114.0129.18.08.98

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍԵՓԱԿԱՆԱՇՆՈՐՀՄԱՆ ՆԱԽԱՐԱՐՈՒԹՅՈՒՆ

Հ Ր Ա Մ Ա Ն

ՆՈՐ ԲԱԺՆԵՏՈՄՍԵՐԻ ԹՈՂԱՐԿՄԱՆ ԱԶԴԱԳՐԻ ՕՐԻՆԱԿԵԼԻ ՁԵՎԸ ՀԱՍՏԱՏԵԼՈՒ ՄԱՍԻՆ

Ի կատարումն Հայաստանի Հանրապետության կառավարության 1998թ. հուլիսի 2-ի «Ֆոնդային բորսաներում նոր բաժնետոմսերի տեղաբաշխման միջոցով պետական գույքի մասնավորեցման կարգը հաստատելու մասին» N 416 որոշման 4-րդ կետի`

ՀՐԱՄԱՅՈՒՄ ԵՄ

Հաստատել Նոր բաժնետոմսերի թողարկման ազդագրի օրինակելի ձևը (կցվում է):

Օ ր ի ն ա կ ե լ ի   ա զ դ ա գ Ի ր

նոր բաժնետոմսերի թողարկման

ՏԵՂԵԿՈՒԹՅՈՒՆՆԵՐ ԲԱԺՆԵՏՈՄՍԵՐ ԹՈՂԱՐԿՈՂ ԸՆԿԵՐՈՒԹՅԱՆ (ԹՈՂԱՐԿՈՂԻ ՄԱՍԻՆ)

Մասնավորեցման նպատակով գույքի գնահատման պահին (առ 01.__ 199__ թ.)

1.13.1 Տրանսպորտային շարժակազմում առկա տեխնիկական միջոցների քանակը`

1.14. Անավարտ շինարարության օբյեկտներ և չտեղակայված սարքավորումներ`

1.15. Թողարկողի աշխատողների թվաքանակը (առ __ ________ 199 թ)

1.16. Թողարկվող արտադրանքի տեսականին, թողարկման ազդագիրը գրանցմանը ներկայացնելու պահի դրությամբ

Դրանց իրացման տեսակարար կշիռը (%)`

- հանրապետության շուկայում`

- ԱՊՀ շուկայում`

- համաշխարհային շուկայում`

1.17. Թողարկողի նկատմամբ ՀՀ պետական լիազորված մարմինների, դատարանի, պետական արբիտրաժի, ՀՀ հարկային մարմինների կողմից վերջին երեք տարիների ընթացքում օրենքով սահմանված կարգով կիրառված պատասխանատվությունը:

 ___________________________________________

(նշել պատասխանատվության միջոցների կիրառման ամսաթիվը, պատասխանատվության միջոցներ կիրառած պետական մարմինները, պատասխանատվության տեսակը, դրանց կիրառման պատճառը և չափերը, բաժնետոմսերի թողարկման ազդագիրը դրանցով մարմնի ներկայացնելու պահին պատասխանատվություն կիրառելու մասին համապատասխան որոշման կատարման ընթացքը):

ՏԵՂԵԿՈՒԹՅՈՒՆՆԵՐ ԹՈՂԱՐԿՈՂԻ ՖԻՆԱՆՍԱԿԱՆ ԴՐՈՒԹՅԱՆ ՄԱՍԻՆ

2.1. Ընկերության գույքի գնահատման պահին նախորդող վերջին երեք տարիների և թողարկման ազդագրի գրանցմանը նախորդող եռամսյակի հաշվեկշիռները, ինչպես նաև գույքի գնահատման արժեքը

2.2. Ընկերության գույքի գնահատման պահին նախորդող վերջին երեք տարիների և թողարկման ազդագրի գրանցմանը նախորդող եռամսյակի (աճողական կարգով) ֆինանսական արդյունքները

