

52. Մրցույթի հաղթողների մասին մրցութային հանձնաժողովի որոշման հրապարակումից հետո մրցույթի հաղթողները մրցութային հանձնաժողովից ստանում են համապատասխան պաշտոնում նշանակվելու դիմումի ձևը (հավելված 11) և նույն օրը կամ առնվազն եռօրյա ժամկետում լրացված դիմումը ներկայացնում են լիազորված մարմնի ղեկավարին` համապատասխան պաշտոնում (որի համար դիմում և փաստաթղթեր են ներկայացրել մրցութային հանձնաժողովին) աշխատանքի նշանակելու խնդրանքով: Նույն դիմումի 2-րդ կետի հիմքով մրցույթի հաղթողները կարող են դիմել աշխատանքի անցնելու այն ընկերության վերստուգող հանձնաժողովի անդամի (վերստուգողի) թափուր պաշտոնում նշանակվելու խնդրանքով, որոնց մասով մրցույթի մասնակցության դիմումներ չեն ներկայացվել կամ մրցույթի արդյունքներով հաղթողներ չեն ճանաչվել: 

53. Վերստուգող հանձնաժողովների անդամներին, վերստուգողներին պաշտոնում նշանակելու իրավասություն ունեցող պաշտոնատար անձը (ժողովը) հանձնաժողովից մրցույթի արդյունքում հաղթող ճանաչված մասնակիցների վերաբերյալ որոշումը և մրցույթի հաղթող մասնակիցների դիմումները ստանալուց հետո`

ա) վերստուգողի նշանակման մրցույթում հաղթող ճանաչված մասնակցին (կամ հաղթող ճանաչված բոլոր մասնակիցներից մեկին) հինգ աշխատանքային օրվա ընթացքում նշանակում է համապատասխան պաշտոնում` նրա դիմումի առաջին կետում նշված ընկերությունում,

բ) վերստուգող հանձնաժողովների անդամների նշանակման մրցույթում հաղթող ճանաչված մասնակցին, կամ հաղթող ճանաչված բոլոր մասնակիցներից համապատասխան թվով (ձևավորվելիք վերստուգող հանձնաժողովի անդամների թվով) անձանց հինգ աշխատանքային օրվա ընթացքում նշանակում է համապատասխան պաշտոնում` նրա (նրանց) դիմումի առաջին կետում նշված ընկերությունում,

գ) վերստուգողի, կամ վերստուգող հանձնաժողովների անդամների նշանակման մրցույթում հաղթող ճանաչված, սակայն իր դիմումի առաջին կետում նշված ընկերությունում պաշտոնի չնշանակված մասնակցին (կամ բոլոր մասնակիցներից մեկին) յոթ աշխատանքային օրվա ընթացքում նշանակում է հայտարարված մրցույթի արդյունքներով թափուր մնացած համապատասխան ընկերության վերստուգող` նրա դիմումի երկրորդ կետին համապատասխան,

դ) վերստուգողի, կամ վերստուգող հանձնաժողովների անդամների նշանակման մրցույթում հաղթող ճանաչված, սակայն իր դիմումի առաջին կետում նշված ընկերությունում պաշտոնի չնշանակված մասնակցին կամ հաղթող ճանաչված բոլոր մասնակիցներից համապատասխան թվով (ձևավորվելիք վերստուգող հանձնաժողովի անդամների թվով) անձանց յոթ աշխատանքային օրվա ընթացքում նշանակում է հայտարարված մրցույթի արդյունքներով թափուր մնացած համապատասխան ընկերության վերստուգող հանձնաժողովի անդամ` (նրանց) նրա դիմումի երկրորդ կետին համապատասխան:

54. Վերստուգող հանձնաժողովների անդամներին, վերստուգողներին պաշտոնում նշանակելու իրավասություն ունեցող պաշտոնատար անձը տվյալ պաշտոնում մեկից ավելի հաղթողների դիմումների առկայության դեպքում նշանակումներ կատարելու համար հաղթող մասնակցին (մասնակիցներին) ընտրելու նպատակով կարող է անցկացնել հարցազրույց:

55. Վերստուգող հանձնաժողովների անդամներին, վերստուգողներին պաշտոնում նշանակելիս վերջիններիս հետ կնքվում է համապատասխան աշխատանքային պայմանագիր` ՀՀ աշխատանքային օրենսգրքի պահանջներին համապատասխան:

56. Վերստուգող հանձնաժողովների անդամներին (վերստուգողներին) պաշտոնում նշանակելուց հետո մրցույթի հաղթողների մասին մրցութային հանձնաժողովի որոշման և մրցույթի արդյունքներով վերստուգող հանձնաժողովի անդամ կամ վերստուգող նշանակելու մասին համապատասխան լիազորված մարմնի ղեկավարի հրամանի պատճենները 10-օրյա ժամկետում ներկայացվում են հսկող մարմին` ՀՀ ֆինանսների և էկոնոմիկայի նախարարություն:

IX.  ՄՐՑՈՒՅԹԻ ՀՐԱՊԱՐԱԿԱՅՆՈՒԹՅՈՒՆԸ

57. Հանձնաժողովի որոշմամբ դիտորդի կարգավիճակով մրցույթին ներկա գտնվելու իրավունք ունեն զանգվածային լրատվության միջոցների, հասարակական միավորումների ներկայացուցիչները:

X. ԵԶՐԱՓԱԿԻՉ ԴՐՈՒՅԹՆԵՐ

58. Եթե մրցութային հանձնաժողովն իրավազոր չէ (հանձնաժողովի անդամների առնվազն կեսից ավելին բացակայում են), ապա մրցույթը համարվում է չկայացած և անցկացվում է կրկնակի մրցույթ: Մրցութային հանձնաժողովի ներկա անդամներն այդ մասին կազմում են արձանագրություն, որը ներկայացվում է լիազորված մարմնի ղեկավարին: Կրկնակի մրցույթը հանձնաժողովի որոշմամբ անցկացվում է հայտարարված նախկին մրցույթի ամսաթվից մեկ շաբաթվա ընթացքում: Կրկնակի մրցույթի ժամանակ մրցույթին մասնակցելու համար նոր դիմումներ չեն ընդունվում:

59. Մրցույթը համարվում է չկայացած և նոր մրցույթ է անցկացվում, եթե`

ա) մրցույթի արդյունքում մասնակիցներից ոչ մեկը թեստավորման առաջադրանքների առնվազն 35 հարցերին (թեստերին) ճիշտ պատասխան չի տվել (առնվազն 35 միավոր չի հավաքել),

բ) մրցույթին մասնակցելու համար ոչ մի դիմում չի ներկայացվել,

գ) մրցույթի բոլոր մասնակիցների նկատմամբ տարածվում են սույն կարգի 13 և 17-րդ կետերում ներկայացված հիմքերը,

դ) մրցույթին մասնակցելու համար դիմում ներկայացրած անձանցից ոչ մեկը չի ներկայացել,

ե) մրցույթը դատական կարգով անվավեր է ճանաչվել:

60. Եթե նոր կամ կրկնակի մրցույթը համարվում է չկայացած (անվավեր), ինչպես նաև նոր կամ կրկնակի մրցույթի արդյունքում հաղթող չի ճանաչվում, ապա տվյալ պաշտոնն զբաղեցնելու համար հայտարարվում է նոր մրցույթ` հայտարարված նախկին մրցույթի ամսաթվից երկու ամսվա ընթացքում:

61. Մրցույթի հայտարարությամբ նախատեսված մրցույթն սկսելու օրը, ժամը և վայրը փոփոխվելու դեպքում` այդ մասին ոչ ուշ, քան մրցույթ անցկացնելու օրվանից մեկ շաբաթ առաջ պետք է նոր հայտարարություն հրապարակվի զանգվածային լրատվության այն նույն միջոցներով, որտեղ հրապարակվել է տվյալ մրցույթն անցկացնելու մասին հայտարարությունը:

62. Մրցույթի նախապատրաստական աշխատանքների իրականացման և մրցույթի անցկացման ժամանակ սույն կարգի շրջանակներից դուրս առաջացած բոլոր հարցերի, խնդիրների, դեպքերի կանոնակարգման և լուծման իրավասությունը վերապահվում է մրցութային հանձնաժողովին:

63. Ընկերության բաժնետոմսերի կառավարման լիազորությունը երկու և ավելի լիազորված մարմինների կողմից իրականացվելու դեպքում` վերստուգող հանձնաժողովների անդամների (վերստուգողների) ընտրության մրցութային հանձնաժողովների ձևավորման,
մրցույթի նախապատրաստական և անցկացման, մրցույթի արդյունքներով պաշտոնի նշանակման հարաբերությունները կարգավորվում են ժողովի որոշմամբ:

Հավելված 2 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

Ս Տ Ա Ց Ա Կ Ա Ն   (Օրինակելի ձև)   Ես՝ _______________ կառավարմանը հանձնված 50 տոկոս և ավելի պետական մասնակցությամբ լիազորված մարմնի անվանումը բաժնետիրական ընկերությունների վերստուգող հանձնաժողովների (վերստուգողների) ընտրության մրցութային հանձնաժողովի նախագահ ___________________ - նս                                                          անուն, ազգանուն (հրաման թիվ ___ _ 200 թ.) ______________ աշխատակազմից ստացա աշխատակազմի կնիքը, լիազորված մարմնի անվանումը                                մրցույթի անցկացման համար նախատեսված արկղը, իսկ մրցույթի նախապատրաստական աշխատանքներն իրականացնող ստորաբաժանումից` մրցույթին մասնակցելու համար դիմած քաղաքացիների թվով __ հատ գործերը (փաստաթղթերը):     Մրցութային հանձնաժողովի նախագահ`  ________________ անուն, ազգանուն             «__» «____________» 200  թ.

Հավելված 3 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

____________________________________ լիազորված մարմինը   50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Հ Ա Ն Ձ Ն Մ Ա Ն  Ա Կ Տ   (Օրինակելի ձև)   Մրցութային հանձնաժողովը, մրցույթի անցկացման աշխատանքներն ավարտելուց հետո, մրցույթի նախապատրաստական աշխատանքներն իրականացնող ______________ ___________________ է փոխանցում հետևյալ փաստաթղթերը և նյութերը. ստորաբաժանման անվանումը   1. Մրցույթի մասնակիցների փաստաթղթերը (գործերը): 2. ՀՀ ֆինանսների և էկոնոմիկայի նախարարի 2006թ. մայիսի 3-ի «50 տոկոս և ավելի պետական մասնակցությամբ բաժնետիրական ընկերությունների վերստուգող հանձնաժողովների անդամների (վերստուգողների) ընտրության մրցութային հանձնաժողովների ձևավորման, մրցույթների անցկացման կարգն ու մրցույթի մասնակիցներին ներկայացվող պահանջները (չափանիշները) հաստատելու մասին» թիվ 478-Ն հրամանի 4-ից 10-րդ հավելվածներով նախատեսված փաստաթղթերը:   ՄՐՑՈՒԹԱՅԻՆ ՀԱՆՁՆԱԺՈՂՈՎԻ ՆԱԽԱԳԱՀ` ________________ (աահ)           Կ.Տ.

Հավելված 4 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

_______________________________________ լիազորված մարմինը   50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Ո Ր Ո Շ ՈՒ Մ ____________ 200--թ. N   (Օրինակելի ձև)   ՄՐՑՈՒՅԹԻՆ ՄԱՍՆԱԿՑԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ   Մրցութային հանձնաժողովը մրցույթն սկսելուց առաջ գումարեց նիստ, որի ընթացքում քննության առավ _____________ -ին (_______________)            ամիս, ամսաթիվ, տարեթիվ,         նշել լրատվության միջոցը, աղբյուրը հրապարակված հայտարարությանը համապատասխան անցկացվող վերստուգող հանձնաժողովների անդամների (վերստուգողների) թափուր պաշտոնը զբաղեցնելու համար ըստ ներքոհիշյալ ընկերությունների դիմած քաղաքացիներ՝   __________________     ընկերության անվանումը     1. _________________     (աահ)     2. _________________     3. _________________     …     __________________     ընկերության անվանումը     1. _________________     (աահ)     2. _________________     3. _________________     …       ներկայացրած փաստաթղթերը:   Փաստաթղթերի ուսումնասիրության ընթացքում պարզվեց. ա) ներկայացված փաստաթղթերը համապատասխանում (բավարարում) են ՀՀ ֆինանսների և էկոնոմիկայի նախարարի 3 մայիսի 2006 թ. թիվ 478-Ն հրամանի պահանջներին, ինչպես նաև նրանցում առկա չեն նույն հրամանով նախատեսված սահմանափակումները:   Քվեարկության արդյունքում ձայների` կողմ      դեմ       հարաբերակցությամբ հանձնաժողովը ՈՐՈՇԵՑ. 1. _________________     (աահ)     2. _________________     3. _________________     …     տալ մրցույթին մասնակցելու թույլտվություն. բ) ներկայացված փաստաթղթերը ՀՀ ֆինանսների և էկոնոմիկայի նախարարի __ 200 թ. թիվ __ հրամանի պահանջներին չհամապատասխանելու (չբավարարելու), ինչպես նաև նույն հրամանի սահմանափակումները առկա լինելու կամ __________________ հիմքերը հաշվի առնելով.   նշել հիմքերը Քվեարկության արդյունքում ձայների` կողմ      դեմ       հարաբերակցությամբ հանձնաժողովը ՈՐՈՇԵՑ. 1. _________________     (աահ)     2. _________________     3. _________________     …     չթույլատրել մասնակցելու մրցույթին:     ՀԱՆՁՆԱԺՈՂՈՎԻ ՆԱԽԱԳԱՀ`   _____________ ______________   ստորագրություն  (աահ) ՀԱՆՁՆԱԺՈՂՈՎԻ ՔԱՐՏՈՒՂԱՐ   _____________ ______________ ստորագրություն  (աահ)           Կ.Տ.       «__» «____________» 200 թ.

Հավելված 5 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Ո Ր Ո Շ ՈՒ Մ   ____________ 200--թ. N   (Օրինակելի ձև)   ՄՐՑՈՒՅԹԸ ՉԿԱՅԱՑԱԾ ՀԱՄԱՐԵԼՈՒ ՄԱՍԻՆ   Ղեկավարվելով ՀՀ ֆինանսների և էկոնոմիկայի նախարարի ___ ____ 200- թ. թիվ ___ հրամանի ____ կետի պահանջով, մրցութային հանձնաժողովը որոշում է.   1. ____________________ տպագրված հայտարարության համաձայն հրապարակման աղբյուրը և ամսաթիվը _________________________     ____ ___________ 200--թ. մրցույթը համարել լիազոր մարմինը և ընկերությունների անվանումները         մրցույթի ամսաթիվը  չկայացած: 2. Սույն որոշումն ուժի մեջ է մտնում ստորագրման պահից:   ՀԱՆՁՆԱԺՈՂՈՎԻ ՆԱԽԱԳԱՀ`   _____________ ______________   ստորագրություն  (աահ) ՀԱՆՁՆԱԺՈՂՈՎԻ ՔԱՐՏՈՒՂԱՐ   _____________ ______________ ստորագրություն  (աահ)           Կ.Տ.       «__» «____________» 200 թ.

Հավելված 6 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

_______________________________________ լիազորված մարմինը   50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Ա Ր Ձ Ա Ն Ա Գ Ր ՈՒ Թ Յ ՈՒ Ն  N (Օրինակելի ձև)   ՄՐՑՈՒՅԹԻ ՆԵՐԿԱՅԱՑԱԾ ՄԱՍՆԱԿԻՑՆԵՐԻ ՑՈՒՑԱԿԸ ՀԱՍՏԱՏԵԼՈՒ ՄԱՍԻՆ   Ղեկավարվելով ՀՀ ֆինանսների և էկոնոմիկայի նախարարի __ _____ 200-- թ. թիվ ____ հրամանի ____ կետի պահանջներով, մրցութային հանձնաժողովը որոշում է.   __________________     ընկերության անվանումը     1. _________________     (աահ)     2.          …       ՀԱՆՁՆԱԺՈՂՈՎԻ ՆԱԽԱԳԱՀ`   _____________ ______________   ստորագրություն  (աահ) ՀԱՆՁՆԱԺՈՂՈՎԻ ՆԱԽԱԳԱՀԻ ՏԵՂԱԿԱԼ   _____________ ______________ ստորագրություն  (աահ) ՀԱՆՁՆԱԺՈՂՈՎԻ ՔԱՐՏՈՒՂԱՐ _____________ ______________ ստորագրություն  (աահ) ՀԱՆՁՆԱԺՈՂՈՎԻ ԱՆԴԱՄՆԵՐ` _____________ ______________ ստորագրություն  (աահ) _____________ ______________ ստորագրություն  (աահ) _____________ ______________ ստորագրություն  (աահ) _____________ ______________   ստորագրություն  (աահ)           Կ.Տ. «__» «____________» 200 թ.

Հավելված 7 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

______________________________ լիազորված մարմինը   Կ. Տ. Ա Մ Փ Ո Փ Ա Թ Ե Ր Թ   (Օրինակելի ձև)   «___» «___________________» 200 թ.   ______________________________ Մրցույթի մասնակցի ազգանուն, անուն, հայրանուն   Հ/Հ Պատասխաններ Հ/Հ Պատասխաններ 1 2 3 4 1 2 3 4 1         21         2         22         3         23         4         24         5         25         6         26         7         27         8         28         9         29         10         30         11         31         12         32         13         33         14         34         15         35         16         36         17         37         18         38         19         39         20         40         Մասնակից՝ _____________ ____________________   ստորագրություն անձը հաստատող փաստաթղթի սերիան, համարը

Հավելված 8 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

 

______________________________ լիազորված մարմինը     50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Ա Ր Ձ Ա Ն Ա Գ Ր ՈՒ Թ Յ ՈՒ Ն  N   Մրցույթի արդյունքների ամփոփման   (Օրինակելի ձև)                     N Մրցույթի մասնակցի անձը  հաստատող փաստաթղթի սերիան, համարը Անուն,  հայրանուն, ազգանուն Թեստավորման արդյունքները (միավոր) Մրցույթի արդյունքների ամփոփումը * ----------------------------------------------------------------------- ընկերության անվանումը 1         2         …         ----------------------------------------------------------------------- ընկերության անվանումը 1         2         …         * -անցողիկ միավորի դեպքում նշվում է «հաղթող» բառը, իսկ ոչ անցողիկի դեպքում` դրվում է գծիկ: ՀԱՆՁՆԱԺՈՂՈՎԻ ՆԱԽԱԳԱՀ`   _____________ ______________   ստորագրություն  (աահ) ՀԱՆՁՆԱԺՈՂՈՎԻ ՆԱԽԱԳԱՀԻ ՏԵՂԱԿԱԼ   _____________ ______________ ստորագրություն  (աահ) ՀԱՆՁՆԱԺՈՂՈՎԻ ՔԱՐՏՈՒՂԱՐ _____________ ______________ ստորագրություն  (աահ) ՀԱՆՁՆԱԺՈՂՈՎԻ ԱՆԴԱՄՆԵՐ` _____________ ______________ ստորագրություն  (աահ) _____________ ______________ ստորագրություն  (աահ) _____________ ______________ ստորագրություն  (աահ) _____________ ______________   ստորագրություն  (աահ)           Կ.Տ. «__» «____________» 200 թ.

Հավելված 9 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

_______________________________________ լիազոր մարմնի անվանումը    50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Ո Ր Ո Շ ՈՒ Մ ____________ 200--թ. N   (Օրինակելի ձև)   ՄՐՑՈՒՅԹԻ ԱՐԴՅՈՒՆՔՈՒՄ ՀԱՂԹՈՂ ՃԱՆԱՉԵԼՈՒ ՄԱՍԻՆ   Ղեկավարվելով ՀՀ ֆինանսների և էկոնոմիկայի նախարարի _ ______ 200-- թ. թիվ ___ հրամանի __ կետի պահանջով, մրցութային հանձնաժողովը որոշում է. ________________________________ համաձայն _ ______ 200 թ. Նշել հայտարարության հրապարակման աղբյուրը և ամսաթիվը կայացած մրցույթի արդյունքում հաղթող (հաղթողներ) ճանաչել՝   __________________     ընկերության անվանումը     1. _________________     (հաղթողի աահ)     2. _________________     (հաղթողի աահ)     3.  …       2. Սույն որոշումն ուժի մեջ է մտնում ստորագրման պահից:       ՄՐՑՈՒԹԱՅԻՆ ՀԱՆՁՆԱԺՈՂՈՎԻ ՆԱԽԱԳԱՀ`   _____________ ______________   ստորագրություն  (աահ) ՀԱՆՁՆԱԺՈՂՈՎԻ ՔԱՐՏՈՒՂԱՐ   _____________ ______________ ստորագրություն  (աահ)           Կ.Տ.

