120.0238.29.11.99

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

«ԱՐԴՅՈՒՆԱԲԵՐԱԿԱՆ ԿԱԶՄԱԿԵՐՊՈՒԹՅԱՆ ՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆԸ ՀԱՄԱԼԻՐ ԲՆՈՒԹԱԳՐՈՂ ՀԻՄՆԱԿԱՆ ՑՈՒՑԱՆԻՇՆԵՐԻ ԱՄՓՈՓ ԱՂՅՈՒՍԱԿ»` ՁԵՎ ԹԻՎ 22 ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆԸ ԵՎ ԴՐԱ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

Հիմք ընդունելով «Պետական վիճակագրության մասին» ՀՀ օրենքի 9 հոդվածի «Ժ» ենթակետը և Հայաստանի Հանրապետության վիճակագրության, պետական ռեգիստրի և վերլուծության նախարարության կանոնադրության 12 կետի «թ» ենթակետը`

ՀՐԱՄԱՅՈՒՄ ԵՄ`

Հաստատել «Արդյունաբերական կազմակերպության տնտեսական գործունեությունը համալիր բնութագրող հիմնական ցուցանիշների ամփոփ աղյուսակ»` ձև թիվ 22 պետական վիճակագրական հաշվետվությունը և դրա լրացման հրահանգը:

Հ Ր Ա Հ Ա Ն Գ

«ԱՐԴՅՈՒՆԱԲԵՐԱԿԱՆ ԿԱԶՄԱԿԵՐՊՈՒԹՅԱՆ ՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆԸ ՀԱՄԱԼԻՐ ԲՆՈՒԹԱԳՐՈՂ ՀԻՄՆԱԿԱՆ ՑՈՒՑԱՆԻՇՆԵՐԻ ԱՄՓՈՓ ԱՂՅՈՒՍԱԿ» (Ձեվ թիվ 22) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

Սույն հրահանգը մշակված է ՀՀ Ազգային Ժողովի կողմից 29.05.96 թ. ընդունված «Պետական վիճակագրության մասին» ՀՀ օրենքի 9 հոդվածի «Ժ» կետի համաձայն:

Ընդհանուր դրույթներ

● Հրահանգը սահմանում է «Արդյունաբերական կազմակերպության տնտեսական գործունեությունը համալիր բնութագրող հիմնական ցուցանիշների ամփոփ աղյուսակ» (Ձև թիվ 22) վիճակագրական հաշվետվության լրացման կարգը:

● Հաշվետվությունները ներկայացնում են ՀՀ վիճակագրության, պետական ռեգիստրի և վերլուծության նախարարության կողմից ընտրանքային կարգով ընտրված իրավաբանական անձինք (այսուհետև կազմակերպություններ¹), որոնք նախապես գրավոր տեղեկացվում են վիճակագրական մարմինների կողմից:

_____

¹ Սույնը տարածվում է նաև ՀՀ քաղաքացիական օրենսգրքի (ընդունվել է 17 հուլիսի 1998 թ.) ուժի մեջ մտնելուց առաջ ստեղծված այն կազմակերպական-իրավական տեսակի կազմակերպությունների վրա, որոնք նախատեսված չեն օրենսգրքի 5-րդ գլխով:

● Փաստացի գործունեություն հիմնական տեսակ է համարվում գործունեության այն տեսակը, որը հաշվետու ժամանակաշրջանում հավելյալ արժեքի ընդհանուր ծավալում փաստացի ունեցել է առավել մեծ տեսակարար կշիռ²:

Փաստացի գործունեության հիմնական տեսակի ծածկագիրը լրացվում է ձեռնարկությունների պետական ռեգիստրի կողմից տրված վկայականից կամ (եթե վկայականում տվյալ գործունեության տեսակը նշված չէ) տնտեսական գործունեության ընդհանուր դասակարգիչի հիման վրա` անհրաժեշտության դեպքում ստանալով դրա համար խորհրդատվություն վիճակագրական մարմիններից:

● Հաշվետվությունը լրացվում է սկզբնական հաշվառման հավաստի տվյալների հիման վրա:

● Հաշվետվությունը կազմակերպությունը ներկայացնում է ձևում նշված հասցեներով և սահմանված ժամկետում:

● Ձևի ձախ անկյունում նշված կոդերը կազմակերպությունը չի լրացնում:

● Հաշվետվությունը ստորագրում է կազմակերպության ղեկավարը, ինչպես նաև նշվում է կատարողի (գլխավոր հաշվապահ կամ դրա համար լիազորված այլ աշխատակից) ազգանունն ու հեռախոսի համարը:

● Վիճակագրական տեղեկատվությունների ներկայացման հետ կապված այլ խնդիրները կարգավորվում են ՀՀ գործող օրենսդրությամբ:

___

² Առավել մեծ տեսակարար կշռի որոշման համար առաջարկվում է կողմնորոշվել ընդհանուր հասույթի, հավելյալ արժեքի կամ աշխատողների ընդհանուր թվաքանակի մեջ ունեցած բաժնով և այլ համանման բնութագրող չափանիշներով:

Հաշվետվության լրացման կարգը

1. Հաշվետվության I բաժինը «Արտադրանք» լրացվում է համաձայն «Պետական վիճակագրական դիտարկման ձևերում արդյունաբերական արտադրանքի ցուցանիշների արտահայտման համար» (Ձև թիվ 1-արտ.) պետական վիճակագրական հաշվետվության մեթոդական ցուցումների: Ընդ որում` հաշվետվության 4-րդ տողի տվյալները պետք է համապատասխանեն 1-արտ (տարեկան) հաշվետվական ձևի 810 տողի ցուցանիշներին, համապատասխանաբար, 5-րդ տողինը` 823 տողի, 6-րդ տողինը` 821 տողի, 7-րդ տողինը` 850 տողի, 8-րդ տողինը` 805 տողի, 9-րդ տողինը` 808 տողի, 10-րդ տողինը 883 (կամ 844) տողի, 11-րդ տողինը` 851 տողի ցուցանիշներին:

2. Հաշվետվության II բաժինը «Ֆինանսական արդյունքներ» լրացվում է համաձայն «Կազմակերպության ֆինանսական գործունեության հիմնական ցուցանիշների վերաբերյալ» (Ձև թիվ 1-ֆ) պետական վիճակագրական հաշվետվության լրացման հրահանգի: Հաշվետվության 12-րդ տողի տվյալները պետք է համապատասխանեն 1-ֆ (տարեկան) հաշվետվական ձևի 015 տողի, իսկ 13-րդ տողինը` 018 տողի ցուցանիշներին:

3. Հաշվետվության III բաժինը «Հիմնական միջոցներ» լրացվում է համաձայն «Հիմնական միջոցների առկայության և շարժի մասին» (Ձև թիվ 11 ՀՄ) պետական վիճակագրական հաշվետվության լրացման հրահանգի: Հաշվետվության 16-րդ տողի տվյալները պետք է համապատասխանեն 11-ՀՄ հաշվետվական ձևի 070 տողի ցուցանիշներին, համապատասխանաբար, 19-րդ տողինը` 080 տողի, 20-րդ տողինը` 020 տողի 3 սյունակի, 21-րդ տողինը` 020 տողի 8 սյունակի ցուցանիշներին:

4. Հաշվետվության IV բաժինը «Աշխատանք» լրացվում է համաձայն «Աշխատողների թվաքանակի և աշխատավարձի վիճակագրության վերաբերյալ» (Ձև թիվ 1-Ա) պետական վիճակագրական հաշվետվության մեթոդական ցուցումների: Հաշվետվության 22-րդ տողի տվյալները պետք է համապատասխանեն 1-Ա (տարեկան) հաշվետվական ձևի 03 տողի 2-րդ սյունակին, իսկ 25-րդ տողինը` 03 տողի 3-րդ սյունակի ցուցանիշին:

5. Հաշվետվության V բաժինը «էլեկտրաէներգիայի սպառումը և արտադրական գործընթացը սպասարկող էներգետիկ հզորությունը» լրացվում է համաձայն «Էլեկտրահաշվեկշիռ, էներգետիկ սարքավորումների կազմը և հաշվետվություն էլեկտրակայանների (էլեկտրագեներատորային տեղեկայանքների) աշխատանքի մասին» (Ձև թիվ 24-էներգետիկա) պետական վիճակագրական հաշվետվության լրացման հրահանգի: Հաշվետվության 27-րդ տողի ցուցանիշը պետք է համապատասխանի 24-էներգետիկա հաշվետվական ձևի 2-րդ բաժնի 40, 60, 70 տողերի 2 սյունակի հանրագումարին, իսկ 28-րդ տողինը` 04 տողի ցուցանիշին:

ՀՀ ՎԻՃԱԿԱԳՐՈՒԹՅԱՆ, ՊԵՏԱԿԱՆ ՌԵԳԻՍՏՐԻ ԵՎ ՎԵՐԼՈՒԾՈՒԹՅԱՆ ՆԱԽԱՐԱՐՈՒԹՅՈՒՆ ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅՈՒՆ

Հաշվետվությունում ներառված տեղեկությունների գաղտնիությունը երաշխավորվում է դրանք ստացող վիճակագրական մարմնի կողմից: Իրավաբանական անձանց, հիմնարկների պաշտոնատար անձանց կողմից պետական վիճակագրական դիտարկումների համար անհրաժեշտ վիճակագրական հաշվետվությունները սահմանված ժամկետներում և ամբողջ ծավալով չներկայացնելը, դրանք ոչ սահմանված ձևով, աղավաղումներով և անստորագիր ներկայացնելն առաջացնում են պատասխանատվություն` ՀՀ օրենսդրությամբ սահմանված կարգով:

ԱՐԴՅՈՒՆԱԲԵՐԱԿԱՆ ԿԱԶՄԱԿԵՐՊՈՒԹՅԱՆ ՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆԸ ՀԱՄԱԼԻՐ ԲՆՈՒԹԱԳՐՈՂ ՀԻՄՆԱԿԱՆ ՑՈՒՑԱՆԻՇՆԵՐԻ ԱՄՓՈՓ ԱՂՅՈՒՍԱԿ 1999 Թ.

ԾԱՆՈԹՈՒԹՅՈՒՆ. Սպառողական ապրանքների արտադրության մասին փաստացի տվյալները նախորդ տարվա համար բերվում են ըստ հաշվետու տարվա մեթոդաբանության և գների:

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

15 մայիսի 2000 Թ.

ՊԵՏԱԿԱՆ ԳՐԱՆՑՄԱՆ թիվ 12000037