2.3. Երկարաժամկետ ֆինանսական ներդրումներ

2.4. Կարճաժամկետ ֆինանսական ներդրումներ

2.5. Որոշ ապրանքանյութական պաշարների շարժը

2.6. Դեբիտորական պարտքերի շարժը

2.7. Հաշվարկներ հիմնարկների հետ կանոնադրական կապիտալի գծով

2.8. Սեփական կապիտալի հիմնական տարրերի շարժը

2.9. Փոխառու միջոցների շարժը

2.9.1. Երկարաժամկետ պարտավորությունների շարժը

2.9.2. Կարճաժամկետ պարտավորությունների շարժը

2.10. Կրեդիտորական պարտքերի շարժը

2.11. Հաշվարկներ հիմնադիրների հետ` շահաբաժինների գծով

2.12. Գալիք ժամանակաշրջանի ծախսեր և վճարումների պահուստի շարժը

* Տվյալ տողերի գումարները աղյուսակի հանրագումարի մեջ չեն մտնում:

2.13. Այլ պարտավորություններ պետության նկատմամբ`

2.14. Թողարկողի պահուստային, կուտակման և այլ հիմնադրամների գոյացման, օգտագործման

կարգն ու պայմանները ______________________________________

___________________________________________________

            (լրացվում է համաձայն հիմնադիր փաստաթղթերի համապատասխան կետերի)

2.15. Վճարման ենթակա պասիվները առ. 1.0 ___ 199 ___ թ. կազմել են ____________ հազ. դրամ:

2.16. Այլ դրույթներ, որոնք սահմանվում են պետական գույքի մասնավորեցման մասին ՀՀ կառավարության որոշմամբ:

3. ՏԵՂԵԿՈՒԹՅՈՒՆՆԵՐ ԹՈՂԱՐԿՈՂԻ ԿԱՆՈՆԱԴՐԱԿԱՆ ՀԻՄՆԱԴՐԱՄԻ, ԹՈՂԱՐԿՎԱԾ ԵՎ ՇՐՋԱՆԱՌՈՒԹՅՈՒՆՈՒՄ ԳՏՆՎՈՂ ԱՐԺԵԹՂԹԵՐԻ ՄԱՍԻՆ

3.1. Ընկերության կանոնադրական հիմնադրամը կազմում է ____ հազ. դրամ, որը համապատասխանում է բաժնետոմսերի _______ հատ քանակի յուրաքանչյուրը _______դրամ անվանական արժեքով:

Բաժնետերերի կողմից մուծված է կանոնադրական հիմնադրամի __ % - ը:

3.2. Թողարկողի կողմից արդեն իսկ թողարկվել են`

___________________________________________________________(անցյալում

թողարկված և շրջանառության մեջ գտնվող բաժնետոմսերի, պարտատոմսերի թողարկման վերաբերյալ որոշումների ընդունման ամսաթիվը, դրանց տեսակը, անվանական արժեքը, թողարկված և տեղաբաշխված արժեթղթերի քանակը, դրանցով վճարվող շահաբաժինների (տոկոսների) չափերը, վճարման ժամկետները և կարգը, դրանց սեփականատերերի իրավունքները ու պարտականությունները, արժեթղթերի գնանշումը ֆոնդային բորսայում տվյալ թողարկման ազդագրի հաստատման դրությամբ):

4. ԲԱԺՆԵՏՈՄՍԵՐԻ ՏԵՂԱԲԱՇԽՄԱՆ ՄԱՍԻՆ

4.1. Ընկերության հայտարարված բաժնետոմսերի քանակը, որը սահմանվել է ՀՀ կառավարության 199  թ. « » թիվ ___ որոշմամբ: Ֆոնդային բորսայում տեղաբաշխման ենթակա բաժնետոմսերի քանակը ____ հատ:

4.2. Բաժնետոմսերի տեղաբաշխումն սկսվում է (նշել ֆոնդային բորսայի անվանումը) թողարկողի ցուցակման (լիստինգ) պահից 10 օր հետո և տևում մինչև 100 օր:

4.3. Բաժնետոմսեր թողարկող ընկերության ցուցակումն (լիստինգն) կատարումն ավարտվում է ՀՀ սեփականաշնորհման նախարարությունը բաժնետոմսերի թողարկման ազդագրի հրապարակումից հետո 10 օրվա ընթացքում:

4.4. Բաժնետոմսերի վաճառքի մեկնարկային գինը սահմանվում է դրանց անվանական արժեքի չափով: Բաժնետոմսերի դիմաց վճարումը կատարվում է դրամով, դրանց շուկայական արժեքով: Բաժնետոմսերի տեղաբաշխման համար դրամով կատարվող վճարումները ընդունվում են`

___________________

          (բանկի անվանումը)

հաշվի համարը ________________
                               (նշվում է հաշվի համարը)

4.5. Բաժնետոմսերի տեղաբաշխումը համարվում է ավարտված, եթե 4.2 կետում նշված ժամկետի ցանկացած ժամանակահատվածում տեղաբաշխման ներկայացված բոլոր բաժնետոմսերը տեղաբաշխվել են:

4.6. Բաժնետոմսերի տեղաբաշխման ժամանակահատվածում չտեղաբաշխված բաժնետոմսերը մնում են որպես հայտարարված բաժնետոմսեր:

4.7. Բաժնետոմսերի տեղաբաշխման ընթացքում իրացված բաժնետոմսերը ընկերության բաժնետերերի ռեեստրում գրանցվում են մրցույթով ընտրված անձի (անձերի) անունով: Տվյալ դեպքում վերջինս (վերջիններս) հանդես է գալիս որպես անվանական սեփականատեր (սեփականատերեր): Բաժնետոմսի սեփականատերը կարող է իրացնել բաժնետոմսի նկատմամբ սեփականության իր իրավունքները մրցույթով ընտրված անձի միջոցով:

Սույն ազդագրի 4.2. կետում նշված ժամկետում տեղաբաշխումն ավարտելու պահից 90 օրվա ընթացքում ՀՀ օրենսդրությամբ սահմանված կարգով բաժնետերերին տրամադրվում է բաժնետոմսերի հավաստագրեր:

Բաժնետոմսերի հավաստագրերը ստանալուց հետո մրցույթով ընտրված անձի անվանական սեփականատիրոջ ծառայություններից օգտվելու իրավունքը վերապահվում է բաժնետիրոջը:

4.8. Բաժնետոմսերի տեղաբաշխմանը կարող են մասնակցել «Պետական գույքի մասնավորեցման (սեփականաշնորհման) մասին» ՀՀ օրենքով սահմանված` մասնավորեցման սուբյեկտները:

4.9. Բաժնետոմսերի տեղաբաշխումը կատարվելու է հետևյալ հասցեով`

 __________

նշվում է մրցույթով ընտրված ֆոնդային բորսայի ինչպես նաև բրոքերային կամ արժեթղթերի թողարկման գործունեություն (անդերռայթինգ) իրականացնող անձի (անձանց) հասցեները

4.10. Եթե ազդագրի 4.2. կետում սահմանված ժամկետում ոչ մի բաժնետոմս չի տեղաբաշխվել, ապա ՀՀ կառավարությունը ընդունում է նոր որոշում` տվյալ ընկերության պետական բաժնետոմսերը Հայաստանի Հանրապետության օրենսդրությամբ սահմանված այլ ձևով մասնավորեցնելու վերաբերյալ:

5. ԲԱԺՆԵՏԵՐԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

5.1. Ընկերության կողմից տեղաբաշխված սովորական բաժնետոմսերի անվանական արժեքները պետք է լինեն միևնույնը: Ընկերության որոշակի տեսակի ամեն մի արտոնյալ բաժնետոմս ունի միևնույն անվանական արժեքը:

Ընկերության յուրաքանչյուր սովորական բաժնետոմս տալիս է իր սեփականատեր հանդիսացող բաժնետիրոջը միևնույն իրավունքներ:

5.2. Սովորական բաժնետոմսի սեփականատեր հանդիսացող բաժնետերն իրավունք ունի`

ա) մասնակցել ընկերության ընդհանուր ժողովին, վերջինիս իրավասությանը պատկանող բոլոր հարցերի նկատմամբ ձայնի իրավունքով.

բ) ստանալ շահաբաժիններ ընկերության գործունեությունից առաջացած շահույթից.

գ) ստանալ ընկերության գործունեության վերաբերյալ ցանկացած տեղեկատվություն` գաղտնի փաստաթղթերից բացի, այդ թվում` կանոնադրությամբ սահմանված կարգով ծանոթանալ հաշվապահական հաշվեկշռին, հաշվետվություններին, ընկերության արտադրատնտեսական գործունեությանը:

Ընկերության կանոնադրական հիմնադրամի առնվազն հինգ տոկոս կազմող ձայնի իրավունք տվող բաժնետոմսերին տիրապետող բաժնետերերը կարող են պահանջել փորձագետ կամ փորձագետների խումբ` ընկերության գործունեությանը վերաբերող հաշվետվությունները և գաղտնիք ներկայացնող փաստաթղթերը ստուգելու նպատակով,

դ) բաժնետերերի ընդհանուր ժողովում իր իրավունքները ներկայացնելու համար լիազորել երրորդ անձի,

ե) հայցով դիմել դատարան` ընկերության բաժնետերերի ընդհանուր ժողովի կողմից ընդունված և գործող օրենքներին և այլ իրավական ակտերին հակասող որոշումների գանգատարկման նպատակով,

զ) ընկերության լուծարման դեպքում ստանալ ընկերության գույքի իր հասանելիք մասը,

է) ընկերության միջոցների հաշվին ընկերության կանոնադրական հիմնադրամի ավելացման դեպքում անվճար ստանալ համապատասխան քանակությամբ սովորական բաժնետոմսեր,

ը) օտարել կամ այլ ձևով անձանց փոխանցել իր սեփականությունը հանդիսացող բաժնետոմսը,

թ) օգտվել ընկերության կանոնադրությամբ և ՀՀ օրենսդրությամբ նախատեսված այլ իրավունքներից *:

5.3. Սովորական բաժնետոմսերի սեփականատերերին չի կարող տրամադրվել նրանց պատկանող սովորական բաժնետոմսերի անվանական արժեքից և քանակից չբխող լրացուցիչ ձայնի իրավունք:

5.4. Բաժնետերը պարտավոր է.

● կանոնադրությամբ սահմանված կարգով կատարել դրամական և գույքային ներդրումներ,

● չհրապարակել ընկերության գործունեության վերաբերյալ գաղտնիք ներկայացնող տեղեկություններ,

● բաժնետերը կարող է կրել ընկերության կանոնադրությամբ սահմանված և ՀՀ օրենսդրությանը չհակասող այլ պարտավորություններ:

________

* լրացվում է համաձայն ընկերության կանոնադրության

6. ԸՆԿԵՐՈՒԹՅԱՆ ԲԱԺՆԵՏԵՐԵՐԻ ԸՆԴՀԱՆՈՒՐ ԺՈՂՈՎԸ

6.1. Ընկերության բաժնետերերի ընդհանուր ժողովը ընկերության կառավարման բարձրագույն մարմինն է: Ընկերությունը պարտավոր է ամեն տարի գումարել բաժնետերերի ընդհանուր ժողով` բաժնետերերի ընդհանուր տարեկան ժողով: Ընկերության տարեկան ժողովների միջև ընկած ժամանակահատվածը չպետք է 18 ամսից ավելի լինի:

6.2. Ընկերության բաժնետերերի ընդհանուր ժողովի իրավասությանն են պատկանում`

ա) ընկերության կանոնադրության հաստատումը, դրա մեջ փոփոխությունների և լրացումների կատարումը, ընկերության կանոնադրության հաստատումը նոր խմբագրությամբ.

բ) ընկերության վերակազմավորումը.

գ) ընկերության լուծարումը, լուծարային հանձնաժողովի նշանակումը, միջանկյալ և ամփոփիչ հաշվեկշիռների հաստատումը.

