«Գրանցված է»
ՀՀ արդարադատության
նախարարության կողմից
17 հոկտեմբերի 2006 թ.
Պետական գրանցման թիվ 11506339

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ

Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ» ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ (ՄԱՐԶԱՅԻՆ) ԿԵՆՏՐՈՆԻ ԵՎ ԳՈՐԾԱՏՈՒԻ ՄԻՋԵՎ ԿՆՔՎՈՂ ԱՇԽԱՏԱՎԱՐՁԻ ՓՈԽՀԱՏՈՒՑՄԱՆ ՄԱՍԻՆ ՊԱՅՄԱՆԱԳՐԻ, ՖԻՆԱՆՍԱՎՈՐՄԱՆ ՄԱՍԻՆ ՀԱՅՏ-ՊԱՀԱՆՋԱԳՐԻ ԵՎ ԱՇԽԱՏԱՎԱՐՁԻ ՓՈԽՀԱՏՈՒՑՄԱՆ ԾՐԱԳՐՈՎ ԱՇԽԱՏՈՂ ԱՆՄՐՑՈՒՆԱԿ ԱՆՁԱՆՑ ՄԱՍԻՆ ՏԵՂԵԿԱՆՔԻ ՁԵՎԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2006թ. հուլիսի 13-ի «Աշխատաշուկայում անմրցունակ անձանց աշխատանքի տեղավորման աջակցության նպատակով աշխատավարձի փոխհատուցման կարգը, չափը և պայմանները հաստատելու մասին» N 996-Ն որոշման 2-րդ կետով՝

ՀՐԱՄԱՅՈՒՄ ԵՄ`

1. Հաստատել՝

ա) Հայաստանի Հանրապետության աշխատանքի և սոցիալական հարցերի նախարարության «Զբաղվածության պետական ծառայություն» գործակալության տարածքային (մարզային) կենտրոնի և գործատուի միջև կնքվող աշխատավարձի փոխհատուցման մասին պայմանագրի ձևը՝ համաձայն N 1 հավելվածի.

բ) աշխատավարձի փոխհատուցման ֆինանսավորման մասին հայտ-պահանջագրի ձևերը՝ համաձայն N 2 հավելվածի և N 3 հավելվածի.

գ) աշխատավարձի փոխհատուցման ծրագրով աշխատող անմրցունակ անձանց մասին տեղեկանքի ձևը՝ համաձայն N 4 հավելվածի:

2. Սույն հրամանն ուժի մեջ է մտնում պաշտոնական հրապարակման օրվան հաջորդող տասներորդ օրը:

Ա. Վարդանյան

Ձև

Պ Ա Յ Մ Ա Ն Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ «ԶԲԱՂՎԱԾՈՒԹՅԱՆ ՊԵՏԱԿԱՆ ԾԱՌԱՅՈՒԹՅՈՒՆ» ԳՈՐԾԱԿԱԼՈՒԹՅԱՆ ՏԱՐԱԾՔԱՅԻՆ (ՄԱՐԶԱՅԻՆ) ԿԵՆՏՐՈՆԻ ԵՎ ԳՈՐԾԱՏՈՒԻ ՄԻՋԵՎ ԿՆՔՎՈՂ ԱՇԽԱՏԱՎԱՐՁԻ ՓՈԽՀԱՏՈՒՑՄԱՆ ՄԱՍԻՆ

Հայաստանի Հանրապետության աշխատանքի և սոցիալական հարցերի նախարարության «Զբաղվածության պետական ծառայություն» գործակալության տարածքային (մարզային) կենտրոնը (այսուհետ` տարածքային կենտրոն)__________________________

I. Պայմանագրի առարկան

1. Պայմանագրի առարկան` աշխատաշուկայում անմրցունակ անձանց (այսուհետ՝ անմրցունակ անձ) աշխատանքի տեղավորման աջակցության նպատակով գործատուի կողմից տրվող աշխատավարձի փոխհատուցման հետ կապված հարաբերությունների կարգավորումն է:

II. Կողմերի պարտականությունները

2. Գործատուն իրավունք ունի.

աշխատավարձի փոխհատուցման ծրագրով աշխատող անմրցունակ անձանց մասին տարածքային կենտրոն տեղեկանք ներկայացնելուց հետո դիմել տարածքային կենտրոնի տնօրենին` իր բանկային հաշվի համարին անմրցունակ անձի աշխատավարձի փոխհատուցման համար ֆինանսական միջոցներ փոխանցելու պահանջով:

3. Գործատուն պարտավոր է.

անմրցունակ անձի հետ կնքել Հայաստանի Հանրապետության աշխատանքային օրենսգրքի պահանջներին համապատասխան աշխատանքային պայմանագիր նվազագույնը մեկ տարի ժամկետով, իսկ առաջին և երկրորդ խմբի հաշմանդամների հետ` երկու տարի ժամկետով:

4. Տարածքային կենտրոնի տնօրենն իրավունք ունի.

գործատուի կողմից սույն պայմանագրում նշված պարտավորությունների չկատարման դեպքում լուծել սույն պայմանագիրը և Հայաստանի Հանրապետության օրենսդրությամբ սահմանված կարգով պահանջել վերադարձնել ստացված ֆինանսական միջոցները:

5. Տարածքային կենտրոնի տնօրենը պարտավոր է.

աշխատավարձի փոխհատուցման ծրագրի ֆինանսավորման մասին հայտ-պահանջագրով նախատեսված գումարն ստանալուց հետո 5 աշխատանքային օրվա ընթացքում ապահովել գործատուի բանկային հաշվի համարին անմրցունակ անձի աշխատավարձի փոխհատուցման համար ֆինանսական միջոցների փոխանցումը:

III. Եզրափակիչ դրույթներ

6. Կողմերի միջև այն հարաբերությունները, որոնք չեն կարգավորվում սույն պայմանագրով, կարգավորվում են կողմերի համաձայնությամբ կամ Հայաստանի Հանրապետության օրենսդրությամբ սահմանված կարգով:

7. Սույն պայմանագիրը կազմված է երկու հավասարազոր օրինակից և գտնվում է կնքող կողմերի մոտ:

8. Սույն պայմանագիրն ուժի մեջ է մտնում կնքման պահից:

ԿՎՎ ______________________
սպասարկող բանկ՝______________
հ/հ _______________________

____ _____________ 200 թ. 

Ձև
«Զբաղվածության պետական ծառայություն»
գործակալության պետ ____ ___________-ին

Հ Ա Յ Տ - Պ Ա Հ Ա Ն Ջ Ա Գ Ի Ր

______ _______________200 թ.

Ձև
 ՀՀ սոցիալական ապահովագրության պետական
հիմնադրամի նախագահ ____ __________-ին

Հ Ա Յ Տ - Պ Ա Հ Ա Ն Ջ Ա Գ Ի Ր

______ _______________200 թ.

Ձև

Տ Ե Ղ Ե Կ Ա Ն Ք

200 թ. ________ ___-ից մինչԵՎ 200 թ. ________ ___-ը աշխատավարձի փոխհատուցման ծրագրով աշխատող անմրցունակ անձանց մասին

______ _______________200 թ.

Կ. Տ.