«Գրանցված է»
ՀՀ արդարադատության
նախարարության կողմից
16 հունվարի 2006 թ.
Պետական գրանցման թիվ 11006008

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ

10 հունվարի 2006 թ.  ք. Երևան

N 04-Ն

 
Հ Ր Ա Մ Ա Ն

ՀԱՆՐԱԿՐԹԱԿԱՆ ԴՊՐՈՑԻ 9-ՐԴ ԴԱՍԱՐԱՆՑԻՆԵՐԻՆ ԷՔՍՏԵՌՆ ՓՈԽԱԴՐԱԿԱՆ ՔՆՆՈՒԹՅՈՒՆՆԵՐԻՆ ԹՈՒՅԼԱՏՐԵԼՈՒ ՀԱՄԱՐ ԿԱԶՄԱԿԵՐՊՎՈՂ ՀԱՐՑԱԶՐՈՒՅՑԻ ՉԱՓՈՐՈՇԻՉՆԵՐԸ ՀԱՍՏԱՏԵԼՈՒ ԵՎ ՀՀ ԿԳ ՆԱԽԱՐԱՐԻ 2001 ԹՎԱԿԱՆԻ ԴԵԿՏԵՄԲԵՐԻ 21-Ի N 556-Մ ՀՐԱՄԱՆԸ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Կրթության մասին» ՀՀ օրենքի 14-րդ հոդվածի 7-րդ մասի պահանջները

ՀՐԱՄԱՅՈՒՄ ԵՄ՝

1. Հաստատել հանրակրթական դպրոցի 9-րդ դասարանցիներին էքստեռն փոխադրական քննություններին թույլատրելու համար կազմակերպվող հարցազրույցի չափորոշիչները /հավելվածը կցվում է/:

2. Ուժը կորցրած ճանաչել ՀՀ ԿԳ նախարարի 2001 թվականի դեկտեմբերի 21-ի «Էքստեռն փոխադրական և ավարտական քննությունների կազմակերպելու կարգի մի քանի ենթակետերի կասեցման մասին» N 556-Մ հրամանը:

3. Հանրակրթության վարչությանը /պետ` Ն. Հովհաննիսյան/, օրենսդրության և իրավաբանական վարչությանը /պետ` Մ. Գրիգորյան/ սույն հրամանը սահմանված կարգով ներկայացնել ՀՀ արդարադատության նախարարություն` պետական գրանցման:

4. Հրամանի կատարման հսկողությունը վերապահել նախարարի տեղակալ Ն. Ղուկասյանին:

ՀՀ կրթության և գիտության նախարար`	Ս. Երիցյան
	Հաստատված է ՀՀ կրթության ևգիտության նախարարի 10.01.2006թ. N 04-Ն հրամանով         ———————————— Ս. Երիցյան

Չ ա փ ո ր ո շ ի չ ն ե ր

Հանրակրթական դպրոցի 9-րդ դասարանցիներին էքստեռն փոխադրական քննություններին թույլատրելու համար կազմակերպվող հարցազրույցի

Սույն չափորոշիչները նպատակ ունեն լրացուցիչ կանոնակարգման ենթարկելու 9-րդ դասարանցիներին էքստեռն կարգով փոխադրական քննություններին թույլատրելու ՀՀ ԿԳ նախարարի 17.01.2000թ. N 08-Մ հրամանով հաստատված կարգի համաձայն իրականացվող գործընթացը:

Այդ նպատակով ԿԳ նախարարությունում նախարարի հրամանով ստեղծվող հանձնաժողովի համար սահմանվում են հարցազրույցի անցկացման հետևյալ չափորոշիչները.

1. Հարցազրույցը ընդգրկում է հարցեր հանրակրթական դպրոցի տվյալ ուսումնական տարվա ուսումնական պլաններով 9-րդ և 10-րդ դասարանների /10-րդ դասարանի 1-ին կիսամյակի/ առարկայական ծրագրերով նախատեսված ուսումնական նյութից:

2. Հարցերի թվաքանակը չի կարող գերազանցել 20-ը, ընդ որում` հետևյալ հարցերի
երաշխավորված բաշխմամբ:

N	Ուսումնական առարկաներ	Հարցերի թիվը
1.	Հայոց լեզու	3
2.	Գրականություն	2
3.	Ռուսաց լեզու	1
4.	Օտար լեզու	1
5.	Հանրահաշիվ	1
6.	Երկրաչափություն	1
7.	Աշխարհագրություն	1
8.	Պատմություն	2
9.	Իրավունք	1
10.	Ինֆորմատիկա	1
11.	Ֆիզիկա	2
12.	Աստղագիտություն	1
13.	Քիմիա	1
14.	Կենսաբանություն	1
15.	Նախնական զինվոր. պատ.	1

3. Տրվող հարցերը պետք է ունենան դասագրքերում առկա հստակ պատասխաններ և պետք է ստուգեն աշակերտի առարկայական գիտելիքները, տրամաբանելու, վերլուծելու, համադրելու կարողությունները:

4. Հարցազրույցի արդյունքում առնվազն 11 հարցին դրական պատասխան տված աշակերտներին թույլատրվում է մասնակցել էքստեռն քննություններին:

5. Հարցերը և դրանց տրված պատասխանները արձանագրվում են: