ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ ՈՐՈՇ ՈՐՈՇՈՒՄՆԵՐՈՒՄ ՊՏՈՒՂԲԱՆՋԱՐԵՂԵՆԱՅԻՆ ԱՐՏԱԴՐԱՆՔԻ ԱՌԱՆՁԻՆ ՏԵՍԱԿՆԵՐԻ ՄԱՍՈՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 43-րդ և 45-րդ հոդվածներին, «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 16-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 7-րդ և 16-րդ կետերին համապատասխան՝ Եվրասիական տնտեսական հանձնաժողովի խորհուրդը որոշեց.

1. «Եվրասիական տնտեսական միության միասնական մաքսասակագնային կարգավորման մասին» Մաքսային միության հանձնաժողովի 2009 թվականի նոյեմբերի 27-ի թիվ 130 որոշման 7-րդ կետը լրացնել հետևյալ բովանդակությամբ 7.1.76 ենթակետով՝

«7.1.76.Սննդամթերքի արտադրության կամ մանրածախ առևտրում իրացման (վաճառքի) համար նախատեսված պտուղբանջարեղենային արտադրանքի առանձին տեսակներ՝

ԵԱՏՄ ԱՏԳ ԱԱ 0701 90 ծածկագրով դասակարգվող, 150 հազար տոննայից ոչ ավելի ծավալով Ռուսաստանի Դաշնություն ներմուծվող կարտոֆիլ․

ԵԱՏՄ ԱՏԳ ԱԱ 0706 10 000 1 ծածկագրով դասակարգվող, 5 հազար տոննայից ոչ ավելի ծավալով Բելառուսի Հանրապետություն և 55 հազար տոննայից ոչ ավելի ծավալով Ռուսաստանի Դաշնություն ներմուծվող գազար․

ԵԱՏՄ ԱՏԳ ԱԱ 0808 10 800 1, 0808 10 800 2 և 0808 10 800 3 ծածկագրերով դասակարգվող, 20 հազար տոննայից ոչ ավելի ծավալով Բելառուսի Հանրապետություն և 230 հազար տոննայից ոչ ավելի ծավալով Ռուսաստանի Դաշնություն ներմուծվող խնձոր։

Նշված սակագնային արտոնությունը տրամադրվում է սույն ենթակետի առաջին պարբերության մեջ նշված ապրանքների շարքին ներմուծվող ապրանքները դասելու մասին Բելառուսի Հանրապետության կամ Ռուսաստանի Դաշնության լիազորված մարմնի կողմից համապատասխանաբար տրված հաստատման առկայության դեպքում, որը պարունակում է տեղեկություններ այդ ապրանքների անվանացանկի ու քանակի, ինչպես նաև դրանց ներմուծումն իրականացնող կազմակերպությունների մասին։

Նշված սակագնային արտոնության կիրառմամբ «բացթողում՝ ներքին սպառման համար» մաքսային ընթացակարգով ձևակերպվող ապրանքների իրացումը (վաճառքը) թույլատրվում է՝

սննդամթերք արտադրողներ հանդիսացող և Բելառուսի Հանրապետությունում կամ Ռուսաստանի Դաշնությունում համապատասխանաբար գրանցված անձանց՝ այդպիսի արտադրանք արտադրելու համար.

մանրածախ առևտուր իրականացնող և Բելառուսի Հանրապետությունում կամ Ռուսաստանի Դաշնությունում համապատասխանաբար գրանցված անձանց՝ հետագա մանրածախ իրացման (վաճառքի) համար։

Անձանց՝ սույն ենթակետի յոթերորդ և ութերորդ պարբերություններում նշված անձանց (այսուհետ՝ նպատակային ստացողներ) շարքին դասելու չափանիշները կամ նպատակային ստացողների ցանկը կարող են համապատասխանաբար սահմանվել Բելառուսի Հանրապետության կամ Ռուսաստանի Դաշնության օրենսդրությանը համապատասխան։

Նշված սակագնային արտոնության կիրառմամբ «բացթողում՝ ներքին սպառման համար» մաքսային ընթացակարգով ձևակերպված ապրանքների օգտագործման և (կամ) տնօրինման հետ կապված սահմանափակումները գործում են՝

նպատակային ստացողների կողմից «բացթողում՝ ներքին սպառման համար» մաքսային ընթացակարգով տվյալ ապրանքների ձևակերպման դեպքում՝ մինչև նպատակային ստացողների պահեստ ապրանքների մուտքագրման պահը, սակայն «բացթողում՝ ներքին սպառման համար» մաքսային ընթացակարգին համապատասխան՝ այդ ապրանքների բացթողման օրվանից ոչ ավելի, քան 120 օրացուցային օր․

նպատակային ստացողներ չհանդիսացող անձանց կողմից «բացթողում՝ ներքին սպառման համար» մաքսային ընթացակարգով տվյալ ապրանքների ձևակերպման դեպքում՝ մինչև նպատակային ստացողին այդ ապրանքների փոխանցման պահը, սակայն «բացթողում՝ ներքին սպառման համար» մաքսային ընթացակարգին համապատասխան՝ այդ ապրանքների բացթողման օրվանից ոչ ավելի, քան 120 օրացուցային օր։

Նպատակային ստացողի պահեստ ապրանքների մուտքագրումը կամ այդպիսի նպատակային ստացողներին ապրանքների փոխանցումը հաստատող փաստաթուղթը՝ այդ ապրանքների ընդունման կամ ընդունման-հանձնման ակտն է կամ դրա պատճենը։

Սույն ենթակետով նախատեսված սակագնային արտոնությունը տրամադրվում է «բացթողում՝ ներքին սպառման համար» մաքսային ընթացակարգով ձևակերպվող (ձևակերպված) այն ապրանքների համար, որոնց համար ապրանքների հայտարարագիրը, իսկ մինչև ապրանքների հայտարարագիր ներկայացնելն ապրանքների բացթողման դեպքում՝ մինչև ապրանքների հայտարարագիր ներկայացնելը ապրանքների բացթողման մասին դիմումը գրանցվել են Բելառուսի Հանրապետության կամ Ռուսաստանի Դաշնության մաքսային մարմնի կողմից համապատասխանաբար՝ 2025 թվականի հունվարի 1-ից մինչև 2025 թվականի հուլիսի 31-ը ներառյալ։»։

2. Մաքսային միության հանձնաժողովի 2011 թվականի հուլիսի 15-ի թիվ 728 որոշմամբ հաստատված՝ Մաքսային միության միասնական մաքսային տարածք ապրանքների առանձին կատեգորիաների ներմուծման ժամանակ մաքսատուրքերի վճարումից ազատում կիրառելու կարգի 15-րդ կետում «7.1.75» թվերը փոխարինել «7.1.76» թվերով:

3. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո, սակայն 2025 թվականի հունվարի 1-ից ոչ շուտ։

Պաշտոնական հրապարակման օրը՝ 29 օգոստոսի 2025 թվական: