«Գրանցված է»
ՀՀ արդարադատության
նախարարության կողմից
6 ապրիլի 2004 թ.
Պետական գրանցման թիվ 11804064
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ
24 մարտի 2004 թ. |
N 270-Ն |
Հ Ր Ա Մ Ա Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵՆԵՐՈՎ ՆԱԽԱՏԵՍՎԱԾ ԾԱԽՍԱՅԻՆ ԾՐԱԳՐԵՐԻ ԳԾՈՎ ՀԱՍՏԱՏՎԱԾ ՀԱՏԿԱՑՈՒՄՆԵՐԻ՝ ՕՐԵՆՔՆԵՐՈՎ ՍԱՀՄԱՆՎԱԾ ՇՐՋԱՆԱԿՆԵՐՈՒՄ ՀՀ ԿԱՌԱՎԱՐՈՒԹՅԱՆԸ ԹՈՒՅԼԱՏՐՎԱԾ ՎԵՐԱԲԱՇԽՈՒՄՆԵՐԻ ԻՐԱԿԱՆԱՑՄԱՆ ՀԱՄԱՐ ՀՀ ՊԵՏԱԿԱՆ ԿԱՌԱՎԱՐՄԱՆ ՄԱՐՄԻՆՆԵՐԻ ԿՈՂՄԻՑ ՀՀ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ ՀԱՄԱՁԱՅՆԵՑՄԱՆ ՆՊԱՏԱԿՈՎ ՆՅՈՒԹԵՐԻ ՆԵՐԿԱՅԱՑՄԱՆ ԵՎ ԴՐԱՆՑ ՔՆՆԱՐԿՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Հիմք ընդունելով ՀՀ կառավարության 2002 թվականի հուլիսի 11-ի «Հայաստանի Հանրապետության ֆինանսների և էկոնոմիկայի նախարարության կանոնադրությունն ու աշխատակազմի կառուցվածքը հաստատելու մասին» N 1460-Ն որոշման N 1 հավելվածի 8-րդ կետի «գ» ենթակետի 8-րդ պարբերությամբ ՀՀ ֆինանսների և էկոնոմիկայի նախարարության սահմանված գործառույթը` «Հայաստանի Հանրապետության բյուջետային համակարգի մասին» ՀՀ օրենքի 23-րդ հոդվածի 3-րդ մասի 2-րդ պարբերությանը համապատասխան ՀՀ կառավարությանը վերապահված իրավասությունների իրականացման գործընթացի շրջանակներում ՀՀ պետական կառավարման մարմինների կողմից ՀՀ ֆինանսների և էկոնոմիկայի նախարարություն նյութերի ներկայացման և քննարկման ընթացակարգը, ինչպես նաև այդ կապակցությամբ նախարարությունում իրականացվող փաստաթղթաշրջանառությունը կանոնակարգելու նպատակով`
ՀՐԱՄԱՅՈՒՄ ԵՄ`
Սահմանել, որ Հայաստանի Հանրապետության պետական բյուջեներով նախատեսված ծախսային ծրագրերի գծով հաստատված հատկացումների՝ օրենքներով սահմանված շրջանակներում ՀՀ կառավարությանը թույլատրված վերաբաշխումների իրականացման համար ՀՀ պետական կառավարման մարմինների կողմից ՀՀ ֆինանսների և էկոնոմիկայի նախարարություն համաձայնեցման նպատակով նյութերի ներկայացումը և դրանց քննարկումն իրականացվում է Հայաստանի Հանրապետության ֆինանսների և էկոնոմիկայի նախարարի 2003 թվականի ապրիլի 10-ի «Հայաստանի Հանրապետության 2003 թվականի պետական բյուջեի մասին» ՀՀ օրենքի N 1 հավելվածով նախատեսված ծախսային ծրագրերի գծով հաստատված հատկացումների՝ օրենքով սահմանված շրջանակներում ՀՀ կառավարությանը թույլատրված վերաբաշխումների իրականացման համար ՀՀ պետական կառավարման մարմինների կողմից ՀՀ ֆինանսների և էկոնոմիկայի նախարարություն համաձայնեցման նպատակով նյութերի ներկայացման և դրանց քննարկման կարգը հաստատելու մասին» N 321-Ն հրամանով հաստատված կարգին համապատասխան:
Նախարար՝ |
Վ. Խաչատրյան |
![loading...](/static/img/loader.gif)