դ) ընկերության խորհրդի քանակական կազմի հաստատումը, դրա անդամների ընտրությունը և լիազորությունների վաղաժամկետ դադարեցումը.

ե) հայտարարված բաժնետոմսերի ծավալի առավելագույն չափի սահմանումը.

զ) ընկերության վերահսկիչ հանձնաժողովի անդամների (հսկիչի) ընտրությունը և նրանց (նրա) լիազորությունների վաղաժամկետ դադարեցումը.

է) ընկերության աուդիտն իրականացնող անձի հաստատումը.

ը) ընկերության տարեկան հաշվետվությունների, հաշվապահական հաշվեկշիռների, շահույթների և վնասների, հաշվի, շահույթների և վնասների բաշխման հաստատումը, տարեկան շահաբաժինների վճարման մասին որոշման ընդունումը և տարեկան շահաբաժինների չափի հաստատումը, ինչպես նաև ընկերության մասնաճյուղերի և ներկայացուցչությունների աշխատանքի տարեկան արդյունքների հաստատումը.

թ) ընկերության գույքի օտարման և ձեռք բերման հետ կապված խոշոր գործարքների կնքումը ՀՀ օրենսդրությամբ նախատեսված դեպքերում.

ժ) ՀՀ օրենսդրությամբ և ընկերության կանոնադրությամբ նախատեսված այլ իրավասություններ*:

6.3. Ընկերության բաժնետերերի ընդհանուր ժողովն իրավունք չունի քննարկել և որոշումներ ընդունել այն հարցերի շուրջ, որոնք ՀՀ օրենսդրությամբ չեն սահմանվել որպես ընկերության բաժնետերերի ընդհանուր ժողովի իրավասություն:

6.4. Ընկերության բաժնետերերի ընդհանուր ժողովի որոշումներն ընդունվում են ժողովին մասնակցող ձայնի իրավունք տվող բաժնետոմսերի սեփականատերերի ձայների պարզ մեծամասնությամբ (եթե ՀՀ օրենսդրությամբ և ընկերության կանոնադրությամբ այլ բան չի սահմանվում): Քվեարկությունը ընկերության բաժնետերերի ընդհանուր ժողովում իրականացվում է «ընկերության մեկ ձայնի իրավունք տվող բաժնետոմս ` մեկ ձայն» սկզբունքով:

6.5. Ժողովների նախապատրաստման, կազմակերպման և անցկացման կարգը սահմանվում է ընկերության կանոնադրությամբ և ՀՀ օրենսդրությամբ:

_______

* լրացվում է համաձայն ընկերության կանոնադրության

7. ԸՆԿԵՐՈՒԹՅԱՆ ԽՈՐՀՈՒՐԴԸ

7.1. Ընկերության խորհուրդն իրականացնում է գործունեության ընդհանուր ղեկավարումը, բացառությամբ այն հարցերի, որոնք ՀՀ օրենսդրությամբ և ընկերության կանոնադրությամբ վերաբերվում են ընկերության կանոնադրությամբ վերաբերվում են ընկերության բաժնետերերի ընդհանուր ժողովի բացառիկ իրավասությանը:

7.2. Ընկերության խորհրդի բացառիկ իրավասությանն են պատկանում`

ա) ընկերության գործունեության հիմնական ուղղությունների որոշումը.

բ) ընկերության բաժնետերերի տարեկան և արտահերթ ընդհանուր ժողովների գումարները, բացառությամբ ՀՀ օրենսդրությամբ նախատեսված դեպքերի.

գ) ընկերության բաժնետերերի ընդհանուր ժողովին մասնակցելու իրավունք ունեցող բաժնետերերի ցուցակը կազմելու ամսաթվի հաստատումը, ինչպես նաև բոլոր այն հարցերի լուծումը, որոնք կապված են ընկերության բաժնետերերի ընդհանուր ժողովի նախապատրաստման և գումարների հետ.