Հավելված 10 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

 

______________________________ լիազորված մարմինը     50 ՏՈԿՈՍ ԵՎ ԱՎԵԼԻ ՊԵՏԱԿԱՆ ՄԱՍՆԱԿՑՈՒԹՅԱՄԲ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԻ ՎԵՐՍՏՈՒԳՈՂ ՀԱՆՁՆԱԺՈՂՈՎՆԵՐԻ (ՎԵՐՍՏՈՒԳՈՂՆԵՐԻ) ԸՆՏՐՈՒԹՅԱՆ ՄՐՑՈՒԹԱՅԻՆ ՀԱՆՁՆԱԺՈՂՈՎ   Ա Ր Ձ Ա Ն Ա Գ Ր ՈՒ Թ Յ ՈՒ Ն  N   (Օրինակելի ձև)   Մրցույթի արդյունքով թափուր համարված պաշտոնների մասին     Ղեկավարվելով ՀՀ ֆինանսների և էկոնոմիկայի նախարարի _______ 200-- թ. թիվ ____ հրամանի __ կետի պահանջով, մրցութային հանձնաժողովը որոշում է. ______________________________ հրապարակված հայտարարության հրապարակման աղբյուրը և ամսաթիվը   համաձայն _ ____- 200 թ. կայացած մրցույթի արդյունքում հետևյալ ընկերություններում վերստուգող հանձնաժողովների անդամների և վերստուգողների հետևյալ պաշտոնները համարել ԹԱՓՈՒՐ` 1. _________________     ընկերության անվանումը     2. _________________     ընկերության անվանումը     3.  …         ՀԱՆՁՆԱԺՈՂՈՎԻ ՆԱԽԱԳԱՀ`   _____________ ______________   ստորագրություն  (աահ) ՀԱՆՁՆԱԺՈՂՈՎԻ ՆԱԽԱԳԱՀԻ ՏԵՂԱԿԱԼ   _____________ ______________ ստորագրություն  (աահ) ՀԱՆՁՆԱԺՈՂՈՎԻ ՔԱՐՏՈՒՂԱՐ _____________ ______________ ստորագրություն  (աահ) ՀԱՆՁՆԱԺՈՂՈՎԻ ԱՆԴԱՄՆԵՐ` _____________ ______________ ստորագրություն  (աահ) _____________ ______________ ստորագրություն  (աահ) _____________ ______________ ստորագրություն  (աահ) _____________ ______________   ստորագրություն  (աահ)           Կ.Տ. «__» «____________» 200 թ.

Հավելված 11 ՀՀ ֆինանսների և էկոնոմիկայի նախարարի 2006 թ. մայիսի 3-ի N 478-Ն հրամանի

_____________________________  _____________________________ _____________________________ _____________________________  լիազոր մարմնի անվանումը և ղեկավարի անունը, ազգանունը       Քաղաքացի __________________- ից   անունը, ազգանունը   (_________________________ նշել հաշվառման և բնակության վայրը (երը), անձը   ________________________     հաստատող փաստաթղթի սերիան, համարը,     ________________________) հեռախոսահամարը, կապի այլ միջոցները   Դ Ի Մ ՈՒ Մ   (Օրինակելի ձև)   __________________________________________ հայտարարության համաձայն, Նշել հայտարարության հրապարակման աղբյուրը և ամսաթիվը __________________ __________________ վերստուգող հանձնաժողովի անդամի լիազոր մարմնի անվանումը              ընկերության անվանումը (վերստուգողի) թափուր պաշտոնը զբաղեցնելու __ __________- 200 թ. կայացած մրցույթի արդյունքում հաղթող ճանաչվելու հիմքով խնդրում եմ` 1) նշանակել նշված ընկերության վերստուգող հանձնաժողովի անդամ (վերստուգող), 2) սույն դիմումի «1» կետով չնշանակվելու դեպքում խնդրում եմ նշանակել մրցույթի արդյունքներով հաղթող չճանաչված (մրցույթի մասնակցության դիմումներ չներկայացված) _________________ վերստուգող հանձնաժողովի անդամ (վերստուգող): ընկերության անվանումը  Դիմող` _________________ (______________)   ստորագրություն  (աահ)