դ) ՀՀ օրենսդրությամբ նախատեսված դեպքերում ընկերության տեղաբաշխված բաժնետոմսերի, պարտատոմսերի և այլ արժեթղթերի ձեռք բերումը.

ե) ընկերության պահուստային հիմնադրամի օգտագործումը.

զ) ընկերության կառավարման մարմինների գործունեությունը կանոնակարգող ներքին փաստաթղթերի հաստատումը.

է) ՀՀ օրենսդրությամբ և ընկերության կանոնադրությամբ նախատեսված այլ հարցերի լուծումը*:

7.3. Ընկերության խորհրդի բացառիկ իրավասության ենթակա հարցերը չեն կարող փոխանցվել ընկերության գործադիր մարմնի լուծմանը:

7.4. Ընկերության խորհրդի անդամները ընտրվում են ընկերության բաժնետերերի տարեկան ընդհանուր ժողովում մեկ տարի ժամկետով` ՀՀ օրենսդրությամբ և ընկերության կանոնադրությամբ սահմանված կարգով:

Ընկերության խորհրդի անդամների լիազորությունների ընդհանուր տևողությունը չի սահմանափակվում:

7.5. Ընկերության խորհրդի քանակական կազմը սահմանվում է ընկերության կանոնադրությամբ կամ ընկերության բաժնետերերի ընդհանուր ժողովի որոշմամբ, բայց չի կարող երեք հոգուց պակաս լինել:

Ընկերության գործադիր մարմնի (գործադիր տնօրենը և վարչությունը) ներկայացուցիչները չեն կարող ընկերության խորհրդի կազմում մեծամասնություն կազմել:

7.6. Ընկերության այլ բաժնետերերը, որոնք տիրապետում են ընդհանուր բաժնետոմսերի տաս և ավելի տոկոսին, իրավունք ունեն առանց ընտրության ընդգրկվել ընկերության խորհրդի կազմում, կամ նշանակել իրենց ներկայացուցչին:

Ընկերության խորհրդի անդամներ կարող են լինել նաև ընկերության բաժնետերեր չհանդիսացող անձինք:

Յուրաքանչյուր բաժնետեր խորհրդում կարող է զբաղեցնել միայն մեկ տեղ:

7.7. Ընկերության խորհրդի նախագահը ընտրվում է ընկերության խորհրդի անդամների կողմից խորհրդի անդամների կազմից` խորհրդի անդամների ընդհանուր քանակի ձայների մեծամասնությամբ, եթե ընկերության կանոնադրությամբ ավելի մեծ թիվ չի նախատեսված:

Ընկերության խորհուրդը կարող է ցանկացած ժամանակ վերընտրել նախագահին կամ ընտրել նոր նախագահ` ընկերության խորհրդի անդամների ընդհանուր քանակի ձայների մեծամասնությամբ, եթե ընկերության կանոնադրությամբ այլ բան չի նախատեսված:

Հինգ հարյուրից ավել ձայնի իրավունք տվող բաժնետոմսերի սեփականատեր հանդիսացող բաժնետեր ունեցող ընկերության խորհրդի նախագահի և գործադիր տնօրենի պաշտոնները չեն կարող համատեղվել:

_______

* լրացվում է համաձայն ընկերության կանոնադրության

8. ԸՆԿԵՐՈՒԹՅԱՆ ԳՈՐԾԱԴԻՐ ՄԱՐՄԻՆԸ: ԸՆԿԵՐՈՒԹՅԱՆ ԳՈՐԾԱԴԻՐ ՏՆՕՐԵՆԸ

8.1. Ընկերության ընթացիկ գործունեության ղեկավարումն իրականացնում է ընկերության գործադիր մարմինը, գործադիր տնօրենը` ընկերության վարչության հետ համատեղ:

Ընկերության գործադիր մարմնի իրավասությանն են պատկանում*

8.2. Ընկերության վարչությունը ներառում է ընկերության գործադիր տնօրենին, նրա տեղակալին (տեղակալներին), գլխավոր հաշվապահին, ինչպես նաև ընկերության գործունեությունը կարգավորող այլ վարձու աշխատողների:

Ընկերության վարչության նիստերը կազմակերպում և վարում է ընկերության գործադիր տնօրենը, որը ստորագրում է վարչության որոշումները և վարչության նիստի արձանագրությունը:

______

*լրացվում է համաձայն ընկերության կանոնադրության

9. ԸՆԿԵՐՈՒԹՅԱՆ ԿԱՌԱՎԱՐՄԱՆ ՄԱՐՄԻՆՆԵՐԻ ԱՆԴԱՄՆԵՐԻ ՊԱՏԱՍԽԱՆԱՏՎՈՒԹՅՈՒՆԸ

9.1. Ընկերության խորհրդի անդամները, ընկերության գործադիր տնօրենը, ընկերության վարչության անդամները, ինչպես նաև կառավարիչ կազմակերպությունը և անհատ կառավարիչն ընկերության առջև օրենքով սահմանված կարգով պատասխանատվություն են կրում իրենց գործողությունների (անգործության) հետևանքով ընկերությանը պատճառած վնասի համար:

Ընկերության խորհրդի կամ վարչության անդամի հրաժարականը կամ պաշտոնից հետ կանչելը կամ ազատելը չի ազատում նրա ընկերությանը հասցրած վնասի համար պատասխանատվությունից:

10. ԸՆԿԵՐՈՒԹՅԱՆ ՖԻՆԱՆՍԱՏՆՏԵՍԱԿԱՆ ԳՈՐԾՈՒՆԵՈՒԹՅՈՒՆԸ

10.1. Ընկերության ֆինանսատնտեսական գործունեության վերահսկումն իրականացնելու համար ընկերության բաժնետերերի ընդհանուր ժողովն ընտրում է ընկերության վերահսկիչ հանձնաժողով:

Վերահսկիչ հանձնաժողովը (հսկիչ) հետևում է ընկերության կառավարման մարմինների որոշումների կատարմանը, ստուգում է ընկերության փաստաթղթերի համապատասխանությունը օրենքներին, այլ իրավական ակտերին և ընկերության կանոնադրությանը:

10.2. Ընկերության ֆինանսատնտեսական գործունեության ստուգման նպատակով ընկերությունը կարող է ներգրավել արտաքին աուդիտորների (կազմակերպության կամ ֆիզիկական անձի)` կնքելով նրանց հետ համապատասխան պայմանագիր:

10.3. Ընկերությունը ՀՀ օրենսդրությամբ սահմանված կարգով վարում է հաշվապահական հաշվառում և ներկայացնում է ֆինանսական ու վիճակագրական հաշվետվություն:

10.4. Ընկերությունը պարտավոր է ՀՀ օրենսդրությամբ սահմանված ժամկետների ընթացքում պահպանել և սահմանված կարգով ընկերության բաժնետերերին տրամադրել ընկերության փաստաթղթերը:

10.5. Ընկերությունը պարտավոր է հրապարակել ընկերության բաժնետերերի համար մատչելի զանգվածային լրատվության միջոցներով ՀՀ օրենսդրությամբ սահմանված կարգով պարտադիր հրապարակման ենթակա տեղեկություններ:

11. ԱՅԼ ԴՐՈՒՅԹՆԵՐ

11.1. Թողարկման ազդագիրը գրանցող մարմինը` ՀՀ ֆինանսների և էկոնոմիկայի նախարարությունը պատասխանատվություն չի կրում ընկերության պարտավորությունների և սույն թողարկման ազդագրով հրապարակված տեղեկությունների ճշտության համար:

11.2. Արժեթղթերի սեփականատերերի ռեեստրը կվարվի _________________

______________________________________________ կողմից:

(ձեռնարկության, հաստատության անվանումը, հասցեն)

ԳՐԱՆՑՎԱԾ Է

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

18 սեպտեմբերի 1998 Թ.
պԵՏԱԿԱՆ ԳՐԱՆՑՄԱՆ ԹԻՎ 17980186